روح في قلبين

[بنت البلاد]

وهذي قصه جديده أضيفها لكم
بعنوان.. روح في قلبي
تأليف: نجوم الظهر

أتمنى تعجبكم القصه.. ويعجبكم إختياري


الشخصيات:
روضه(ام سالم): الجدة الكبيره و كبيره العايله الكل يحترمها و يقدر كل اللي تسويه إلهم من بعد وفاة زوجها راشد الضاحي قبل عشرين سنه. إلها 4 اولاد و بنتين و ترتيبهم كالتالي:

عايله سالم راشد الضاحي:
سالم(بو سعود) متزوج من سلمى(ام سعود) و له 3 اولاد و ست بنات:
سعود: 30 سنه متزوج من العنود و له علي 9 سنين, حمدان 2.5 و ساره 5 شهور
منال: 28 سنه متزوجه و لها سلطان 8 سنين و سميه سنتين
خليفة: 27 سنه متزوج من سعاد المصريه وله مبارك سنتين
ساره: 25 سنه متزوجه و لها سالم 3 سنين
راشد: 22 سنه و دلوع عايله سالم. اطول اخوانه واسمراني كثر ما يروح البحر و طالع على ابوه. وايد يحب الغشمره وكل شي في حياته لعب الا الدراسه يحبها و يهتم فيها
ندى:21 سنه خريجه اداب بس بعدها ما تشتغل و تخرجت و هي صغيره لانها دشت الروضه سنه بس و بعدين حولوها مدرسه خاصه وانحذفت لها سنه من الكليه لانها بلبل انجليزي, بنت حبوبه و جميله بعيونها العسليه اللي تعق السهام (يا خير يا شر) على كل من يشوفها و تسحرهم علشان جذيه دومها متغشيه برع البيت. شعرها لين نهاية ظهرها و اسود مثل الليل وله لمسه زرقا ما تعرف من وين ماخذتنها
حنان:19 سنه حلوه و بيضا ما شاء الله عليها و جهها برئ و كل اللي ما يعرفها يحسبها صف سادس لانها قصيرونه. تدرس في التقنيه علوم حاسب الى و بتخلص بعد سنتين بحول الله
خوله: 18 سنه ثانويه عامه مصريه بمعنى شاااطره و تهتم في دراستها و مالها خص في حد و يوم السعد عندها يوم يخلونها بروحها في البيت عسب تذاكر (مصريه لاااه). جمالها عادي بس تدش الخاطر بطيبتها و مساعدتها للغير
آخر العنقود ناديه: 16 سنه البزى كله خاصه عند اخوها سعود حلوه بشكلها و تصرفاتها البريئه و شعرها احلى مافيها طويل لين ركبها و تعتبره كنزها و ياويل اللي يدقه لو شويه طبعا غير امها و رمستها ما تخلص بس تفتح موضوع تم ترمس فيه ساعات و تنسى عمرها
......

عايله منصور راشد الضاحي:

منصور(بو حمد) متزوج من كلثم(ام حمد) و لهم ولدين و بنت:
حمد:25 سنه يدرس في الكليه الحربيه و بيخلص السنه بحول الله . مغروووور بجماله اللي الله عاطنه طويل و عريض و جسمه رياضي لزوم الكليه و بشرته حنطيه و عيونه مرسومه برموشه السود و خشمه طويل مثل السيف و شفايفه قد اللوزه بس يوم يبتسم ظروسه يظهرن بشكل يخبل (مب اقولكم مغروور بجماله ما شاء الله عليه بس يحق له)
روضه: سمية يدتها و بزيتها عمرها 21 سنه ربيعه بنات عمها ندى و حنان الروح بالروح و دوووووووم وياهم علشان جذيه يسمونهم الثلاثي الكوكباني من هم صغار. حلوه وعلى اخوها حمد طالعه في جمالها بس بيضا مثل القطن و حبوبه بس ماكملت دراستها و محيره حق ولد عمها يوسف
عمر: 20 سنه الوحيد اللي في العايله الكريمه اللي يشتغل مع ابوه وعمامه في شركه العايله. جدي وااااايد مع اهله بس مع ربعه فرفوش على الاخر و دومه برع البيت يافي الشغل او مع ربعه. اقصر عن اخوه حمد بس تقريبا نفس الجسم الرياضي و يحب كل انواع الرياضه تقريبا بس اهم شي عنده كرة القدم ويا ربعه
.........

عايله سلطان راشد الضاحي:

سلطان (بو يوسف) متزوج من نوره(ام يوسف) و له :
يوسف:25 سنه يشتغل في الهندسه الكيميائيه في وحده من شركات البترول كل حياته مخططه من قبل ابوه و زواجه من بنت عمه روضه مب بكيفه
امل : 18 سنه ثانويه عامه و ياخوله في نفس المدرسه و رباعه من هم صغار جميله على امها بس طبايعها على ابوها يعني هاديه وايد واذا بترمس ويا حد بيكون ويا خوله و محيره حق ولد عمها عمر. خلوقه و مدينه وتفكيرها اكبر عن عمرها
..........

عايله زايد راشد الضاحي:

زايد ( بو راشد) متزوج من عايشه(ام راشد) و له راشد النونو و عمره سنه و نص

بنات روضه الجدة هن :

ريم: متزوجه من 10 سنين بس الله سبحانه ما عطاها الا بنت وحده شوق و عمرها 5 سنين
رهف: متزوجه و عندها فهد8 سنين و حمدان و حميد التوام 7 سنين
.........

الفصل الاول:

الحريم في الصاله متيمعات عسب اليوم الجمعه و لمتهم لازمه و متعودين عليها من زمان و منها ياخذن علوم بعض و طبعا حش في خلق لله بس بنيه صافيه على قولتهن. البنات على صوب و مسوييات الهن جو بريحاتهن و رمستهم عن المدرسه او الكليه و هذه الابله و هذاك الاستاذ او ازياء ومكياج او طبيخ مع انهن ولا وحده فيهم فالحه فيه بس رمسه و تمضيه وقت و الضحك على اخره و الجده ام سالم كل حين تهزبهن و تقولهن البنات عيب يرمسن بصوت عالي و تبدا في ايام قبل و كيف كانن ما ينسمع للبنات حس و اللي تلرمس حتى اللي عدالها ما يسمعونها من حياها و انتن كل وحده صوتها اعلى عن الثانيه . بس ما في فايده البنات خذوا على هزابها و حافظين اسطوانه ايام زمان كثر ما يسمعونها و دقيقه يسكتون و يعوضون عنها بساعات ضحك و غشمره.

ام سعود: منال وين عيالج عنج ما شوفهم؟
منال : امايه يالسين و يا عيال خوالهم يلعبون برع في الحوي توني يايه عنهم

ام سعود: قومي نشي شوفيهم هذا ولدج سلطون يوم يتيمع ويا علوه و فهود و التوام يسوون مصيبه و الحين ما اسمعلهم حس يعني عزات يالسين يلعبون في الزراعه اللي زارعينها من كم يوم...... قومي فديتج ما فيه على عصبيه ابوج الحينه

نشت منال يحليلها تطالعهم و هي تنافخ ما فيها على الحر بس شو تسوي و تسحب و ياها سميه بنتها اللي ما تهد كندوره امها لو شو يصير

ام سعيد تكلم البنات: ووينها عنكم سويره ما اشوفها؟

ناديه من بعيد تعلي صوتها: اماه وين بتكون يعني .... سويره في المطبخ يالسه تعابل و يالخدامات ... الا سووا هذا و عدلوا هذا و اذا ما عيبها ردت سوته بروحها .... حشى شو بنتج هذي ما تعترف بشي اسمه خدامه .... انا لاعت جبدي كم مره اقولها.....

ام سعود تقاطعها: حووووووه بس انزين كل هذي رمسه ردي بكلمه بكلمتين مب بالعه رادو ماشاء الله عليج

بوزت ناديه و ردت تكمل سالفتها مع البنت اليديده اللي يت صفهم هذا الاسبوع و لا كانه توه هازبينها

نشت ام حمد عسب تسير تشوف الخدامات شو يعابلن في المطبخ و تساعد ساره و تلقط الاكل الباقي حق الهوش و البوش اللى في عزبه العايله

ام يوسف استغلت فرصه ان ام حمد سارت ويلست ترمس ام سالم: الا اقول عموه متى نسير نخطب روضه حق يوسف والله يا خوفي هذا الولد يسير يهج و يا خذله وحده ثانيه و انا و ابوه ترى ما نبى الا روضه له

ام سالم: خل عنه .... هييييه اونه يسير ياخذله وحده ثانيه جان ما يبى عمره..... يسويها و يشوف شو شغلي وياه.... بعد هاللي ناقص يسوووف ياخذله غير الغلا روضه.. بس صبري شويه عقب المدارس بنسوي ملجتهم و عقب شهر ولا شهرين بيكون عرسهم

فجاة الا بجيش الشباب يغنون و يرزفون و مره وحده داشين عليهم الصاله عقب ما هودوا و اونهم عاد يزفون حمد ولد العم و كانه في حفل تخريجه. حمد يمشي مشيه عسكريه كلها غرووور طبعا و البقيه حواليه حتى الصغاريه يعرفون يرزفون ما شاء الله عليهم خاصه فهد ولد عمتهم رهف.

ام حمد وصلت على دخلت الشباب: وااااايه بسم الله الرحمن الرحيم ما شاء الله على وليديه فديته........ ان شاء الله اشوفك متخرج عن جريب و صج يرزفولك. و بدن دموعها يصبن على ويهها و تمشهن بشيلتها.

يى حمد و يبوسها على راسها: فديتج الغلا و ام الغلا (يغلي عمره طبعا) شفيج ان شاء الله جريب........ بس ثلاث شهور و اسبوعين و خمس ايام و ست ساعات و ثمان دقايق و اكون متخرج ههههه

روضه اخته من بعيد و تعلي صوتها: ههههه هالكثر مستعيل و عادنهن بعد بالدقايق ما تم غير الثواني اكيد 4-3-2-1-0 ههههه يالله خفن الدقايق دقيقه وحده

حمد: تطنزين حضرتج على الاقل انا كملت دراستيه مب مثل بعض الناس قاعدين في البيت لا شغل و لا مشغله
ام سالم: انف عليك شو شغله بعد ما عندنا بنات يشتغلن يدرسن ما عليه بس يشتغلن لااا

نطت ندى: الله يهداج يدوه حرام والله انا ابا اشتغل درست و كرفت و اخرتها ما اشتغل ليش دارسه انا؟ و بوزت
ام سالم: ندوووه خلي عنج الشغل لا اييج الحين بالعصا على اظهرج اخليج ما ترومين تنسدحين عليه

نطن البنات كلهن يدافعن (جنهن في حرب لحقوق النساء المهضومه في هالعايله هههههه) و بدن يصارخن في نفس الوقت........ يوسف يطالع صوب روضه......... تقريبا هذي اول مره يسمعها ترمس من هم صغار .... صوتها حلو بس متغشيه و ما يعرف كيف شكلها .... الله يعين..... شكلها عادي عندها تصارخ يعني مب رقيقه .... هذي اللي مختارينها حقه عسب يتزوجها..... شو هالحالة ........ وروضه مب حاسه به ولا اصلا معبرتنه.... شو هاي ماعندها فضول في زوج المستقبل .... ولا يمكن لانها ما تعرف انها محيره حقي ....؟ صدق انا الوحيد المبتلش في هاي العيله ...كل شي مقرر و مزهب و يتريوني انفذ ... كبش المحرقه مخليني........

انتبه يوسف على صوت يدته تهد على البنات فلقاها فرصه يهزب روضه بس عن خاطره من قهره.........

جان ينشلهن يهدد: اللي ما بتسكت ياويلها.... انا بيي اسحطها هنيه و بشلخها بها العصا (عصا يدته) و براويكن شغل الله فيكن .... عنبو العدو ما فيكن حشيمه حق حد انتن.... بس ما عليه اي حرف اسمعه و ما عليه من ابوكن و لا امكن...... و يخز روضه بنظره بس بعدها ما تصد صوبه ..... شو بلاها هاي لايكون بس عميا و انا مادري

البنات عصبن بس ما قالن شي

الشباب كلهم: عااااااش بو سهيل عااااش
يوسف عصب على الشباب: سهيل في عينكم كمن مره اقولكم انا بو منصور ..........منصووووور.... و لا صعب عليكم الاسم

ضحك الكل على عصبيه يوسف ...... هم مش عارفين ليش هو يكره اسم سهيل بس يعاشونه وايد بيه

ام سالم: كله ولا روضه ما تجيسها.... هاي الادب كله .... ادقها اونه .... شان تبى العصا اخليها ترزف على ظهرك الحينه

البنات ظحكوا على موقف يوسف بس روضه ابتسمت من تحت غشوتها بس بعدها ما صدت صوب يوسف .... و يوسف بيموت من القهر حتى اليده و ياها ... يا ربي شو اسوي انا الحينه.....

يلس يوسف و يا الشباب سعود و خليفه و حمد و عمر و راشد

راشد: اشحيلك اونه يشلخهم لا يكون بس عنتر زمانك وانا مادري ههههه

حمد:ههههه راز بويهه بعد.... ابويه يوم العيوز هنيه لا تتجرا و تطري روضوه على لسانك هذي بزيه يدوتها و انته يا عيني عليك طل من بينهم ههههه

يوسف: طل في عينك....... بس صراحه صدق يدوووه الا محامي الدفاع عن روضه...... هذا و انا ما طريتها زين ما ذبحتني.. لو طريتها شو بسويبي.........

راشد: بتذبحك و بتوزع لحمك على كلاب الفريج كلهم و بعدها ما بيبرد فوادها هههه

سعود: يا اخي ارضى بالواقع ما في مجال الا بتاخذ روضه

عمر: اقول شبلاكم على اختيه تسوى يسووف و عشره من امثاله واسمع كلمه ثانيه عنها و بقوم انا اشلخكم كلكم هنيه لا يدوه بدافع عنكم و لا غيرها الا بتشجعنيه بعد هههه

حمد:ههههه صدقت عمور كلمه ثانيه و بتعاون وياك انا بعد عليهم ههههههه

خليفه: بسكم مناجر و قولولي وين ناويين تطلعون الاسبوع الياي ......... خاطري اسير اقنص

عمر: يالله يا ريال ييت على العوق.... شان زين ترومون تقنعون الشواب يخفون شويه عليه في الشغل

سعود: محد يتقاشر على عمره و يشتغل و يا شوابنا....... ما شاء الله عليهم هم بروحهم يكرفون كراف في هالشركه.... الحمد لله عندي شغلي بريحاتي و على قدي ..... و محد له شغل فيني

عمر: شو شغله الله يخليك .... هاد حلالك و مالك و ساير في مشاريع بروحك لو يصيبك شي محد وياك ... هد عنك هالخرابيط و تعال ويايه ابرك لك و احسن لك

خليفه: وانتوا ما تخلصون مناجر فبعض ترى الحريم هناك يالسين سيروا وياهم و خلونا في سوالف الرياييل... ناوين على القنص ولا لأ

راشد: شان قلت بحر تراني بسابقكم بس طيور و بر مافيي عليهن

يوسف: ما فيك عليهن و لا ما تعرفلهن هههههه

راشد: هههههه الصراحه قلتها.......... انا راعي بحر و هوامير هب حبارى و صقور و مادل شو
ويلسوا البقيه يتشاورون على السيره و شو ناويين يشلون و ياهم و منوا بيعازمون من ربعهم

.....

في الصوب الثاني و في يمعه البنات

حنان ترمس روضه بشوي شوي عن حد يسمعهن الا ندى : حشى هذا اللي بيتزوجج الله يعينج على الحقوق المهضومه و الضرب كل كلمه و الثانيه رفعها هالعصا ما يرزى عليج

روضه مدت بوزها: شسوي خل ابدي رايي.. بس خل اقول اق بيسووني شارع هنيه في نص الصاله ولا عليهم

ندى تضحك عليهن : والله حقوقنا ضايعه ضايعه.. بس ماعليه انا منهم.. بشتغل يعني بشتغل واللي بيرمس بسويله مقاطعه

روضه واااايد عليج.. مقاطعه اونه....... الا هم اللي بسوونج مقطعه مب بس مقاطعه و بيفرونج حق كلب اليران المسعور

ندى: ههههه بصراحه ما استبعد خاصه من عموور شوفي كيف يخزج امل بيعينه حنوون

حنان: لا حرام عليج كله ولا عموووورووه ما اطيقه هذا الانسان في حياتي ما شفت حد معقد مثله........... يقول ماكلين حلاله حشى.......... الله يعين املوه عليه

خوله :حووه انتوا شو فيكن بسكن عاد خفن ها الصوت....... الله يبحصكن بيكفخونا كلنا الحين خفن صوتكن

امل تقاطعها : خولوه سمعتي اخر شريط منزلينه

خوله: اي واحد فيهم

امل : مال الاناشيد اسمه امي الحبيبه رووووعه

خوله: هيه الله يهداج من زمان سامعتنه و حافضتنه بعد

امل تسوي عمرها زعلانه: ياااالله ولا قالت بسمع بنت عمي حبيبتي

خوله: شدرانيبج مغبره هالكثر ما تسمعينا نرمس عنه في المدرسه

على طاري المدرسه....... لا تنسين تذاكرين الامتحان اليوم

امل بدون اي اهتمام: امتحان شوه بعد اول امس خلصنا الامتحانات الفصليه شعندهم مره ثانيه نمتحن

خوله: حبيبتي نحن ثالث ثانوي يعني كل يوم امتحان علشان يزهبونا حق امتحانات الفينال

امل: خلاص و اللي يعافيج اليوم الجمعه و في هالربشه تبيني افكر بالمدرسه....... يوم بروح البيت يصير خير

خوله: انزين بس عن تنسين ترى امتحان الاحياء طويل

امل: انزين يصير خير سمعتي المحاضرة اليديده مالت عائض القرني

خوله: الله يعيني و يعينج...... بس هذا اللي عندج انتي الا نشيده و الا محاضره اهتمي شوي بمذاكرتج

امل: ديني اولى

خوله: دراستج جزء من دينج

امل: خلاص انزين سمعتي المحاضره ولا لا

و تموا شوي يسولفون

و كمل اليوم عادي..... بعد ما الكل روح بيته من البيت العود اللي ساكنين فيه الجده وعايله سالم.

زايد بو راشد شل حرمته وولده و راح بوظبي وين ما هو عايش من كم سنه في وحده من الشقق الفخمه المطله على الكورنيش.

منال شلت عيالها و ياها ريلها اللي مان عند اهله وسلم على اهلها و روحوا دبي وين ما هم عايشين علشان شغله في مينا راشد

ساره شلت ولدها و يا ريلها و راحوا بيتهم بعد

......

ندى و يا حنان في غرفه حنان يالسات يتكلمن بروحهن عقب ما راحت خوله تذاكر عليها امتحان بالباجر و ناديه راحت تكلم ربيعتها في التلفون اللي ماتخلص سوالف وياها.

ندى منسدحه على شبريتها و تلعب بتلفونها: والله ملانه حتى تلفوني ما يرن ما اعرف شو اسوي بعمري حطق يا ناس ابى اشتغل...... والله حرام الدراسه اللي تعبت فيها و اخر شيء ماشي شغل...... ظلم و هظم لحقوق الناس بعد....

