هزاع x5
17-05-2005, 12:29 AM
تم إختيار الموضوع من ضمن المواضيع المتميزه..
كل الشكر لصاحب الموضوع على هذه الجهود..
تقبل تحياتنا..
للأمام دائما
نواخذه محمل القصص والروايات
بنت البلاد
بدرة البحرين
ريم البحرين
================================================== ============================
السلام عليكم ورحمه الله وبركاته
بصراحه كنت متردد إني أنزل هذي المسرحيه لكن يتني الجرأة أخيراً وأتمنى إنكم تعيشون جو المسرحيه وأتمنى إنها تعيبكم ...
وهذه المسرحيه الأولى لي في المنتدى والهـــزاع اسمي بعد ...
مسرحية : بنـــت البــــــلاد
تـأليــف : (( الهــزاع ))
2005
المشهد الأول :
(( تفتح الستارة وموجود على خشبة المسرح كنبات ويدخل من يمين المسرح وتجلس على الكنبه امرأة تبلغ من العمر45 سنة وتدعى موزه ترتب الملابس ورجل يبلغ من العمر 50 سنة محمد أبو سيف يدخل بعد دخول موزه بقليل وسيف شاب يبلغ من العمر27 سنه ويدخل حسب دوره ))
موزه : (( ترتب ملابس سيف ابنها وتحدث نفسها )) هيه يا ولدي يا سيف والله وكبرت وصرت ريال بس لو تعرس وتكمل فرحتنا فيك .
محمد أبو سيف (( يدخل في هذي الأثناء )) : انشا الله قريب يا موزه قريب .. اشحالج موزه ؟
موزه : مرحب أبو سيف الحمد لله على السلامه .. وصلت ماشا الله من السوق ؟؟ لايكون عبلت على عمرك ويبت أغراض ماطلبناها منك شرات كل مره ؟؟
محمد أبو سيف : أفا عليج يا الغالية أم الغالي ويوم أييب شي تراه لنا مب لحد غريب (( ينظر إليها ويسألها )) اش قاعده تسوين ؟
موزه : أرتب ملابس سيف ولدنا .. خليت كومار يشل الأغراض ويحطيها بالمطبخ .
محمد أبو سيف : هيه خذاها وحطها في المطبخ .. (( باستغراب )) بس يا موزه وين سيف ما أشوفه ؟
موزه : ما أدري بس أكيد الحين بيي .. (( تقترب من زوجها )) بس يامحمد عندي لك موضوع بخصوص سيف ولدنا وأبيك تساعدني فيه .
محمد (( بخوف )) : خير انشا الله .. وش فيه سيف قولي ياحرمه طيحتي قلبي ؟؟
موزه : ماعليك يامحمد الولد بخير مافيه إلا العافيه .
محمد : عيل شو تبين بلاه سيف
موزه : بصراحه يامحمد الولد كبير واشتغل وصار لازم ندور له على عروس
محمد (( بفرح ودهشه )) : صدق يا موزه سيف قال لج يبا يعرس محطي وحده في باله قولي وإلا ندور له ..
موزه : بلاك محمد شو استوى لك شوي شوي علينا .
محمد : فرحان يا أم سيف فرحان والله بطير من الفرح ... قولي شو قالج بالضبط .
موزه : ما قال شي يا محمد بس أنا أقول شو رايك نشوف له وحده بنت حلال وأنت تدري أنا بروحي ما بقنعه ..
(( يدخل في هذه اللحظه سيف ويسلم على أبويه ))
سيف : السلام عليكم .. اشوفكم اليوم مستانسين ونسوني وياكم ..
موزه : ماشي يا ولدي بروحنا أنا وأبوك نسولف وإلا ممنوع ؟
سيف : أفا عليج يا الغالية (( بحيله )) .. بس ها شو كنتو تقولون بسرعه اعترفوا .
محمد : الحقيقه كنت أنا وأمك نرمس عندك
سيف (( يقاطع أبوه )) : (( بدهشه )) عني خير انشا الله
موزه : خير كل الخير يا ولدي بس استريح
(( يجلسون ))
محمد : ياولدي أنا كبرت والعمر ما بقى منه مثل اللي راح وأنا شيبه ومريض كل يوم سرت المستشفى وكل يوم تحليل وكل يوم شي
سيف (( بخوف )) : بلاك أبوي فيك شي خبرني ؟
محمد : ما فيني شي الحمدلله بس يا ولدي الشباب بعد ما تشتغل اتعرس وأنت يا ولدي ما شا الله عليك خلصت الدراسة وتشتغل وعندك سيارة شو قاصرنك بعد ..
سيف : ما قاصرني شي بس شو تقصد ؟
موزه : يقصدك أنت يا سيف نبي نشوف عيالك قبل لانموت ..
سيف : بعيد الشر عنكم يعل يومي قبل يومكم .. وانشا الله يوم الله بيريد بعرس لا تستعيلون علي ..
