المساعد الرقمي الشخصي

مشاهدة النسخة كاملة : سؤال.....؟ما رايكم بالشات؟؟؟.

cute_fl0wer
12-06-2005, 03:40 AM
بسم الله الرحمن الرحيم

السلام عليكم ورحمة الله وبركاته
بنات ممكن تجاوبوني بصراحه شنو رايكم بالشات وهل انتو تدخلوه لو لا والي تدخله متزوجه ويعلم زوجها انها تدخله لو غير متزوجه وبصراحه...
وشكرا
dubai2
12-06-2005, 05:25 AM
وعليكم السلام ورحمة الله وبركاته


هذه أول مشاركة لي في المنتدى وإن شاء الله تكون فاتحة خير علي وعليكم


أما عن رأيي في موضوع الشات

على الإطلاق ......... أقول : لا وألف لا ..........!!

فالشات ليس إلا ضياع الأوقات ..... ومرتع لكثير من أصحاب النفوس المريضة .....

أضرار الشات أكبر من منافعه هذا إن كان له منافع من الأصل.

و كلنا عارفين عن سخافات الشات و شتائم الشات و بعض الأخلاقيات البذيئة المعروفة في مثل هذه البيئات الغير الصحية و أهم الأضرار على الإطلاق هو الضرر الشرعي.

لذلك اؤكد رفضي المطلق لهذه الفكرة.
cute_fl0wer
12-06-2005, 05:29 AM
أول أهلا بج في المنتدى

كلامج صح 100ب100

أوافقك على الرد
cute_fl0wer
12-06-2005, 05:31 AM
أول أهلا بج في المنتدى

كلامج صح 100ب100

أوافقك على الرد
وعلى فكرة حتى أنا يديد فى المنتدي
و إذا احتجتي اى شى قولى
الصواوه
12-06-2005, 05:34 AM
وعليكم السلام ورحمة الله وبركاته ..

الشات .. الله ايعين العالم ع الشات ..

راي بالشات :
تضيع وقت أولا .. ما فيه أي نوع من الفايده .. كلاااام ضايع بالهواء .. المغازل لاعب دور

بصراحه دخلت بس علشان اخذ بحوث للمساقات بس سوالف ومصخره ماشي والحين ولااا اعرف شي عنه ابد .. وكنت يوم ادخل وأخواني الاولاد يالسين عندي وسوالف وعادي وعيش حياتك .. الحمدالله واثقين ان بنتهم امربايه ..

اعرف وايد حريم متزوجات يدخلون الشات ومنهم من غير ما ايعرف زوجها ..

الله يهديهم ..

والله الشات وراه بلاااوي ... وكم مره سمعنا شاب خدع بنت ... وبنت اطلعت وياا الشاب .. ومتزوجات اطلقواا ...

شكرا ع الموضوع ...
cute_fl0wer
12-06-2005, 06:50 AM
مشكورة اختى صواوه على ردج
عذراء القلب
13-06-2005, 09:19 PM
السلام عليكم و رحمة الله

أشركج اختي الغالية على طرح الموضوع للنقاش

و آنة ما أأيد الشات بكل سبلة و نواحي

وخصوصا ان مضار الشات كثيرة الله يبعدنة عنة

بس مرة دخلت الشات عشان اعرف شنو هاذة الشي الي يقولون البنات عنة فن و لقيتة مهزلة و مضيعة للوقت .. و الغرب هم الي اخترعوه بغاية تدمير مجتماعتنا

و بالنسبة لي ما اسمح لريال غريب اكلمني حتى لو كان بالشات ..

الشات مضيعة للوقت و خراب يامة الشات دمر عوائل

السموحة

اختج
عذراء القلب
بحار
13-06-2005, 11:01 PM
السلام عليكم ورحمة الله وبركاته
بنات ممكن تجاوبوني بصراحه شنو رايكم بالشات وهل انتو تدخلوه لو لا والي تدخله متزوجه ويعلم زوجها انها تدخله لو غير متزوجه وبصراحه...
وشكرا


و عليكم السلااام والرحمه....

:marsa51: يعني نحن ما نقدر انجاااوب
الصواوه
14-06-2005, 02:19 AM
ههههههههههه حلوه هذي .. قالوا بنات ليش الرزه ^_^

يالله بحار انا بعطيك المجال .. ارمس وقول رايك ...
الأنامل الفضية
13-07-2005, 04:09 AM
وعليكم الســـــــــــــــلام والرحمه ..



الجات ماله منافع ..
وجان بتسألين عن الاضرار بتحصلين اعداد لا تعد ولا تحصى ..

كم سمعنا عن وحده انحرفت وشو البدايه البدايه كانت الجات ..
وكم سمعنا قصص عن حريم طلبو الطلاق وليش عشان يتزوجون بربع من الجات..
وكم سمعنا عن حالات طلاق والسبه ان الريال اكتشف الحرمه تيلس عالجات ..

وكم كم ..

وان شاء الله وصلنا المعلومه ..
وتسلمين اختي على طرحج للموضوع ..


-------------------------------------


بحير شاركنا نبي نعرف وجهاتكم اتجاه الموضوع:marsa82:
صدى الصمت
13-07-2005, 05:01 PM
الشات ما يعني ليي شي ..
ما اعرفه و لا ابي اعرفه ..
بس من خلاال القصص و المآسي الي تصير ..
فهوو راس المشاكل ..


ام سيف
وهج المشاعر
14-07-2005, 03:24 AM
الصراااااحه خربوطه ومافي شي
بس اللي يدخل فيه اكيد يا طفرااااااااااااااااان وزهقان او مسنجره ما فيه احد
ملاك الربيع
17-07-2005, 12:25 PM
السلام عليكم ورحمة الله وبركاته
أنا بصراحة ما أحب الشات وكنت أفوت زمان لما كنت صغيرة أجرب لما كنت أسمع صاحباتي بحكوا عنه كتير وبصراحة مافي شيء ممتع بالعكس ضاع من وقتي كتير إن كان في صلاتي او دراستي وغيرها من أمور حياتي أما الآن والحمد لله ما أفوت الشات بطلته من يوم صرت في الجامعة ... وهذا رأي الخاص ناتج عن الفترة السلبية وأنا مالي حق انتقد الموضوع بالكامل ويمكن غيري لقى في اشياء انا مالقيتها بس هيك انا كتير سعيده في حياتي
وشكرا كتير على السؤال اللي خلاني اعبر عن رأي في شيء منتشر كتير هاي الأيام
سلام
((فــــــراشه))
30-07-2005, 04:50 PM
الصارحه
انا وحده كنت ادخل الشات وكنت وايد متعلقه فيه
بس ماطولت الحاله أسبوعين بس
احمد ربى اني ماطولت فيه لاني اكتشفت ان الشات مضيعه للوقت وبس
theangel
08-08-2005, 08:18 AM
الصراحه اختي عمري ما دخلت الشات

بس اعرف بنات دايم يدخلون بدون علم اهاليهم لانهم عارفين ان هذا الشي غلط

وفي بعد وحده منهم متزوجه وتدخل بدون علم زوجها

والله يهدي الجميع ان شاء الله

وجزاك الله خير
عجـــــايب
11-09-2005, 05:12 PM
اولا السلام و عليكم و الرحمه ...
ثانيا ... مشكورة اختي عالموضوع .... و اللي خلاني ارد عليه ملاحظتي للبنات اللي ويانا في المدارس كيف صاروا مدمنين عليه بشكل فضيع .....

حبيبتي الشات و ان كانت له منافع_ مثل ما يقول البعض _ فمضاره اكثر من منافعه .... و مضيعه للوقت و مفسده للشباب و لعفة البنات و حيائهم .... حتى اذا الوحده ما تمادت في التعامل مع شباب الشات ... تلقاها عالاقل تفقد حياها .... و هو اهم شي في البنت ....

و الواحد افضل له يبتعد عنه ....و يفر منه فراره من الاسد ... و الباب اللي تييك منه الريح سده و استريح ....

و يسلمووووووووووووو
الأمل
23-10-2005, 05:38 PM
اولا مضيعة للوقت
ثانيا
افساد الأخلاق
ثالثا
وردت فتاوى بتحريمة
رابعا
وجود الفاظ بذيئة
خامسا
المنتديات أفضل لوجود الفائدةولاسيما منتدانا الرائع
عجيد الريم
17-11-2005, 03:00 PM
السلام عليكم ورحمة الله ...

مشكوره اختي على موضوعج الحلو وماتقصرين ...

بالنسبه لرأيي في موضوع الجات ...

عزيزتي للأسف الجات صار هو ملاذ الضعفاء ...

يعني تلقين وحده متضايقه وماعندها لا شغله ولا مشغله داخله الجات ويالسه فيه 24 ساعه وصار الموضوع عندها أدمان ....

وللأسف هناك بنات يقولون لا نحن نعرف ان اللي هناك يجذبون ولكننا ندخل نتسلى ..

وبدون ماتحس لقت نفسها متعلقه في اللي يكلمها ومع مرور الوقت نلقاها شوي شوي تضيفه على المسنجر وبعدين تراويه صورتها وبعدين تضيع البنت وتضيع سمعتها وسمعة أهلها ...

وهذا كله من الدمار اللي اسمه جات ...

تسلمين عزيزتي مره ثانيه والسموحه على الأطاله ...

اختج::عجيد الريم :)
سارونة الحلوة
17-11-2005, 11:46 PM
مممممممممممممممممممممممممم

بصراحة ماعرفه ولا مرة دشيته

عافانا الله شره وبلاويه

ومشكورة اختي على طرح الموضوع



**سـ**لـ**مـ**لـ**مـ**
وحيده بدنيتي
18-11-2005, 09:11 PM
تسلمييين اختي على طرح الموضوع ..
لأنه موضوع واااايد مهم ..

يعني والله حرام .. الجات مضيعه للوقت ..:marsa116: :marsa116:
بالنسبه للبنت ...
أهلها يعطونها الثقه الكامله .. و هي تضيعها من بين ايديها ..:marsa116: :marsa116:
و يفسد أخلاقها ..:marsa116: :marsa116: ..

بالنسبه للولد ..
اللي يدخل الجات .. يفسد أخلاقه .. كل ولد يدخل الجات او المسن او يرمس البنات فالتلفون :marsa73: :marsa73: .. خل يحط اخته مكان هذي البنت ..شو مصيرها ؟؟؟؟.. :marsa80: :marsa80:
(( و كما تدين تدان )) ..




أدري اني رمست واااايد .. بس الصراحه الموضوع يستاهل المناقشه ..:marsa41: :marsa41: :marsa29: :marsa3: :marsa3:
سوري اذا طولت عليكم ..:marsa109:
أختكم وحيده بدنيتي .. :marsa148: :marsa148: :marsa148: :marsa148: