المساعد الرقمي الشخصي

مشاهدة النسخة كاملة : ما ذنب أجيال المستقبل؟؟؟

شعور84
30-05-2005, 11:46 PM
السلام عليكم ورحمة الله وبركاته


الصراحة انا هالمحمل حبيته وايد لانه فيه حرية التعبير

وانا اليوم يا يبه لكم موضوع .. اليوم ناقشناه في الكلاس

واللي هو عن العقوبات اللي تفرضها المدارس الخاصة للطلاب لعدم دفع الرسوم

السالفة ومافيها ان مدرسة من المدارس عاقبة قرابة 35 طالب وذلك بحبسهم في فصل لان يتم الدفع
أو وضعهم تحت الشمس لمدة ثمان ساعة يعني قرابة الدوام الكامل


مب حرام هذا اللي يسوونه في الطلاب..


الطلاب شو دخلهم بالسالفة ..دام ان الاسرة لا تدفع الرسوم
والمدارس ما يفكرون بالنتايج السلبية اللي راح تصير من جراء هذا العقاب


فكروا فيها يالمدارس..

* الطلاب راح يتعقدون من شي اسمه دراسة..
* بعض الطلاب مصابين بامراض.. يمكن تزيد في حالة العقاب
* العقاب ممكن يؤدي للفشل الدراسي
* وغيرها من السلبيات


الصراحة انا ابى اعرف رايكم بالموضوع..

لان هالشي يؤثر بطلابنا.. واللي هم اجيال المستقبل


لازم نوضع حد لهالمشكلة..


منو منكم قرى الجريدة اليوم.. انا قريت ان القضية وصلت للشيخ نهيان
وهو راح يتخذ الاجراءات التالية
** إما فصل المديرة والوكيلة
** أو فرض الغرامة المالية
** أو اغلاق المدرسة


يعني شو الفايدة من هذا.. انا اللي اقوله

ان ليش عيالنا يتجهون للمدارس الخاصة مع وجود المدارس الحكومية المزودة بكل المعدات
التكنولوجية

وليش الاسرة ما تفكر قبل لاترسل ابنائها لمثل هالمدارس اذا كانت تقدر تدفع الرسوم والا لا





يالله انا تعبت من الكتابة



اتريا ارائكم على www.marsauae.com (http://www.marsauae.com/)

وللمزيد من الاستفسار يرجى الاتصال بي عن طريق نفس الموقع

ودمتم سالمين
بحار
31-05-2005, 12:18 AM
هلا اختي كلامج صح مليون بالميه...

بس هذا مب اسلوب لدفع الرسوب فيه اجراءات ثانيه الواحد يقدر يتخذها...

وانا اعرف هاي المدرسه واقولج انه تم اغلاقها وفصل طاقم الاداره كااامل...

يعني حرمانهم من العمل في اي مكان في الدوله...

:marsa105: اصلا شو ذنب الاطفال او الطلاب بمعنى اصح؟؟...

اداره غير واعيه مدرسين نسوا معني الضمير والرحمه الانسانسه...

لو كان حد من عيالهم جان جلبوا الدنيا فوق روسنا....

و كلهم عماله وااافده ... ياكلون من الخير وما يشكرون...

و الله لو واحد من اعيالهم محبوسين اتعرفون شو بيسون........ والا ماله داااعي اكيد عارفين...

--------------------------------------------------------------------------------------


:marsa60: شعووورووه خليتيني احرق اعصابي معااااج و الله ... عصبت صدق ... ما اداني حد يسوي في عيالنا او اعيال غيرنا جيه انقهررر تراه بروووح وبصفعهم كلهم...:marsa156:

:marsa82: و مشكووووره خيتووووو على المووووضوع ... اللي بالفعل محتاج لوقفه منا...
شعور84
31-05-2005, 12:36 AM
تسلم يا بحار والله ع الرد.. وفرحتني ان في واحد تفاعل وياي


الصراحة..صدق اللي قلته لازم نوقف بهالموقف اللي استوى

يعني شو هم احسن عنا بشو..

وبعدين والله فرحتني باللي قرروه عشانهم

ولا تحرق اعصابك.. لانك تزيد انفعالي

والا اخبرك بيييب لك طفايه يطفيك

هههههههههههههاي
~ القلب ~
31-05-2005, 10:20 AM
و عليكم السلام والرحمه...

انا وااايد سمعت بسوالف هالمدارس الخاصة بس اللي اعرفه بانهم يوم يبون يعاقبون..
يمنعونهم من امتحانات منتصف السنة او نهاية السنة ..
مب يحبسونهم او يوقفونهم في الشمس..!! :marsa150:

وليش الاسرة ما تفكر قبل لاترسل ابنائها لمثل هالمدارس اذا كانت تقدر تدفع الرسوم والا لا؟؟
و عن سؤالج هذا.. فهاي ابروووحها قضية.. خاصة بعد ما صدر قرار بمنع تسجيل ابناء الوافدين في المدارس الحكوميه.. فوين تبينهم يروحون.. ؟؟
يعني ما يكملون دراستهم !!
وعيال البدون.. شو بيكون مصيرهم لا مدارس خاصة ولا حكومية...:(

وتعرفين المدارس الخاصة معاها حق .. يعني هي ما بتصرف على عيال الناس ببلاش..
بس طريقتهم لحل المشكلة كانت غلط.. :marsa69:

بتقوليلي شو الحل...؟؟؟ بقولج ما اعرف ..