محمد : لين متى بنتريا .. خبرنا إذا حد في بالك قول بنسير أنا وأمك نخطبها من أهلها بس فرحنا
سيف : يا بوي ماحد في بالي بس تدرون العرس يبا له مصاريف وأقل حاجه ميتين ألف
محمد : وأنت الحمدلله ما عليك قصور
موزه : وإذا ماعندك بنتسلف بس فرحنا .. ولدي أنت يبالك وحده تراعيك وتغسل ملابسك وتباريك وادير بالها عليك أنت مب ياهل
سيف : أكيد مليتي مني وتبين تزوجيني وتفتكي مني
موزه : مب وقت غشمره ياسيف .. شو قلت عندك حد في بالك وإلا أدور لك
سيف : خلاص أمايه اللي تشوفونه ما أقدر على زعلكم
محمد : مبروك يا ولد مبروك
موزه : انزين من تبيني أخطب لك ..
محمد : موزه الله يهداج إنتي الديره بكبرها تعرفج وما يحتاي تدورين .. بنات ربيعاتج يغطن عين الشمس
موزه : شو قصدك يا محمد (( تكلم ولدها )) خلنا من أبوك وقول لي شو رايك بميثه بنت حصه ربيعتي الله يرحمها مزيونه وما عليها كلام ولاتنسى أمها متوفيه وبنت أعز صديقه لي ومدرسة وما أضن ترفضك .
محمد : شو ترفض ولدي .. لا يا أم سيف مب ولدي اللي يرفضونه البنات .. أدب ومزيون وأخلاق وكل مواصفات الزينه فيه
موزه : صدقت يا بو سيف
سيف : انزين يا أمي صبري بنشوف شو رايها وراي أهلها ؟
محمد : أنا بشوف أبوها وبخيره وأنتي يا موزه شوفي راي البنت وراي الحريم وخبريهم إن اليوم بنزورهم في البيت
موزه : أنا الحين بتصل وبحدد الموعد وياهم (( ترفع سماعه الهاتف وتتحدث )) .. الو مرحب بالعروس اشحالج .. اشحال أبوج .. وعماتج .. عيل عمتج وين ؟ ... وين سارت ... هيه .. انزين خبريها إن عمج بو سيف وسيف ولدي بيون بيتكم اليوم العشا .. سلمي على أهلج .. حياج مع السلامه ( تغلق الهاتف ) (( تحدث محمد )) ميثه ردت وقالت تفضوا حياكم الله باين إن عندها خبر وموافقه !!
محمد : الله يهداج يا موزه من خبرها ..وكيف عرفتي إنها موافقه ؟
سيف : ما يبالها يا أبوي أمي تعرف رد البنت من صوتها ؟
موزه : طال علي يا ولدي ذكي ما شا الله عليك
محمد : عيل تجهزوا بنسير بيت حمدان أبو ميثه نخطب ميثه حق سيف
( ظــلام )
المشهــد الثاني :
(( تفتح الستاره ويكون الديكور في مقهى ولوحه المقهى مكتوب بها مقهى السعاده ويكون بعض أصدقاء سيف يالسين في المقهى ويدخل عليهم
سيف مسرور ))
سيف : السلام عليكم شباب .
المجموعه : وعليكم السلام مرحبا يا مطول الغيبه .
جاسم : أنت وين تغيب وتظهر فجأة تقول زيبق
سيف : موجود بس انتو ماتسألون عن حد متكبرين
حمد : أفا عليك يا سيف أنت بالقلب لكن أنت اللي ما تسأل
سيف : والله يا أخوي مشاغل الدنيا وتدري أنا وحيد أمي وأبوي ومالهم غيري أقضي لهم أشغالهم وأوديهم وأيبهم ..
جاسم : يزاك الله خير فيك الخير والله .. فيه ناس لو قالو لهم أهلهم ودونا المستشفى يقولون سيروا ويا الدريول جنه الدريول متزوجنهم وإلا ولدهم
حمد : مب بس جيه وإذا حد من اليهال مرض الخدامه توديه المستشفى ويا الدريول والأم تتفر فر في الأسواق ويا ربيعتها وإلا تتقهوي بيت جارتها ومب فايجه والأبو في الدوام
سيف : انزين هذيل عيالهم ولو استوى شي عليهم بيقولو من الخدم .. تصدقون أمس مودي أبوي المستشفى شفت بقسم العلاج الطبيعي بنت صغيره يايبتنها الخدامه مع الدريول
جاسم : في الزمن هذا عادي
سيف : بس حالتها ماتسمح ... أقصد إن البنت مشلوله
المجموعه (( باستغراب )) : مشلوله ؟؟ لا حول ولاقوة إلا بالله
سيف : هيه مسكينه عمرها 4 سنوات وماتمشي وتتعالج واللي يراكض فيها بالمستشفيات الخدامه والدريول كأن الخدامه أمها والدريول أبوها ... انعدمت الانسانية لا والأم تستحي تيب بنتها المستشفى ماتبي ربيعتها تشوف بنتها تخاف تعيب عليها
جاسم : تستحي ؟؟!! هذي عطيت الله والانسان يحمد ربه فيه ناس يتمنون يكون عندهم بس ياهل وهذيل عافانا الله فارين بنتهم على الخدامه ... غير يا خوي الرمسه قلبي يتقطع على البنت ودمي يفور .. المهم شو أخبارك
سيف : أخباري تمام .. على بعد أبشركم بخطب
حمد (( بعصبية )) : يا ريال وش لك بالعرس والصدعه وعوار الراس ؟
جاسم : ما عليك منه مبروك .. بنت من ما شا الله ؟
سيف : بنت حمدان بو ميثه .
