راتب الزوجة يشعل الخلافات الزوجية

[دلوعة الإمارات]

بعد عشرة عمر، افترق الزوجان، وتسبب ذلك في تشريد أولاد في عمر الزهور، والسبب "راتب الزوجة"،

http://www.osrty.com/sign/images/articles/rateb-osrty.gif

إنها قضية مثيرة للجدل شغلت بيوتنا العربية في الآونة الأخيرة، فهل للزوج الحق في اقتسام الراتب مع زوجته؟، وهل هذا ثمنا تدفعه الزوجة مقابل تغيبها عن المنزل ؟ وهل أصبح عمل الزوجة شرط يطلبه بعض الرجال لإتمام الزواج؟

اتمنى ان الموضوع ما يكون قديم..

وأريد اشوف آرائكم...

تحياتي لكم

[the_pirate]

السلام عليكم ورحمة الله وبركاته ,,


من وجهة نظري أشوف انه الريال ماله حق في معاش زوجته
حتى لو درهم واحد .

ودام الحرمه عندها معاش ف هذا يعني انه الحياه الزوجيه
بتكون متقاربه.

عشان الحرمه ما تيلس تزن ع الريال عطني وعطني وعطني .
ويكون عندها معاشها ووتتصرف فيه بما يرضي نفسها ويرضي زوجها.
هذا ما يمنع انه الريال يشل مسؤوليته عن الصرف ع زوجته.

في فترة الزواج لازم يتفقون في الامور الماليه
مثلا من معاش الزوجه يشترون احيتاجات البيت
من معاش الريال دفع الفواتير ( كهربا , ماي , غاز تلفون, بيت , شقه ألخ... )

هاي الطريقه بيكون الكل مساوً.

طبعاً اللي يسوي جذه لا بيصدع نفسه وفي آخر الشهر بيكون عنده شي من معاشه
والزوجه تبقى شي من معاشها ..

أما أذا تم الريال كله هو اللي يصرف نص الشهر ولاا فلس عنده وتبدا المشاكل ..


وتسلمين خيتو عن الموضوع

والسموحه

[همسة غلا]

السلام عليكم والرحمة ..

دلوعة الامارات



تسلمين اختي على طرح مثل هذي المواضيع الرائعه ..

صحيح هالأيام وايد مشاكل تصير بسبب معاش الزوجه .. وانا من رايي .. يتفقون

شرات ما قال ميود .. لان صدق الريال مابقدر على كل شي ..

يعني يتفقون مثلا يعطيها معاشها فالشهر 500 وهي مرات تصرف للبيت ومره هو ..

بس بالتساوي . مب يطلب منها بيزات .. وهو ما يصرف وبس ..

والسموحه

:marsa91:

همسة غلا

[هزاع x5]

أشكرج إختي دلوعه الإمارات على طرح مثل هذه الموضوع المهم في هذه الأيام ..

أنا واااايد أسمع عن الطلاق بسبب الراتب ...

نرجع للقرآن والسنه (( الرجال قوامون على النساء ))

يعني الرجل مسؤول عن زوجته ويوفر لها حياه كريمه ... ما جربت الزواج بس ما يهمني لو كانت زوجتي موظفه وإلا ماتشتغل لأني أنا الريال ومسؤول عنها وعن الأولاد وإلا ليش أتزوج وأخلف عيال يوم إني مب قادر أصرف عليهم ...

نرجع لمحور الحديث ... التفاهم مثل ما ذكروا الإخوه لو الزوج والزوجه متفاهمين ما أعتقد بتصير خلافات بخصوص الراتب ... والراتب من حق الزوجه ولا يحق للرجل في التصرف براتب زوجته ...

إلا إذا كانت راضيه ... أدري إن بعض الشباب والأغلب مديون للبنوك بسبب سلفيات عسب يتزوجون أو غيره .. وكثرت المصاريف وزوجاتهم يشتغلن لو كانت الزوجه تهمها راحت بال زوجها المفروض توقف وياه وتآزره وتساعده في مصروف البيت بس لو مايهمها غير مصروفها فماتستحق تكون زوجه وأم مهمى كان الخلاف بينها وبين زوجها ...

