شنهو الموقف اللي مااتقدر تنساه !!. ؟؟؟؟؟

[last breath...]

.: بسم الله الرحمن الرحيم :.
كيف الحال ؟؟ .. ان شااء الله كلن بخير وصحه وعافية ..!!
موضوعي يقول :

في محطات تمر في حياتنا و مستحيل ننساها سواء كانت زينة أو مب زينة، شنو هو الموقف أو شي صارلك مستحيل تنساه؟


انا عن نفسي ..
الموقف اللي ماراح اقدر انسااه ...
يوم تركتني اعز نااسي .. وودعت الدنيا .. الله يرحمها ..
وفي موقف بعد احب اتذكره ..
يوم نجحت وجبت نسبة دخلتي الجسر الاكاديمي..
مادري هو في اشايا واايدالصرااحه .. بس هالشيين اللي دووم فبالي ..
>> جني واايد طولت عليكم ..
طيب..
قولولي شنو الموقف اللي مر عليكم وماااتقدروون تنسوونه ؟

اخوكم في الله :
l.a.s.t b.r.e.a.t.h

[الصواوه]

أخوي الموااقف اللي اتذكرهااا وااايد ..

ذكرياتي يوم منت اصغيره لــــــــــــين الحين ..

بس شي عمري ما بناساه ..

في سنه وحده العام اتسوى عندنا عزاين - بنت اخوي وبوي - وهالشي اللي عمري ما بنسااه ..

وبعد الكورس اللي طااف اتخرجت وكانت فرحة العمر .. كانت حفلة روعة ما تنسى ..

وبعد في شي بعده ماا ستوى .. احم احم ( عرسي ) ^-^

شكرا ..

[last breath...]

هلا اختي الصواوه ..
الله يبارك لكم ان شاء الله .. شاكر لج مرورج اختي ..

اخوكم ..

[هزاع x5]

وأنا بالنسبه للمواقف هي واااااااااااااايد بس راح أخبركم بموقف عمري ما راح أنساه ......

كنت بمدنيه من مدن الإمارات كنت أدرس والإماره اللي أنا ساير لها تبعد تقريبا عن مكان سكني 3 ساعات ...

وأنا وذيك الأيام ما كنت شاري سيارة عندنا مواتر بالبيت بس ربيعي كان يلح علي أسير وياه لأنه ما يعرف المنطقه وطبعا كنت أنا أدرس بقاعه وهو بقاعه ثانيه ...

ويوم من الأيام ربيعي اللي كنت أسير وأرد أنا وياه خلاني وراح عندي لأنه ظهر قبلي بـــ 10 دقايق ما قدر ينتظرني واتوهقت ومب عارف كيف أرد البيت والأهل بعيد عني ...

ماحد أعرفه عسب يفرني بأقرب مكان ... ويوم اتصلت له قلت يا فلان إنت وين قال أنا روحت قلت له كيف تروح وتخليني ... قال أنا مستيعل أبي أييب أهلي وأنت دبر عمرك ...

صدق وهقه وبالصدفه عرفت إنه واحد من نفس الإماره بيروح طلبت منه يوصلني لأقرب مكان وماقصر ...

بس لو في يوم من الأيام بسير أدرس بأي مكان ماراح أسير ويا أي حد ولو من يكون وعندي مواتر وبسير بمواتري ...

لذلك مواتري مشت على جميع شوارع الإمارات ومن غير حد يحاسبني ... أو يودرني ...

[last breath...]

ههههههههه ..
يزاك الله خبر اخوي على مرورك الكريم وردك الطيب
لاااتحرمنا من توااصلك ..

اخوك في الله

[اوراق الورد]

اكثر شي ومابنساه يوم تقص عليه الطلابه يوم العيد وتقولي هاتي بعد فلوسج وتشل الشنطه والي فيها وتشرد :marsa116:

[last breath...]

خخخخخخخخخ ...
مسكينه .. شااكر لج مرورج اختي ..


اخوكم ..

[عذراء القلب]

ذكريات وايد اتصيب الانسان و ما يمحوها الزمن

و لا تذهب في عالم النسيان

بالنسبة لي أشياء كثيرة الي راسخة في ذاكرتي

لكن الشئ الي للحين في بالي هو جدي الله يرحمة حزت الي فارق الدنيا تاركا اياي و ذاهبا لرحمة ربة

كان الموقف صعب علي واجد ما قدرت استحملة كانت المفاجئ كبيرة

رحم الله من قرأ سورة الفاتحة و أهدا ثوابها الى روح الفقيد حسين العلي

[.::(دموع)::.]

انا الموقف الي ما راح انساه..

كنت اتمشى في المدرسه ..و فجأه اندبغت على ويهي ومن القفطه سويت عمري اصيح لين ما البنات وصلوني الصف

ويوم وصلت قلت لهم بوووو قصيت عليكم ..

#####

والموقف المحزن يوم اتوفى يدي الله يرحمه ويرحم الجميع برحمته الواسعه ان شاء الله

[صدى الصمت]

امممم
موقف ما بنساه
ههههههههه
يوم قطعت حواجبي هههههه الله يسامحني بس ..
و كمان مرة حرقت سجادة المسجد بالبخوور .. اوني رايحة ادخن المكان ..
اقوول لهم مجرررررمة ..
خخخخ
يسلموو اخوي ع الموضوع..

ام سيف

[نجم المرسى]

ليش وين بتروح

[الأمل]

الموقف اللي عمري مارح انساه
يوم كنت في حصة نحو ثاني ثانوي وكنت بموت من الجوع
وكان معاي جالكسي وتوني باكله الا الابله شافتني
ونزلت يدي قامت قالت ايش معاك قلت مافي شي
قالت الا واصرت واصريت
بعدين هددتني بالأدارة
وقالت تعالي عندي اشوف ايش في يدك
على بالها رسايل بيننا
يوم وصلت عندها قالت افتحي ايدك
فتحتها
ومن الخوف
قلب الجالكسي عجيين
وصديقاتي طول الدوام وهم يتذكروا الموقف ويضحكوا
أما الأبلة فكانت ميتة من الضحك:marsa184: :marsa184: :marsa184: :marsa184:

[فروتـه]

السلام عليكم
الصراحة الموقف الي ما راح اقدر انساه محرج شوي بس اهو الوحيد الي في بالي يوم كان عمري 7 سنوات لقيت في مجلسنا باكيت زقاير و خذيت وحدة و ولعتها و اول ما شفطت ابوي دخل خذيت علقة ما انساه حسيت يوم دخل ابوي كان كل الساعات توقفت على هذيك اللحظة هههههههههههههه الله لا يعيدها من لقافة و فضول مني بس كبرت و عقلت مر على السالفة عشر سنوات بالتمام :marsa96:
فماااان الله