حمد : والنعم بالبنت بس العرس صدعه وعوار راس .. صدقني بتندم .
جاسم : حرام عليك ياحمد تخرب على الريال .. (( يحدث سيف )) الزواج فيه استقرار وتحفظ نفسك من الحرام وفيه ستر للبنت .. والرسول صلى الله عليه وسلم يقول : (( يا معشر الشباب من وجد فيكم البائه فل يتزوج )) وأنت الحمدلله ريال ما عليك زود ..
(( سيف حائر ويفكر ومتردد ))
حمد : بس العرس يا أخوي العرس خسر وأنت مجرب تكاليف العرس حتى صندوق الزواج مابيكفي طلبات العرس من (( فستان ، زينه ، حفلة .. وايد )) يا سيف اسمع كلامي ولا تعرس خذ لك مرسيدس بو دمعه وإلا بي أم 740 أحسن لك وإلا الأودي a8 أحسن مواصفاتها حلوه
جاسم : خلك منه هذا شيطان لا تمسع كلامه فرح أبوك وأمك .. تخيل يوم بدش البيت وأنت راد من الدوام وتشوف عيالك ينادونك باباه وتشيلهم بأحضانك يا أخوي عرس ويوم بتشوفك لك وحده راعة خلق ودين بحفظك وتحفظ
حمد : لا تعرس وش عليك من مثالياته خلك عزوبي وعيش مرتاح تدخل البيت وتطلع منه على كيفك وتعيش حر .. فكر بالحريه لا بعد يوم بتغازل ماحد بيقول لك شي لا حرمه ترد وتسمع صوت وحده وتسوي لك زوبعه في البيت وتروح بيت أهلها زعلانه ولا غيره فكر يا أخوي
جاسم : ما عليك منه ربنا يقول في كتابة العزيز في سورة النساء الآية 70 بعد بسم الله الرحمن الرحيم (( يا أيها الناس اتقوا ربكم الذي خلقكم من نفس واحده وخلق منها زوجها وبث منهما رجالا كثيراً ونساء واتقوا الله الذي تساءلون به والأرحام إن الله كان عليكم رقيباً )) صدق الله العظيم وهذا دليل على أهمية الزواج ووايد أدله وبراهين
حمد : صح بس هذا الكلام قبل لا تغلى الدنيا البترول غالي الحديد غالي الأسمنت غالي يوم بتبني البيت غالي حتى العروس يوم بتسير تخطبها غالية الدنيا كلها غلت
سيف : أنا ما علي من كلامك يا حمد والعربده والصياعه ما تعيبني وأنا انسان سيده ما أعرف أميل يمين ويسار يا جماعه اللي يا جماعه اللي بيسير وياي بيت حمدان بو ميثه يتفضل وياي
جاسم : أنا بسير وياك ومبروك مقدماً والله يتمم على خير
حمد : يعني خلاص قررت تسير
سيف : هيه نعم أبا أكمل نص ديني وأعرس وأستقر وأكون لي بيت
حمد : تراك بتندم وبعد فوت الفتوت ما ينفع الصوت
سيف : يوم بندم ما بي أشتكي لك
حمد : خلاص عيل بسير وياكم بنشوف شو يستوي بنضحك
جاسم : استح على ويهك عيب تقول جيه وإنت ساير ويا أعز أصدقائك
سيف : خله باجر بيقول بعرس ما عليك منه
حمد (( باستغراب )) : أنا مستحيل أقول جيه وبتشوفون
موسيقى تراثيه وتغلق الستاره
المشــــهد الثالث :
(( تفتح الستاره ويكون على خشبة المسرح كنبات وكراسي في منزل حمدان أبو ميثه ويقرع الجرس ويقوم حمدان بفتح الباب ويكون الضيوف محمد أبو سيف وسيف وصدقاء سيف جاسم وحمد ))
حمدان (( يرحب بالضيوف )) : مرحب الساع حي الله من يانا
محمد أبو سيف يتقدم : مرحبا ملايين اشحالك أخوي حمدان
حمدان : تفضل .. (( يسلم على الجميع )) تفضلوا يا جماعه
جاسم : مرحب عمي بو ميثه اشحالك ... عساك بخير
حمدان : الحمدلله يا ولدي .. (( يخاطب سيف )) اشحالك ولدي سيف عساك مرتاح
سيف : الحمدلله يا عمي اشحالك ..
محمد أبو سيف (( يمازح الموجودين )) : ما بسكم سلامات بس السلام عليكم تكفي
حمدان (( يضحك )) : ما تيوز من سوالفك يا محمد من يوم صغير والحين صغير .. (( ينادي على الخدامه )) جيتا يبي العشا يا جيتا
محمد أبو سيف : نحن طال عمرك مب ياين نتعشا نبي ندش في الموضوع على طول
حمدان : حيا كم الله تفضل يا بو سيف قول شو عندك
محمد : طال عمرك يا بو ميثه أنت تعرف إن الله ما عطاني غير ولدي سيف وما عندي أغلى منه واليوم يا ينك أخطب بنتك ميثه حق ولدي شو رايك ؟
حمدان : والنعم بولدك سيف ريال والناس تقول عنه كل خير وما سمعنا عنه شي شين بس تعرف إن الشو للبنت ولازم أشوارها أوشو راي أهلها وأهم شي راي بنتي وإنتو تدرون إنها الوحيده لي بعد أمها الله يرحمها وإلا شو تقولون
الموجودين : خير ما سويت وما عليك زود يا بو ميثه
حمدان : أنا باخذ راي البنت وبشوف رايها
المجموعه : من حقك يا بو ميثه خذ راحتك
(( يتجه حمدان إلى يسار مدخل خشبة المسرح وينادي ميثه ))
حمدان (( ينادي ميثه )) : ميثه .. يا ميثه
(( تدخل ميثه وتبلغ 29 سنه ترتدي فستان الخطوبة ))
ميثه : نعم أبوي ناديتني
حمدان : إيه يا بنتي عمج محمد والجماعه ياين يخطبونج حق سيف وسيف ريال طيبوولد عرب وولد ناس وكل الناس تشهد على أخلاقه
ميثه (( بخجل )) : الراي رايك يا بوي اللي تشوفه إنت بيصير
حمدان (( بفرح )) : مبروك يا بنتي (( يذهب إلى الضيوف يخاطب أبو سيف )) مبروك أبو سيف (( يخاطب سيف )) مبروك يا ولد سيف
أبو سيف وسيف (( يردن بفرح )) الله يبارك فيك يا بو ميثه
(( يقوم الجميع بتهنئة سيف ))
محمد أبو سيف : انزين ياحمدان ما اتقفنا على المهر وشو المطلوب للعرس
حمدان (( بخبث )) : يا محمد أنت تعرف العادات والتقاليد وأبي عرس حق بنتي ما استوى حق وحده قبلها ولا بيستوي حق أحد بعدها والمهر معروف 20 ألف والمأخر 30 ألف والذهب أبيه لها من الماس ولولو ومايقل عن 200 ألف وخيمة البداد 100 ألف
(( سيف والحضور مستغربين من طلبات حمدان ))
محمد : أنت شو قاعد تقول
حمدان : ميثه غالية وبنتي الوحيده ما عندي غيرها
سيف : بس طلباتك وايد وأنا ما عندي إمكانية ألبي كل طلباتك
حمدان : صندوق الزواج يعطيك 70 ألف شو بتسوي فيها
سيف : 70 ألف ماتكفي تلحق على طلباتك
جاسم : خف على الجماعه الرسول صلى الله عليه وسلم يقول أقلهن مهرا أكثرهن بركه
حمد : قلت لك يا سيف لاتعرس وأنت ما تستمع الكلام
حمدان : أنا بعدي ما خلصت طلبات
محمد (( بغضب )) : شو عنك باقي ما قلت
حمدان : القاعه والفرقه وطلبات ثانية باقي الرضوه وغير هذي الطلبات
(( تخرج ميثه وتصرخ بحزن ))
ميثه (( تنظر إلى الجمهور )) : لا يا أبوي أنا مب عنز وأنت تساوم على سعرها أنا انسانه عادية لي أحلام وطموح مثل أي بنت أتمنى يكون لي زوج وعيال وبيت وأنت ما قصرت ربيتني وتعبت علي بعد أمي الله يرحمها بس لو كل واحد يفكر يزوج بنته بهذي الطريقه كان البنات بتم وماحد بيعرس .. أبوي الرسول صلى الله عليه وسلم يقول أقلهن مهرا أكثر بركه
سيف : والريال يا عمي لو تسلف وسحب من البنك بيضل طول عمره مديون وأكثر حالات الطلاق سببها الرئيسي السالفيات والديون
جاسم : اشحقه يا عمي ما تفرح ببنت على حسب أمكانيات المعرس
حمدان : الناس مب أحسن مني
حمد : بس امكانيات الناس مب سوى فيه ناس تقدر وفيه ناس ما عندها
محمد : وبعدين يا حمدان ليش الاسراف ربنا نهانا عن الاسراف والأكل ينكب في الزبالة والله حرام فيه ناس مب ملاقين لقمه ياكلونها
ميثه : فكر في سعادتي يا أبوي ترى العمر يركض أتمنى أكون أم وعندي عيال وزوج يحافظ علي
(( حمدان يأخذ بقعه ويفكر بالموافقه والرفض ويوافق في النهاية ))
حمدان : خلاص يا جماعه أنا موافق واللي عندكم هاتوه واللي ما عندكم أنا بكمله (( يمسك يبد سيف وبيد ميثه باليد الأخرى ويشبك أياديهم ونسمع رزيف وموسيقى ويرقص الجميع ))
النـــــــهايـــــــــــــة
وتقلبوا تحيات أخوكم المؤلف / هـــزاع x5
وإنشا الله عيبتكم
كل الشكر لصاحب الموضوع على هذه الجهود..
تقبل تحياتنا..
للأمام دائما
نواخذه محمل القصص والروايات
بنت البلاد
بدرة البحرين
ريم البحرين
================================================== ============================
السلام عليكم ورحمه الله وبركاته
بصراحه كنت متردد إني أنزل هذي المسرحيه لكن يتني الجرأة أخيراً وأتمنى إنكم تعيشون جو المسرحيه وأتمنى إنها تعيبكم ...
وهذه المسرحيه الأولى لي في المنتدى والهـــزاع اسمي بعد ...
مسرحية : بنـــت البــــــلاد
تـأليــف : (( الهــزاع ))
2005
المشهد الأول :
(( تفتح الستارة وموجود على خشبة المسرح كنبات ويدخل من يمين المسرح وتجلس على الكنبه امرأة تبلغ من العمر45 سنة وتدعى موزه ترتب الملابس ورجل يبلغ من العمر 50 سنة محمد أبو سيف يدخل بعد دخول موزه بقليل وسيف شاب يبلغ من العمر27 سنه ويدخل حسب دوره ))
موزه : (( ترتب ملابس سيف ابنها وتحدث نفسها )) هيه يا ولدي يا سيف والله وكبرت وصرت ريال بس لو تعرس وتكمل فرحتنا فيك .
محمد أبو سيف (( يدخل في هذي الأثناء )) : انشا الله قريب يا موزه قريب .. اشحالج موزه ؟
موزه : مرحب أبو سيف الحمد لله على السلامه .. وصلت ماشا الله من السوق ؟؟ لايكون عبلت على عمرك ويبت أغراض ماطلبناها منك شرات كل مره ؟؟
محمد أبو سيف : أفا عليج يا الغالية أم الغالي ويوم أييب شي تراه لنا مب لحد غريب (( ينظر إليها ويسألها )) اش قاعده تسوين ؟
موزه : أرتب ملابس سيف ولدنا .. خليت كومار يشل الأغراض ويحطيها بالمطبخ .
محمد أبو سيف : هيه خذاها وحطها في المطبخ .. (( باستغراب )) بس يا موزه وين سيف ما أشوفه ؟
موزه : ما أدري بس أكيد الحين بيي .. (( تقترب من زوجها )) بس يامحمد عندي لك موضوع بخصوص سيف ولدنا وأبيك تساعدني فيه .
محمد (( بخوف )) : خير انشا الله .. وش فيه سيف قولي ياحرمه طيحتي قلبي ؟؟
موزه : ماعليك يامحمد الولد بخير مافيه إلا العافيه .
محمد : عيل شو تبين بلاه سيف
موزه : بصراحه يامحمد الولد كبير واشتغل وصار لازم ندور له على عروس
محمد (( بفرح ودهشه )) : صدق يا موزه سيف قال لج يبا يعرس محطي وحده في باله قولي وإلا ندور له ..
موزه : بلاك محمد شو استوى لك شوي شوي علينا .
محمد : فرحان يا أم سيف فرحان والله بطير من الفرح ... قولي شو قالج بالضبط .
موزه : ما قال شي يا محمد بس أنا أقول شو رايك نشوف له وحده بنت حلال وأنت تدري أنا بروحي ما بقنعه ..
(( يدخل في هذه اللحظه سيف ويسلم على أبويه ))
سيف : السلام عليكم .. اشوفكم اليوم مستانسين ونسوني وياكم ..
موزه : ماشي يا ولدي بروحنا أنا وأبوك نسولف وإلا ممنوع ؟
سيف : أفا عليج يا الغالية (( بحيله )) .. بس ها شو كنتو تقولون بسرعه اعترفوا .
محمد : الحقيقه كنت أنا وأمك نرمس عندك
سيف (( يقاطع أبوه )) : (( بدهشه )) عني خير انشا الله
موزه : خير كل الخير يا ولدي بس استريح
(( يجلسون ))
محمد : ياولدي أنا كبرت والعمر ما بقى منه مثل اللي راح وأنا شيبه ومريض كل يوم سرت المستشفى وكل يوم تحليل وكل يوم شي
سيف (( بخوف )) : بلاك أبوي فيك شي خبرني ؟
محمد : ما فيني شي الحمدلله بس يا ولدي الشباب بعد ما تشتغل اتعرس وأنت يا ولدي ما شا الله عليك خلصت الدراسة وتشتغل وعندك سيارة شو قاصرنك بعد ..
سيف : ما قاصرني شي بس شو تقصد ؟
موزه : يقصدك أنت يا سيف نبي نشوف عيالك قبل لانموت ..
سيف : بعيد الشر عنكم يعل يومي قبل يومكم .. وانشا الله يوم الله بيريد بعرس لا تستعيلون علي ..
محمد : لين متى بنتريا .. خبرنا إذا حد في بالك قول بنسير أنا وأمك نخطبها من أهلها بس فرحنا
سيف : يا بوي ماحد في بالي بس تدرون العرس يبا له مصاريف وأقل حاجه ميتين ألف
محمد : وأنت الحمدلله ما عليك قصور
موزه : وإذا ماعندك بنتسلف بس فرحنا .. ولدي أنت يبالك وحده تراعيك وتغسل ملابسك وتباريك وادير بالها عليك أنت مب ياهل
سيف : أكيد مليتي مني وتبين تزوجيني وتفتكي مني
موزه : مب وقت غشمره ياسيف .. شو قلت عندك حد في بالك وإلا أدور لك
سيف : خلاص أمايه اللي تشوفونه ما أقدر على زعلكم
محمد : مبروك يا ولد مبروك
موزه : انزين من تبيني أخطب لك ..
محمد : موزه الله يهداج إنتي الديره بكبرها تعرفج وما يحتاي تدورين .. بنات ربيعاتج يغطن عين الشمس
موزه : شو قصدك يا محمد (( تكلم ولدها )) خلنا من أبوك وقول لي شو رايك بميثه بنت حصه ربيعتي الله يرحمها مزيونه وما عليها كلام ولاتنسى أمها متوفيه وبنت أعز صديقه لي ومدرسة وما أضن ترفضك .
محمد : شو ترفض ولدي .. لا يا أم سيف مب ولدي اللي يرفضونه البنات .. أدب ومزيون وأخلاق وكل مواصفات الزينه فيه
موزه : صدقت يا بو سيف
سيف : انزين يا أمي صبري بنشوف شو رايها وراي أهلها ؟
محمد : أنا بشوف أبوها وبخيره وأنتي يا موزه شوفي راي البنت وراي الحريم وخبريهم إن اليوم بنزورهم في البيت
موزه : أنا الحين بتصل وبحدد الموعد وياهم (( ترفع سماعه الهاتف وتتحدث )) .. الو مرحب بالعروس اشحالج .. اشحال أبوج .. وعماتج .. عيل عمتج وين ؟ ... وين سارت ... هيه .. انزين خبريها إن عمج بو سيف وسيف ولدي بيون بيتكم اليوم العشا .. سلمي على أهلج .. حياج مع السلامه ( تغلق الهاتف ) (( تحدث محمد )) ميثه ردت وقالت تفضوا حياكم الله باين إن عندها خبر وموافقه !!
محمد : الله يهداج يا موزه من خبرها ..وكيف عرفتي إنها موافقه ؟
سيف : ما يبالها يا أبوي أمي تعرف رد البنت من صوتها ؟
موزه : طال علي يا ولدي ذكي ما شا الله عليك
محمد : عيل تجهزوا بنسير بيت حمدان أبو ميثه نخطب ميثه حق سيف
( ظــلام )
المشهــد الثاني :
(( تفتح الستاره ويكون الديكور في مقهى ولوحه المقهى مكتوب بها مقهى السعاده ويكون بعض أصدقاء سيف يالسين في المقهى ويدخل عليهم
سيف مسرور ))
سيف : السلام عليكم شباب .
المجموعه : وعليكم السلام مرحبا يا مطول الغيبه .
جاسم : أنت وين تغيب وتظهر فجأة تقول زيبق
سيف : موجود بس انتو ماتسألون عن حد متكبرين
حمد : أفا عليك يا سيف أنت بالقلب لكن أنت اللي ما تسأل
سيف : والله يا أخوي مشاغل الدنيا وتدري أنا وحيد أمي وأبوي ومالهم غيري أقضي لهم أشغالهم وأوديهم وأيبهم ..
جاسم : يزاك الله خير فيك الخير والله .. فيه ناس لو قالو لهم أهلهم ودونا المستشفى يقولون سيروا ويا الدريول جنه الدريول متزوجنهم وإلا ولدهم
حمد : مب بس جيه وإذا حد من اليهال مرض الخدامه توديه المستشفى ويا الدريول والأم تتفر فر في الأسواق ويا ربيعتها وإلا تتقهوي بيت جارتها ومب فايجه والأبو في الدوام
سيف : انزين هذيل عيالهم ولو استوى شي عليهم بيقولو من الخدم .. تصدقون أمس مودي أبوي المستشفى شفت بقسم العلاج الطبيعي بنت صغيره يايبتنها الخدامه مع الدريول
جاسم : في الزمن هذا عادي
سيف : بس حالتها ماتسمح ... أقصد إن البنت مشلوله
المجموعه (( باستغراب )) : مشلوله ؟؟ لا حول ولاقوة إلا بالله
سيف : هيه مسكينه عمرها 4 سنوات وماتمشي وتتعالج واللي يراكض فيها بالمستشفيات الخدامه والدريول كأن الخدامه أمها والدريول أبوها ... انعدمت الانسانية لا والأم تستحي تيب بنتها المستشفى ماتبي ربيعتها تشوف بنتها تخاف تعيب عليها
جاسم : تستحي ؟؟!! هذي عطيت الله والانسان يحمد ربه فيه ناس يتمنون يكون عندهم بس ياهل وهذيل عافانا الله فارين بنتهم على الخدامه ... غير يا خوي الرمسه قلبي يتقطع على البنت ودمي يفور .. المهم شو أخبارك
سيف : أخباري تمام .. على بعد أبشركم بخطب
حمد (( بعصبية )) : يا ريال وش لك بالعرس والصدعه وعوار الراس ؟
جاسم : ما عليك منه مبروك .. بنت من ما شا الله ؟
سيف : بنت حمدان بو ميثه .
حمد : والنعم بالبنت بس العرس صدعه وعوار راس .. صدقني بتندم .
جاسم : حرام عليك ياحمد تخرب على الريال .. (( يحدث سيف )) الزواج فيه استقرار وتحفظ نفسك من الحرام وفيه ستر للبنت .. والرسول صلى الله عليه وسلم يقول : (( يا معشر الشباب من وجد فيكم البائه فل يتزوج )) وأنت الحمدلله ريال ما عليك زود ..
(( سيف حائر ويفكر ومتردد ))
حمد : بس العرس يا أخوي العرس خسر وأنت مجرب تكاليف العرس حتى صندوق الزواج مابيكفي طلبات العرس من (( فستان ، زينه ، حفلة .. وايد )) يا سيف اسمع كلامي ولا تعرس خذ لك مرسيدس بو دمعه وإلا بي أم 740 أحسن لك وإلا الأودي a8 أحسن مواصفاتها حلوه
جاسم : خلك منه هذا شيطان لا تمسع كلامه فرح أبوك وأمك .. تخيل يوم بدش البيت وأنت راد من الدوام وتشوف عيالك ينادونك باباه وتشيلهم بأحضانك يا أخوي عرس ويوم بتشوفك لك وحده راعة خلق ودين بحفظك وتحفظ
حمد : لا تعرس وش عليك من مثالياته خلك عزوبي وعيش مرتاح تدخل البيت وتطلع منه على كيفك وتعيش حر .. فكر بالحريه لا بعد يوم بتغازل ماحد بيقول لك شي لا حرمه ترد وتسمع صوت وحده وتسوي لك زوبعه في البيت وتروح بيت أهلها زعلانه ولا غيره فكر يا أخوي
جاسم : ما عليك منه ربنا يقول في كتابة العزيز في سورة النساء الآية 70 بعد بسم الله الرحمن الرحيم (( يا أيها الناس اتقوا ربكم الذي خلقكم من نفس واحده وخلق منها زوجها وبث منهما رجالا كثيراً ونساء واتقوا الله الذي تساءلون به والأرحام إن الله كان عليكم رقيباً )) صدق الله العظيم وهذا دليل على أهمية الزواج ووايد أدله وبراهين
حمد : صح بس هذا الكلام قبل لا تغلى الدنيا البترول غالي الحديد غالي الأسمنت غالي يوم بتبني البيت غالي حتى العروس يوم بتسير تخطبها غالية الدنيا كلها غلت
سيف : أنا ما علي من كلامك يا حمد والعربده والصياعه ما تعيبني وأنا انسان سيده ما أعرف أميل يمين ويسار يا جماعه اللي يا جماعه اللي بيسير وياي بيت حمدان بو ميثه يتفضل وياي
جاسم : أنا بسير وياك ومبروك مقدماً والله يتمم على خير
حمد : يعني خلاص قررت تسير
سيف : هيه نعم أبا أكمل نص ديني وأعرس وأستقر وأكون لي بيت
حمد : تراك بتندم وبعد فوت الفتوت ما ينفع الصوت
سيف : يوم بندم ما بي أشتكي لك
حمد : خلاص عيل بسير وياكم بنشوف شو يستوي بنضحك
جاسم : استح على ويهك عيب تقول جيه وإنت ساير ويا أعز أصدقائك
سيف : خله باجر بيقول بعرس ما عليك منه
حمد (( باستغراب )) : أنا مستحيل أقول جيه وبتشوفون
موسيقى تراثيه وتغلق الستاره
المشــــهد الثالث :
(( تفتح الستاره ويكون على خشبة المسرح كنبات وكراسي في منزل حمدان أبو ميثه ويقرع الجرس ويقوم حمدان بفتح الباب ويكون الضيوف محمد أبو سيف وسيف وصدقاء سيف جاسم وحمد ))
حمدان (( يرحب بالضيوف )) : مرحب الساع حي الله من يانا
محمد أبو سيف يتقدم : مرحبا ملايين اشحالك أخوي حمدان
حمدان : تفضل .. (( يسلم على الجميع )) تفضلوا يا جماعه
جاسم : مرحب عمي بو ميثه اشحالك ... عساك بخير
حمدان : الحمدلله يا ولدي .. (( يخاطب سيف )) اشحالك ولدي سيف عساك مرتاح
سيف : الحمدلله يا عمي اشحالك ..
