المساعد الرقمي الشخصي

مشاهدة النسخة كاملة : من واقع الحياة . ماذا سيكون موقفك ؟؟

عذراء القلب
15-06-2005, 03:49 AM
السلام عليكم و رحمة الله


ممكن ننظر للزمن نظرة كذا سنة قدام يعني المو متزوج يتزوج و المتزوج اجيب عيال و الي عنده عيال يكبرون :marsa21:

احنة انشوف الزمن هاذة و سلبياتة الي ما تحصا .. و كل يوم ما يطلع شي جديد ادمر عقول الناس:marsa39:

و اليوم الشباب ادا كلموهم اهلهم عن افعالهم المشينة اقولون هاذي حرية شخصية :marsa83:

مو هني سؤالنا

سؤالنا اهو ..

ادا كان عندك بنت او ولد في سن المراهقة :marsa46:

طبعا الأولاد اول ما يدشون سن المراهقة اتكون افكارهم استقلالية و يميلون للطرف الآخر :marsa28:

و احنة انشوف الشباب الحين

يعني البنت الي ما اتكلم ولد اتكون حالة شاذة :marsa78:

و الولد الي ما يكلم بنت اكون متخلف :marsa167:

لو بنتك أو ولدك صرحو لك انهم احبون شخص و يبون اكلمونة.. هل انت راح تستجيب لهم و تاخد كلامهم بعين الاعتبار و خصوصا انهم في مرحلة فياض عاطفي :marsa83: . أو انك راح ترفض بتشنج :marsa52:

مع العلم ان المراهق غالبا ما يكون عنيد ة يحب يمشي كلمتة أخد بعين الاعتبار ان هذا المراهق يمكن يقع في الغلط بدون ما اهلة يدرون و ما يوعون لة الا واهو في حالة انهيار

السموحة اتمنى اني وصلت المعلومة

اختكم عذراء القلب
الصواوه
15-06-2005, 04:06 AM
والله ما ادري شو بيكون ردة فعلي يوم بشوف ولدي ولاا بنتي في هالموقف ..

الصراحه صعب .. بس بعد لازم بيكون عندي الحل ..

اني اقنعهم ان هالشي غلط وهذي فتره وبتعدي .. عالله عاد يقتنعون في الزمن اللي يااي .. اصلا اذا خبروني ..

لااا ان شاءالله بكون الهم الام والربيعه بعد .. لان اذا كنت ابعيده عنهم كيف بيصارحوني ؟؟ مستحيل ايخبروني .. صج ولا انا غلطانه ..

والله ما ادري خليتيني افكر بعيال وانا بعدني وبيوم انا ما ادري اذا بيي ولااا لاااااا ؟؟؟
~ القلب ~
15-06-2005, 11:39 AM
و عليكم السلام والرحمه..
مسموحه بالحل الغاليه و المعلومه وصلت..;)
بالنسبة لموضوعج... فما اعرف شو اقولج..
يعني معروف انه كل جيل اي يكون اردى عن قبله.. لا تسأليني عن السبب ..!!
لان هالشي اصبح واقع انعيشه.. :marsa46:
و انا ما استبعد انه عيالي يمكن ايون ويخبرون بهالشي..
بالنسبة لي..
بحاول اني اخبره بان هالشي غلط.. وبذكرهم بعض القصص عسب ياخذون منها العظه والعبره..
بحاول معاهم بالطيب،، لانه الشد و خاصة في هالمرحلة العمرية بتزيد المشكلة و بتكون النتيجة عكسية..
و اذا ما سمعوا رمستي..
بخبر عليهم ابوهم خله يتفاهم وياهم..:marsa52:

مشكوورة الغاليه على هالموضوع الحلو.. واللي ما يقل عن باجي مواضيعج..

و السمووحه

القلب
أم غيث
15-06-2005, 12:28 PM
:: عذراء قلب ::

موضوع يستحق النقاش فعلا ....

تسلم ايديج عليه

اختي ...

اهم شي التربيه و مدى قرب الاهل من الابناء

و الاهم من هذا كله .... زرع الوازع الديني في قلوبهم
و كسب الابناء باللطف و الكلمه الطيبه

كل ما كانوا صادقين مع بعض و صريحين ... كل ما كانت الامور سهله ....


و اللي اتخيله (ان شاء الله)... اني برابع عيالي ... عشان اكون قريبه منهم ... اوجههم ... انصحهم ... بس باسلوب ما ينفرهم مني .... و اذا ياني ولدي في المستقبل و صارحني بها الشي .... اكيد بسمعه ليييين الاخر .... و بتعاطف وياه .... بعدها .... بذكره انه ماشي مانع انه يحب بس بالحلال ... و مب مقبول انه يكلمها ... لانه ... طال الزمن و الا قصر .... بينرد له في اخته او بنته ....

بحذره و بهوبه من هالشي .... و بقول له .... اتحبها بكل صدق !!! بنسأل عنها و بنخطبها لك .... بس احذر الرمسه في التيلفونات ... اعراض الناس مب لعبه ...

و ان شاء الله ما يعاند ...
عذراء القلب
15-06-2005, 01:04 PM
و عليكم السلام والرحمه..

