المساعد الرقمي الشخصي

مشاهدة النسخة كاملة : oOo جوله داخــل كليــه طــالبات العين ( جبال - خضراء - تراث) oOo

mbitieux@
21-04-2005, 06:45 PM
السلام عليكم و رحمة الله وبركاته يا جماعة الخير..



مساكم الله بالخير.. و اذا كان الوقت عندكم صباح ترى صبحكم الله بالنور و السرور ان شاء الله..



اليوم يت ويبت معاي صور كليات تقنية طالبات العين.. و المميز فيها الخضرة و المناظر الطبيعية و اللي تعتبر سمة مدينة العين بشكل عام..



المهم بخليكم اتشوفون الصور و ما بطول عليكم.. اتمنى انه الصور تعجبكم..



صوره من أحد الفصول وهي تطل على القريه التراثيه...

http://www.marsauae.com/upload/uploading/MVC-001S.jpg


جزء من المباني.. بالاضافة الى احد الاستراحات التي صممت خصيصا للطالبات... و هناك عدد 2 من الاستراحات المشابهة بالاضافة الى المنتزه الكبير... بحط لكم صور المنتزه في موضوع اخر..

http://www.marsauae.com/upload/uploading/MVC-004S.jpg


الاستراحة الثانية..

في هذه الصورة اتشوفون انه كليتنا فيها تين... شو رايكم؟؟؟ اذا نضج ان شاء الله بطرش لكم صندوق


http://www.marsauae.com/upload/uploading/MVC-005S.jpg


http://www.marsauae.com/upload/uploading/MVC-006S.jpg


احد الممرات المأدي الى المباني...


http://www.marsauae.com/upload/uploading/MVC-007S.jpg


القرية التراثية... حيث تقام الفعاليات التراثية في الاحتفالات و المناسبات الطلابية.. و هذا العريش دائم.. طبعا هو تحت طول التعديل الان استعدادا لليوم المفتوح للكلية و الذي يقام سنويا في شهر مارس..

http://www.marsauae.com/upload/uploading/MVC-008S.jpg


احد زاويا الاجزاء الخارجية من الكلية.. و التي صممت في يوم البيئة و هي محفوظة بشكل دائم في الكلية..

http://www.marsauae.com/upload/uploading/MVC-010S.jpg


الورود شي مميز.. لكنها في كليتنا شي ثاني و مختلف.. غير.. لكم ان تتخيلوا رائحة الممرات الخارجية.. دائما معطرة برائحة الورود...

http://www.marsauae.com/upload/uploading/MVC-011S.jpg


جزء من الجبال المحيطة بمبنى الكلية..

http://www.marsauae.com/upload/uploading/MVC-012S.jpg


و اخيرا و ليس آخرا..

الملاعب الرياضية الموجودة في الكلية.. و في الصورة يظهر ملعب كرة الطائرة.. و الى جاوره يوجد ملعب لكرة السلة و آخر للتنس..


http://www.marsauae.com/upload/uploading/MVC-014S.jpg

اتمنى اتكون كليتنا نالت اعجابكم ان شاء الله.. و انتظرونا مع مجموعة جديدة ان شاء الله..

و المره اليايه بيكون كلاسنا.. لاني بغيت انزلهم و حجمهم كبير.. فقلت بصغرهم...

و ابراويكم المؤتمر ان شاء الله اللي بنسويه بعد...

شفتوا النعيم اللي طالبات كليات تقنية العين عايشين فيه؟؟؟؟

تقبلوا تحياتي و احترامي
نور القمر
21-04-2005, 08:40 PM
..

.:][ امــــــــــــوره ][:.

مشكورة الغاليه على هالكولكشن الطيب من الصور ..

وما شاء الله تقنيتكم غاويه ..

فيها مناظر حلوة ..

تسلم ايدج عزيزتي .. وبانتظار يديدج .. :)

..

دمتم بود ..

..

نور القمر ..

..
mbitieux@
22-04-2005, 02:41 AM
..



.:][ امــــــــــــوره ][:.

مشكورة الغاليه على هالكولكشن الطيب من الصور ..

وما شاء الله تقنيتكم غاويه ..

فيها مناظر حلوة ..

تسلم ايدج عزيزتي .. وبانتظار يديدج .. :)

..

دمتم بود ..

..

نور القمر ..



..



هلا و الله...

الله يسلمج ويسلم غااااااليج ياااارب...

:marsa195: و حياااج عندنا ابقهويج على حسااابي...<<< تراه مره وحده اتقولها في السنه لوووول...

تسلمين والله بس لازم بعد اراويج اكلاسنا امسوين فيه بلااااوي.. :marsa40:

و الله يسلمج مره ثااانيه يارب من كل شر...

و ان شاء الله ...

و يسلمووووو خيتوووو على المرور وعلى الرد الرائع..

لا تحرمينا..
الرحيل
22-04-2005, 04:00 AM
بنيان مرتب وايد
شايفتنه من برة
تعالي بسألج انتي امودرة الحصة ويالسة تصورين المكان
أكييييييييييييييييد لقيتلج هزبة من الاستاذ
صور حلوة وايد
مشكورة عليها
ويالله نتريا المؤتمر اللي سويتوه
وصور الكلاس
<(((><
22-04-2005, 06:10 AM
وعليكم السلام ورحمة الله

واواواواوااواو صورة روعة روعة

http://www.marsauae.com/upload/uploading/MVC-012S.jpg

http://www.marsauae.com/upload/uploading/MVC-011S.jpg

http://www.marsauae.com/upload/uploading/MVC-005S.jpg


احلا شي صور الطبيعة ... وعجيبة الكلية

كل هاذي الصور في العين ماشالله

بس ماشفنا واجهة الكلية :marsa40:

بنتظار باقي الصور :marsa115:
mbitieux@
22-04-2005, 01:04 PM
بنيان مرتب وايد
شايفتنه من برة
تعالي بسألج انتي امودرة الحصة ويالسة تصورين المكان
أكييييييييييييييييد لقيتلج هزبة من الاستاذ
صور حلوة وايد
مشكورة عليها
ويالله نتريا المؤتمر اللي سويتوه
وصور الكلاس

:marsa112: يسلموووووووو...

شايفتنه من برع..:marsa105: و ليش ما قلتي جان دخلناج...

:marsa119: هههههههههه لا مب امودره هذا العصر وكنا امخلصيين اكلاساتنا..

:marsa192: استاذنا ما يخصه في الدنياااا...

و العفوووووو ....

:marsa82: ما سويناه المؤتمر الحين بنسويه... وجان بتين قولي لي ابدخلج.. بعزمج عليه...

:marsa31: وان شاء الله بحط صور الكلاس قريييب ...

مشكووووره على المرووور...
mbitieux@
22-04-2005, 01:08 PM
وعليكم السلام ورحمة الله



واواواواوااواو صورة روعة روعة

احلا شي صور الطبيعة ... وعجيبة الكلية

كل هاذي الصور في العين ماشالله

بس ماشفنا واجهة الكلية :marsa40:

بنتظار باقي الصور :marsa115:


:marsa90: يعني عيبنك ؟؟؟...

زين يوم عيبنك...

:marsa82: جان بتوديني عندكم ... بدخلك عندنا في الكليه...

:marsa25: العين تراها مب هينه ...

و ان شاء الله ابصور الواجهه وبحطها كانت عندي بس ما اعرف وين اختفت..:marsa200:

و ان شااااء الله ...

يسلمووووو على المرور خيوووووو...

لا تحرمنا..
الزنبقة
25-04-2005, 01:54 PM
حلوووووووووووووووووووووة


تستمعين بالدراسة وسط اجواء حلوووووووووووووووووة


الله الله


لا تنسين التين ابي منه لمن يستوي <<<<<<<<<<<<< دبه


مشكوووووووووووووووورة
mbitieux@
25-04-2005, 11:07 PM
حلوووووووووووووووووووووة




تستمعين بالدراسة وسط اجواء حلوووووووووووووووووة


الله الله


لا تنسين التين ابي منه لمن يستوي <<<<<<<<<<<<< دبه




مشكوووووووووووووووورة


:marsa3: فــديت كليتنــا و الله...

بس اتعرفين مليــتها :marsa117: ..

:marsa110: و ادري انه كلكم حاااطين عينكم على التيــن مــالنا...

:marsa58: خلاص بفكـر اذا بيب الكم .. لوووول..

و العفوووو ...

و يسلمووو على المرور
بقايا ذكرى
26-04-2005, 12:09 AM
ما شاء الله حلوه... وتسلمين أختي ..

كح كح .. ممنوع دخول الموبايل بوكمره كح كح كح ... هااا افتن ولا تعطيني من التين يوم ينضج..؟


وحياج الله اختي .
بنت_الطــــواش
26-04-2005, 02:44 AM
امووره
يا سلام الله عليج
الصراحه تقنيتكم كششششششخه
جو عجيب..وخضره وجباال
منظار حلووه...مثل جامعتنا بالضبط...بس نحن على صحراا لوول:marsa117:

طواشوة
~ القلب ~
26-04-2005, 10:20 AM
اموره تسلمين على هالموضوع بس جامعتنا احلى ..:marsa40:

ما شاء الله تين وخضرة مزرعه مب كلية .. لووووووووول
بس شي وااايد اماكن حلوة في كليتكم مثل العريش والاستراحات..

نتريا الجزء الثاني من الموضوع.. :marsa101:

القلب
mbitieux@
27-04-2005, 08:22 PM
ما شاء الله حلوه... وتسلمين أختي ..

كح كح .. ممنوع دخول الموبايل بوكمره كح كح كح ... هااا افتن ولا تعطيني من التين يوم ينضج..؟


وحياج الله اختي .

:marsa165: الله يسلمك خيوووو...

;) و ما صورت بتلفون كاميرا... و تراه لو يقولون ممنوع محد امسوي الهم سالفه :marsa194: خخخخخ

:marsa69: و خلاص بعطييييك حشى بتفتن ما فينااا ننطرد بعد...

الله يحيك.. ومشكووور على المرور..
mbitieux@
27-04-2005, 08:25 PM
امووره


يا سلام الله عليج
الصراحه تقنيتكم كششششششخه
جو عجيب..وخضره وجباال
منظار حلووه...مثل جامعتنا بالضبط...بس نحن على صحراا لوول:marsa117:



طواشوة


:marsa13: هلااا والله طوااااشوه...

:marsa26: الله مدحواااا كليتنـــااااا...


و تراه الجو في :marsa165: في الشتاء كاااان ...

و يالله حطيلنا صور جااامعتكم.. خلينا انشووووف...;)

و مشكوووره على المرور..
mbitieux@
27-04-2005, 08:28 PM
اموره تسلمين على هالموضوع بس جامعتنا احلى ..:marsa40:

ما شاء الله تين وخضرة مزرعه مب كلية .. لووووووووول
بس شي وااايد اماكن حلوة في كليتكم مثل العريش والاستراحات..

نتريا الجزء الثاني من الموضوع.. :marsa101:



القلب

:marsa83: أونه جااامعتكم أحلى....

حشى عندكم حر ومشي من الخاااطر.... لووووول...

و الله يسلمج يارب...

:marsa165: تراه ما اتعرفين انهم يدلعوناااا... بس علشان انداوم وانحب الكليه..<<< تتحرى عمرها واحد من الشباب خخخخخخ

و بس خلاص حياااج تعالي عندنا علي استقبلج وايلس في أي مكان اتحببين..:marsa194:

و ان شاء الله اتريوا...
بريد الغرام 87
29-04-2005, 03:55 PM
اييي والله عايشين في نعيم
مشكوره على الصور
عجـــــايب
04-05-2005, 04:58 PM
تسلمين أموره عالصور الحلوه ...

ييناها كليتكم أيام الشتا فمسابقة الانجليزي لطالبات ثاني ثانوي .... و فزنا باللاب توب بعد ... بس خذته المدرسه ...خخخخخخخخ

صج رهيبه ... و مناظر و لا اروع ....

أحلى ما فيها الخضره ....