محمد أبو سيف (( يمازح الموجودين )) : ما بسكم سلامات بس السلام عليكم تكفي
حمدان (( يضحك )) : ما تيوز من سوالفك يا محمد من يوم صغير والحين صغير .. (( ينادي على الخدامه )) جيتا يبي العشا يا جيتا
محمد أبو سيف : نحن طال عمرك مب ياين نتعشا نبي ندش في الموضوع على طول
حمدان : حيا كم الله تفضل يا بو سيف قول شو عندك
محمد : طال عمرك يا بو ميثه أنت تعرف إن الله ما عطاني غير ولدي سيف وما عندي أغلى منه واليوم يا ينك أخطب بنتك ميثه حق ولدي شو رايك ؟
حمدان : والنعم بولدك سيف ريال والناس تقول عنه كل خير وما سمعنا عنه شي شين بس تعرف إن الشو للبنت ولازم أشوارها أوشو راي أهلها وأهم شي راي بنتي وإنتو تدرون إنها الوحيده لي بعد أمها الله يرحمها وإلا شو تقولون
الموجودين : خير ما سويت وما عليك زود يا بو ميثه
حمدان : أنا باخذ راي البنت وبشوف رايها
المجموعه : من حقك يا بو ميثه خذ راحتك
(( يتجه حمدان إلى يسار مدخل خشبة المسرح وينادي ميثه ))
حمدان (( ينادي ميثه )) : ميثه .. يا ميثه
(( تدخل ميثه وتبلغ 29 سنه ترتدي فستان الخطوبة ))
ميثه : نعم أبوي ناديتني
حمدان : إيه يا بنتي عمج محمد والجماعه ياين يخطبونج حق سيف وسيف ريال طيبوولد عرب وولد ناس وكل الناس تشهد على أخلاقه
ميثه (( بخجل )) : الراي رايك يا بوي اللي تشوفه إنت بيصير
حمدان (( بفرح )) : مبروك يا بنتي (( يذهب إلى الضيوف يخاطب أبو سيف )) مبروك أبو سيف (( يخاطب سيف )) مبروك يا ولد سيف
أبو سيف وسيف (( يردن بفرح )) الله يبارك فيك يا بو ميثه
(( يقوم الجميع بتهنئة سيف ))
محمد أبو سيف : انزين ياحمدان ما اتقفنا على المهر وشو المطلوب للعرس
حمدان (( بخبث )) : يا محمد أنت تعرف العادات والتقاليد وأبي عرس حق بنتي ما استوى حق وحده قبلها ولا بيستوي حق أحد بعدها والمهر معروف 20 ألف والمأخر 30 ألف والذهب أبيه لها من الماس ولولو ومايقل عن 200 ألف وخيمة البداد 100 ألف
(( سيف والحضور مستغربين من طلبات حمدان ))
محمد : أنت شو قاعد تقول
حمدان : ميثه غالية وبنتي الوحيده ما عندي غيرها
سيف : بس طلباتك وايد وأنا ما عندي إمكانية ألبي كل طلباتك
حمدان : صندوق الزواج يعطيك 70 ألف شو بتسوي فيها
سيف : 70 ألف ماتكفي تلحق على طلباتك
جاسم : خف على الجماعه الرسول صلى الله عليه وسلم يقول أقلهن مهرا أكثرهن بركه
حمد : قلت لك يا سيف لاتعرس وأنت ما تستمع الكلام
حمدان : أنا بعدي ما خلصت طلبات
محمد (( بغضب )) : شو عنك باقي ما قلت
حمدان : القاعه والفرقه وطلبات ثانية باقي الرضوه وغير هذي الطلبات
(( تخرج ميثه وتصرخ بحزن ))
ميثه (( تنظر إلى الجمهور )) : لا يا أبوي أنا مب عنز وأنت تساوم على سعرها أنا انسانه عادية لي أحلام وطموح مثل أي بنت أتمنى يكون لي زوج وعيال وبيت وأنت ما قصرت ربيتني وتعبت علي بعد أمي الله يرحمها بس لو كل واحد يفكر يزوج بنته بهذي الطريقه كان البنات بتم وماحد بيعرس .. أبوي الرسول صلى الله عليه وسلم يقول أقلهن مهرا أكثر بركه
سيف : والريال يا عمي لو تسلف وسحب من البنك بيضل طول عمره مديون وأكثر حالات الطلاق سببها الرئيسي السالفيات والديون
جاسم : اشحقه يا عمي ما تفرح ببنت على حسب أمكانيات المعرس
حمدان : الناس مب أحسن مني
حمد : بس امكانيات الناس مب سوى فيه ناس تقدر وفيه ناس ما عندها
محمد : وبعدين يا حمدان ليش الاسراف ربنا نهانا عن الاسراف والأكل ينكب في الزبالة والله حرام فيه ناس مب ملاقين لقمه ياكلونها
ميثه : فكر في سعادتي يا أبوي ترى العمر يركض أتمنى أكون أم وعندي عيال وزوج يحافظ علي
(( حمدان يأخذ بقعه ويفكر بالموافقه والرفض ويوافق في النهاية ))
حمدان : خلاص يا جماعه أنا موافق واللي عندكم هاتوه واللي ما عندكم أنا بكمله (( يمسك يبد سيف وبيد ميثه باليد الأخرى ويشبك أياديهم ونسمع رزيف وموسيقى ويرقص الجميع ))
النـــــــهايـــــــــــــة
وتقلبوا تحيات أخوكم المؤلف / هـــزاع x5
وإنشا الله عيبتكم