هزاع x5
09-06-2005, 01:22 PM
السلام عليكم
اشحالكم ؟؟
اليوم يايب لكم مسرحيه جديده وإنشا الله تعيبكم ...
وأتركم تعيشون جو المسرحيه
مسرحية / أبنــــــــــاء ولـــــــكن
تأليــــــــف / هــزاع x5
المشهد الأول : (( يفتح الستار ويكون المسرح بهيئة غرفة نوم ويكون هناك سريران لشابين الأخ الأول يدعى سليمان ويمثل دور الابن البار لوالده محافظ على الصلوات ويؤدي واجباته بأكمل وجه والأخ الثاني يدعى حمدان ويمثل دور الابن العاق ومشاغب في المدرسة والبيت )) (( يقرع الأب باب غرفه سليمان وتشير الساعه إلى الواحد ظهرا حيث يرى حمدان نائم ولم يذهب إلى المدرسة ))
الأب يقرع باب غرفه أبنائه ثم يدخل ويرى حمدان نائم ويندهش :
(( يصرخ )) حمدان ... حمدان (( يحاول ايقاضه )) قوم ياحمدان حسبي الله عليك قوم ليش مب ساير المدرسة ياحمدان ؟ قوم
حمدان (( يشد الغطاء عن أبيه ويتثائب )) : اش فيك يا أبوي خلي أرجد أنا تعبان من أمس مب راجد
الأب : قوم لابارك الله فيك من ولد ملعوزني ومفشلني قوم ليش ماسرت المدرسة (( ويجر الغطاء بقوه ويسقط حمدان من على سريره ))
حمدان (( يحاول الاحتيال على أبيه )) : يا أبوي وش تبا المدرسة أنا اليوم مريض ومب قادر أسير وراجوه عطاني بندول والحمدلله أحسن
الأب : أنت متأكد
حمدان : هيه بس أبوي بسألك وين سليمان ما أشوفه بالغرفة ؟
الأب : سليمان .. تسألني عن سليمان .. سليمان يا ولدي فعلا ريال يعتمد عليه وهو ريال البيت من بعدي قام وصلى الفجر في المسجد ورتب أغراضه وكتبه وحل واجباته وسار المدرسة مب شراتك هياته ومن تجي من المدرسة تفر الكتب وتطلع من البيت من الظهر وماترد إلا بالليل كأنه ماعندك بيت تلف من مطعم لين مطعم وأكل البيت ماتبيه خبرني شو أسوي عسب أرضيك ؟ شلي ناقصنك
(( في هذه الأثناء يدخل سليمان ويحمل كتب عائد من المدرسة ويقبل رأس أبيه ))
سليمان : السلام عليكم ورحمة الله وبركاته (( يقبل رأس أبيه )) اشحالك يا أبوي ؟
الأب : هلا سليمان اشحالك ؟ خبرني يا ولدي شو درستوا اليوم في المدرسة ؟
سليمان : درسنا عربي وانجليزي وكمبيوتر يا أبوي وايد مواد وحطينا تجربة بالمختبر بعد يا أبوي .
الأب : ماشاء الله (( يوجه كلامه إلى حمدان )) سمعت ياحمدان أخوك درس كمبيوتر وأنت راجد في البيت الكمبيوتر يا ولدي لغة العصر واللي مايعرف يشغل كمبيوتر يعتبر أمي (( يوجه كلامه إلى حمدان )) أبيك يا ولدي سليمان اتحط بالك على إخوانك وتذاكر لهم وخصوصا هذا الصغير (( يشير إلى حمدان ))
حمدان بغضب : أووه صغير صغير أنا مب صغير
سليمان (( يشد حمدان من ملابسه )) : يوم بيتكلم أبوي أنت جب ولاكلمه وإن طولت لسانك على أبوي بقصه تفهم وإلا لا ؟
حمدان (( يتململ )) : أووه أحسن لي أطلع من هذا البيت اللي ماحد يفهمني فيه والكل يقول لي صغير أنا مب صغير أنا ريال (( وفي طريق خروجه من البيت يدفع راجوه ))
راجوه (( غاضب من دفع حمدان له )) : حمدان شو فيه أنت فيه مجنون يا لا سير برا حيوان واحد نفر (( وينظر إلى وجه الأب وسليمان ويرى بوجههم الغضب ويتقدم خطوتين ويحدث نفسه )) : شو فيه بابا كبير زعلان .. شو فيه بابا سليمان مشكلة .. أكيد في معلوم إن حمدان
أمس يجي سكران ؟ لا لا أنا مافي معلوم أنا في ياكل يشرب يسوي تنظيف يسوي نوم بس (( ويخرج ويمسك به سليمان ))
سليمان : اش فيك يا راجوه شو كنت اتقول
الأب : أكيد يعرف شي عن حمدان ؟
راجوه : والله أرباب أنا فيه مسكين أنا مافي معلوم شو في مشكله
الأب (( يشد راجوه )) : تكلم وش فيه حمدان تكلم (( يسقط راجوه )) : أرباب حرام أنا مسكين حرام باباه
نهاية المشهد الأول
المشهد الثاني (( في المقهى يوجد كراسي وطاوله وعامل في القهوى ينظف ويلبي طلبات الزبائن وإحدى الطاولات يجلس سالم وجاسم أصدقاء حمدان يمثلون دور رفاق السوء ))
(( سالم وجاسم يفكران في شخص يقوم بتهريب المخدرات غير معروف لدى الشرطه ))
سالم : جسوم يا أخي مالقيت حد نعتمد عليه
جاسم : الله يهديك ياسلوم كل ما يبت لك حد تقول هذا مراقب
سالم : أوووه شو الحل
جاسم : انزين شو رايك ب عبد الله (( يريه الهاتف ويخبره رقمه )) شوف سلوم هذا رقمه
سالم : أنت غبي هذا التحريات 24 ساعه عن بيتهم هذا أول واحد أنا ما أثق فيه
جاسم : منوه عيل .. والله احترت أنا وياك
(( يدخل في هذه اللحظة حمدان ويسلم بضيق ))
حمدان : السلام عليكم
سالم (( بسعاده )) : وعليكم السلام هلا وغلا
جاسم : مرحب بالطيبين عند ذكرهم
حمدان : مب فايج لكم اش عندكم
جاسم : الرجل المناسب بالمكان المناسب
سالم : يت والله يابك (( باستغراب )) حمدان اليوم ياي القهوه من وقت وش فيك
جاسم : أشوفك نافخ عمرك خبرنا وش فيك
حمدان (( يقوم من مكانه )) : اضاربت اليوم أنا وأبوي وأخوي سليمان
جاسم وسالم (( لا مبالاه )) : سير ماعندك سالفه متضارب ويا أبوي وأخوي
جاسم (( يقف ويحاول تهدئت حمدان )) : تعال يا حمدان استريح خلك من أبوك ومن أخوك واعتبرني أنا أخوك وسلوم أبوك
سالم (( يعطي حمدان سجاره )) : ريح أعصابك ياحمدان دوخ ولاتشيل هم أنت بعدك صغير
حمدان (( بغضب )) : أوه حتى أنت
سالم : مب قصدي أنت ريال والكل لازم يعرف إنك ريال يعتمد عيله
حمدان (( ينظر إلى السجاره )) : تصدقون أنا صار لي فترة محروم من هذي السجاره سبت أبوي وسليمان
جاسم : ياريال انسى خلاص انسى البيت والمشاكل وين عبدو (( ينادي على صاحب القهوه )) عبدو
عبدو : أيو ياباشا
سالم : شوف حمدان شو يبا
عبدو : نورت يا عم حمدان أخبارك ايه يا باشا نورت القهوه
حمدان : فكرنا من حشرتك وييب شيشه تفاح وكشري
سالم وجاسم : ونحن بعد نفس الشي
عبدو : حاضر يا باشا عاوزين حاجه ثانيه
سالم : لا بس فارج
جاسم : خلنا الحين من السوالف اللي لاتودي ولا تيب تصدق يا سالم الريال المناسب في المكان المناسب
سالم : يعني فهمت اللي في بالي
جاسم : أكيد بس خلي تعدي الصفقه على خير ونضرب وضربتنا
حمدان : أنتو عن شو ترمسون
سالم : ماشي يا الغالي أنت بس قصر حسك وخلك ويانا وما عليك إلا تنام في القهوه
حمدان : أنام في القهوه
جاسم : أنت بس نام في القهوه يوم واحد وراح ينفتح لك باب رزقك
سالم : وراح تلبي كل طلباتك وأنت ما راح تحتاج حق أبوك أو أخوك
جاسم : وساعتها تقدر سافر وين ما تبا
سالم : فكر في عمرك السالفه فيها بيزات وتعيش مر تاح
حمدان (( مذهول )) : أنام في القهوه وأحصل على كل اللي أبيه يعني بتكون عندي سيارة وأسافر وين ما أبي (( يفكر )) خلاص يا جماعه الراي رياكم
جاسم : عيل خلنا نتفق ويا صاحب القهوه
سالم : يا عبدو يا عبدو
(( يتم الاتفاق مع صاحب القهوه ))
نهاية المشهد الثاني
المشهد الثالث : (( في الصف بالمدرسة يوجد كراسي وطاولات دراسية وطلاب ومدرس يشرح الدرس وفي أثناء شرح المدرس يقرع باب الصف ويستأذن مدير المدرسة بالدخول للصف ويريد مخاطبت سليمان عن تغيب أخيه حمدان عن المدرسة ))
مدير المدرسة يقرع الباب : السلام عليكم
الطلاب يقفون : وعليكم السلام ورحمة الله وبركاته
مدير المدرسة : استريحوا يا شباب (( يسأل الطلاب عن الدراسة )) شو مسوين بالدراسة يا شباب ..
الطلاب : شادين حيلنا
المدير : شدوا حيلكم يا شباب ترا الامتحانات على الأبواب ومافي مجال الواحد يلعب أو يستهتر في الدراسة ومانبا نشوف حد فيكم عنه دور ثاني وإلا راسب وانشا الله كلكم تنجحون
الطلاب : انشا الله يا استاذ
مدير المدرسة يخاطب المدرس : بعد إذنك يا استاذ أحمد ممكن أكلم سليمان
الاستاذ أحمد : تفضل يا أحمد عند المدير
مدير المدرسة : شكرا استاذ أحمد
الاستاذ أحمد : العفو استاذي
(( صوت موسيقى حزينة ويستمر المدرس بشرح الدرس للطلاب بحركات إيمائية ويتوقف صوت الموسيقى عندما يأخذ سليمان ومدير المدرسة موقع للحوار ))
مدير المدرسة : سليمان وين أخوك حمدان صار له فترة متغيب عن الدراسة
سليمان : والله ما أدري يا استاذ .. أكيد ويا ربعه … بس يا استاذ حمدان وايد متعب أبوي من مشاكله اللي يسويها وأبوي ريال شيبه ومايقدر عليه
مدير المدرسة : حمدان حتى في البيت مشاكل ؟؟ نحن تعبنا من كثر ماننصحه ونعاقبه مره يشرد من الحصه ومره يضارب ومره يدخن شو سالفة حمدان يا سليمان
سليمان : أبوي وايد مدلعنه من يوم توفت الوالده الله يرحمها وماكان مقصر فيه كان يلبي له كل طلباته ماكان يحرمه من شي وللأسف كان متعمد في تربية على الخادم هو كان مسؤول عنه وأبوي الله يطول بعمره كان مشغول بالتجارة والدوام
مدير المدرسة : بس هذا غلط يا سليمان إن الواحد يعتمد على الخدم في تربية الأبناء … انزين يا سليمان ماتدري وين سار
سليمان : للأسف يا استاذ ما أعرف
مدير المدرسة : انزين من ربعه
سليمان : للأسف حتى ربعه مانعرفهم الوحيد اللي يعرف أسرار حمدان راجواه البشكار هو اللي ربا حمدان ويعرف كل شي عنه
مدير المدرسة : بصراحه وضع أخوي يا سليمان مايطمن لأن مستواه الدراسي تعبان وما يحضر الحصص ومن غير المشاكل اللي يسويها ولازم اتخبر أبوك يشوف حل ويا أخوك لأن غلطته من البداية اعتمد على الخدم في تربية الولد ومايسأل عنه وهذي نتيجة اهمال أبوك ودلاله الزايد اسمع يا سليمان (( يخرج ورقه من جيبه )) هذي الورقه عطاها حق أبوك مستوى أخوك تعبان بالدراسة والمشاكل اللي يسويها في المدرسة هذي نتيجتها وإذا ما داوم وكمل دراسته بنفصله من المدرسة
سليمان (( يترجى المدير )) : يا استاذ ما شي حل ثاني عطوه فرصه خلوني أقنعه يمكن الله يهديه
مدير المدرسة : نحن يا سليمان ماشي بينا وبين أخوك حمدان ثار لكن نحن نمشي على لوايح وقوانين وأنت تدري إن ألزم ما على الواحد دراسته لأنها راح تنفعه وتعلي من شانه وتقلل من قيمته لو ما كمل تعليمه
سليمان : أدري يا استاذ بس عطاني فرصه أخيره
مدير المدرسة : بعطيه فرصه أخيره علشان خاطرك لأنك طالب مجتهد ومأدب
سليمان : شكرا يا استاذ وانشا الله يتعدل وضع حمدان
(( تغلق الستارة نهاية المشهد الثالث ))
المشهد الرابع (( في المنزل يوجد كنبات وساعة حائط تشير إلى الساعة 3.45 فجرا الأب و سليمان جالسان في الصالة ينتظران عودة حمدان ))
الأب : الله يغربلك يا من ولد .. تأخر أخوك يا سليمان الساعة 3.45 وهو للحين ما رد البيت
سليمان : وين راح يا أبوي حتى مدير المدرسة سئلني عنه كثر غيابه وهروبه ومشاكله يا أبوي
الأب : لا بارك الله فيه من ولد مفشلني بمشاكله وين ما سار ما أعرف شو أسوي فيه
سليمان : اسمحلي يا أبوي الغلط منك
الأب بدهشه : أهه .. الغلط مني ؟؟!!
سليمان : هيه نعم يا أبوي الغلط منك أنت السبب باللي يستوي حق أخوي حمدان
الاب : أنا شو سويت
سليمان : من ماتت أمي الله يرحمها أنت مخلي راجوه يربي حمدان من يوم هو صغير لميا كبر عطيت الهندي الخيط والمخيط وأنت ركضت ورى تجارتك
الأب : بس كنت أبا أوفر لكم الحياة الكريمة ما أبيكم تحتاجون حق حد
سليمان : بس كنا محتاجينك
الأب : ماكنت مقصر عليكم بشي حرمت عمري من الزواج بعد ما ماتت أمك الله يرحمها عسب لاتنكد عليكم عيشتكم
سليمان : بس كنا محتاجين حنانك .. محتاجين عطفك .. مب فلوسك وكل ما صادفتنا مشكلة كنت اتقول سيروا حق راجواه بيحلها لكم وكنت تخلي حمدان يسافر ويا راجوه ويطلع بكيفه ويرد بكيفه
الأب : لا نزم نشوف حمدان بأي طريقه لازم نحميه من رفقاء السوء
سليمان : بس ماحد يعرف مكان حمدان غير راجوه لأنه هو الرباه وهو يعرف كل شي عنه
الأب بغضب : راجواه .. يا راجواه
راجواه يدخل بخوف : نعم بابا
الأب بغضب : وين حمدان
راجوه : أنا ما في معلوم بابا
سليمان يمسك راجوه من ملابسه : تكلم يا راجوه وين حمدان وإلا بعطيك كف أكسر أسنانك
الأب يشد مع سليمان ملابس راجوه : وين ولدي يا الخايس قول
راجواه : خلاص بابا أنا في كلام
سليمان : قول تقلقلت حنوشك
راجوه : حمدان في مقهى السعادة
(( نهاية المشهد الرابع ))
المشـهد الخامس (( في المقهى يوجد كراسي وطاولات وجاسم وسالم ثملان على الطاولة وعبدو صاحب المقهى وينظف المكان وحمدان نائم في الغرفة التي في المقهى وهو سكران يظهر صوت الأب من خلف
الكواليس وبرفقته سليمان ودليلهم راجوه ويختبأ عبدو في مطبخ القهو وينظر من زاوية ضيقه عندما يسمع الصوت ))
الأب : وين المقهى يا راجوه تعبت من كثر ما أمشي
راجوه : صبر بابا قريب يوصل
سليمان : بسرعه قول وين المقهى مب هذا
راجوه (( يدخل الأب وسليمان ويتقدمهم راجوه )) : هذا مقهى بابا (( ويشير إلى جاسم وسالم )) هذا في جاسم وهذا سالم خربوط (( ويشير إلى عبدو )) هذا نفر مال مقهى
الأب (( يسأل جاسم وسالم )) : وين ولدي ؟ وين حمدان
(( يصرخ )) حمدان ؟ (( يمسك عبدو )) وين حمدان رد علي وين ولدي ؟
راجوه : بابا منا في حمدان
الأب (( يجري إلى الغرفه التي بها حمدان )) : حمدان .. اش فيك يا حمدان رد علي
حمدان (( نائم على السرير لا يجيب ))
الأب يحاول ايقاض حمدان : قوم ياحمدان قوم أنا أبوك
حمدان يرد وهو سكران : أبوي … أنت وين أنا ما أشوفك
الأب : اش فيك (( يحضن حمدان )) قوم تعال معاي (( يقوم بغضب وحزن إلى جاسم وسالم )) شو سويتو بولدي
(( سالم وجاسم لايردان ويحركان يديهما ويذهب إلى عبدو ))
شو سويتو حق ولدي .. شو (( حمدان يسقط على الأرض لا يستطيع الوقوف ))
عبدو : أنا مليش دعوه .. (( يشير بيده )) هم اللي ادوله حاجه أد كه شمها وفلسع ..
الأب : شلي عطيتوه حق ولدي وشمها .. قول يا عبدو .. قول ..
(( ينادي على راجوه بصوت عالي ويبكي )) … راجوه .. راجوه .. سير ييب الشرطة يا راجوه .. بسرعه
سليمان (( يحاول تهدئة أبيه )) : هدي أعصابك يا أبوي .. وأنت طرشت راجوه اييب الشرطة .. هدي عمرك
الأب (( يدور حول جاسم وسالم عبدو )) : أنا يا سليمان مثلي مثل كل أب يخاف على عياله .. ربيتكم وحرمت عمري من أشياء على شانكم عسب أوفر لكم حياة كريمه وفي النهاية ايون هذيل رفقاء السوء ويضيعون عيالي .. (( يمسك بملابس عبدو ويرميه على الأرض )) حرام عليك يا عبدو ليش تسوي فيني جيه ليش .. (( يدفع سالم وجاسم ويسقطان من الكرسي )) ليش تسون فيني جيه … اشحقه اخترتوا عيالي بالذات
(( يقف أمام الجميع ويأخذ بقعه لحواره )) سليمان أوصيك يا سليمان دير بالك على إخوانك وصير لهم الأب والأخ والصديق .. لاتحرمهم من شي .. ولا تغلط وتسوي مثلي وتعتمد على الخدم قي تربية الأبناء لأنهم بيدمرونهم .. (( يمسك على قلبه )) آآه قلبي .. قلبي
سليمان : اش فيك أبوي
الأب : أشهد أن لا إله الله وأن محمد رسول الله (( يسقط على الأرض ))
سليمان (( يصرخ ويجري باتجاه أبيه )) : أبوي … أبوي
(( يضع رأسه على كتف أبيه ويبكي )) .. اتصلوا بالإسعاف رد علي أبوي
حمدان : سليمان اش فيه أبوي .. أبوي (( يزحف باتجاه أبيه )) رد علي أبوي أنا حمدان ولدك .. رد علي
(( يدخل ضابط وراجوه إلى خشبة المسرح ومعه ثلاث رجال شرطة يقيدون عبدو وسالم وجاسم ويغطي جثت الأب بقطعة قماش ))
الضابط : نحن دورنا ما انتهى .. ولازم نراقب المقاهي ونعرف اللي يستوي فيها ونمنع الخطر اللي يهدد الشباب ويدمرهم بنشر السموم والمخدرات بين الشباب .. ولازم كلنا نتعاون ونكون يد وحدة في نشأة هذا الجيل ونحميه ونزرع فيه الخير والإيمان بدايتها من البيت والمجتمع والمدرسة ونحن بدورنا نطبق حكم القانون وننشر العدالة ..
(( تغلق الستارة النهــايــة ))
إنشا الله عيبتكم ...
أخوكم / هزاع
اشحالكم ؟؟
اليوم يايب لكم مسرحيه جديده وإنشا الله تعيبكم ...
وأتركم تعيشون جو المسرحيه
مسرحية / أبنــــــــــاء ولـــــــكن
تأليــــــــف / هــزاع x5
المشهد الأول : (( يفتح الستار ويكون المسرح بهيئة غرفة نوم ويكون هناك سريران لشابين الأخ الأول يدعى سليمان ويمثل دور الابن البار لوالده محافظ على الصلوات ويؤدي واجباته بأكمل وجه والأخ الثاني يدعى حمدان ويمثل دور الابن العاق ومشاغب في المدرسة والبيت )) (( يقرع الأب باب غرفه سليمان وتشير الساعه إلى الواحد ظهرا حيث يرى حمدان نائم ولم يذهب إلى المدرسة ))
الأب يقرع باب غرفه أبنائه ثم يدخل ويرى حمدان نائم ويندهش :
(( يصرخ )) حمدان ... حمدان (( يحاول ايقاضه )) قوم ياحمدان حسبي الله عليك قوم ليش مب ساير المدرسة ياحمدان ؟ قوم
حمدان (( يشد الغطاء عن أبيه ويتثائب )) : اش فيك يا أبوي خلي أرجد أنا تعبان من أمس مب راجد
الأب : قوم لابارك الله فيك من ولد ملعوزني ومفشلني قوم ليش ماسرت المدرسة (( ويجر الغطاء بقوه ويسقط حمدان من على سريره ))
حمدان (( يحاول الاحتيال على أبيه )) : يا أبوي وش تبا المدرسة أنا اليوم مريض ومب قادر أسير وراجوه عطاني بندول والحمدلله أحسن
الأب : أنت متأكد
حمدان : هيه بس أبوي بسألك وين سليمان ما أشوفه بالغرفة ؟
الأب : سليمان .. تسألني عن سليمان .. سليمان يا ولدي فعلا ريال يعتمد عليه وهو ريال البيت من بعدي قام وصلى الفجر في المسجد ورتب أغراضه وكتبه وحل واجباته وسار المدرسة مب شراتك هياته ومن تجي من المدرسة تفر الكتب وتطلع من البيت من الظهر وماترد إلا بالليل كأنه ماعندك بيت تلف من مطعم لين مطعم وأكل البيت ماتبيه خبرني شو أسوي عسب أرضيك ؟ شلي ناقصنك
(( في هذه الأثناء يدخل سليمان ويحمل كتب عائد من المدرسة ويقبل رأس أبيه ))
سليمان : السلام عليكم ورحمة الله وبركاته (( يقبل رأس أبيه )) اشحالك يا أبوي ؟
الأب : هلا سليمان اشحالك ؟ خبرني يا ولدي شو درستوا اليوم في المدرسة ؟
سليمان : درسنا عربي وانجليزي وكمبيوتر يا أبوي وايد مواد وحطينا تجربة بالمختبر بعد يا أبوي .
الأب : ماشاء الله (( يوجه كلامه إلى حمدان )) سمعت ياحمدان أخوك درس كمبيوتر وأنت راجد في البيت الكمبيوتر يا ولدي لغة العصر واللي مايعرف يشغل كمبيوتر يعتبر أمي (( يوجه كلامه إلى حمدان )) أبيك يا ولدي سليمان اتحط بالك على إخوانك وتذاكر لهم وخصوصا هذا الصغير (( يشير إلى حمدان ))
حمدان بغضب : أووه صغير صغير أنا مب صغير
سليمان (( يشد حمدان من ملابسه )) : يوم بيتكلم أبوي أنت جب ولاكلمه وإن طولت لسانك على أبوي بقصه تفهم وإلا لا ؟
حمدان (( يتململ )) : أووه أحسن لي أطلع من هذا البيت اللي ماحد يفهمني فيه والكل يقول لي صغير أنا مب صغير أنا ريال (( وفي طريق خروجه من البيت يدفع راجوه ))
راجوه (( غاضب من دفع حمدان له )) : حمدان شو فيه أنت فيه مجنون يا لا سير برا حيوان واحد نفر (( وينظر إلى وجه الأب وسليمان ويرى بوجههم الغضب ويتقدم خطوتين ويحدث نفسه )) : شو فيه بابا كبير زعلان .. شو فيه بابا سليمان مشكلة .. أكيد في معلوم إن حمدان
أمس يجي سكران ؟ لا لا أنا مافي معلوم أنا في ياكل يشرب يسوي تنظيف يسوي نوم بس (( ويخرج ويمسك به سليمان ))
سليمان : اش فيك يا راجوه شو كنت اتقول
الأب : أكيد يعرف شي عن حمدان ؟
راجوه : والله أرباب أنا فيه مسكين أنا مافي معلوم شو في مشكله
الأب (( يشد راجوه )) : تكلم وش فيه حمدان تكلم (( يسقط راجوه )) : أرباب حرام أنا مسكين حرام باباه
