هل للحب اعمار

[melad]

السلام عليكم
لقد قمت بكتابة مجموعة من القصص وهذه احدى كتباتي ارجوا ان تنال اعجاب الجميع

هل للحب اعمار....؟ من كتباتي(melad)

الجزاء الاول



كانت مها الفتاه الوحيدة لام وأب فقدتهما عندما بلغت الخامسة من العمر وقامت جدتها على رعايتها والاهتمام بها وتعليمها.

قامت جدتي برعايتي والاهتمام بي وتعليمي كل إلي أبغاة واحتاج إلية من أمور تنفعني في الحياة وبما أننا كنا نعيش في قرية صغيرة بجنوب المملكة فاهم شي تعلمته هو الاهتمام بالمزرعة و الأبقار والأغنام ....

وصرت أجيد الاهتمام بها بعناية وخبرة كبيرة...

وصلت لسن العاشرة من العمر كانت جدتي تخليني اخذ الأغنام لرعي

وبما أن قريتنا تدهورت مزروعاتها بسبب الجفاف وقلة المياه إلى ما تكفي إلا لناس...

كنت أروح مناطق أخرى مجاوره تدلني جدتي عليها اخذ الأغنام لرعي بها

فاستيقظ كل صباح واذهب بالأغنام في مناطق متفرقة لرعي ثم أعود عند الظهر والقي جدتي قد جهزت الغداء وتنتظرني لأكل معها

وفي يوم وإحنا على الغداء طق الباب .....

يا الله ذاك الباب باب قديم من الخشب فيه شقوق كثيرة وهو لبيت عبارة عن احجار غير مستوية وبأشكال وأحجام مختلفة متراصة فوق بعضها بطريقة جميله متماسكة

قمت بسرعة وفتحت الباب كنا في ذاك الوقت نحس بالأمان نعرف جميع من في القرية ونعرف انه ما يطق الباب إلا واحد نعرفه لذا ما كان علينا استجواب من يطق الباب قبل فتحة ...

كان عند الباب رجال غريب ما هو من القرية وحامل بيده طفل رضيع

قال لي:

....*أسلام عليكم .....وين الخالة غالية

مها*مين أنت

....*أنا عبدالله بن احمد

ركضت لجدتي :امي في واحد بالباب يبيك

امي*مين هو يا بنتي

مها*يقول عبدالله بن احمد

قامت جدتي بسرعة ورحت لباب

امي*مين

عبدالله*أنا عبدالله يا خالة

امي*هلا ولدي ايش فيه خير

صمت لفترة بعدين قال*ولدك سعيد عطاك عمرة هو وزوجته

حطت جدتي (امي) يدينها على رأسها وهي تصيح

يا ويلي على وليدي ..

يا ويلي على وليدي ...

ليت ربي أخذني قبل ما اسمع بهذا الخبر

وبكت ..وصاحت ..وتمنت الموت ...والرجل الغريب يهدي فيها وهو حامل الطفل بيده

عبدالله*يا خالة هذا قضاء الله ..والموت علينا حق ...اذكري الله ..اذكري الله..

وبعد وقت قصير هديت ولكن الدموع باقي في عيونها

وكان جدتي تذكرت أن الرجال واقف على الباب قالت وهي تمسح دموعها إلي سال غيرها على خدها*سامحني يا ولدي تفضل ادخل

دخل الرجال و جلسنا كلنا بعد شوي قام ومد يده بالطفل إلي بيده لجدتي و قال :

عبدالله*يا خالة هذا حمد ولد سعيد

أخذته جدتي وضمته لصدرها وهي تقبل رأسه وخده وتبكي

وقف الرجال واستأذن وخرج

أنا ما فهمت السالفة مين هذا ولية جدتي ماسكة فيه كذا وليه الرجال خلاه وراح

بعدين عرفت السالفة من جدتي هذا ولد عمي ..

مات عمي وزوجته بسبب مرض أصابهم ..

وبما أن جدتي لم تنجب سوى أبي وعمي فقد كان عليها أن تهتم به .

قامت جدتي بالاهتمام بحمد يا الله كم هو ولد كثير البكاء في الشهور الأولى لوصوله

بعد فترة وكأنه تعود على الوضع وصار ينادي جدتي

أمآ (ماما)

تعودت على سماع صوته وضحكته وعلى رويته يستقبلني أول الطريق وأنا رجعة من الرعي يركض ناحيتي فاحمله واقبل رأسه ثم نعود للبيت لتستقبلنا جدتي بالغداء

مرت الأيام بسرعة حمد صار في الثامنة...

يروح لرعي بالأغنام بما انه لا توجد مدرسة في القرية وأنا اجلس بالبيت لمساعدة جدتي بما أنني كبرت و ما يصير أروح لرعى مع الأولاد

كنت انتظر حمد في أول الطريق إلى أن يأتي لأني أخاف علية من الضياع لأنه باقي صغير

بس جدتي كانت تقول:

مها خلي الولد يعتمد على نفسه ويحمل مساوليتنا من الحين حتى نعتمد عليه إذا كبر

راح القلق عني لما طلع لحسن حظي

سالم صديق طفولتي في الرعي إلي كل أهل القرية تعتمد علية في أعمالها والاهتمام برعيها كان يأتي كل صباح ويأخذ حمد معاه لرعي ويرجعه الظهر

تعودت على هذا الحال كل يوم صباح أقوم بتجهيز حمد وأحط الطعام له ولسالم ليصبراهم لين وقت الغداء

وأول ما يأتي سالم لأخذ حمد أوصيه:انتبه لحمد لا يغيب عن عينك

سالم*ابشري راح أحطة في عيوني

أراقبهم ألين يختفون عن عيني أروح اجلس افطر أنا وجدتي

بعدين أقوم بالكنس والتنظيف والترتيب وجلب الحطب لطبخ الغداء وجلب الماء للغسيل واستمر في العمل إلى أن يأتي وقت الظهر وقت رجوع حمد

كنت أحب انتظر وصولهم على أول الطريق وأول ما يوصلون

اردد نفس الكلام بسرعة :يعطيك العافية

سالم*يعافيك

مها*كيف الرعي اليوم

سالم*الخير كثير

مها*حمد الله على كل حال

ثم بعد ما يروح سالم اخذ حمد من يده وندخل للغداء

كنت بالأول أقف بأول الطرق انتظر عوده حمد بس بعد فترة قصيرة

صرت انتظر عودة الاثنين بفارغ الصبر

وأخاف أن تأخرا عن موعد وصلهم

وأعاتب سالم بسبب التأخير

كنت كلما أعاتب سالم ما يرد علي يوقف يسمع كلامي وهو يتبسم

حتى أني في بعض الأحيان أحس انه يتعمد يتأخر علشان أعاتبة

ما لاحظت أني بدأت أحب سالم بس بعد فترة نبهتني جدتي وقالت:

مها ليه تعاتبين سالم على تأخره هذا مو من حقك

مها*بس أنا أخاف على حمد واعرف انه ما راح يرجع بدون سالم حتى لو تأخر يوم كامل

امي*أنت خائفة على حمد ولا سالم

مها*....................

امي*مها ليه ما تردين؟

مها*ايش أقول.....!

امي*قولي إلي عندك

مها*ما عندي شي

امي*مها يا بنتي ما يصير كل يوم توقفين بالطريق تنتظري حمد الناس بي يلاحظون ويتكلمون عنك.

مها*عني أنا ليه أنا ايش سويت وقفت لانتظر حمد

امي*ألناس ما يعرفون هذا الكلام ...ويضنون انك توقفين بطريق علشان سالم.

ارتبكت وعرفت أن جدتي تعرف أني بديت أميل لسالم وان إنكاري مراح يفيد

صمت ما تكلمت وانتظرت عتاب جدتي لي

جدتي صمتت ما تكلمت ما عاتبتني

ونظرت عيونها

وصل لي كل الكلام إلي ودها تقوله وفهمته

(الناس ما ترحم يا بنتي وإحنا حريم لوحدنا من دون رجال ...وكلمه وحدة تطلع من أي واحد فيهم تهد كل شي وتعرضنا للإهانة وتخلينا ما نسوى شي وسمعتنا بالأرض.. والإشاعة تنتشر بسرعة و محداً يقدر يوقفها ابد )



يا الله كم الناس ظالمين



وكم هم ما يقدرون الواحد ولا يعترفون بجميله حتى لو غلط بدون قصد حتى لو كانت أشاعه يحاولون تنميتها ونشرها من



غير ما يعرفون الحقيقة



تجنبت الطلوع لمقابلة سالم بكل الطرق



وجدتي هي إلي قامت توصل حمد ليد سالم في الصباح وترجعه للبيت في الظهر



بعد ما وصلته اول مرة قالت لي:سالم سال عنك واستغرب أني خرجت له بدل منك



ما رديت وانتظرت تنهي كلامها



امي*قلت له انك ما راح تخرجين لتوصيل حمد بعد اليوم لأنه كبر وراح يعتمد على نفسه من اليوم



طالعت بوجه جدتي لقيتها تناظرني وكأنها تدور لشي بوجهي قمت بسرعة ودخلت للمطبخ مافية حطب يكفي لطبخ



مها*يمه غالية.....(من أول ما كبرت صرت اسميها أمي غالية)



امي*نعم بنيتي



مها*مافي حطب يكفي لطبخ



امي*أنا بروح بعد شوي احتطب



مها*يعطيك العافية أنشا لله



دخلت المطبخ مرة ثانية ونظفت وكنست وغسلت لين جابت جدتي الحطب قمت طبخت وعلى غير عادتي ولأول مرة استنا



وصول حمد من الشباك



وقمت أفكر



لو أني ما حبيت سالم



لو أني تماسكت وما بينت حبي قدام جدتي



لو أني احتفظت فيه بقلبي



لكن صدق من قال الحب يفضح صاحبة



هذا قطيع الأغنام طالع على أول الطريق



هذا حمد جاي يمشي لوحدة



وين سالم ما أشوفه حصل له شي



سالت نفسي(سالم وين أنت ...؟) وكاني انتظر يرد علي



وصل حمد للباب



دخل وهو ينادي *مها........يمه....وينكم...؟



حسيت بالخوف يا ويلي عليك يا سالم ...؟



طلعت له وأنا ارتجف من الخوف



مها*أنا هنا



وامي واقفة بجنبه



حمد*وين الغداء أنا جوعان



يتكلم عن الغداء أي غدا وين سالم بالأول ..؟



ما قدرت أساله وجدتي واقفة بجنبه



وكأنه عرف إلي أفكر فيه قال:



حمد*سالم كان مستعجل يبي يروح البيت ما قدر يوصلني للبيت



قالي تدل البيت .....قلت إيه .....قال يا لله روح أنت صرت رجال



ولف على امي *يمه أنا رجال



امي*أي والله يا ولدي رجال ونعم فيك



قام حمد يصيح من الفرحة وهو يقول*أنا رجال ....أنا رجال



يا الله الصغار يجننون يا زينهم يوم يفرحون



مرت الأيام وأنا ما اطلع من البيت ولا أروح احتطب ولا اجلب الماء جدتي هي إلي تجيب كل شي



وأنا بس اكنس واطبخ وأنظف



ألين جاء يوم تعبت فيه جدتي من رجليها وما قدرت تمشي



امي*مها يا بنيتي



مها*نعم يمه



امي*روحي احتطبي اليوم أنا رجولي تعبتني



بصراحة فرحت كثير لأني بخرج من البيت وحزنت على جدتي ...



بس ما يهم جدتي رح تقوم بكرة وهي متعافية انشالله



بس أنا ما راح اخرج مرة ثانية هذي فرصتي الوحيدة



أخذت الحبل وخرجت مشيت لمسلفة ولقيت مجموعه من بنات القرية مجتمعات



أول ما شافوني



ريم*مها هذي أنتي



مها*أية أنا



وجن يمي كلهن يسلمن علي



ريم*وينك يا القاطعة معاد شفناك



العنود*وين أيامك



علوية*قلنا انك تزوجتي من ورانا



مها تبنسم*لا ما أتزوج دون ما ترقصن بزواجي



ريم*الله يقطع سوالفك



سلوى*خمس شهور والله نسينا وجودك



ضحكنا ...و ولعبنا .....وسولفنا....



وبعدين تفرقنا كل وحدة منا لشغلها



بس اتفقنا أننا نواصل بعض حتى ولو بتوصيل السلام مع الصغار



رحت أدور للحطب



مشيت لين لقيت أغصان متناثرة قمت بجمعها وربطتها بالحبل



حملتها على راسي ومشيت راجعه للبيت



وأنا ماشية سمعت صوت خطوات ورأيه



خفت في البداية وحاولت أسرع بالمشي فجاة سمعت صوت يناديني



.............*مها....هذي أنتي....؟



هذا الصوت مو غريب وأنا اعرف صاحبة



وقفت ورميت الشال على وجهي ولفيت يم الصوت



كان ضني في محلة وصاحب الصوت ما هو ألا سالم



عاجلني سالم بالقول: يعطيك العافية



مها*يعفيك



سكت وكأنه متردد بعدين قال :وينك من زمان ما بينتي.؟



مها بخجل*أنا موجودة بالبيت



سالم*يا لله كم افتقدت لشوفتك



وكأني ما سمعت :ايش تقول....؟



سالم*مها سمعتي ايش قلت ما يحتاج أعيد



ضحكت من دخلي من غير ما أبين له



وقلت في نفسي( والله حتى أنا افتقدت لشوفتك )



فجاه حسيت برجفة لما تذكرت كلام جدتي لو شافونا الناس واقفين سوى ايش راح يصير



وكأنه عرف في ايش أفكر



قال بسرعة ودون تفكير:مها أنا أبيك زوجة لي



مها بارتباك*سالم ايش هذا الكلام إلي تقوله ما يصير تكلمني بهذا الموضوع



سالم*بس أنا أبيك



مها تتلفت حوليها*تبيني روح كلم أهلي



سالم*بس



مها بخوف *سالم أرجوك مالك كلام معي



ومشيت بسرعة وهو يحاول يتكلم



وصلت البيت لقيت جدتي تنتظرني والتعب والخوف مبين على وجهها



رميت الحطب ورحت يمها



امي*مها ليه تاخرتي



مها*يمه ليه قمتي من فراشك



امي*خفت عليك



مها قالت نصف الحقيقة*أنا تأخرت لأني ما لقيت حطب في أماكن قريبة



امي*الله يعطيك العافية



مسكت يدها وساعدتها على الوقوف ودخلنا البيت



بعد أسبوع جاء لعندنا سالم وأبوه فرحت كثير بوجودهم



وجلسوا يتكلمون مع جدتي بعد فتره راحوا



دخلت جدتي علي المطبخ ناظرت بوجهي وطلعت



ما تكلمت ولا قالت لي حتى كلمه



قلت في نفسي يمكن من فرحتها بخطبتي ما تبي تتكلم الحين يمكن بكرة تكلمني



جاء اليوم الثاني ولاحس ولأخبر جدتي باقية على سكوتها



ايش السالفة جدتي ليه ما تتكلم ليه ما تقولي أني خطبت



استمر صمت جدتي لأسبوع وأنا ما اعرف السبب



بعد أسبوع جاءت لعندي ريم اقرب وحدة لي من بنات القرية وبنت خالة سالم



بعد السلام والسوالف عن أحوالنا وبنات القرية



قالت لي :مها..في بالي سؤال محيرني



مها*خيرا أنشا لله ايش هو



ريم*أنتي مخطوبة



فرحت لما سمعت سؤالها أكيد أنها سمعت في بيت خالتها أن سالم تقدم لخطبتي وجدتي وافقت



رديت بخجل :هاه ...مين قال...!