والسموحه منكم بس هذا الواقع وألف شكر

أخوكم / هزاع x5

[الصواوه]

حلو الموضوع ساخن ...
اشوف انا الريال ماله خص براتب زوجته ...
بس بعد ...
بما انهم متزوجين وبينهم اعيال وعشره يعني بينهم تفاهم وتعاون ...
وخاصه هالعصر واااايد متطلبات واحيانا راتب الزوج مايكفي اذا كانت من النوع اللي واايد امشرغين على اعمارهم ...
الاسعار غاليه والعيال طلباتهم متخلص من طلبات المدراسات والثياب واساليب الترفيه وغيرها ...
واضني اتشوفون المحلااات كيف لعبه دور بالاسعار ...
والزوجه بطبيعتها تبا كل شي ...
فاشوف انها تتعاون ويا ريلها وتصرف من اللي عندها اي تتعاون ويااه ...
بس بعد الزوج ما ينسى انها عندها راتب يعني ماله خص فيها بالعكس يعطيها مصروفها عسب ايكون بينهم محبه وموده ...
واضني ان الريال ما يحب ياخذ الراتب من زوجته .. كبرياءه ما تسمح ...
والزوجه بعد ما تحب انها اتكون اهي اللي تصرف علي ريلها ...
فلاااازم ايكون بينهم تفاهم ...

[~ القلب ~]

تسلمين " دلوعة الامارات" على هالموضوع..

انا ويا الاعضاء بأن الزوج ما له حق براتب الزوجة..
بس الزوجة اذا كانت تبا اتحسن من المستوى المعيشي لها ولعيالها،،
عليها انها اتساعد الزوج في مصاريف البيت .. و ما تكون انانية..
و ما اتخلي من البيزات سبب لمشاكلهم.. :(

القلب

[دلوعة الإمارات]

يعطيكم العافية على تجاوبكم..
والله يوفق الزوجين واتمنى انه المال ما يخرب بينهم..


تحياتي لكم

[الأنامل الفضية]

الســـــــــــــلام عليكم ورحمه الله وبركاته ..











السلام عليكم ورحمة الله وبركاته ,,



من وجهة نظري أشوف انه الريال ماله حق في معاش زوجته
حتى لو درهم واحد .

ودام الحرمه عندها معاش ف هذا يعني انه الحياه الزوجيه
بتكون متقاربه.

عشان الحرمه ما تيلس تزن ع الريال عطني وعطني وعطني .
ويكون عندها معاشها ووتتصرف فيه بما يرضي نفسها ويرضي زوجها.
هذا ما يمنع انه الريال يشل مسؤوليته عن الصرف ع زوجته.

في فترة الزواج لازم يتفقون في الامور الماليه
مثلا من معاش الزوجه يشترون احيتاجات البيت
من معاش الريال دفع الفواتير ( كهربا , ماي , غاز تلفون, بيت , شقه ألخ... )

هاي الطريقه بيكون الكل مساوً.

طبعاً اللي يسوي جذه لا بيصدع نفسه وفي آخر الشهر بيكون عنده شي من معاشه
والزوجه تبقى شي من معاشها ..

أما أذا تم الريال كله هو اللي يصرف نص الشهر ولاا فلس عنده وتبدا المشاكل ..








انا ويا اخوي مايد في كلمه قالها .. :)


وبالنسبه لرد اخوي هزاع
(( الرجال قوامون على النساء ))

والقوامه للرجل لسببين خذناهم في الدين :marsa14:
ومن هالسببين الرجل هو المكلف بالصرف على الاسرة ..

لكن ها ما يمنع ان الحرمه تساهم بجزء من راتبها مثل ما ذكر مايد ..




-------------------------------

دلوعه ..
ماشاء الله منوره المحمل :marsa195:
وتسلمين الغلا عالموضوع ..
ولا تحرمينا من طلاتج .. :marsa63: