صــــــدفّــــه .... ذكّــــرتــــنــــي .....

[شيخ_الجن]

صــدفّه ... إجمعتني .. فيها وعذبتني ...

صـــدفّه ... لـــــذاك الشـــوق ردتنــي ...


وذكّــــرتنـــي ... بذاك الزمن ...

مر ... وتلاشى .. من زمن ...


ذاك الزمن اللي عشته ...

وتمـــرغـــت في تــرابـه ...


وعشـقت أهـلــه وأحبابه ...

وتلحفت السما الزرقا ...


وقلت للشوق .. نعم إبقا ...

أنا .. عشته .. وبعد ذقته ...


وأحلى من العسل شفته ...

وفى .... في أهله وربعه ...

دفى ... أيامي في قربه ...


زمن كان للوفى .. فيه عنوان ...

والشوق في ظله ... بأمــــان ...


زمن الوفى ...

زمن الدفى ...


ألّم الفرحه وتلمني ...

أحضنها وتحـــضني ...


تراسلني بورق أبيض ...

وأراسلها بقلب أبيض ...


وكتابه فيها بس سطرين ...

وبقـــايا من دمـــوع العين ...


وصرخة شوق مكتوبه ...

تعرف الحب ودروبـــــه ...


صداهـــا ينسمع للكل ...

أبد هالشوق ما ينــمل ...


بريئه وحلوه عيشتنا ...

تعم الضحكه حــــارتنا ...


وقلوب الخير كاسيها ...

ودروب زانت مبــانيها ...


عشت الحب كأني طفل ...

كبرت والشوق فيني ظل ...


مثل الاول ..

نعم الاول ..


مثل ما كان على حاله ...

ولـــو تـــتــغيـــر أحـواله ...


زمـــن الرســـايل والمـطاريش ...

زمن العقل في زحمة الطيش ...


أنــاظرهـــا من بعيد ...

وافرح إذا قرّب العيـد ...


واكلم نفسي بالساعات ...

وفي داخلي لوعه وآهات ...


واقول .. يمكن بالمصلى بحلظها ...

وهي تمــشي بقــــرب امـــــها ....


أو بلقاها .. إهناك ( تتمريّح )...

وأكيد لشوفتي .... بتــفــرح ...


وخجل واضح يغطيها ...

وشوق كبير يكسيها ...


تحت ظل الشجر والدوح ...

سكن لفواد ... يم الروح ...


وتغير .. ذاك الزمان ودار ...

كبرنا .. وكبرت لــعــــذار ...


وفينا .. هالعقل يصغر ...

وبان الطيش وهو يكبر ...


وتمرد هالجموح وفاق ...

وتعودنا على لــفراق ...


صارت السكّه ..... شوارع ...

والمانع .....صار ألف مانـع ...


كبرتي وكبرت ... دنيـــاج ...

وأخذتي الماضي .. معاج ...


وأنـــــا أكــيد ..... تــغيـرت ...

ما عدت مثل الأول وتبدلت ...


واليوم .. صدفه تلاقينا .. ولقيت طيفج ...

وتـــلاقــت عــينــي ........ بـــعينــــج ...


وشفت الدمعه المجروحه ...

على هالخد مسفــــــوحه ...


بجيت .. وانا أشوف الزمن واقف على بابج ...

وتــــجاعيد الألـــم تـــطـــويهــــــا ثيــــابــج ...


وكم .. ياهل .. وقف يمج ...

وذاك الطفل في حـــضنج ...


وسألتيني عن دنيــاي ...

وعن اللي كانت معاي ...


ســــــألتيني .. وســـألتيني .. عـــن دنــيـــاي ...

وعن اللي كانت معاي ... عن اللي كانت معاي ...


وسكت ... آنا ... وما رديت ...

واحس إني لـــج تـــــحديت ...


وشفت الغيره في عينج ...

قبـــــل لا تنــــحني إيـدج ...


بعــــدها الغيره ولا زالت ...

مثل الاول وبعد ... زادت ...


وسكتنا .. بس ... ثواني بس ...

ولا بكـــلمــــه بعد ..... ننبس ...


وقفت بصمت وانتي بصمت ...

نتذكر سنين .... الـــصمت ...


ثــواني كانت اللقيا ...

وصدفّه كانت اللقيا ...


وقبل ... لا عني تـــروحين ...

سألتج وقلت لج .... تدرين ؟ ...


أنا .... خـــــال هاذي ... البنت ...

لنّي ..... لنّي بعدي ما عرست ...


منقول

[عجيد الريم]

حراااااام والله يغمض:(

[شجون الليل]

مشكور شيخ الين على القصيده الرائعه
وهيه حزينة الطابع
وتحرك مشاعر قرائها
تسلم على نقلها لنا