خلي الوزارة اتحلها.. وتعطي كل ذي حق حقه.. :)

و السمووووووووووحه

القلب
اطفائى997
31-05-2005, 10:56 PM
جنه احد زقرنى يمكن شفت اسمى ماادرى

المهم بخصوص الموضوع

انا اعتقد انه الطلاب اللى ذكرتيهم هم عيال الوافدين ويمكن من الجنسيات الاجنبيه اللى غير عربيه يعنى مثل الهنود والبنغاليه والباكستانيه ووووواايد جاليات يعنى مثلا هاالجاليات وين تبينهم يدخلونهم مدارس حكوميه وهم مايعرفون كلمه عربى يعنى صعبه شوى وهذى المشكله مو مشكلة المدارس الخاضه لا هذى مشكلة وزارة التربيه اللى الى الحين ماقادرة تحل هاالمشكله .


الحين بسير وبرجع وبرد على الباقى .
هزاع x5
01-06-2005, 01:30 AM
اسمحولي عقاب المدارس الخاصه ذكرني بسجن غريب أو أبو غريب اللي في العراق مع إختلاف المكان ...

يا جماعه كلنا نعرف أثار الوقوف بالشمس شو أضرارها وشو يستوي ... وبعد حبس الطلاب في الصف وين نحن يالسين ...

شو ذنب اليهال الحين لو مادفع ولي أمر طالب الرسوم عادي لايداوم الطالب ويلس في البيت ...

وإذا مادفع ولي أمر طالب أكيد شي منعه يمكن ظروفه ما سمحت له أو ماعنده فرصه يسير يدفع الرسوم ...

يمكن الدوام مب راضي يعطيه إجازه أو ؟؟؟؟ الخ ...

وعن المدراس الخصوصيه والمدارس الحكوميه ...

أنا درست بمدارس حكوميه ووصلت ثانويه عامه وخذيتها ودرست كليه شهر تقريبا ووقفت شو اللغة الانجليزيه ؟؟؟ للأسف مب متعمقين ...

ما شاء الله ولد أخوي عمره 6 سنوات يدرس مدرسة خاصه بلبل بالانجليزي ... ويرطن أحسن مني ...

شفتي يا إختي الفرق ...

وهذا السبب اللي دفع بعض أولياء الأمور يدرسون عيالهم بمدارس خاصه ... يعني يبون الأحسن حق عيالهم ..

وأكتفي بهذا التعليق والسموحه ...
اطفائى997
01-06-2005, 10:37 PM
هزاعووووووووه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
صدى الصمت
02-06-2005, 03:19 PM
سلاموو
مشكوورة اختي على طرحش للموضوع ..!!
انا صراحة اعرف اوادم ما يتعاملوون بالمدارس الحكومية ..!!
و بناتهم .. اللهم يا كافي .. صايعات بسبب هالمدارس المختلطة و الانظمة الفاشلة .!!
عافانا الله و اياكم ..!!
و الزمن كل ما يجي ليه يززيد فساد و دمار و خراب ..!!
و الله يستر على امة محمد و ال محمد بستره


الزعيمة
عجيد الريم
04-06-2005, 08:28 AM
السلام عليكم ورحمة الله ...

في البدايه أشكرج اختي على طرحج لهذا الموضوع المهم ...

انا بتكلم عن العقاب اللي استوى في هالمدرسه بشكل عام ...

بصراحه استانست يوم عرفت ان الطاقم الاداري بكبره انفصل ...

لأنهم للأسف ماعندهم لاذمه ولاظمير ...

مهما كان ... حتى لو أولياء الأمور مادفعوا رسوم الدراسه ...

هذا مب معناته أني أهلك عيال الناس واوقفهم في الشمس ..

جي وين يالسين نحنا ؟؟؟

في طرق ثانيه أحسن وأحلى من هالطريقه الهمجيه ....

للأسف الغلط الأكبر من الأداره التعبانه اللي حاطينها في المدارس ....

على العموم مشكوره اختي على هالموضوع الحلو وماتقصرين

ولي عوده بأذنه تعالى


اختج::حوريه ...
the_pirate
05-06-2005, 01:57 AM
السلام عليكم ورحمة الله وبركاته ,,

قريت ذاك اليوم في الجريده ,,

نفس الخبر ,, وانه الوزاره .,,

بتفرض أقصى العقوبات ع هاي المدارس ,.,:marsa106:

طبعا من ذاك اليوم ألين احينه ما سمعنا شي يديد:marsa45:

الظاهر أصحاب المدارس عندهم فيتامين واو قوووي :marsa51:

<<



يسلمو ع المووضوع
دانة المرسى
15-06-2005, 07:04 PM
مشكورة اختيه على هالموضوع
الله يعطيج العافية
موضوع مميز ومهم
انني ارى انه اسلوب غير حلو
لما ذا كل هذي القسوة
ولا بعد عقاب يوقفونهم في الشمس شو بيصير فيهم اكيد راح يموتون
او تصيدهم ضربة شمس في الراس
وش هالأسلوب وش هالتعامل
تعاملهم غلط في غلط
مشكورة اختيه
تحياتي لج
أختكم
دانة المرسى