ريم*جدتك قالت لعمي أبو سالم انك مخطوبة لواحد من عيال عمك



حسيت ان راسي ثقيل واني مو قادرة استوعب الي تقوله ريم

مها*ريم أنت متأكدة من إلي تقولينه



ريم*إيه متأكدة هذا كلام جدتك



بدت الدنيا تدور فيني ليه يا جدة ليه تقولين كذا و مين هو ولد عمي إلي أنا مخطوبة له وليه ما قالت لي قبل كذا



ريم*مها...مها ايش فيك ما تردين



مها*هاه...ايش قلتي



ريم حست ان مها فيها شي*أنا بروح تأخرت على أمي



مها ببرود*طيب الله معك



وقفت على الباب ودعتها و دخلت لطبخ الغداء



وأنا اطبخ حاصرتني الأفكار مين هو ولد عمي إلي خاطبني ......؟



ليه جدتي ما قالت لي بس أنا لازم اسألها



تذكرت حاجة غابت عن بالي



وهي أن الأهل ما يتكلمون مع بناتهم في الزوج ولا الخطبة



أنما يزوجون بناتهم إلي يشوفونه مناسب لها من دون علمها والبنت ما لها رأي أبدا



الحين عرفت أن صمت جدتي راح يستمر إلى الأبد وما راح تذكر لي خطبة سالم ولو بالمزاح



تراجعت عن سؤال جدتي عن ابن عمي أو خطيبي إلي ما اعرفة لان سؤالي مراح ينفعني بشي جدتي ما راح ترد علي



وراح تعتبر سؤالي قلة أدب



بس مصيره بيوم يطلع وأتعرف علية



7
7
7
7
يتبــــــــــــــــــــــــع

[اتحدى العالم]

مشكور اخوي على القصه روعه
ممكن التكمله بليز

اتحدى العالم

[شوق العيون]

مشكور إخوي على القصة ونتريا التكملة والله يعطيك العافية

[melad]

السلام عليكم

وهذي التكملة

الجزاء الثاني





مرت السنوات وتراكمت علي الأعمال بما أن جدتي كبرت في السن وما تقدر على المشي كثيرا ولا على حمل الحطب وجلب الماء



فقمت أنا بجميع أعمال البيت ومساعدة جدتي على الوقوف والمشي وأجلسها على عتبة الباب



لأنها دائما تقول لي: مها يا بنيتي خرجيني أبي أشوف الشمس أبي أشم الهواء أبي أحس أني بعد عايشه



عندما أخرجت جدتي ذهبت إلى سطح المنزل لنشر الغسيل



عندما انتهيت وقفت خلف جدار السطح أشاهد الزينة الموضوعة على منزل أبو سالم فاليوم هو زواج سالم من ابنة خالته

ريم



فقد استسلم لأمر خطوبتي من ابن عمي



وبأنه لا توجد له فرصه أبدا بمنافسة ابن عمي أو حتى محاولة أقناع جدتي بتزويجي منه



(فابن العم يربح دائما)



بعدما خطب سالم... ريم ....جاءت لعندي وهي قلقانة و حايرة



ريم*كيفك مها



مها*الحمد لله



ريم بتردد ملحوظ *مممم ....سمعتي..... بخبر ........خطوبتي



مها بفرح صادق*ألف...مبروك ريمه



وانا ما كنت عرفه مين العريس



ريم*الله يبارك فيك



قالتها من غير نفس



مها*ريمه أشفيك أنت مو موفقة على العريس



رخت رأسها وشبكت يدينها ببعض وحركتها بقلق



مها*ريم .. ايش فيك



ريم وهي تتفحص وجه مها*مها .... سالم ولد خالتي هو إلي خطبني



(لا ..لا.. يالله مستحيل سالم ....سالم حبيب قلبي ...حاسة أني بموت من القهر ليه الدنيا ظالمه كذا الله يسامحك يا جدة الله يسامحك على إلي سويتية فيني )



ريم بقلق*مها....مها



ما انتبهت لدموعي إلا بعد سماع صوت ريم



مسحتها بس للأسف بعد ما شفتها نزلت راسي علشان ما تجي عيوني بعيونها وتلاحظ العذاب إلي أنا فيه بس للأسف تأخرت



لأنها قالت لي بحزن:سامحيني مها ....والله مو بيدي أهلي وافقوا علية وحددوا موعد الزواج دون علمي



ريم تتكلم وهي تبكي على حالي وحالها



دموعها وضعفها عطوني الفرصة أني أكون اقوي وأوجها وأوجه الموقف بكل شجاعة



وبما أنها صديقتي الوحيدة او اقرب صديقة ما حبيت أحسسها بالذنب



مها*ريمه حبيبتي لا تبكين الزواج قسمة ونصيب وسالم اهو نصيبك... وأنا راح يكون لي نصيب مع ولد عمي إلي اختارته العائلة لي



طالعتني والدموع بعيونها وكأنها استغربت كلامي



مها*امسحي دموعك ريمه أنت عروس الحين



ابتسمت بتردد قمت لعندها وظميتها وسلمت على رأسها وأحطت وجهها بيديني وناظرت بعيونها وقلت لها:ريمه أنت صديقتي الوحيدة وراح تكونين زوجه سالم إلي كل بنات القرية يتمنونه



ريم*بس هو يتمناك أنتي من دون كل البنات



مها تغالب الحزن*بس أنا ما راح أكون له وبما انه اختارك أنتي فهو دليل على انه يشوفك مناسبة له



لاحظت الاقتناع بعيونها لفترة



بعدين قالت:بس أنا خايفة أكون اختيار خالتي مو اختيارة



مها*ريمه حبيبتي أنتي تعرفين سالم زين ...مافي واحد بدنيا يفرض علية راية حتى لو كانت أمه



أخيراً أقنعتها وبدأت تتقبل كونها خطيبة سالم



أخذنا نتكلم كصديقات ومن طريقة كلامها في لفض اسم سالم



عرفت أنها تحبه من زمان لكن بحكم صداقتها معي ومعرفتها بحبي لسالم تنازلت وكتمت حبها له بقلبها وما حولت تتقرب منه برغم من أنها بنت خالته واقرب إليه مني وبمقدورها استمالته ....



حسيت بالامتنان لها وأقنعت نفسي بما إنها ضحت بحبها علشاني ....الحين صار سالم لها وأنا علي التضحية والوقوف معها بحكم الصداقة...وارتحت كثيرا لأني عرفت أن سالم خذا وحدة راح تسعده طول عمرة ..



قطع علي الأفكار صوت جدتي وهي تناديني لأدخلها للبيت



نزلت بسرعة ساعدتها على الدخول



وجهزت لزواج مع أن الوقت بدري وما راح أروح قبل العصر



انتظرت حمد إلي صار رجال في السادسة عشر..... قدمت الغداء أكلنا هو غير ملابسة وراح يجلس مع الأولاد لرويه الرقصات إلي يقومون بها بمناسبة الزواج وأنا قمت بأعمال البيت ...



بعدما خلصت غيرت ملابسي وساعدت جدتي على التغيير و رحنا لزواج



الزواج حلو والي حلاه أكثر...



العروس إلي طلعت تجنن كأنها القمر



في نهاية الزواج رحت لعند ريم وبعد ما سلمت عليها وبركت لها قلت:ريمه حبيبتي سالم صار لك ....ما يحتاج أوصيك علية



ضحكت بخجل وقالت:افا... عليك هذا الغالي



مسكت جدتي بيدها وخرجنا من البيت وبما ان مخيم الرجال بعيد عن البيت ما قدرت أشوف حمد



شفت أولاد صغار يلعبون عند البيت ناديت واحد منهم وقلت له:



تعرف حمد بن سعيد



الولد*أية اعرفة



مها*روح قله يجي علشان نروح البيت





وقفت أنا وجدتي نستانا على الباب بعد شوي شفت حمد جاي ومعه واحد ثاني



قبل ما يقترب عرفت انه سالم لما اقتربوا جاء سالم لعند جدتي وسلم على رأسها



امي: مبروك يا وليدي



سالم*الله يبارك فيك يا خاله



امي* ريم بنت حلال وطيبة الله يسعدكم



سالم*تسلمين يأرب



وقفت جدتي تناظرني وكانها تقول تكلمي

مها بتردد:م ..ب..ر..وووك



سالم يبتسم*الله يبارك بحياتك الفأل لك



مها بكل صدق*ريم صديقتي تراها أمانة...مراح أوصيك عليها



سالم بثقة*ريم بنت خالتي قبل لأتكون صديقتك والحين زوجتي وهي بعيوني



رجعنا للبيت وأول ما حطيت راسي على المخدة تجمعت الأفكار من كل مكان ولأول مرة بحياتي أفكر بشكل العريس إلي اختارته لي جدتي كيف شكله و ايش اسمه راح أحبة أول ما أشوفه ولا لا..؟



هو يعرف أني خطيبته هو يبيني ولا فرضوني علية لأني بنت عمة ....!!!!!!



يووووووووه...... ايش هذي الأفكار أنام أحسن بكرة ورأي قومه من الصبح.



بعد زواج ريم بشهر



ما كان بالبيت غيري أنا وجدتي



حمد راح لعند أخواله بالرياض عشان يتعرف عليهم وصار له عندهم ثلاث أسابيع



والله أني اشتقت له ولكلامه بس يا لله مراح يطول راح يرجع قريب



وأنا جالسة بالحوش أنظف طلعت جدتي ونادت علي:

مها



مها*نعم يمه



امي*تعالي أبي أكلمك



مها*طيب الحين اخلص إلي بيدي وأجي



خلصت ودخلت :



امي*مها يا بنتي بكرة راح يجينا ضيوف



استغرب*ضيوف



امي*أية ضيوف



مها*مين يمه



امي بفرح باين على وجهها*أهل عريسك



مها مصدومه من كلام امها*هاااااااااااااه



امي*خلاص يا بنتي أنتي كبرتي ولازم تتزوجين مثل كل البنات وأنا ما بقي قدامي كثير مابي أروح وأخليك بدنيا لوحدك أبي اطمن عليك قبل لا أموت



مها*بعيد الشر عليك يمه أنشا لله راح تعيشين وتشوفين عيالي وعيال حمد بعد



امي*ما أظن يا بنتي أني بشوف هذا اليوم



مها*يمه الله يسامحك لا تقولين كذا الأعمار بيد الله



امي*ونعم بالله ...ونعم بالله



في اليوم الثاني جو الضيوف المنتظرين كانوا رجال وحريم كثيرين عرفت منهم واحد (عبدالله بن احمد) إلي جاب حمد وهو صغير



مها شافت ان حمد معاهم وبدت تسال *بس هذا حمد جاي معاهم ليش .....؟

اهو كان رايح لأخواله وش إلي جايبه معهم



دخلوا البيت وجلسوا جهزت القهوة وعطيتها لحمد يقدمها وأنا ماسكة الدله سألته:ايش إلي جايبك معاهم



حمد*هاذولا أخوالي وأنا جاي معهم



مها تفكر*اهاه....أخوالك



حمد*أية أخوالي ...يا لله تأخرت يبون القهوة



وراح وأنا واقفة مكاني أفكر في كلامه إذا كانوا هذولا أخواله ليه جدتي قالت لي أن العريس ولد عمي



بعد شوي سمعت صوت جدتي تنادي علي :



مها*خير يمه



امي*تعالي سلمي على أهل المعرس



رتبت شوي من شكلي ودخلت بعد جدتي



بدات جدتي بالتعريف*هذي بنت ولدي مها تقدمي سلمي على خالتك



وأنا اسلم عليهم كل وحدة تقول كلمة:



مشا الله ...مشا الله...وش هازين ...وش ها لحلا...الله يوفقهم



جلست بجنب جدتي وأنا ارتجف من الحياء والخوف



تكلمت وحدة من الحريم عرفت بعدين أنها خاله حمد (أخت أمه اسمها حليمة)



حليمة*الزواج راح يكون بعد أسبوعين تعرفين يا خاله أننا ساكنين بعيد وما راح نقدر نروح ونرجع علشان كذا راح نجلس عندكم ليوم الزواج



امي*الله يحييكم البيت بيتكم ومها بنتكم



( وأنا جالسه أفكر يا ربي منهو العريس ليه ما يجيبون طارية ولا يذكرون أسمة لا يكون عريس خفي:marsa98: )



حليمة*تسلمين يا خاله



مرت فتره صمت بعدين تكلمت خاله حمد مره ثانية :



حليمة*وين يجلسون العرسان



امي *البيت بيتهم ومكان ما يبون يجلسون



(يا ربي خططو لمكان جلوسنا وأنا بعد ما اعرف مين هو العريس )



حليمة*الله يخليهم لك حمد ولدك ومها بنتك وكلهم تربية يدينك



(أيش دخل حمد بسالفة )



امي*حمد هو الخير والبركة وما راح يحصل مثل مها عروس له



(هاااااااااااا....وكانت الصدمة ايش الكلام إلي قاعدين يقولونه حمد اهو العريس حمد ما غيره إلي ربيته وشلته علي يديني وضميتة بحضني واكلته ولبسته و لعبته .....حمد إلي اعتبرته اخوي الصغير حمد إلي ما كمل 15سنه ...حمد إلي جدتي رفضت سالم بسبب ولد عمي يطلع حمد ......حمد ماغيرة )



وأنا جالسة وارتجف من الانفعال ودي أصيح بوجه جدتي ووجه خاله حمد حسيت بدموع تتجمع بعيوني وراح تنزل بأي لحظه والكلام مازال شغال بينهم ومع كل كلمه وثانية يزيد انفعالي والحقد والقهر ألي بدخلي وقفت بسرعة وطلعت لسطح وأخذت ابكي

ابكي من...



القهر...



والظلم...



من الخوف....



ومن كلام الناس....



مها*ليه يمه تسوين فيني كذا ليه أنا ايش سويتلك ليش ظلمتيني ليه....ليه



شوي سمعت صوت جدتي تنادي علي ....



ما رديت



وهي تنادي



وتنادي



وأنا مع كل مرة تناديني يزيد البكاء فيني

بكيت ألين حسيت أن الدمع جف من عيوني

بعد ماحسيت اني ارتحت شوي نزلت للمطبخ

لقيت جدتي واقفة اول ما حست فيني التفتت



امي*وين كنتي



مها*كنت على السطح



امي*ليه مارديتي علي



مها*ما سمعتك...تبين شي....؟



امي*جهزي العشاء وقدميه لضيوف



مها*طيب



كانت بتخرج طالعت وجهي وقالت



امي*ايش في عيونك متورمة



مها تمسح عيونها*ولاشي بس الهواء جاء على عيوني وتورمت



امي بشك*طيب غسليها بالماء عشان يخرج الغبار



مها*طيب...الحين بغسلها



خرجت وأنا غسلت وجهي وسويت العشاء لضيوف ومع دخان النار نزلت دموعي من جديد وأخذت الدخان عذر لدموعي



جاء حمد لعندي



ناظر وجهي :



حمد بخوف*مها ايش فيك ليه تبكين



مها*لا ما ابكي الدخان عور عيوني



(وأنا أطالع وجهه معقولة راح يزوجوني لك ياحمد ..والله حرام أنت باقي صغير وأنا ...أنا اااااااه يا ويلي على حالي ...كيف اعتبرك زوجي... كيف بعيش معاك ...كيف بتكون حياتنا مع بعض )



حمد*مها...مها ايش فيك...؟



مها *ما فيني شي



(ليه يسألني وكأنه مو عارف شي ....معقولة يكون ما يعرف ...معقولة محد قاله )



فجاه قال بكل هدوا*مها أنت تبكين عشان أنا بتزوجك



(كيف يتكلم بكل هدوا ...كيف يتكلم وكأنه ولاشي حصل أنا حاسة أني بموت وهو مأخذ الموضوع وكأنه شي عادي)



كتمت غيضي وقلت له*حمد أنت تبيني



حمد*أنتي بنت عمي والولد يأخذ بنت عمه



(يعني السالفة سالفة بنت ولد عمها ....أقنعوك ياحمد ...وخلوك تمشي وراء كلامهم بس ما ألومك أنت ألوم ...مين ألوم مين....مين....!!!!!!!)



اللوم القدر إلي خذا مني أبوي وأمي....!

ولا اللوم جدتي إلي حددت مصيري ومصير حمد!!!!

ولا اللوم الزمن إلي يفرض على البنت أنها تكون لولد عمها!!!!!!!!

ولا اللوم نفسي لأني رضيت بالظلم وما وقفت ضده!!!!!!!!!

ولا اللوم ولد عمي إلي لصغر سنه ما قدر يقول لا.....؟؟؟؟؟؟؟؟



يتـــــــــــــــــــــــــــبع

[اتحدى العالم]

مشكورة اختي melad على الجزء الحلو
وتسلم ايدينج وننتظر الجزء الجديد

اختج
اتحدى العالم

[melad]

الجزاء الثالث



راسي أحس انه بينفجر من الألم



أمس ما نمت جو البنات لعندي عشان الحناء وبعد ما راحوا جلست أفكر في اليوم



آه ....من اليوم



اليوم زواجي



زواجي على حمد



من أسبوع وأنا قلقانة من هذا اليوم وكنت ادعوا الله انه يصير شي يمنع الزواج أو



يعطله لكن ما صار شي وكل الظروف وقفت في صف هذا الزواج



خلال الأسبوع عاملوني خالات حمد وكأني ملكة جمال العالم وأنا داخله يمدحون وأنا خارجه يمدحون لدرجه أني تحاشيت الخروج من غرفتي



من بعد ذاك اليوم إلي جو فيه ما شفت حمد قالوا لي انه عيب ولازم عريسك ما يشوفك ألا بيوم العرس كنت أبي أتكلم معاه وأقنعة انه يرفض الزوج الحين لأنه صغير بس الظروف والوقت ما ساعدتني وإذا طلعت السطح وشفته بالحوش وناديت عليه ما يرفع راسه ولا يرد علي كأنه ما يسمعني



بس خلاص كل شي تقرر واليوم زواجي ...يا ربي ساعدني



شوي سمعت الباب ينفتح غمضت عيوني كأني نايمة



امي*مها ...مها يا لله قومي



هذا صوت جدتي



فتحت عيوني وناظرت لوجه جدتي كان وجهها منور من الفرح:

امي*صباح الخير يا بنيتي



مها *صباح الخير يمه



امي*يا لله قومي كل حريم القرية جن يسلمن عليك ويباركن لك



مها*بس يمه أنا تعبانه شوي



امي*خلي الدلع عنك ويا لله قومي هذي طبعنا ولازم تقومين وألا أش تبينهن الحريم

يقولون عنك...

مها بضيق*طيب الحين اغير لبسي وأروح اسلم عليهن



امي*يا لله لا تتأخرين... البسي الجلابية الخضراء وخلي شعرك مفلول



خرجت جدتي وأنا جلست شوي بعدين قومت غسلت وجهي ولبست الجلابية الخضراء الي قالت عليها جدتي وطلعت بالاول وقفت بعيد شوي عن الباب علشان أشوف مين جاء يا الله كان البيت مليان كل ذولا جايين يباركون اجل بليل كيف بيكون البيت ما بيلقون مكان للجلوس من الزحمة أول ما دخلت قامت الزغاريد من كل مكان



والتهاني : ألف مبروك ...بالبركة...الله يسعدكم ....الله يجمع بينك بالخير...الله يسعد أيامكم...الله يوفق بينتكم



بعد ما خلصت لقيت خالات حمد جهزواا مكان اجلس فيه جلست وأنا مرخية راسي



بس بين فترة... وفترة



ارفع أعيوني وأشوف نظرات الحريم متوجهة لي



خطر في بالي فكره وحدة بس أنهم جايين يشوفون العجوز إلي أخذت واحد من دور عيالها نزلت دمعه من عيوني من القهر والألم بس ما احد لاحظها لأني أرخيت راسي أكثر من الأول



قامت سوالف الحريم وضحكهن ألين جاء الظهر



راحوا الحريم وأنا قمت للغرفة



بعد شوي جوا خالات حمد وجدتي



حليمة هي إلي تكلمت:



حليمة*مها جبنا لك فستان هدية يا ريت تلبسينه اليوم...وبعد جبنا لك حاجات بسيطة يا ريت تعجبك



مها*أنشا لله راح ألبسه ومشكورة تعبتكم معاي



حليمة*لأتعب ولاشي أنتي زوجه الغالي ولد الغالية



حطوا الحاجات إلي معاهم وخرجوا من الغرفة كانت ملفوفة بورق



قمت لعند الحاجات وبديت أفكها اول شي فكيته كان علبة عطر فكيت الغطاء كانت ريحتها تجنن



الثانية طرحة سوداء مطرزة بالألوان الذهبية والفضية روعه



الثالثة كانت كبيرة شوي عرفت أنها الفستان اول ما فتحتها شهقت



هههههههههههههها



لان الفستان كان في غاية الروعة يأخذ العقل

لو أنها جاءت في وقت ثاني لكانت أجمل هدية في حياتي



بس وقتها مكان ابد يحليها بالعكس حسيت بالقهر أكثر من قبل



ضميته وبكيت على حظي



على العصر جاء الماذون (المملك)



وبعد شوي جاء لعندي العم عبدالله بن احمد وخال حمد (سعود)



ومن وراء الباب سألوني عن وكيلي وبما أن مالي وكيل وكلت العم عبدالله بن احمد لأنه اقرب واحد لي (ولد عم ابوي)



على المغرب جاءت جدتي وقالت لي البسي الناس جوا لازم تخرجين لهم



لبست الفستان وجلست ماكنت مهتمة بالفستان الي بالبسه كيف يكون شكله او منوين بجيبه وبصراحة خالات حمد ماقصروا لبست الفستان الي جابوه خالاته (الجود من الماجود)



شوي جوا البنات وحطوا لي الزينة وغطوا وجهي بطرحه الفستان وبدت زفت العروس بزغاريد والأغاني



جلست بنفس المكان إلي جلست فيه بالأول وعم السكوت استمر السكوت لفترة من الوقت



و بعدين قامت ألاغاني من جديد وزاد علية الرقص مر الوقت وأنا جالسة وبعد العشاء بدا الناس يروحون



وقام المكان يفضي شوي ....شوي



ألين مبقي ألا أنا وجدتي وخالات حمد



بعد شوي جاءت جدتي لعندي وقالت :



امها*يا الله قومي لغرفتك



حسيت بالخوف والارتباك وقلت بيني وبين نفسي ( ما بغى أروح حرام عليكم تسوون فيني كذا والله حرام)



بس للأسف الكلمات ما طلعت من حلقي فضلت واقفة فيه



وبدل الكلام صابتني الكحة غريبة



(كحيت.....وكحيت....وكحيت......وكحيت....وكحيت)



ألين حسيت روحي بتطلع جابوا لي كاس ماء بسرعة



شربت شوي



بس مازلت أكح



خافت علي جدتي



امها*مها يا بنتي ايش فيك عسى ما شر



خفت الكحة شوي وكان صوت جدتي رد فيني الروح



مها*ما شر يمه كحة بسيطة بس



امها باهتمام*صحة يا بنتي صحة



مها*صح بدنك



امها*يا لله يمه تاخرتي على عريسك



مسكت يدي و رحنا للغرفة



وقفت على الباب ورخت الغطا على وجهي



فتحت الباب ودخلتني وسكرت من بعدي

دخلت وانا مرخية راسي



مافي صوت ولا حركة

رفعت راسي شوي...شوي



اااااااه.....



تنهدت بسرعة مكان فيه احد الغرفة فاضيه



جلست على حافة السرير أفكر



كيف أواجه حمد إلي كنت أحسه مثل اخوي الصغير جت في بالي فكرة راحت من زمان عن بالي



حمد يسمع كلامي راح أحاول أقنعه بفكرة تريحني وتريحه



بس ايش هي ...ايش الفكرة



شوي سمعت صوت الباب ينفتح وينصك.

يتــــــــــــــــــــــــــــــــــبع

[بنت البلاد]

في انتظار التكمله..
تراني متابعه للقصه حبيبتي

[melad]

السلام عليكم

مشكورة بنت البلاد على مشاركتك ومتابعتك للقصة واتمنى تعجبك وتعجب جميع القراء
حبيت اقول لكم اني باتاخر في تنزيل الجزاء الرابع شوي بس ما راح اتاخر اسموحة منكم

[الدمعة الساكنة]

مرحبااااااااااا

مشكورين تسلم يدج اختي

[melad]

وهاذي التكملة



الجزاء الرابع

بعد ما انصك الباب عم الغرفة السكوت

ما تحركت ولا سويت أي حركة

وأنا انتظر حمد يتكلم أو يقول شي

مافي لأصوت ولا حركة

طالت فترة سكوته مرة الدقائق ربع ساعة....نص ساعة....ساعة

لا يكون حصله شي نسيت الفكرة إلي كنت أفكر فيها

حسيت بالخوف علية

لفيت بسرعة أشوف ايش فيه

شفت حمد جالس بعيد على الأرض وحاط راسه بين يدينه

رميت الغطاء عن وجهي بسرعة وقومت من مكاني ورحت لعنده

تذكرت زمان لما كانت جدتي تخاصمه يروح يجلس على الأرض وأنا أروح أراضيه

جلست على ركبتي و حطيت يدي على راسه

مها بخوف*حمد حبيبي ايش فيك

(في لحظه نسيت انه زوجي ...و حسيت انه رجع اخوي الصغير مره ثانية اخوي الي محتاج لي)

ما رد علي خفت عليه أكثر ليكون حصله شي

مها بخوف اكثر*حمد...حمد

رفعت راسه بيدي ومسكت وجهه بين يديني

.........لا مو معقول

حمد كان يبكي ...يبكي بصمت ...يبكي ببراءة الأطفال

حسيت بالخوف علية أكثر من قبل

مها بقلق*حمد ايش فيك ليه تبكي

وأخير تكلم بعد ماحسيت أني بموت من الخوف

حمد بتردد*مها... لا تزعلين مني

مها تطمنه*أنا مو زعلانه أنت ما سويت شي يزعلني منك ليش ازعل منك...؟

حمد يناظرها بتاثر*لأني تزوجتك وأنت ما كنتي موفقه...تزوجتك غصب عنك

مها بحنان*بس هذا مو ذنبك أنت سويت إلي قالو لك عليه جدتي وأخوالك وغصبوك تتزوجني

حمد *بالعكس ما احد فيهم غصبني...هم حاولوا أني اصبر شوي لين ما اكبر واخذ قراري ...بس أنا رفضت واصريت أني أتزوجك الحين.

حسيت بذهول

مها سألته :ليه....؟

وبكلام متقطع من البكاء قال حمد:لأني...... احبك...... وما أبيك...... تبعدين عني.... مها..... أنا باقي صغير..... وأنت كبرتي..... بسرعة...... وصرتي..... حلوه ...حلاك..... يتكلم...... عنه..... كل أهل..... القرية .... في.... المرعى.... الأولاد..... يتكلمون عنك....... ويمدحون حلاك ....ويقولون...... يا بختك..... أنت ساكن....... بدار الزينة....... وكل يوم تشوفها قدامك ....بس ......خسارة انت صغير وما تقدر تتزوجها راحت عليك...ودخلوا الافكار براسي......خفت يجي...... واحد غريب...... بيوم ......ويأخذك مني..... وتروحين بعيد....... وما أشوفك...... مره ثانية .

وزادت حدة البكاء عنده حسيت بألم يقطع قلبي هذا كله شايله بقلبك يا حمد ونزلت دموعي ومن دون تردد ضميته وأنا ابكي

حمد كانه طفل صغير*ما راح اسمح لأحد يأخذك مني....إلي يقرب منك اذبحه

مها *حمد لأتقول كذا

قال بخوف:مها لا تتركيني.... لا تتركيني

مها*مراح أتركك ابد... ابد



حمد بعدم تصديق*توعديني

مها*أوعدك

بعد كذا هدا شوي ساعدته على التمدد على السرير ومسحت على شعره بيدي ألين غلب النوم عيونه بعد ما نام جلست أفكر

أنا كنت أبي أموت من القهر بسبب زواجي وحمد كان خائف أني ابعد عنه الحين فهمت ليه أصر يروح عند أخواله راح عشان يقنعهم يجون معاه يخطبوني له قبل كانت أفكرة صغيرة وما يفكر بهذي الأمور بس بعد كلامه هذا بين انه يفكر ويخطط وافكاره تمتد لبعيد جلست أناظر بوجهه وهو نايم

(والله انك صغير على تحمل المسؤولية.....صغير انك تكون زوج .....صغير علي أنا)

كان فيه فراش أضافي بالغرفة فرشت الأرض ونمت

مها *يووووووووه....ليه الإزعاج أبي اناااااام

زاد الطق على الباب

فتحت عيوني شوي وانا مستغربة ايش الي نيمني على الأرض

بعد شوي تذكرت امس زواجي رجعت لي الذاكرة شوي ...شوي ومازال الباب يطرق أكيد هذي جدتي قمت بسرعة غيرت ملابس وفتحت الباب

امها*صباحك مبارك يا عروس

ضمتني وسلمت علي

مها مكبرة عيونها من المفاجاة*هلا يمه الله يبارك بعمرك

امها*يا لله يا بنتي غيري ملابسك وتعالي جو الحريم عشان يفطرونك ويباركون لك وصحي حمد .