نهاية المشهد الأول
المشهد الثاني (( في المقهى يوجد كراسي وطاوله وعامل في القهوى ينظف ويلبي طلبات الزبائن وإحدى الطاولات يجلس سالم وجاسم أصدقاء حمدان يمثلون دور رفاق السوء ))
(( سالم وجاسم يفكران في شخص يقوم بتهريب المخدرات غير معروف لدى الشرطه ))
سالم : جسوم يا أخي مالقيت حد نعتمد عليه
جاسم : الله يهديك ياسلوم كل ما يبت لك حد تقول هذا مراقب
سالم : أوووه شو الحل
جاسم : انزين شو رايك ب عبد الله (( يريه الهاتف ويخبره رقمه )) شوف سلوم هذا رقمه
سالم : أنت غبي هذا التحريات 24 ساعه عن بيتهم هذا أول واحد أنا ما أثق فيه
جاسم : منوه عيل .. والله احترت أنا وياك
(( يدخل في هذه اللحظة حمدان ويسلم بضيق ))
حمدان : السلام عليكم
سالم (( بسعاده )) : وعليكم السلام هلا وغلا
جاسم : مرحب بالطيبين عند ذكرهم
حمدان : مب فايج لكم اش عندكم
جاسم : الرجل المناسب بالمكان المناسب
سالم : يت والله يابك (( باستغراب )) حمدان اليوم ياي القهوه من وقت وش فيك
جاسم : أشوفك نافخ عمرك خبرنا وش فيك
حمدان (( يقوم من مكانه )) : اضاربت اليوم أنا وأبوي وأخوي سليمان
جاسم وسالم (( لا مبالاه )) : سير ماعندك سالفه متضارب ويا أبوي وأخوي
جاسم (( يقف ويحاول تهدئت حمدان )) : تعال يا حمدان استريح خلك من أبوك ومن أخوك واعتبرني أنا أخوك وسلوم أبوك
سالم (( يعطي حمدان سجاره )) : ريح أعصابك ياحمدان دوخ ولاتشيل هم أنت بعدك صغير
حمدان (( بغضب )) : أوه حتى أنت
سالم : مب قصدي أنت ريال والكل لازم يعرف إنك ريال يعتمد عيله
حمدان (( ينظر إلى السجاره )) : تصدقون أنا صار لي فترة محروم من هذي السجاره سبت أبوي وسليمان
جاسم : ياريال انسى خلاص انسى البيت والمشاكل وين عبدو (( ينادي على صاحب القهوه )) عبدو
عبدو : أيو ياباشا
سالم : شوف حمدان شو يبا
عبدو : نورت يا عم حمدان أخبارك ايه يا باشا نورت القهوه
حمدان : فكرنا من حشرتك وييب شيشه تفاح وكشري
سالم وجاسم : ونحن بعد نفس الشي
عبدو : حاضر يا باشا عاوزين حاجه ثانيه
سالم : لا بس فارج
جاسم : خلنا الحين من السوالف اللي لاتودي ولا تيب تصدق يا سالم الريال المناسب في المكان المناسب
سالم : يعني فهمت اللي في بالي
جاسم : أكيد بس خلي تعدي الصفقه على خير ونضرب وضربتنا
حمدان : أنتو عن شو ترمسون
سالم : ماشي يا الغالي أنت بس قصر حسك وخلك ويانا وما عليك إلا تنام في القهوه
حمدان : أنام في القهوه
جاسم : أنت بس نام في القهوه يوم واحد وراح ينفتح لك باب رزقك
سالم : وراح تلبي كل طلباتك وأنت ما راح تحتاج حق أبوك أو أخوك
جاسم : وساعتها تقدر سافر وين ما تبا
سالم : فكر في عمرك السالفه فيها بيزات وتعيش مر تاح
حمدان (( مذهول )) : أنام في القهوه وأحصل على كل اللي أبيه يعني بتكون عندي سيارة وأسافر وين ما أبي (( يفكر )) خلاص يا جماعه الراي رياكم
جاسم : عيل خلنا نتفق ويا صاحب القهوه
سالم : يا عبدو يا عبدو
(( يتم الاتفاق مع صاحب القهوه ))
نهاية المشهد الثاني
المشهد الثالث : (( في الصف بالمدرسة يوجد كراسي وطاولات دراسية وطلاب ومدرس يشرح الدرس وفي أثناء شرح المدرس يقرع باب الصف ويستأذن مدير المدرسة بالدخول للصف ويريد مخاطبت سليمان عن تغيب أخيه حمدان عن المدرسة ))
مدير المدرسة يقرع الباب : السلام عليكم
الطلاب يقفون : وعليكم السلام ورحمة الله وبركاته
مدير المدرسة : استريحوا يا شباب (( يسأل الطلاب عن الدراسة )) شو مسوين بالدراسة يا شباب ..
الطلاب : شادين حيلنا
المدير : شدوا حيلكم يا شباب ترا الامتحانات على الأبواب ومافي مجال الواحد يلعب أو يستهتر في الدراسة ومانبا نشوف حد فيكم عنه دور ثاني وإلا راسب وانشا الله كلكم تنجحون
الطلاب : انشا الله يا استاذ
مدير المدرسة يخاطب المدرس : بعد إذنك يا استاذ أحمد ممكن أكلم سليمان
الاستاذ أحمد : تفضل يا أحمد عند المدير
مدير المدرسة : شكرا استاذ أحمد
الاستاذ أحمد : العفو استاذي
(( صوت موسيقى حزينة ويستمر المدرس بشرح الدرس للطلاب بحركات إيمائية ويتوقف صوت الموسيقى عندما يأخذ سليمان ومدير المدرسة موقع للحوار ))
مدير المدرسة : سليمان وين أخوك حمدان صار له فترة متغيب عن الدراسة
سليمان : والله ما أدري يا استاذ .. أكيد ويا ربعه … بس يا استاذ حمدان وايد متعب أبوي من مشاكله اللي يسويها وأبوي ريال شيبه ومايقدر عليه
مدير المدرسة : حمدان حتى في البيت مشاكل ؟؟ نحن تعبنا من كثر ماننصحه ونعاقبه مره يشرد من الحصه ومره يضارب ومره يدخن شو سالفة حمدان يا سليمان
سليمان : أبوي وايد مدلعنه من يوم توفت الوالده الله يرحمها وماكان مقصر فيه كان يلبي له كل طلباته ماكان يحرمه من شي وللأسف كان متعمد في تربية على الخادم هو كان مسؤول عنه وأبوي الله يطول بعمره كان مشغول بالتجارة والدوام
مدير المدرسة : بس هذا غلط يا سليمان إن الواحد يعتمد على الخدم في تربية الأبناء … انزين يا سليمان ماتدري وين سار
سليمان : للأسف يا استاذ ما أعرف
مدير المدرسة : انزين من ربعه
سليمان : للأسف حتى ربعه مانعرفهم الوحيد اللي يعرف أسرار حمدان راجواه البشكار هو اللي ربا حمدان ويعرف كل شي عنه
مدير المدرسة : بصراحه وضع أخوي يا سليمان مايطمن لأن مستواه الدراسي تعبان وما يحضر الحصص ومن غير المشاكل اللي يسويها ولازم اتخبر أبوك يشوف حل ويا أخوك لأن غلطته من البداية اعتمد على الخدم في تربية الولد ومايسأل عنه وهذي نتيجة اهمال أبوك ودلاله الزايد اسمع يا سليمان (( يخرج ورقه من جيبه )) هذي الورقه عطاها حق أبوك مستوى أخوك تعبان بالدراسة والمشاكل اللي يسويها في المدرسة هذي نتيجتها وإذا ما داوم وكمل دراسته بنفصله من المدرسة
سليمان (( يترجى المدير )) : يا استاذ ما شي حل ثاني عطوه فرصه خلوني أقنعه يمكن الله يهديه
مدير المدرسة : نحن يا سليمان ماشي بينا وبين أخوك حمدان ثار لكن نحن نمشي على لوايح وقوانين وأنت تدري إن ألزم ما على الواحد دراسته لأنها راح تنفعه وتعلي من شانه وتقلل من قيمته لو ما كمل تعليمه
سليمان : أدري يا استاذ بس عطاني فرصه أخيره
مدير المدرسة : بعطيه فرصه أخيره علشان خاطرك لأنك طالب مجتهد ومأدب
سليمان : شكرا يا استاذ وانشا الله يتعدل وضع حمدان
(( تغلق الستارة نهاية المشهد الثالث ))
المشهد الرابع (( في المنزل يوجد كنبات وساعة حائط تشير إلى الساعة 3.45 فجرا الأب و سليمان جالسان في الصالة ينتظران عودة حمدان ))
الأب : الله يغربلك يا من ولد .. تأخر أخوك يا سليمان الساعة 3.45 وهو للحين ما رد البيت
سليمان : وين راح يا أبوي حتى مدير المدرسة سئلني عنه كثر غيابه وهروبه ومشاكله يا أبوي
الأب : لا بارك الله فيه من ولد مفشلني بمشاكله وين ما سار ما أعرف شو أسوي فيه
سليمان : اسمحلي يا أبوي الغلط منك
الأب بدهشه : أهه .. الغلط مني ؟؟!!
سليمان : هيه نعم يا أبوي الغلط منك أنت السبب باللي يستوي حق أخوي حمدان
الاب : أنا شو سويت
سليمان : من ماتت أمي الله يرحمها أنت مخلي راجوه يربي حمدان من يوم هو صغير لميا كبر عطيت الهندي الخيط والمخيط وأنت ركضت ورى تجارتك
الأب : بس كنت أبا أوفر لكم الحياة الكريمة ما أبيكم تحتاجون حق حد
سليمان : بس كنا محتاجينك
الأب : ماكنت مقصر عليكم بشي حرمت عمري من الزواج بعد ما ماتت أمك الله يرحمها عسب لاتنكد عليكم عيشتكم
سليمان : بس كنا محتاجين حنانك .. محتاجين عطفك .. مب فلوسك وكل ما صادفتنا مشكلة كنت اتقول سيروا حق راجواه بيحلها لكم وكنت تخلي حمدان يسافر ويا راجوه ويطلع بكيفه ويرد بكيفه
الأب : لا نزم نشوف حمدان بأي طريقه لازم نحميه من رفقاء السوء
سليمان : بس ماحد يعرف مكان حمدان غير راجوه لأنه هو الرباه وهو يعرف كل شي عنه
الأب بغضب : راجواه .. يا راجواه
راجواه يدخل بخوف : نعم بابا
الأب بغضب : وين حمدان
راجوه : أنا ما في معلوم بابا
سليمان يمسك راجوه من ملابسه : تكلم يا راجوه وين حمدان وإلا بعطيك كف أكسر أسنانك
الأب يشد مع سليمان ملابس راجوه : وين ولدي يا الخايس قول
راجواه : خلاص بابا أنا في كلام
سليمان : قول تقلقلت حنوشك
راجوه : حمدان في مقهى السعادة
(( نهاية المشهد الرابع ))
المشـهد الخامس (( في المقهى يوجد كراسي وطاولات وجاسم وسالم ثملان على الطاولة وعبدو صاحب المقهى وينظف المكان وحمدان نائم في الغرفة التي في المقهى وهو سكران يظهر صوت الأب من خلف
الكواليس وبرفقته سليمان ودليلهم راجوه ويختبأ عبدو في مطبخ القهو وينظر من زاوية ضيقه عندما يسمع الصوت ))
الأب : وين المقهى يا راجوه تعبت من كثر ما أمشي
راجوه : صبر بابا قريب يوصل
سليمان : بسرعه قول وين المقهى مب هذا
راجوه (( يدخل الأب وسليمان ويتقدمهم راجوه )) : هذا مقهى بابا (( ويشير إلى جاسم وسالم )) هذا في جاسم وهذا سالم خربوط (( ويشير إلى عبدو )) هذا نفر مال مقهى
الأب (( يسأل جاسم وسالم )) : وين ولدي ؟ وين حمدان
(( يصرخ )) حمدان ؟ (( يمسك عبدو )) وين حمدان رد علي وين ولدي ؟
راجوه : بابا منا في حمدان
الأب (( يجري إلى الغرفه التي بها حمدان )) : حمدان .. اش فيك يا حمدان رد علي
حمدان (( نائم على السرير لا يجيب ))
الأب يحاول ايقاض حمدان : قوم ياحمدان قوم أنا أبوك
حمدان يرد وهو سكران : أبوي … أنت وين أنا ما أشوفك
الأب : اش فيك (( يحضن حمدان )) قوم تعال معاي (( يقوم بغضب وحزن إلى جاسم وسالم )) شو سويتو بولدي
(( سالم وجاسم لايردان ويحركان يديهما ويذهب إلى عبدو ))
شو سويتو حق ولدي .. شو (( حمدان يسقط على الأرض لا يستطيع الوقوف ))
عبدو : أنا مليش دعوه .. (( يشير بيده )) هم اللي ادوله حاجه أد كه شمها وفلسع ..
الأب : شلي عطيتوه حق ولدي وشمها .. قول يا عبدو .. قول ..
(( ينادي على راجوه بصوت عالي ويبكي )) … راجوه .. راجوه .. سير ييب الشرطة يا راجوه .. بسرعه
سليمان (( يحاول تهدئة أبيه )) : هدي أعصابك يا أبوي .. وأنت طرشت راجوه اييب الشرطة .. هدي عمرك
الأب (( يدور حول جاسم وسالم عبدو )) : أنا يا سليمان مثلي مثل كل أب يخاف على عياله .. ربيتكم وحرمت عمري من أشياء على شانكم عسب أوفر لكم حياة كريمه وفي النهاية ايون هذيل رفقاء السوء ويضيعون عيالي .. (( يمسك بملابس عبدو ويرميه على الأرض )) حرام عليك يا عبدو ليش تسوي فيني جيه ليش .. (( يدفع سالم وجاسم ويسقطان من الكرسي )) ليش تسون فيني جيه … اشحقه اخترتوا عيالي بالذات
(( يقف أمام الجميع ويأخذ بقعه لحواره )) سليمان أوصيك يا سليمان دير بالك على إخوانك وصير لهم الأب والأخ والصديق .. لاتحرمهم من شي .. ولا تغلط وتسوي مثلي وتعتمد على الخدم قي تربية الأبناء لأنهم بيدمرونهم .. (( يمسك على قلبه )) آآه قلبي .. قلبي
سليمان : اش فيك أبوي
الأب : أشهد أن لا إله الله وأن محمد رسول الله (( يسقط على الأرض ))
سليمان (( يصرخ ويجري باتجاه أبيه )) : أبوي … أبوي
(( يضع رأسه على كتف أبيه ويبكي )) .. اتصلوا بالإسعاف رد علي أبوي
حمدان : سليمان اش فيه أبوي .. أبوي (( يزحف باتجاه أبيه )) رد علي أبوي أنا حمدان ولدك .. رد علي
(( يدخل ضابط وراجوه إلى خشبة المسرح ومعه ثلاث رجال شرطة يقيدون عبدو وسالم وجاسم ويغطي جثت الأب بقطعة قماش ))
الضابط : نحن دورنا ما انتهى .. ولازم نراقب المقاهي ونعرف اللي يستوي فيها ونمنع الخطر اللي يهدد الشباب ويدمرهم بنشر السموم والمخدرات بين الشباب .. ولازم كلنا نتعاون ونكون يد وحدة في نشأة هذا الجيل ونحميه ونزرع فيه الخير والإيمان بدايتها من البيت والمجتمع والمدرسة ونحن بدورنا نطبق حكم القانون وننشر العدالة ..
(( تغلق الستارة النهــايــة ))
إنشا الله عيبتكم ...
أخوكم / هزاع