مسموحه بالحل الغاليه و المعلومه وصلت..;)
بالنسبة لموضوعج... فما اعرف شو اقولج..
يعني معروف انه كل جيل اي يكون اردى عن قبله.. لا تسأليني عن السبب ..!!
لان هالشي اصبح واقع انعيشه.. :marsa46:
و انا ما استبعد انه عيالي يمكن ايون ويخبرون بهالشي..
بالنسبة لي..
بحاول اني اخبره بان هالشي غلط.. وبذكرهم بعض القصص عسب ياخذون منها العظه والعبره..
بحاول معاهم بالطيب،، لانه الشد و خاصة في هالمرحلة العمرية بتزيد المشكلة و بتكون النتيجة عكسية..
و اذا ما سمعوا رمستي..
بخبر عليهم ابوهم خله يتفاهم وياهم..:marsa52:

مشكوورة الغاليه على هالموضوع الحلو.. واللي ما يقل عن باجي مواضيعج..

و السمووحه

القلب

مشكورة الغالية على ردج
تسلمين
عذراء القلب
15-06-2005, 01:08 PM
:: عذراء قلب ::


موضوع يستحق النقاش فعلا ....

تسلم ايديج عليه

اختي ...

اهم شي التربيه و مدى قرب الاهل من الابناء

و الاهم من هذا كله .... زرع الوازع الديني في قلوبهم
و كسب الابناء باللطف و الكلمه الطيبه

كل ما كانوا صادقين مع بعض و صريحين ... كل ما كانت الامور سهله ....


و اللي اتخيله (ان شاء الله)... اني برابع عيالي ... عشان اكون قريبه منهم ... اوجههم ... انصحهم ... بس باسلوب ما ينفرهم مني .... و اذا ياني ولدي في المستقبل و صارحني بها الشي .... اكيد بسمعه ليييين الاخر .... و بتعاطف وياه .... بعدها .... بذكره انه ماشي مانع انه يحب بس بالحلال ... و مب مقبول انه يكلمها ... لانه ... طال الزمن و الا قصر .... بينرد له في اخته او بنته ....

بحذره و بهوبه من هالشي .... و بقول له .... اتحبها بكل صدق !!! بنسأل عنها و بنخطبها لك .... بس احذر الرمسه في التيلفونات ... اعراض الناس مب لعبه ...

و ان شاء الله ما يعاند ...

عقل راجح ما شاء الله عليج

الله يستر علينة و على المسلمين كافة

مشكورة
ألــوان
15-06-2005, 02:29 PM
يعطيج العافيه اختي على طرح هالموضوع..

الصراحة انا اعتقد اني من النوع الهادي في هالسوالف..
والاعتراف فضيلة..
وبيكون موقفي افضل لو اكتشفت ذلك بنفسي...!!
so لازم اقدر هالموقف وافهم كل التفاصيل..
وطبعا تقوية الوازع الديني والتوعية الدينية والاجتماعية واجبة في كل مراحل العمر..
وطبعا الاهتمام بالصحة النفسية والعقلية والجسدية كلها مكمل بعض..
بالظبط بالظبط لا اعرف موقفي لكن..
اكيد بيكون ايجابي وليس سلبي..

^^ سلملم..+..
اطياف الذكريات
17-06-2005, 02:07 PM
انزين خلنا نقول هذا المراهق كبر و هو من يوم صغير يكلم بنات و سوالف المغازل لازم بعد يصير هالشيء بإخته

لأن مثلما تدين تدان

يقول ليج اختي في حادثة صارت في إمارة دبي

ان مواطن اكتشف ان بنته على علاقة مع احد الشبان و شافها راكبة وياه في سيارته و يوم رجعت كان ابوها يترياها بالبندقية و هرب الشاب و البنية و لحقهم و دعمهم و تالي اطلق عليهم 12 رصاصة لما توفوا تالي اب البنية سلم نفسه لشرطة و اودع خلف القضبان

لازم نحذرهم من مخاطر الزمن و من هم صغار نسعى إلا ان نخليهم يحبون الدين و قراءة القرآن و الفضيل ة و كل الخلال الحميدة

علشان يعروفون الصح من الغلط

و ما نهملهم و نسمعهم لين الآخر
حتى يحسون إنا مهتمين فيهم

و مشكورة اختي على طرح هذا الموضوع

اختيار حلو بالصراحة

و مشكورة و عساج على القوة دوووم
عذراء القلب
18-06-2005, 12:09 AM
انزين خلنا نقول هذا المراهق كبر و هو من يوم صغير يكلم بنات و سوالف المغازل لازم بعد يصير هالشيء بإخته

لأن مثلما تدين تدان

يقول ليج اختي في حادثة صارت في إمارة دبي

ان مواطن اكتشف ان بنته على علاقة مع احد الشبان و شافها راكبة وياه في سيارته و يوم رجعت كان ابوها يترياها بالبندقية و هرب الشاب و البنية و لحقهم و دعمهم و تالي اطلق عليهم 12 رصاصة لما توفوا تالي اب البنية سلم نفسه لشرطة و اودع خلف القضبان

لازم نحذرهم من مخاطر الزمن و من هم صغار نسعى إلا ان نخليهم يحبون الدين و قراءة القرآن و الفضيل ة و كل الخلال الحميدة

علشان يعروفون الصح من الغلط

و ما نهملهم و نسمعهم لين الآخر
حتى يحسون إنا مهتمين فيهم

و مشكورة اختي على طرح هذا الموضوع

اختيار حلو بالصراحة

و مشكورة و عساج على القوة دوووم

تسلمين اختي و الله يستر علينة و على الجميع