مها تتثاوب*طيب يمه الحين أصحية وأجي.

سكرت الباب ورحت يم حمد

ومثل الأيام العادية جلست على حافة السرير علشان أصحية

مها*حمد...حمد يا لله قوم

فتح عيونه الي باقي متورمة من البكاء

وابتسم ببراءة

حمد*صباح الخير

مها*صباح النور يا لله أمي تقول الفطور جاهز والحريم ينتظروني

حمد*تأكلين معي

مها*لا باكل معهن

حمد بكل دلع قال*خلاص انا ما ابي فطور ابي انام

مها*حمد عن الدلع ويالله قوم افطر

حمد*ما ابي....ابي انام

مها*إذا ما قمت تاكل ما راح اكلمك ابد

وجلست امشط شعري وانا مسوية زعلانه

وهو ينادي علي:مهـــــــــــــا

ينادي وانا ما ارد علية

حمد*مها

مها*..........

قام من على السرير وجاء وقف عندي

حمد*مها....يالله عاد ردي علي

ناظرت فيه من فوق لتحت ببرود وما رديت ورجعت اكمل زينتي

حمد*خلاص مها ...بروح اكل

ضحكت والتفت له :

طيب يا لله غير ملابس عشان نطلع سوا

حمد مبتسم*طيب الحين البس

انتظرت حمد يخلص وانا علي السرير جالسة انتظرة

بعد ما انتهاء جاء لعندي ومد يده

ضحكت ومديت يدي ووقفت

(كان حمد بنفس طولي تقريبا او اطول شوي مع انه صغير)

مشينا سوا بعدين تفرقنا انا رحت لعند الحريم وهو راح للمجلس بعد الفطور راحوا الحريم وانا جلست مع جدتي وخالات حمد

بعد شوي قالت حليمة(خاله حمد)*مها.....روحي اجلسي مع زوجك

وبكل برود قلت*ليه.....وين اخواله!

كلهم رحوا يتمشوا وهو جالس لوحده بالحوش روحي ونسيه ولا خليه يدخل مافي احد غريب

مها بدون نفس*طيب

لقيته جالس علي جدار الحوش مشيت للمكان الي جالس فيه وقفت بجنبه

التفت لي وقال:هلا مها

مها تبتسم*هلا فيك

كان ماسك وردة بيضاء بيده ومد يده با لوردة لي اخذتها وابتسمت له

مها*شكرا

حمد*العفو

سكت شوي بعدين قال*انا احب الورود لانها جميله و ريحتها حلوه ومنظرها يسر الخاطر وتخلي للحياة طعم ثاني

مها تضحك*انت خبير بالورود

حمد*ههههههههههه مو لذي الدرجة....بس تعرفين مها اتمنى اني ادرس واعرف كل شي عن الورود لاني احب الطبيعة

مها*بس هنا مافي مدارس

حمد*اعرف ....لما رحت عند أخوالي عيالهم كلهم يدرسون يعرفون يكتبون ويقرون حسيت وانا معهم بالقهر وتمنيت اني اكون متعلم مثلهم





ما رديت عليه وقعدت افكر حمد باقي صغير ويقدر يلحق على عمرة ويدرس وخطرت ببالي فكرة

حمد*مها....مها

مها*هاه....

حمد*ايش فيك ماتردين انا قاعد أسالك

مها*عن ايش.....!

حمد*ليه جيتي لعندي ما جلستي مع امي والحريم

مها*مافي احد كلهم راحوا تبي تدخل

حمد*إيه ابي ادخل

دخلنا وجلسنا مع جدتي وخالاته نسولف

خذتنا السواليف والضحك وتعرفت اكثر على خالاته

خالاتة خمسة واخوالة ثلاثة وكلهم متزوجين

بعد العشا رحنا ننام ومثل الليلة الي قبلها هو على السرير وانا على الارض

بعد اسبوع راحوا كل أخواله ما بقي الا خاله سعود وزوجتة وعيالهم الثلاثة

سعود كان رجال طيب وحبوب ومن تصرفاته حسيت انه متعلق في حمد كثير

ويحاول يسعده بي طريقة كانوا يروحن يتمشون ويجلسون وياكلون سوا مايفرق بينهم الا النوم

سعود اصغر واحد بإخوانه وهو بنفس عمري وزوجته اصغر منه بثلاث سنين

وتنحب من القلب مره طيبه ارتحت لها كثير اسمها(خلود)

خلود دخلت المدرسة وتعلمت لين خلصت الجامعة وجلست بالبيت عشان زوجها نشاءت بينا صداقه وتطورت لين صرنا مثل الاخوات عرضت على انها تعلمني القراءة والكتابة بس من غير محد يدري وفعلا بدينا الدروس

كنا نجلس سوا وأي احد يشوفنا يقول انا نسولف ما يدرون انها المعلمة وانا التلميذة

جلسوا عندنا سعود وزوجته لمده شهر ونص تقريبا

انا وحمد على نفس الحال ننام بغرفة وحدة مثل الخوان ونصحا الصبح كل وحد يروح في حالة

اجازة سعود قربت تنتهي ولازم يرجعون الرياض قمت اعرف قليل من القراءة والكتابة

ووعدتني خلود انها ترسل لي كتب عشان اقرها حتى ما انسى القراءة رجعت افكر في موضوع حمد انه يدرس وقررت اني اكلمه يروح مع سعود عشان يتعلم

وفي يوم بالليل وانا بالغرفة امشط شعري وهو جالس على السرير

سالت حمد:حمد

حمد*هلا

مها*انت باقي تفكر انك تتعلم

حمد*أيه والله الفكرة باقي براسي

مها*طيب ليه ماتروح مع خالك وتسجل بالمدرسة

نط بسرعة من السرير وقال:والله فكرة حلوة

سكت شوي كانه يفكر بعدين قال*واخليك لوحدك لا ما اقدر مستحيل

مها*بس انا مو لوحدي امي معي وانت راح تزورنا كل ما قدرت

حمد باصرار*لا ما ابي اروح ما ابي

مها*حمد لاتخليني ازعل منك

وكانة نسي اني زوجته قال:بس انا ما ابي ابعد عنك اخاف اروح وارجع ما القيك

مها تبتسم*حمد نسيت اني زوجتك

وببلاهة وهو فاتح فمه: هااااه

شكله كان يموت من الضحك

مها*هههههههههههههههههههههههههه

بعد شي وكانه استوعب يستوعب الموضوع قام يضحك* هههههههههههههههههههههه

ضحكنا سوا وبعدين سال بتردد*م.....مها

مها*هلا

حمد*ابي اسالك عن شي

مها*خير

حمد*انا زوجك صح

مها*ايه

حمد*طيب .....ليه......ليه...

مها*حمد ايش فيك

حمد*لا خلاص مافي شي

مها*لا عادي قول...قول

قال وبسرعة *اصحابي يقولون متى تصير ابو

ضحكت شوي مافهمت قصده وبعد ما استوعبت الموضوع

حسيت بالاحراج

قمت لفراشي وتلحفت

حمد*مها.....مها

مها من تحت الحاف*خير

حمد*الخير بوجهك ليه ما تردين علي

رديت بعصبية:ابي انام وانت لازم تنام بكرة ورنا قومه من الصبح

مارد علي سمعت حركته على الفرش

شوي عم السكون الغرفة

وانا افكر في اصحابة الي يحاولون يخربون علي الهدوء والراحة الي انا فيها ويحولون يفهمونه انا ما عدنا أخوان

في اليوم الثاني صحيت قبل حمد خرجت من الغرفة البيت هادي مبين مافي احد صاحي

خرجت للحوش ومشيت الين عند حديقة الورد الي مسويها حمد جلست اتفرج على شكل الورد اخذتني الافكار





........*مها....انتي هنا



فزيت بخوف كان حمد ما سمعت صوت خطواته

مها وهي تتنهد*صحيت وكنتوا كلكم نايمين وخرجت امشي بالحوش شوي

حمد*طيب انا جوعان ابي اكل

مها وقفت*الحين اسوي الفطور

ضحك بمكر وقال :بس لا تتاخرين خلينا ناكل لوحدنا

ضحكت وقالت:طيب با سرع وقت

(من يوم زوجنا واحنا ما اكلنا مع بعض هو ياكل مع خالة وانا مع الحريم)

خلصت الفطور شلت الصينية ورحت لعنده بالحوش كان جالس ينتظرني

حطيت الصينية وجلست اول ماجلست قال:نسيت اقولك صباح الخير

مد يده بوردة وقال:

بس اقولك صباح الورد يا أحلى مها بدنيا

مها*ربي يحلي ايامك

بعد ما اكلنا وخلصنا وقفت علشان أشيل الصينية

حمد*وين رايحه

مها*بودي الصينية المطبخ

حمد*خليها ابيك بسالفة

جلست مرة ثانية*خير ايش فيه

حمد*سلامتك بكلمك عن الدراسة

مها*أي دراسة(وانا نسيت موضوع الدراسة اصلاَ)





حمد يكمل*قررت اروح مع خالي الرياض وادرس هناك

وبفرح قلت:اخيرا اقتنعت

حمد*تبين الفكه مني هاه

مها*لا والله بس ابي مصلحتك

حمد يبتسم*انا عارف عشان كذا قررت اروح مع خالي

مها بفرح*الله يوفقك

حمد*بس يكون بعلمك بروح اخلص الدراسة وارجع بسرعة

مها*ترجع بالسلامة انشا الله

بعد كذا وديت الصينية للمطبخ ورجعت جلست معاه الين صحوا الباقين.
يتــــــــــــــــــــــــــــــــــــــــــــــــ بع

[غاده]

اخـــــــــــــــــــــــيرا" سويت تفـــــــــعيل للاشتراك

اخوي يعطيك العافيه على القصه وتكفى لا تطول فيها علينا
نننننننننننننننننننننننننننننننننننننننتظرك
اختك
غاده

[melad]

السلام عليكم
مـــــــــــــــــــــــــــــــــبروك غادة على التفعيل
ويسعدني ان القصة عجبتك
وما راح اتاخر بتنزيلها كثير بس تعرفين هذي الايام صيف ومهرجانات وعاد هذي الي ما نبيها تفوتنا
وتسلمين على المشاركة

[melad]

الجزاء الخامس

كلم حمد خالة عشان يروح معاه يدرس

فرح سعود كثير ووعد حمد انه يساعده الين يخلص

مرت الايام بسرعة ومابقى غير اسبوع ويروح سعود واهله وحمد الرياض

كنت جالسة على السرير احاول أقرا كتاب من عند خلود سمعت حركة عند الباب رميت الكتاب تحت السرير ونزلت طرحتي(تعودت اغطي شعري من بعد الزواج) وسويت اني امشط شعري دخل حمد وكان مبين عليه انه استغرب وجودي بالغرفة

حمد*مـ...مهــــــا........هلا..هلا والله

وجاء جلس على الجهه الثانية من السرير

مها باستغراب*هلا فيك

حمد*ماعندك شغل اليوم

مها ببرود*خلصت بدري وجيت ارتاح

كملت مشط شعري شوي حسيت بيده ماسكة خصلة من شعري طنشت وكملت المشط

حسيت بة يقترب شوي... شوي

و يشم العطر الي بشعري ويتنهد حسيت بالارتباك والخوف

من فترة حسيت ان حمد بدا يتغير ويحول يبين لي انه زوجي وله حقوق علي بس الحين اكثر من قبل حسيت بحرارة يده على كتفي بعدها دخلنا في عالم الاحلام

صحيت الصباح تحركت بهدوا عشان ما يصحا حمد

بس للاسف تاخرت لانه صحي ومسك يدي بسرعه

حمد*صباح الخير

مها*صباح النور

حمد*على وين

مها*بجهز الفطور

حمد يبتسم*لا تتاخرين

مها منحرجة*طيب

جهزت الفطور لقيت حمد ينتظرني بالحوش

ومثل كل مرة قدم لي وردة بس هذي المرة بطريقه غير

وكلام غير

قال لي:مها هذي الوردة تنبض بالحياة وانتي حياتي الي ما اقدر استغنى عنها ابد

مها بخجل*حمد ايش قاعد تقول

حمد*انا ماقلت شي غلط انا زوجك واحبك والله احبك

(حسيت انه كبر عن عمرة عشر سنوات زيادة ....بس هذا مو كلامه اكيد مافي غيرة سعود )

حمد*مها تحبيني

مها ببرود*انا من زمان احبك

حمد*زمان كان غير انا اقصد الحين

وكانه يبيني أعطيه امل في شي

ببرود قلت :ايه احبك .....احبك

كان باقي على روحتهم يوم واحد بس رتبت ثياب حمد وجهزتها له بشنطة عشان يخذها معاه وانا ارتب دخل وجلس على السرير

(والله حمد صار رجال وتغير كثير عن قبل)

حمد*مها

مها*خير

حمد*الخير بوجهك ابيك تروحين معي المدينة

مها مستغربة*انا......ليه

حمد*ما ابي ابعد عنك

مها*وامي تبيها تقعد لوحدها

حمد*امي راح تكون بخير

مها*لا حمد امي مراح اتركها ابد

حمد*طيب نخذها معانا

مها*حمد انت ايش قاعد تقول انت انجنيت

حمد*لا بس ما بي اروح لوحدي ابيك معاي

حاولت إقناعه يغير رايه:

حمد انت الحين بتروح مع خالك وبتجلس عنده ومايصير نروح نجلس كلنا فبيته انت لوحدك راح تكون اخف....وانت ماتعرف أي شي عن الرياض علشان تعيش لوحدك بس بعد ما تتعرف عليها وتستقر راح نجي انا وامي نعيش معاك

حمد*طيب بس انا........

مها *حمد خلاص انا اوعدك نروح معاك بعدين

اقتنع حمد بالفكرة وحط راسه ونام

بديت احب حمد وغير عن قبل حسيت انه بدا يمتلك قلبي واني احبه باسلوب غير

اليوم الثاني كان يوم الوداع سلمت على خلود وعلى عيالها وخرجت من عندنا وركبت السيارة

سلم حمد على جدتي طلعت جدتي تودع سعود برا مكان مو موقف السيارة

جاء حمد لعندي ومسك يدي مشينا مع بعض للحوش وقفنا براء عند الورد الي زارعة

حمد*مها اوصيك على الورد ...عتبريني الورد الي هنا وكل يوم اسقيه واهتمي فيه كانك تهتمين فيني..

وراح يم الورد وكانه يكلم انسان حقيقي *ما اوصيك على مها الغالية حبيبة حمد اهتمن فيها ولاتبخلوا عليها بعطركن وجمالكن

بكيت من كلامة وقلت:الله يخليك لي يارب وما يحرمني منك

حمد *ويخليك لي يالغالية

وهو باقي ماسك يدي*مها ابيك معي ما ابي اخليك

مها*حمد انا وعدتك اروح معك بس مو الحين

حمد يهز راسه*انا ما تعودت اكسر كلامك وبخليك على رحت بس راح اجي كل ما جتني فرصة ازوركم

مها تبتسم*وانا انتظرك

ضم كفوفي بين كفوفه وباسها وقال*راح افتقد وجهك وضحكتك

مها تكابر*وانا راح افتقد سوالفك

شوي سمعنا صوت سعود وهو ينادي*يالله حمد تاخرنا

حمد*طيب الحين اجي...يالله مها حبيبتي توصين شي

مها تغالب دموعها*سلامتك

حمد*تسلمين يالغالية

مها*يالله مع سلامة

راح حمد وانا واقفة اناظره وهو يمشي لما وصل لباب الحوش لف يمي وابتسم ورفع يده يودعني

ابتسمت له ورفعت يدي أودعه

تحركت السيارة وانا رحت لسطح كانت أنظاري معها الين غابت عن عيني

(الله يوفقك حمد و يرجعك بسلامة حمد)

----------------------------------------------------

في اليوم الي وصلني فيه خبر موت أختي (عبير)

حسيت بالضياع لفقدنها لأنها هي الي قامت برعايتي بعد موت أمنا واهتمت فيني

وما رضيت تتزوج لين اكبر تزوجت وعمري 10 سنوات

كان عمري 12سنه يوم ماتت (عبير)

كنت أتمنى اكبر وأعوضها عن كل الأيام الى حست فيها بالعذاب بسببي بس للاسف كان الموت اسرع

لكن عندي حمد راح اعطيه كل العطف والحنان واساعده على تخطي كل مصاعب الحياة

اول مرة قابلت حمد فيها قبل شهرين وكاني اشوف عبير واقفة بوجهي ملامحها انغرست بعقلي كان بنفس ملامح وجهها بنفس العيون والابتسامة ورقة الكلام

فرحت كثير وحسيت بالراحة لكن حسيت بلخوف علية





لما ما قال لي:

حمد*خال سعود ابيك بموضوع

وكانه استحى يكلم اخواني الكبار بهذا الموضوع

سعود باهتمام*خير حمودي

حمد*الخير بوجهك ....انا جاي لعندكم عشان ابيكم تروحون معي اخطب

سعود انصدم من كلام حمد

حاول يتخطى الصدمة ويساله*حمد اش قاعد تقول انت ....انت تدري كم عمرك الحين

حمد بكل ثقة*ايه ادري وهذا الي مخليني استعجل اكثر

سعود*بس ياحمد الوقت والايام قدامك وانت باقي صغير وتقدر تستنى شوي ليما تكبر

حمد باصرار*انا ما ابي استنى ابي اتزوج الحين بتروحون معي ولا لا

سعود وهو مو قادر يستوعب*الله يهديك ياحمد اصبر شوي يمكن تكبر وتغير رايك

حمد*ماراح اغير رايي انا احبها وابيها تكون زوجتي

سعود مستغرب*تحبها

حمد بكل ثقة*ايه احبها

(سكت وانا احس بالاستغراب والذهول صحيح حمد مراهق وفتره المرهقة هي بداية تفهم الشباب للحب بس غالبا ما يكون الحب فاشل وينتهي قبل لايبتدي اصلا)

سعود*انت متاكد ياحمد

حمد*اية متاكد

سعود*طيب مين البنت

حمد*مها بنت عمي

سعود *هاه ...مها

حمد*ايه.... مها

سعود*لكنها اكبر منك

حمد*مايهمني انا ابيها

سعود*طيب وهي

حمد*انا ولد عمها..... والبنت لولد عمها وهو اولا فيها من الغريب

(سكت صحيح حمد صغير لكن كلامه يبين انه كبير وعاقل وفاهم هو ايش قاعد يقول وايش بيسوي ويمكن حتى اذا ما رحنا معاه راح يتزوج من دون موافقتنا وراح يتحمل المسولية من بدري.... الحين اثبت انه ولد عبير الي كانت حامله مسوليتنا كلنا)

وقولكم بصدق حسيت بالفخر بحمد

حمد*هاه خالي ايش قلت

سعود*ان تامر يالغالي

حمد وهو متردد*ابيك...ابيك تكلم خوالي الباقين عشان يروحون معانا ...ولا تنسى خالاتي

سعود يبتسم*كلنا تحت امر الغالي ولد الغالية

في زواج حمد حسيت قد ايش اهو مرتبك وخايف وكانه شايل الدنيا فوق راسة حتى ان عقلة مكان موجود معنا

سعود*حمد

حمد مسرح*............

سعود*حمودي

وحمد مو يمه*...........

صرخ فيه لدرجت انه نط من مكانه*حموووووووووود

كان شكله يموت من الضحك وهو ناط بلبشت

حمد*بسم الله ايش فيك خرعتني

سعود ماسك نفسه حتى ما يضحك*مافيني شي... بس اقول.... بس اقول مبروك يالمعرس

حمد*الله يبارك بعمرك

سعود*يالله كبرنا وتزوجنا وصرنا رجال هههههههههههههههه

حمد*افاااا... خال انا رجال من يومي

سعود*أأأأأأأأأأأأأأي والله رجال يرفع الراس ونعم فيك

حمد*الله يخليك خال

وبدا يسرح من جديد وبهدوا هزيت كم ثوبه

سعود*حمد

حمد*ياهلا

سعود*ايش فيك الي يشوفك ما يقول حمد الي جاني قبل كمن يوم وبيموت عشان يتزوج

حمد يبتسم*ولاشي بس افكر

سعود*في ايش

سكت شوي وكانه متردد يقول ايش فيه بعدين قال:خال مها ما تبيني

سعود مستغرب*انت ايش قاعد تقول

حمد*انا اقول الحقيقة مها رافضة تتزوجني

سعود*بس انت قلت .....

حمد*انا ما قلت غير اني احبها وابيها

سعود*طيب

حمد*انا خايف انها تكرهني الحين لاني تزوجتها غصب

سعود*لاتقول كذا الحب دائما يجي بعد الزواج

حمد*انا خايف انه يصير العكس

سعود يحاول يطمنه*ايش فيك كذا متشائم الحب يجي مع العشرة وانا حاس انها راح تحبك مع الوقت والايام بثتبت لك

حمد بتفاؤل*الله يسمع منك

سعود*سو الي انا اقول لك عليه وراح تشوف النتائج الي بتكون لصالحك

بعد الزواج بفترة حسيت ان حمد تغير وكان مبين علية انه مبسوط( خططي دائما تنجح هههههههههههه)

فرحت كثير لما قال لي حمد انه بيروح معي لرياض

والحين وانا رائح الرياض بين كل دقيقة والثانية التفت اتاكد انه بجنبي وراح يعيش معاي

مع ان مبين علية الحزن والقلق بس راح انسيه الهم

اصبر علي ياحمد وانا خالك اذا ما نسيتك الدنيا مكون سعود ولد عارف



انا رايح الحين مع خالي حاس بلخوف من الرياض

الطريق طويل مره بين الرياض والجنوب 1500كيلو

وحاس كاني رائح لاخر الدنيا

والله لوما الدرسة مكان رحت الرياض ابد ولا حتى طرى على بالي .....آآآآآآآآآه يطول المسافة وصلنا لبيت خالي جهزت لي زوجتة غرفة كان فيها كل شي ما نقصها غير وجود مها بقربي

وكنت مره تعبان من الطريق برتاح شوي مع ان خالي وقفنا في كذا استراحة بس الواحد مايرتاح الا في بيته تمددت على السرير بس النوم جفاني وقامت الافكار تحاصرني من كل مكان وكانت كلها عن مها انا خايف كثير على مها ماكان ودي اخليها لوحدها لان امي حرمه كبيرة ودوم تعبانه متقدر تهتم فيها

تنهد حمد*آآآآه...يامها يحبيبة قلبي ياليتك معي الحين كان حسيت براحة والحنان بقربك

ومرة الايام بسرعة وانشغل حمد باوراق الدراسة علشان يلحق على السنة

حمد لله تم تسجيلي بالمدرسة الليلية وهي قريبة من بيت خالي كثير اروح وارجع مشي

الدروس بدت وبديت اتعلم اشياء كثيرة من القراءة والكتابة

وطريقة الكلام واسلوب الاحترام

انا متقدم كثير بالدراسة وانشالله راح انجح بتفوق وافرح مها

خالي يحب الخرجات كثير ودوم يقول لي روح معي للاستراحة

اروح معاه في ايام الاجازة(الخميس والجمعه)

وباقي ايام الاسبوع اجلس اذكر بالبيت مع اخوياي(اصدقائي)

تعرفت عليهم بالمدرسة بعضهم اكبر مني والبعض في نفس عمري بس الي وصلت صداقتي معهم حد الاخوة ثلاثة

حامد 15سنة- سلطان 20-وخالد18

كلهم عزاب بس انا معهم احس اني وسط اهلي

حامد كان عايش باقرية مثل حالتي وما قدر يسجل الا الحين بسبب حالته الصحية

سلطان ابوة متوفي من وهو صغير وما قدر يكمل دراسته الا الحين بسبب اعمال العائلة

خالد كان يرسب كثير وبسبب عمرة حولوه ليلي (ولد عز ومدلع كثير)

بس والله انهم كلهم مثل البلسم لروح



مر على روحة حمد شهرين والله اني مشتاقة له كثير مشتاقة لسوالفه وضحكته مشتاقة لكل شي فيه

امي تعبت اكثر من الاول ماتقدر تمشي الا وانا ساندتها

وقام نظرها يضعف وتحس بالتعب في كل جسمها

بس انا معها ماراح اخليها تحتاج أي شي دائما يجون عندي البنات (صديقاتي)ريم وبنت خالتها العنود وسلوى ومريم وحنان وعلوية وغدير وسامية

ولاني ما اقدر اروح عندهم ما كنوا يتاخرون علي ويجون بعد كل يومين يطمنون علي انا وامي ويشوفون ايش ناقصنا

ريم الحين حامل بشهرها الثالث وشكلها صاير يجنن ودوم تحب تناقرني

ريم* مها متى بنشوف عيالك

مها تتبسم*انشا الله قريب

ريم*لا تتاخرين ابي ازوج ولدي بسرعة

مها*والله انا بنتي ابيها تختار عريسها بكيفها

ريم*ماعندنا بنات يختارون عرسانهم

مها*والله بنتي وانا حره فيها وراح اخليها تختار الي تبي

ريم*واااااااع من حلاتك بنت عاد

مها*بنتي قمر الله يخليها لي ماخذة الزين كله

ريم*والله والبنت راح تطلع مثل امها

العنود*ويش فيها امها ترا امها راعية الزين كله

ريم*والله والزين الي حتى ماراح حولها

العنود*اسم الله عليك انتي ويا وجهك

ردت علويه:حرام عليك العنود والله ريم حلوة مع ان حلاها ما يوصل عند زين مها

وردن غدير وسامية*أي والله مها ما شا لله عليها خذت زين البنات كلهن ماخلت لنا شي

وقعدن يضحكن ويسولفن







في المدرسة كنا نجلس جماعة ننتظر يدق جرس الاختبار

وكل واحد يحكي الي صار له والي الحين شاغله

حامد : تدرون يا شباب انا الحين افكر بامي واخواتي من زمان ماسمعت اخبارهم والله هذي المدرسة شغلتني كثير عنهم مادري متى ننتهي عشان اروح لهم.

وبدا الضيق يبين على وجهه وكانه شايل هم الدنيا كلها

حمد (ولاول مره اشعر بالغيرة من حد(يابختك ياحامد عندك ام تحكي لها وتسمع لك ومبين انها تحبك كثير..ياريتك يمه كنتي معي الحين تسانديني وتساعديني )

خالد* يا حبيبي خلك من هذا الكلام تراك غثيتنا ..امي ...امي ...والله ولا البزران

سلطان* والله ياخالد ماعندك سالفة ودوم تنتقدنا بس من يلومك امك عندك

خالد* وانت امك وين راحت هي بعد عندك

سلطان* أي والله الغالية عندي والله لو بعدت عني شوي احس بضياع

حمد * الله يخليها لك

ردوا حامد وخالد وسلطان : آسفين والله حمد نسينا انفسنا وحنا نتكلم وما قدرنا حالتك

حمد يتبسم * لا عادي هذا من حقكم الام غالية

خالد يغير الموضوع* يا شباب ورانا اختبار خلونا نراجع احسن

سلطان *أي والله عندي مسالة ماني فهمها ممكن تشرحها لي حمد

حمد* قولها بسرعة مابقي وقت وندخل الامتحان

استمرينا نراجع الدروس الين دق جرس دخول القاعات وبعد الامتحان خرجنا كلنا من القاعة فرحانين لان الاختبار كان سهل برا واحنا جالسين ننتظر سلطان لانه تاخر

خالد* شباب وين بتروحون الحين

حامد* بروح البيت اريح شوي واذاكر مادة بكرة

خالد* وانت حمد

حمد *حتى انا بروح البيت

خالد* اش رايكم نروح نتمشى شوي بالسيارة واغديكم على حسابي

حامد وحمد بعد تفكير* الاول نشوف سلطان بعدين نروح

خالد* هذا سلطان وصل هاه وايش قلتوا

سلطان الي مو عارف السالفة* ايش السالفة

حمد*خالد عازمنا على الغداء تروح

سلطان* ايه بروح بس اول شي اكلم امي اطمنها

خالد* على راحتك

كلم سلطان امه بعدين رحوا كلهم يتغدون



.................................................. ....

النصف الاول من الدراسة راح ينتهي بعد كم يوم

وحامد راح يجي ويجلس هنا ثلاث اسابيع اه...متى ينتهي الشهر واشوفك ياحمد قدام عيني

امها*مها يمه اشفيك ماتردين علي

مها*هاه..يمه ماسمعتك تبين شي

امها*ابي كاس مويه

مها*طيب

رحت وجبت الماء لامي جلست معها شوي بعدين نامت

خرجت من عندها وروحت الحوش عند ورود حمد وانا ارشها بالماء واكلمها

مها*هاه...كيفك حبيبي اليوم انا زعلانه منك كثير لا حس ولا خبر

وكان الورد يرد علي لما يتحرك من الرش

مها*لا لا مالك عذر

الورد*...............

مها*معليش انا بسامحك بس هذي المرة

الورد*..............

مها*بس لاطول والله اشتقتلك

الورد*.......................

مها*تسلم حبيبي وانا بعد احبك

الورد*..................

مها*طيب حبيبي اخليك الحين وراي شغل البيت كله

(من اول ماراح حمد ما صبرني غير الورود لاني اشوفه فيه احس انه قريب مني يبتسم لي ويكلمني ويطمني عن احواله)



.................................................. .........................

انتهت الاختبارات واستلمنا النتائج كلنا نجحنا انا كنت من المتفوقين

خالد* حمد ما توقعتك بها الذكاء

سلطان * قول مشالله حمد كان احسن واحد فينا وهذا شي مو مستغرب

خالد* مشالله جعل العين ما تصيبك

سلطان* هذا اهم شي عينك الحارة

حمد وحامد*ههههههههههههههه

حامد* الا اقول حمد

حمد* نعم

حامد* متى بتروح لاهلك

حمد* يمكن بكرة

حامد مستغرب* ليه مستعجل كذا خذلك اسبوع راحة

حمد *لا ما ابي انت تعرف ان الاجازة مرة قصيرة وابي اقضيها هناك

خالد* الا قول تبي تروح تشوف حبيبية القلب

( على فكرة انا ما قلت لشباب اني متزوج....مادري لية...؟)

سلطان* خالد حرام عليك حمد مو حق هذي الحركات ..كلنا خلينها لك

خالد* أي والله انا الوحيد فيكم الي بموت على البنات ....وشكلي بنقلكم العدوا

حامد* فأل الله ولا فألك انا عندي أخوات وما ابيهم يتأذون

خالد بمكر*اقول حامد كم اخواتك

حامد على نياته* ثلاث

خالد: حلو ....وحدة لي وحدة لا حمد وحدة لا سلطان

حامد بعصبية: انت والله لو تجيني زحف على ركبك ما عطيتك وحدة منهم

خالد: آفا وانا الي اقول حامد حبيبي وراح يكون نسيبي

وحط يدة على كتف حامد

حامد يبعد يدة وينفض ثوبة: وخر ....وخر لا تنقل عدوا مغازل البنات لي

حمد وسلطان يتفرجون ويضحكون عليهم

رجعت للبيت لقيت خالي ينتظرني

سعود*مبروك حمد مبروك

حمد باستغراب :الله يبارك فيك خال ......ايش دراك

سعود*افاااا عليك انا ابو محمد تجيني الاخبار وانا جالس مكاني

حمد*ههههه أي والله من قدك

سعود *ما احد قدي ابد

حمد*الله يعينك على نفسك ههههههه

سعود*آفاااااا هذا وانا خالك هههههههه

حمد*اسف خال

سعود*طيب يجيلك يوم حموووود

حمد *خال ايش الي مرجعك بدري

سعود*يوووووووووه نسيتني الله يهديك

مد يدة بجيبه وطلع مفتاح

سعود يبتسم*خذا هذا هدية النجاح

حمد*وايش هذا

سعود*مفتاح سيارة يا حظي

تفاجات بالي سمعته: ايش

قام خالي يهجيها:م..ف..ت..ا..ح..س..ي..ا..ر..ة

حمد*عارف بس ليش

سعود*سوال غبي عشان تروح وتجي فيها

حمد*انا عارف بس انت تعرف اني ماعرف اسوق

سعود*عارف عشان كذا انا سجلت اسمك بدورة تعليم السواقه

حمد*متى

سعود* اليوم وراح تبدا من بكرة

حمد*بس انا بروح لامي وزوجتي

سعود*امك وزوجتك ماراح يطيرون السواقه اهم

حمد*بس يا خال انا من ثلاث شهور مارحت لهم

سعود ببرود*عادي الدورة ما تاخذ وقت اذا كنت سواق ماهر

حمد*الله يهديك يخال هذا مو وقته

سعود*الا وقته ونص يالله ....يالله روح ارتاح وبعدين نتكلم

رحت غرفتي وانا شايل هموم الدنيا كلها فوق راسي

خالي خرب علي كل مخططاتي كنت ابي اروح من بدري عشان اشوف مها وامي واطول هناك شوي

والله اني مشتاق كثير لهم و لمها اكثر ياليتني ما خليتكم وجيت هنا

حمد *انا عارف انك تنتظريني يامها مثل ما قلت لك

سامحيني مو بيدي خالي الله يهديه خرب علي كل شي

اه يا مها لو تدرين كثر ايش محتاجك تكونين معي الحين

ومن كثر القهر ولاول مرة في حياته يبكي حمد من قهره على حبيبته مها وعلى امه وعلى نفسه لانه مو قادر يمشي اموره بكيفه

.................................................. ............

[غاده]

يسلموووووووووووووووو
من جد يعطيك العافيه
وما نبي نخرب عليك مهرجاناتك بس
تذكرنا ونزل الاجزاء وتكون مشكور
غاده

[melad]

مراااحب

الجزاء السادس

مها ترتب البيت وتنظف تستعد لجيت حمد

امها*مها يابنتي الله يهديك ارتحي شوي

مها*ما اقدر يمه ابي اخلص كل شي قبل لايجي حمد

امها*انتي تتعبين نفسك حمد يمكن ما يجي الا بعد اسبوع

مها باصرار*لا حمد وعدني اول مايستلم النتائج راح يجي

امها*بس يا مها ما اعتقد خاله يخليه يجي قبل لا يرتاح له كمن يوم

مها*انا عارفة ان حمد ما راح يتاخر علي وراح يجي بدري

في اليوم الثاني صحت مها من الفجر ورتبت غرفة النوم وبخرتها وطلعت جلابية جديدة علشان تلبسها وقطفت ورود من ورد حمد وحطتها قرب السرير وخذت وردة حطتها على مخدة حمد

مر الوقت في العصر قامت مها جهزت نفسها وجلست تنتظر حمد

مع انها عارفة ان المسافة بعيدة وما راح يوصل قبل نصف الليل لانه جاي بسيارة

حطت العشاء لامها وهي ما كلت تنتظر حمد يجي و ياكلون سوا

بعد ما نامت امها راحت وجلست برا تنتظر مر الوقت بتثاقل وهي تنتظر وكل شوي تناظر في الباب وكل ما شافت نور وقفت بس النور يختفي

لان السيارات تعدي وتروح

مر الوقت مافي لاحس ولاخبر

وبدا الوقت يمشي بسرعة غريبة

آذن الصبح راحت مها صلت ورجعت مكانه تنتظر

بدات الشمس بشروق

وتوسطت الشمس السماء وحمد ما جاء

صحيت ام مها وجت تمشي بكل ثقل وتعب



امها*مها....مها..وينك يابنتي

مها*انا هنا يمه

امها*يابنتي ليه جالسة بشمس ادخلي الله يهديك

ماردت على امها وبدت دموعها تنزل وخربت كل زينتها

امها*مها يابنتي الله يهديك لاتسوين بنفسك كذا

مها*بس يمه هو وعدني

جلست امها تهديها* يمكن انه مالقي حد يوصله ولا عنده ظروف منعته

مع الوقت بدت مها تهدا شوي بعد شوي حست بالخوف وقالت بسرعة:واذا حصلة شي بطريق



امها*فال الله ولا فالك يابنتي الغايب عذرة معه يالله قومي خلينا نفطر

مها*طيب

راحت مها غيرت ملابسها وحطت الفطور لامها وما مدت يدها فيه ابد

امها نتنظرها*كلي يابنتي الله يهديك

مها*ماابي ما لي نفس

امها*يابنتي الله يهديك لاتسوين بنفسك كذا وقومي ارتحي لك شوي من امس ما نمتي

مها تقاوم*مافيني نوم

امها *طيب قومي تمددي على السرير وارتاحي لك شوي

بعد تردد قامت مها لغرفتها اول مادخلت شافت الورد الي بدا يذبل رمت نفسها على السرير وبكت بكل مافيها من عذاب وشوق لحمد

مها*ليه ياحمد ليه تاخرت ليه ماجيت لايكون نسيتني ..لايكون المدينة غرتك بالنورها وما تبي ترجع ابد



استمرت مها تبكي الين غلبها التعب و النوم ونامت نوم متقطع



.................................................. ..



بدا حمد دروس السواقة وبدا يعرف كل شي وكل يوم يتحسن عن الي قبلة

حامد سافر لأهله وخالد وسلطان دوم يجون يزورونه

وخاله دوم يخرجه معاه ويحول ينسيه فكرة السفر لاهله

بدا حمد يتقبل الامر وعرف انه ما راح يقدر يروح القرية الحين بس امه ومها ابد ما رحوا عن باله ودوم في الليل اذا جلس بغرفته لوحدة يفكر فيهم ويحس بالوحدة من دونهم

حمد*سامحيني يمة سامحيني يا مها الظروف ما خلتني اجي اشوفكم والله اني اشتقت لكم كثير

...............................................

اما مها فكل يوم تجلس بالحوش تستناه الين يجي الصبح واوقات تنام وما يصحيها الاحرارة الشمس لان امها ما تقدر تقوم من مكانها والمشي يتعبها

بعد اسبوعين جوا العنود وسلوى وعلوية لعند مها بعد ما سلموا وجلسوا

العنود :مها ليه وجهك كذا

مها: لا ولاشي بس تعبانه شوي من شغل البيت

بس العنود تعرف ان مها متعودة على شغل البيت من وهي صغيرة مثل كل بنات القرية وعمرها ماشكت

العنود: لا يكون مريضة وتخبين علي

مها تتبسم: لا بس حاسة بتعب شوي

مها من فترة تحس بالتعب والارهاق من قبل سالفة حمد بس ماشكت وضنت انه عادي

العنود: احمدي ربك فيه الحين مستوصف بالقرية روحي شوفي الدكتور

مها: ماله داعي ارهاق بس

علوية: أي ارهاق الله يهديك الي يشوفك يقول انك بتموتين

مها: لا تبالغين علوية ما فيني الا العافية

علوية : لا ابالغ انت شفتي وجهك كيف صاير

مها : عن الحنة وايش تشربون

سلوى :عادي قهوة شاهي عصير الي يجي مانقول لا

اول ما وقفت مها حست بدوخة من قله النوم كانت بطيح بس ضغطت على نفسها وراحت للمطبخ

سوت القهوة وجابتها للبنات جلست بصعوبة

علوية :مها ابوي الحين بيجي بوديك المستوصف

مها: لا ماله داعي

العنود: واش الي ماله دعي لازم تروحين وانا وسلوى بنجلس عند امك

مها: لكن.............

علوية: بس ولا كلمة بروح اجيب عباتك ونروح

دخلت علوية جابت العباية شوي وابوها عند الباب بسيارة

علوية : يالله بسرعة ابوي جاء

لبست مها وخرجن في المستوصف اخذوا منها جميع التحليل

الدكتور: النتائج بكرة

مها: انا ما اقدر اروح وارجع

الدكتور : النتائج ما تطلع بدري لازم تنتظرين لبكرة

علوية:خلاص ابوي يجيبها

مها: طيب دكتور ايش فيني

الدكتور بابتسامة: مبين انك حامل

مها بذهول:هاااااااااه........ليش....؟

الدكتور باستغراب : ليه السوال انتي مش متزوجة

ردت علوية بسرعة:ايه دكتور متزوجة بس هي تفاجات

لفت يم مها وقالت: مبروك حبيبتي

مها ببرود: الله يبارك فيك

راحوا البيت اول ما وصلوا خبرت علوية البنات قاموا يسلمون على مها ويباركون لها ومها بالها مو معهم ابد

تفكر بحمد الي راح وتركها لوحدها والحين مبين انها حامل

بينها وبين نفسها

(ودي افرح بك بس من وين يجيني الفرح والا احس بطعمه بغيبة ابوك)

.................................................. ................

حمد كان حاس بالقلق والخوف على مها وامه وده يسمع اخبارهم بس للاسف مافي طريقة يعرف فيها اخبارهم او يوصل اخباره لهم غير انه يروح لهم بنفسه لان القرية الي عايشين فيها ما وصل لها الهاتف بعد بس خاله كل يوم يطلع له مشروع جديد

بعد ماخلص دروس السواقة دخلة دورت كمبيوتر في الصباح

وبكذا منع عنه أي فرصة يروح فيها للقرية في الوقت الحالي

حمد فقد الامل من روحته خاصة وان المدرسة مابقي لها غير اسبوع وتبدا

وفي يوم كان حمد بالسوق يشتري حجات له ولمها ولامه

سمع صوت واحد يناديه لف يشوف مين يناديه

وبستغراب: سالم

سالم*ايه سالم يالقاطع كيف الحال

حمد*والله بخير انتم كيفكم وكيف اهلي

سالم*والله كلهم بخير ويسالون عنك

حمد*الله يسلمك قول لي كيف اهلي كلهم بخير

سالم*والله هم بخير وماينقصهم غير شوفتك انت ليه ماجيت الديرة

حمد*والله يسالم ظروف

سالم*مافي ظروف تمنعك عن اهلك ....بعدين وشهي الظروف هذي

حكى حمد لسالم ظروفه كلها وبعدين قال:الا قول لي ايش الي جايبك الرياض

والله جيت اشتري شوي حاجات لاهل القرية انت تعرف اهل القرية كل همهم الغنم والبقر والجمال والزرع

حمد*الله يعينك

سالم*الجميع انشا الله

حمد*اقول سالم

سالم*خير حمد

حمد*متى بتروح القرية

سالم*اليوم بعد المغرب

حمد*طيب تمرني البيت ابي اعطيك حاجات للاهل

سالم*انت تامر يالغالي

حمد*تسلم والله ماتقصر .....انت وين جالس الحين

سالم*جالس عند ولد عمي فيصل

حمد*طيب هو يدل البيت هو وخالي اصحاب

سالم*خلاص بعد العصر امر عليك

حمد*وانا بجهز لك كل شي

جهز حمد الحاجات ولا شعوريا وكانه نسي ان مها ماتعرف تقراء كتب لها رسالة

(تعرفون ان مها ما خبرت احد انها تعلمت القراءة والكتابة)

حط الرسالة مع الحاجات وجهزها لسالم في العصر جاء سالم واخذ الحاجات الي عنده

سالم*تبيني اوصل لهم شي ثاني

حمد*قولهم اني بخير واني اشتقت لهم كثير واول ماتجي الفرصة راح ازورهم

سالم*طيب يالله فمان الله



حمد*فمان الكريم

(لما راح سالم الرياض ما كان عنده خبر بحمل مها...ولا كان وصل لحمد الخبر)

.................................................. ....

سالم استلم الحاجات من حمد وطيران على القرية

وقف في كذا مكان علشان يأخذ هدايا لريم وولده الي جاي

بطريق وصل سالم الساعة 6 الفجر

كان مشتاق لشوفه ريم الي صارت بعد الزواج مثل عيونه و ما يستغني عنها ابد

اول ما دخل بيتهم قام يدور عليها*ريمه....ريمه

بس ريم للآسف ما كنت تدري انه بيجي من الرياض اليوم

عشان كذا راحت تنام عند اهلها وعشان الوقت باقي مبكر ما قدر يروح يزعجهم لانهم ما يصحون قبل الساعة 8

دخل لغرفة النوم واخذ ملابسة ورتبها با لأدراج علشان ما يتعب ريم اذا رجعت بترتيبها

واخذ هداياها كلها ورتبها على الطاولة ونسقها بطريقة رائعة

طلع الحوش واخذ يتمشى يروح ويرجع يبي الوقت يمر بسرعة علشان يروح يجيب ريمه من عند اهلها

وقام يشغل نفسه بري الورد الي بالحوش طبعاً الحوش كان صغير على قد الحديقة الي مسوينها من الريحان والورد والفل واشجار الليمون ومن كثر الطفش قام يكلم الزرع:

هاه....كيفكم الحين رحت وتركتكم مع حبيبة قلبي لا يكون ما عطتكم ماء ولا نست تسمدكم وتعتني فيكم عاد كل شي الا انتو حبايب قلبي انا ..بس اكيد ريمه ما خلتكم اعرفها زين قلبها طيب وتحب الي احبه

وشوي كانه صحي لنفسه وهو يقول :

بسم الله .....اشفيني انا قمت اكلم الزرع والله هذا كله بسببك ريمووووه بس ما عليش يصير خير تجين واتفاهم وياك يالغالية ههههههههههههههه

وقام يضحك على نفسه وماحس بان الوقت مر وهو قاعد يسولف مع الزرع صارت الساعة 8.15 انتبه للوقت اخيرا وقام طيران على بيت اهل ريم

اول ماوصل طق الباب

سمع صوت خالته :مين عند الباب

سالم*هذا انا سالم ياخاله

ومبين انها ماسمعت زين قالت بعصبية:قلنا مييييييين عند الباب

رفع صوتة اكثر وقال :انا سالم ....ســــــــــــــــــــــــالم ياخاله

فتحت الباب وسلمت علية ودخلتة جوه

ام ريم *اعذرني ياولدي ماسمعتك

سالم يبتسم*عذرك معك خاله انا ماكنت منتبه زين يوم رديت

ام ريم *ياهلا والله بولد اختي

سالم*هلا فيك خاله.....اقول خاله وين ريم

ام ريم *ريم نايمه تبيني اصحيها

كان يبيها ترتاح لانها اكيد تعبانة من الحمل بس مشتاق مايقدر يصبر

سالم*أي والله خاله الله يعطيك العافية صحيها

ام ريم *طيب ياولدي تقهو بنفسك لين ارجع

سالم*مايحتاج توصيني خاله البيت بيتي

راحت ام ريم تصحيها*ريم ...ريم

ريم تسمع بس ماتبي ترد لانها ماتبي تصحا الحين

ام ريم*ريم يابنتي قومي زوجك رجع من المدينة

ومن دون تردد وكانها نسيت انها حامل نطت ريم من على السرير وهي الفرحة

ام ريم*بسم الله عليك يابنتي ايش فيك

استحت ريم من امها وقالت تبرر :كنت احلم حلم يخرع ونطيت من الخوف

وهي ماسكة نفسها عن الضحك في وجه امها وتعرف انها تكذب عليها

ريم*هاه يمه ايش فيك واقفة كذا

ام ريم* بسم الله علي نطيتي بوجهي ونسيتيني السالفة... جيت اقول لك زوجك وصل وهو برا ينتظرك ...

وهي تتصنع الثقل *سالم وصل

ام ريم *ايه وصل وينتظرك برا

مها*متى وصل

ام ريم *مادري .....روحي اسأليه

ريم*طيب يمه قولي لة تلبس وتجي

رحت امها لسالم وهي اخذت كل حاجاتها الي جابتها بيت اهلها لانها تعرف ان سالم بيقول يالله نروح البيت الحين

اول ما خرجت كانت امها وسالم جالسين يسولفون ويوم شفوها سكتوا

وقام سالم لعندها سلم عليها * هاه جاهزة حبيبتي

ريم*ايه جاهزة

ام ريم:اجلسوا شوي ونسوني

سالم:تسلمين خاله بروح ارتاح الحين وريم ترتب البيت شوي

ام ريم عرفت مافي امل يجلسون معها:طيب في امان الله

سالم وهو خارج من الباب:فمان الكريم

مها وهي تسلم على امها :مع السلامة يمه بمركم بعدين

ام ريم *مع السلامة حبيبتي الله معك

وانطلقوا للبيت اول ما دخلت ريم غرفتها تفاجات من الهدايا

ريم*هذولا كلهم لي

سالم يتريق عليها:نصهم لك ونصهم للجيران ههههههههههه

ريم بدلع:سالم لا تتريق علي والله ازعل الحين

سالم*لا ولو كله الا زعل الغالية ام الغالي هذولا كلهم لك



ضحكوا سوا وقعد سالم وسند ظهره على السرير جاءت ريم وحطت راسها على كتفة وهو يحكي لها ايش سوى في المدينة وهي تحكي له ايش صار معها هنا

.................................................. ..................................

[melad]

مها تعبانه من الحمل وما هي عارفه ايش تسوي وشغل البيت صار يتعبها

مها*ياربي على ذا الحال انا ما اقدر اقوم بشغل البيت ولا اهتم بأمي ياربي ايش اسوي بعمري انا

مرة الايام عليها ثقيلة وحزينة حزينة على نفسها من الي سواه فيها حمد

مها*آه...يا حمد وينك تركتني لوحدي خليتني مع الهموم والافكار

خلصت شغل البيت وتمددت على السرير وسحبت كتاب عطتها خلود وبدأت تقرا.... قراءتها مو ذاك القد بس انها تعرف تجمع الجمل مع بعض الكتاب كان عن الام والطفل

اعجبها الكتاب كثير ونساها شوي

.................................................



سالم انشغل مع زوجتة ونسي الحاجات الي عطاها حمد له

وهم على العشاء يسولفون

ريم: سالم بقول لك خبر

سالم : يالله قولي ليه ساكتة

ريم*مها ......مها حامل

سالم*لا...ماشالله ...ماشالله

ريم*والله اني فرحت لها كثير

وفجاه وكانه تذكر شي نسيه ضرب راسه بيده

سالم*يالله نسيت

ريم*ايش الي نسيته

سالم*وانا بالرياض قابلت حمد وعطاني حاجات لأهله وانا نسيتها وما تذكرت الا الحين

ريم*طيب خلاص بكرة نروح وأعطيهم الحاجات لاني من زمان ما شفت مها

سالم*خلاص بكرة نروح



...............................................



الصباح صحيت مها مثل العادة حاسة بكسل وخمول وارهاق

نظفت البيت وحطت الفطور لامها وبعدين جاء دور اهم شي

الورد قربت منه وبدات تصب الماء وهي تعاتبه مثل كل يوم

مها*انا زعلانه عليك وما راح اكلمك ...كذا ياحمد كذا تخليني اقلق عليك بس ما عليش كل هذا بسبب روحتك المدينة الظاهر انها نستك مها ونستك امك

حطت يدها على بطنها بحنان وقالت بحزن:

حتى انك ماتعرف ان جزاء من روحك بداء يكبر ببطني

سمعت صوت امها تناديها ورحت لها

امها*مها يابنتي انتي حامل والوقوف كثير ترى يتعبك

مها*ماعليش يمه انا لازم اقوم بشغل البيت واشغل نفسي شوي

امها*بس يابنتي هذا مو زين علشانك

مها*ماعليش يمه خليني براحتي

امها*الله يهديك يا مها

قامت من عند امها علشان تروح المطبخ وهي خارجة من غرفة امها سمعت امها تكلم نفسها

(وينك يا حمد ما تجي تشوف امك ...وتطمن عليها والله انك حرقت قلبي بغيبتك الي طولت علي...تعال شوف مها كيف صار حالها من بعدك لا ليلها ليل ولا نهارها نهار الله يهديك يا حمد ويطمن قلبي عليك واشوفك قبل لا اموت )

مها اول ما سمعت هذا الكلام بدات ترتجف ونزلت دموعها من الخوف خوفها ان امها تموت وتخليها لوحدها حمد راح اذا راحت امها مين يصبرها علي عيشة الدنيا

مها*(يا رب لاتحرمني من امي هي الوحيدة الي بقيت لي من بعد امي وابوي ياربي لاتحرمني من شوفتها ولاتحرمني من سماع صوتها ياربي طول بعمرها واحفظها من كل سوء)

كان يوم مها حزين جدا كان بدايته حزن على حمد والحين حزن على امها الي خايفه انها تفقدها في أي لحظة لان تعبها الحين صار اكثر من الاول وكل يوم صحتها تدهور اكثر

بعد المغرب سمعت الباب يطق فتحت لقيت ريم عند الباب

فرحت لجيتها كثير لانها تبي تشغل نفسها بالسوالف وتنسى شوي من هموما

مها*هلا ....هلا ريمه

ريم*هلا بيك يالغالية

مها*تفضلي

دخلت ريم وكانت مها تسكر الباب

ريم*لا تسكرين سالم يبي يدخل يسلم على امك

حطت الطرحة على وجهها ونادت ريم سالم اول ما دخل قالت مها:حياك سالم تفضل امي بداخل

سالم*الله يحيك ويبقيك....كيفك مها

مها*حمدلله بخير ونعمه

سالم*الله لايغير عليكم

مد يدة بعلبة كانت معاه لمها

سالم*خذي يامها هذا من عند حمد

اول ماسمعت مها اسم حمد نسيت وجود ريم وسالم ومن الفرحة نزلت دموعها واخذت تظم العلبة وهي تبكي بس دموعها ما كانت مبينه لانها متغطية

قال سالم:حمد يسلم عليكم ويطمنك انه بخير

قالت مها بكت بصوت عالي يدل على الزعل ثارت بوجه سالم :وليه ما كلف نفسه وجاء معك ايش الي منعه والا خلاص المدينه نسته اهله

سالم استغرب طريقة كلامها وسكت وكانه اهو الغلطان مو حمد وحس بالاحراج انتبهت مها لنفسها ولاحظت تغير وجه سالم وكيف صار من الاحراج

قالت بسرعة:انا اسفة سالم...مو ذنبك ان حمد ما جاء معاك الله يخليك لاتخذ في خاطرك مني والله غصب عني حاسة اني بموت من القهر

سالم يحاول يهديها ويطمنها:سالت حمد ليه ما جاء وقضى الاجازة عندكم.... وقال ان الظروف ما ساعدته وطلب مني اني اطمنك انتي وامه وابلغكم انه بخير ...بس كان عنده دراسة في الاجازة منعته انه يجي عندكم بس راح يجي مع نهاية الدراسة باذن الله

مها جمعت الإسالة كلها بوقت واحد: طيب طمني عليه... هو بخير... ما فيه شي... كيف صحته.... مرتاح عند خاله... وكيفه مع المدرسة ...نجح ولا لا ...؟

ضحك سالم من طريقة مها في الإسالة وقال:هو بخير وما نقصه الا شوفتكم والحمدلله نجح

حست مها بالإحراج من طريقة كلامها مع سالم وكيف انه واجه زعلها بهدوء وتفهم

مها*اسفة سالم وقفتك على الباب كثير تفضل ادخل

دخلوا كلهم سالم راح لعند جدتها وهي وريم راحوا غرفتها

في غرفتها وهي جالسه تتفرج على العلبة الي من عند حمد وتقلبها يمين وشمال

ريم*مها ايشفيك لايكون انجنيتي

مها تبتسم*الله يسامحك والله ماني مصدقه ان حمد ارسل وانه بخير

ريم*الله يهديك حمد مو صغير ويقدر يعتمد على نفسه

مها*انا عارفة انه مو صغير بس والله غصب عني والله اشتقت له

ريم*يامها انتي عارفة انه راح يدرس مايصير تسوين كذا انت عارفة انه بيدرس هناك اكثر من سنه هذا وهي اول سنه سويتي كذا اجل بعد خمس والا ست والا عشر سنوات ايش بتسوين

مها*آه...ياريم ماقدر والله ماقدر حسه اني بجن في غيابه

ريم*من قدك يا حمد بالاول مها مو راضية تتزوج منك والحين تموت على شوفتك

مها*أي والله ياريم والله اني مشتاقة اشوفة واسمع صوته ولو للحظه بس بعدين يروح

ريم*ياعيني على الحب ويابختك ياحمد بحبيبة مثل مها

مها*ليه انتي ماتحبين زوجك

ريم*سالم حياة قلبي الله يسلمه ويخليه لي الغالي حبيب قلبي اهو

مها تتبسم*الله يخليه لك ...وما يحرمك منه

ريم*امين يارب...امين

سكتت ريم شوي بعدين قالت*مها فكي العلبة خلينا نشوف حمد الغالي ايش ارسل لك يمكن ارسل قلبه وعيونه

مها*تهبين وكيف تبينه يعيش بدون قلب ويشوف بدون عيون ...سلامة قلبه وعيونه انشالله

ريم استانست وجلست تضحك ومها تفك العلبة

اول ما فكتها لقيت ورقة حطتها على جنب وكملت تطلع الي بالعلبة لقت جلابية زهر عرفت انها لها و معاها ساعة ذهبية

وطرحه لامها وخاتم ذهب وعطر لكل وحدة فيهم طبعا مع فرق النوع

ريم تبي تطفشها:آه...ياعيني على الحب يا بختك يا مها يا ليتني تزوجت واحد اصغر مني كان الحين بيموت علشاني

مها عارفة ان ريم تمزح معاها لو انها سمعت هذا الكلام من احد ثاني كان زعلت:

مها*حبيبتي الزواج قسمة ونصيب والدنيا كلها ما فيها الا حمد واحد

ريم*حمد الله على النعمة قال مافي الا حمد واحد الا الدنيا مليانه

مها*بس مافي احسن ولا احلى ولا اغلى من حمدي انا

ريم*ياربي حمد...حمد...حمد في كل مكان حمد

مها*ايه في كل مكان بتحصلين حمد تحت المخدة حمد تحت السرير حمد في الشارع حمد واهم حاجة انه بقلبي

ريم*الله يخلية لك...فكينا عاد من حمد

مها*انت الي جبتي الكلام لنفسك

ريم*أي والله انا الملقوفة الي فتحت السيرة

وجلسن يضحكن مع بعض مها بدت ترتاح وتحس بالفرح لانها تطمنت على حمد وعرفت انه بخير

ريم لاحظت تغير مها وكيف ان وجهها رجعت له الابتسامة وكلامها رجع متفاءل ورجعت روحها الحلوة

