اريد مساعدتكم ضروري!! [الأرشيف] - منتديات مرسى الإمارات

مشاهدة النسخة كاملة : اريد مساعدتكم ضروري!!

P U R E

13-06-2005, 12:50 AM

مرحبا اخواني

بغيت مساعدتكم لي ضروري

انا مراقبه في احد المنتديات ,, والمنتدى كان ماشي تمام التمام

بس من فتره صارت مشاكل و المنتدي كان يبند بسبب مشكله في السيرفر

و خلال هالفتره المشرف العام ما كان متواجد عشان يحل هالمشاكل

حاولنا نكلمه عشان يشوف شو المشكله بس يقول انه ما يبا المنتدى خلاص

الحين نائبة المشرف العام هي اللي قامت بالشغل كله و اتفقت مع شركة استضافة يديده

و تم نقل المنتدى لسيرفر يديد

و بس باقي انهم ينقلون اسم المنتدى

بس ظهرت مشكله في لوحة التحكم ,, الشركة تقول انها قديمه!!

و قالوا انهم ما راح يشتغلون في المنتدى الا لمن نغير لوحة التحكم

الحين نحن اغلبيتنا بنات و ما نعرف شي في هالشغله

فــ إذا فيه حد يقدر يساعدنا .. يزاه الله الف خير

و السموحه

همسة غلا

13-06-2005, 02:12 AM

هلا اختي .

الربان بساعدج ان شاء الله ....

لان وايد طيب ويحب يخدم غيره .. انتظري اليوم ولا باجر بدش المنتدى ..
وان شاء الله بحل مشكلتج اختي .. ولايهمج .. ولا احد الأخوه اللي عندهم خبره بهالسوالف .. :marsa12:

اختج : هَمسِة غَِلا

الربان

13-06-2005, 04:41 AM

اختي P U R E
الشركة اللي نقلتوا لها ركبوا لكم باك اب المنتدى ؟
بعدين اختي الشركة مايخصها اذا نسخة المنتدى قديمة او يديده
السموحه منج اختي بس هذا اللي فهمتها منج
ياليت توضحين اكثر
وممكن اختي رابط المنتدى على الرسائل الخاصة اذا كان المنتدى خاص

همسة غلا

13-06-2005, 05:06 AM

السلام عليكم والرحمة .

^.^ الربان مابصير إطرشP U R E لك رساله خاصه لرابط الموقع لان الرسالات محدده فوق الـ 100
وبعدين العضو يقدر يطرش .. ^.^ بس بغيت اذكرك لا اكثر ..
والسموحه

همَِسة غَِلا

P U R E

14-06-2005, 03:49 AM

<(((><

14-06-2005, 04:52 AM

هلا وغلا pure

والله الصراحة غيربة هالموضوع ؟؟ ليش مايبي المنتدى

طيب حاولو بيه يعطيكم الصلاحيات وكل شي ؟؟؟ لو جه الله...

والرابط بسيط حطيه مجر نسخ

او على الاقل اسم المنتدى

بالتوفيق’’

الربان

14-06-2005, 04:10 PM

هلا اخوي الربان

اسمحلي طولت عليك في الرد ,, بس كنت اتأكد اذا كانوا مسوين باك اب او لا

و ظهروا مو مسوين لنه خايفين المواضيع تنمسح

و اسمحلي لني مب فاهمه السالفه عدل

و عن المنتدى هو مش خاص ,, و ماعرف كيف ارسلك وصلته

و السموحه اخوي

====

همسة غلا اشكرج عزيزتي على تواصلج ^_^

و السموحه من الجميع

اختي P U R E
اول مرة اسمع ان الباك اب اختي يحذف الموضوع !
مفهوم الباك اب او النسخة الاحتياطية انج تاخذين نسخة احتياطية عن قاعدة بيانات معينه مثل قاعدة بيانات المنتدى
لما تاخذين باك اب للمنتدى تضمنين اختي ان لو صار اي شي في المنتدى تقدرين ترجعينه
او لما تنقلين المنتدى لسيرفر ثاني تقدرين تزرعين الباك اب في قاعدة بيانات السيرفر ويرجع المنتدى مثل اول بدون خسران اي شي
يمكن اختي السيرفر اللي انتي عليه عربي ومايعرف شي والمعذرة على هذا الشي
خبريهم اختي وراجعيهم اذا كان عندهم نسخه احتياطية للمنتدى لاي وقت
ولو كانت عندهم اختي وركبوا الباك اب ان شاء الله اشوفه واذا يحتاج اي شي بالخدمة

اختي همسة غلا
مشكورة عالتنبيه وهالشي راح عن بالي
مشكورة ويزاج الله خير

P U R E

14-06-2005, 05:59 PM

هلا اخوي الربان

اسمحلي الشيخ تعبتك معاي :(

بس تراني ماعرف شي و انا هاللي قالولي اياه

يمكن اختي السيرفر اللي انتي عليه عربي ومايعرف شي والمعذرة على هذا الشي

والله ياخوي مادري بسألهم ان شاء الله

تسلم و السموحه تعبتك وياي

مشكوور و ما قصرت ^_^

الربان

14-06-2005, 06:04 PM

اختي P U R E
في ردج الاول تقولين

و تم نقل المنتدى لسيرفر يديد

و بس باقي انهم ينقلون اسم المنتدى

بس ظهرت مشكله في لوحة التحكم ,, الشركة تقول انها قديمه!!

تقصدين اختي ان المنتدى شغال بس فيه مشاكل ؟

P U R E

15-06-2005, 07:22 AM

السلام عليكم

هلا اخوي الربان

هيه هو المنتدى كان شغال و كانت تصير مشاكل ,, المنتدى كان يبند روحه

و اغلبية المواضيع انحذفن و بعض الاعضاء ردوا سجلوا من اول و يديد و لا كأنهم كانوا مسجلين

بس الحمدلله المشكله انحلت اللحينه

الغلط كان من راعي شركة الاستضافه اليديده كان يكتب اليوزر نيم غلط

قدرنا ننقل المنتدى للسيرفر اليديد من غير اي مشاكل بفضل الله

اشكرك اخوي الربان على مساعدتك

و اسمحلي تعبتك معاي و انته مثل ما اشوف انه عندك امتحانات

الله يوفقك في امتحاناتك ان شاء الله

و يزاك الله الف خير

و اشكر كل من رد على الموضوع

تسلمون و ما قصرتوا ^_^

و السموحه

همسة غلا

15-06-2005, 08:35 PM

مبروووووووووووك والله

استانست لج .. الحمد الله انحلت المشكله اختي .. :marsa90:

وياهلا فيـــــــــج .. حياج الله .. منوره المنتدى بأي وقــــــــــت .. :marsa45: وخاصه التصاميم ..

اختج : همسة غلا