تكلموا عن كل شي واخذتهم السوالف عن كل شي لدرجة ان ريم نسيت وجود زوجها معها وانهم لازم يروحون البيت بدري علشان عنده دوام وما راحوا بيتهم الا بنص الليل وهي مرتاحة ان مها رجعت مثل زمان بعد ما راح سالم وزوجته

عطت مها امها الهدايا الي من عند حمد وراحت لغرفتها عشان تنام بعد ما خلصت ترتيب هدياها تمدد على السرير

ومدت يدها لكاس الماء لاحظت وجود الورقة وتذكرت انها من عند حمد فتحتها وبدات تقرا وهي تتهجى الحروف:

بسم الله الرحمن الرحيم

حبيبتي مها

ليت الايام تمر سريعا

اني اشعر بالوحدة والقلق واتخيلك امامي

وفي الليالي اتمنى ان تكوني بقربي انا احتاجك واشعر بضياع من دونك يتك الان معي لا شعر بسعادة وترتاح نفسي

من العذاب والالم الذي سببه فراقك

مها اني مشتاق اليك واتمنى رويتك وانشا الله سيتحقق حلمي قريبا.....حمد

نزلت دموع مها على الورقة وهي تضمها لصدرها من الفرحة وشكرت خلود من كل قلبها لانها علمتها القراءة ودعت لها الله يسعدك يا خلود ويريح بالك مثل ما ريحتي بالي )

وحطت راسها على المخدة وهي تضم الورقة بيدينها وهي تحس براحة في نفسها ولاول مره من راح حمد راحة في نومها

في الرياض

حمد ما كان يكلم خاله ومن بعد ما سجل اسمه بالدورة ما يكلمه الا بنادر وكل الي بينهم من كلام هو(السلام عليكم – وتصبح على خير)

سعود حس بغلطته وراح علشان يعتذر منه طق على باب غرفة حمد ووقف ينتظر

حمد*ادخل الباب مفتوح

فتح سعود الباب بكل هدوا وكانه متردد ودخل راسه من فتحت الباب شاف حمد وهو متمدد على السرير

سعود*ادخل ولا ...لا

جلس حمد بسرعة كان يحترم خاله كثير و يستحي يقول له لا تدخل

حمد : حياك خال تفضل

سعود*زاد فضلك

دخل سعود وقف شوي وكانه مضيع

حمد*اجلس خال ليش واقف

سعود*حمد ابي اعتذر عن الأجازة ...المفروض اني ما اسوي شي لين اخذ رايك

حمد*ياخال هذي سالفة وراحت لحالها

سعود*لا ياحمد انا حس من يوم ما قلت لك عنها انك تغيرت كثير وما عدت تتكلم معي مثل الاول

حمد*صحيح اني زعلت في الاول ...بس والله بعد فترة نسيت السالفة وعرفت انك سويت كذا لمصلحتي

وتصافت النفوس ورجع حمد مثل الاول مع خاله واحسن بعد.....

بعد مصالحه حمد وخاله رجعوا مثل الاول واحسن بعد

وحمد كان يحكي لخاله كل الالم والعذاب الي حاس فيه بسبب بعدة عن امه و مها

سعود: تصدق ياحمد انك ولد غريب

حمد*ليه خال ايش الي فيني غريب

سعود*الغريب ياحمد الحياة الي عايشها والاحلام الي انت فيها وقصة حبك هذي كل شي حواليك يبين غرابة طبعك

حمد*ليه خال يعني حبي لزوجتي وحلمي فيها شي غريب

سعود*بنسبة لواحد في عمرك مو بس غريب الا شي مايتصدق

حمد*بس يا خال انا احس انه شي عادي لان في اصغر مني ويتزوجون ويحبون زوجاتهم

سعود*بس بالعادة يحمد تكون الزوجة اصغر عن الزوج

حمد*يا خال لو كانت مها اصغر عني بشوي ما اعتقد اني احبها هل كثر

سعود يبتسم*وتقولي ياحمد انك مو غريب الا اساس الغرابة

حمد يتبسم*مو مشكله اذا كان سبب غرابتي بنظرك حبي لزوجتي

خاله يكلم نفسه(ياخوفي ياحمد بعدين الحب هذا ينتهي مع مرور الايام وكل ماكبرت اكثر تعرف معني كلمة حب اكثر وتتغير مشاعرك اتجاه مها وتحس بالفرق الي بينكم)

(تعتقدون هذا ممكن يصير وحب حمد يتغير مع الوقت....؟!)



يتــــــــــــــــــــبع

[غاده]

يعطيك العافيه
ونستنا التكمله
اختك
غاده

[غاده]

طووووولت علينا
نستنى التكمله
ويعطيك العافيه

[melad]

مرحبا غادة
آسفة على التاخير بس كنت مشغولة هذي الاسبوعين بزواج اختي وانشالله راح انزل جزاء جديد باقرب وقت

[melad]

الجزاء السابع
الدراسة بالنسبة لحمد كانت همة الوحيد الحين وكان كل الي يبغاه انه يخلص الدراسة ويتوظف ويجيب مها وامه عنده
في اول يوم دراسة اجتمعوا الشباب كلهم بعد ما فرقتهم الاجازة الوحيد الي ما قاطع حمد هو خالد الي كان دايم يجي عنده البيت او يطلعون يتمشون ...لان اهلة كلهم حوالية وما يحتاج يسافر لهم
حامد راح القنفذة لأهله سلطان راح اهو واهله لعند اعمامه مثل العادة يتجمعون العائلة كلها في الاجازات
خالد:والله ولكم وحشة شباب
سلطان:حتى انت والله وحشتنا ووحشتنا اخبار البنات
خالد:والله فاتكم شي ...نص عمركم ضاع وانتم بالاجازة
حامد:والله كل عمري لقيته بقعدتي بين اهلي
خالد:حليلة حبيب الماما...الي مخلي حياته عندها
حامد:اقول كل شي الا امي لا اعطيك كف الخبط وجهك
خالد:تكفى كل شي الا وجهي كيف الحق البنات وجهي ملخبط
سلطان :الله ودي اشوف وجهك وهو ملخبط هههههههههههه
حمد:أي والله وناسه والبنات يركضون خايفين منه هههههههههه
خالد:ها ها ها... بعيد عن خشمك انت وياه
حمد:اقول شباب ما قلتو لنا كيف قضيتو الاجازة مع الاهل
حامد:تصدق بس فكرة اني اقضي الاجازة بين اهلي تفتح نفسي للاجازة من اساسها
سلطان:والله كانت احلى اجازة لي اول مرة احس باني مستانس
خالد بخبث :اكيد حطيت عينك على وحدة هناك
سلطان سكت ودخل في جو من التامل والسرحان وشباب مستغربين ردة فعلة بالعادة يسكت خالد باي كلمه بس هذي المرة شكل السالفة فيها شي جديد
استغلوا الفرصة وقاموا يسألونه
خالد:ياعيني على الحب عقبالي يارب واسرح في الخيال
حمد:سلطان قول تكلم ايش السالفة ...ايش الي حصل ...باين الحب عليك
سلطان:آه... والله ماتوقعت نفيسي احب وعمري ماتخيلت اني احبها اهي بذات وما توقعتها تحبني بعد
خالد:هذي سالفة يبي لها قعده خاصة وبعيد عن المدرسة
بعد المدرسة راحوا كلهم لاستراحة لاهل خالد وهم جالسين بعد ما جهز العامل القهوة والشاي
خالد:يالله سلطان قول لنا ايش الي حصل لك والله اني على نار ابي اعرف
حامد:ياشين القافة
خالد:يشينها والا يازينها انا ابي اعرف الي حصل وخلاص
حمد:طيب يمكن سلطان مايبي يقول ليه انت تبي تعرف
خالد:والله احب اسمع هذي السوالف ترها تفتح نفسي وبعدين مافيها شي احنا صرنا مثل الاخوان
حمد:أي والله ولو عندي اخوان مراح احبهم كثركم
خالد: سلطان اخوي حبيبي قول لي ايش الي صار
سلطان:طيب بقول... بقول بس من دون ذكر اسامي
خالد:اكيد اسمها مو حلو بس يالله مانبي اسمها قول
سلطان:الا قول اسم على مسما
حامد:ياسلطان قول ولاخالد بيموت قهر الحين مين يدفع ديته هههههههههههه
حمد :ياولد عيب تتفاول على اخوك ههههههههههه
خالد:سلطان يالله ياخي قول
حامد :هاه ماقلت لكم ههههههههههههههههههه
سلطان:خلاص بقول بس ما ادري من وين ابدأ
خالد:الله يرحم ابوك ابدأ انت بس
سلطان:هي بنت ابوي عامر( سلطان عندة اربع اعمام وكانوا يحبون بعض كثير لدرجة انهم علموا عيالهم بدل مايقولون عمي فلان يقولون ابوي فلان حتي يحسسونهم انهم كلهم
عائلة وحدة واب واحد علشان كذا هو ينادي عمة عامر ابوي عامر)..
من صغرها وهي دلوعة ابوها وامها لانها اول بنات لهم...ودلوعه العائلة كلها لانها واول بنت تجي بالعائلة لان العائلة كل خلفتها اولاد وجت هي في وقت العائلة فقدوا فيه الامل تكون فيه بنت بالعائلة لان جدي خلفته اربع عيال بس ولما تزوجوا عياله كلهم خلفتهم الاولى عيال ابوي صالح الكبير كان عنه اربع اولاد وابوي راشد ولدين وابوي عامر
ولدين وابوي عادل كان عنده ولد هذاك الوقت .....بس الحين ماشا الله البنات اكثر من الاولاد... بس لانها كانت اول بنت بالعائلة خذت الدلع والحب من الجميع ....من وهي صغيره ماتعطي احد وجه ولا تتكلم الا من راس خشمها وياويل احد يغلط عليها كل العائلة تقوم علية ... انا ماكنت احتك فيها كثير ولا احب ازعلها واتجنب الكلام معها قدر الامكان...بس كان فية اسامة ولد ابوي صالح الي كان يغار منها بما انه اكبر ولد بالعائلة كان يحس بالغيرة والقهر منها لانها اخذت منه كل شي حتى حب ابوة وامه فكان يدور أي فرصة يضايقها .. يضربها..يشد شعرها..ياخذ إلي بيدها..اهم شي يسمعها تبكي وياكثر ما هزاه ابوة واعمامي على الي يسوية بس مين يسمع
قاطعة خالد:اقول سلطان يالله ادخل بالموضوع
حمد:خلة يحكي والله قصة عائلتهم مرة حلوة
سلطان:المهم انا دائماً اتجنبها باي طريقة وفي هذي الاجازة قالت امي انها تبي تخطب لي وحدة من بنات العائلة ...بس كانت حائرة مين الي تناسبني وسالتني مين ابي من

بنات اعمامي انا قلت لها لي تبين تخطبينها... اخطبيها انت تعرفينهم اكثر مني ولما رحنا كلنا الاستراحة العائلة امي كلمت زوجت ابوي عامر عن بنتهم فقالت لامي انها بتكلم زوجها و بتشور البنت ...طبعا انا ماكنت ادري مين اختارت
امي من بنات عمي وصراحة مكان عندي مانع في أي وحدة تخطبها منهم كلهم على العين والراس زوجة ابوي عامر كلمته في الموضوع وهو ما كان عنده مانع
فقالت له: كلم بنتك وشوف رايها انت عارف انها دوم ترفض العرسان واخر واحد كان اسامة ولد عمها صالح والحمد لله ان صالح ما زعل منها لانه يحبها كثير ويحترم قرارها وما يبي يزعلها وزوجه بنت راشد اول ماكلم عمي البنت وافقت وما اعترضت علي بشي المهم عمي رد على امي واول ماسمعت امي الرد جت ونادت علي كنت جالس ويا اولاد عمي نلعب ورق مثل العادة طلعت لها
سلطان*خير يمه
ام سلطان*طيب اجلس اول واسمعني
سلطان*يمه انا طول اليوم جالس خليني مرتاح كذا
ام سلطان*يعني ما بتجلس
سلطان*لا بس قولي ايش صار
ام سلطان*سلطان خلاص خطبت لك
قلت وانا ماني متحمس سلطان:طيب يمه انا عارف انك بتخطبين لي
ام سلطان*ماتبي تعرف مين العروس
قلت وانا مو مهتم بالمرة:عادي يمه انا عطيتك حرية الاختيار
ام سلطان*حتى ولو بس على الاقل حسسني انك مهتم تعرف مين العروس
قلت من دون نفس:مين العروس يمه

قالت امي..........) بنت ابوك عامر
(وما توقعت اسمع اسم البنت هذي بذات وانها بتكون زوجتي ابد ورغم اني فكرت في بنات عمي كلهم الاهي كان فكري بعيد كل البعد عنها وعن اني افكر بخطبتها)
انا من الصدمة ما قدرت اوقف وجلست بس ما ادري كيف
ام سلطان *سلطان يمه ايش فيك لا يكون ما تبيها
(وانا اكلم نفسي وقول وش الي ما ابيها الا هي ماخطرت على بالي ابد)
رديت:لا يمه انا ماعندي مانع
ام سلطان*طيب يا ولدي انا كلمت ابوك عامر وحرمته وهم موافقين
(صراحة مكان يهمني راي عمي وزوجتة المهم كان رايها اهي لانهم يسوون الي هي تبيه)
قلت بتردد:اخذتوا رايها
ام سلطان*ايه وهي موافقة
(هذا الجواب الي ما توقعته ابد ... انا عارف ان اسامة قبل سنتين خطبها ورفضت بس ايش السالفة ليش وافقت علي.......؟!)
ام سلطان*سلطان يمه ايش فيك متى تبينا نملك لكم
سلطان*ما ادري يمه اسالي ابوي عامر وشوفي متي يبينا نملك
ام سلطان*انا ابي املك لك قبل لا تنتهي الاجازة
سلطان*يسير خير بس كلميه اول
كلمت امي عمي وقالت انها تبي الملكة بعد اسبوع ووافق عمي وملكنا بعد اسبوع لا والمصيبة اني من زمان ماشفت البنت في يوم الملكة دخلت علشان اشوفها والبسها الدبلة واعطيها الهدايا الي جبتها له كانوا كل العائلة موجودين
موقف لا احسد علية
قاطعة خالد وحمد وحامد:افااااااااا تملك ولا تعزمنا نقوم بالواجب معك هذي الاخوة بنظرك
سلطان*والله يا شباب مكان فيه وقت اني استوعب الموضوع بس انشا الله اعوضكم
خالد:المهم كمل وبعدين
سلطان*اول ما دخلت المجلس قمت ادور امي ابيها تجي تمشي معي ما ابي امشي لوحدي بين كل هذا الجمع بس ما شفتها رخيت راسي وقمت اسال