حنوون ملت من هالرمسه اللي دوم تعيدها ندى: يابنت الناس كم مره يقولولج بس مثل الثور حظرتج..... شو فيج... ما شي شغل يعني ما شي شغل....... شو تبين انتي ينحرونج اهلج... منقود في عايلتنا الكريمه انه الحريم يشتغلن...... انتي حمدي ربج خلوج تتعلمين كراتيه يوم كنتي صغريونه مع اني ما اعرف ليش يعني كراتيه منو ناويه تكفخين ؟؟ لايكون ريلج المقرووووود حظه هههههههه

ندى: سكتي الله يخليج كراتيه اونه.............. تحيدين يوم اظارب ويا رشووود؟

حنان: اي مره دومج مكافخ وياه ههههههه

ندى : يوم اسويله حركة الكراتيه اللي كنت توني متعلمتنها و اشطحه على الارض زين ما كسرته ريله ......... الا كسرتها بعد ههههههه والله شكله لين الحين في بالي بصراحه مادري كيف سويتهاههههههه

حنان ناقعه من الضحك :ولا شكلج جنة جنيه و الكشه روحها في صوب و يالسه على بطنه و هو مب رايم يتحرك ههههههه

ندى تمسح دموعها من الضحك: بس تذكرين يوم يدش ابويه و سعوووود و يشوفونا باشكالنا زين ما رحت فيها .................. كانوا ثنيناتهم عليه واعليه على عمري .......... مادري بعمري الا رابعه بيت اليران و استنجد في ولدهم فصوووول............ وحليله اخترع مني يتحراني ام الدوييييس ههههه اه يابطني.. بس مسكين حطني في زريبه الهوش اللي في بيتهم........ و تموا ابوي و سعوووود يدوروني هههههه

حنان ما تروم ترمس من الضحك: كانوا متحلفيلج بس يوم ما عرفوا مكانج هونوا و اخر شي بس يتج كفخه معتبره من سعووود على طبرج يام طبر.. و بعدها لا حصص كراتيه و لا هم يحزنوون هههههه

ندى :ههههه هيه والله حرام كله من رشود .......... بس علشان اني كسرت له ريله يعاقبوني........ بس ما يدروبي لين الحين اتعلم كراتيه في البيت و اطبق في البشكارة المسكينه... حرام اللي تعلمته يروح وطي

تموا حنان و ندى سوالف و يذكرون ايام يوم هم صغار

فيصل ولد اليران مسكين من هو صغير و هو رايح في هوى ندى.... و هي و لا على بالها حتى... بس هو دوم يدافع عنها.... فيصل اكبر من ندى بتسع سنين تقريبا ... و ما يعرف شو اللي مخلنه يتعلق في وحده ياهل بس عمره ما شلها من تفكيره... و دوم يمني النفس و يتريا ندى تكبر عسب ياخذها...... هو و اخو ندى سعود رباعه بس فيصل يشتغل في شركة عايله بن ضاحي و مستوي مدير قسم معلومات الحاسب الالي ... ويحب شغله و ابو سعود و وايد يعزون بعض مثل الابو و الابن لانه فيصل يتيم الابو.

.....

عقب ما صلوا المغرب ظهر راشد من المسيد و سيده اتصل بربيعه الروح بالروح عبد الرحمن

راشد : مرحباااا الساع باحلى عبود

عبد الرحمن: عبووووود منو؟ انت ما تستحي....... انا طول و عرض تقولي عبوووود لا يكون اصغر عيالك بس؟

راشد: حشى ما يرزى لاينطلك عرج..... المهم كيف حالك حبيبي عساك بخير بس؟

عبد الرحمن: اوكييييك يا كييك وينك؟

راشد: توني ظاهر من المسيد مصلي تخاويني على البحر؟

عبد الرحمن: عيل و بتشوفني قبلك واصل البحر بعد و اترياك في مكانا المعتاد.

راشد: عن السرعه خف على البترول ما فينا على مصايبك

عبد الرحمن: على امرك طال عمرك ههههههه

و راحوا البحر....... راشد يمووووت في شي اسمه بحر لانه يحب الصيد و غرامه يوم ياخظ اللانش ماله و يروح الصيد و ما يهمه الريحه و الزفره المهم يصيد و يستانس... و عبد الرحمن ريله على ريل راشد و هم رباعه من هم صغار و كل شغلهم مع بعض و حتى مرات يطقمون و يا بعض لدرجه انه الناس يتحرونهم توام.
يلسوا يمشون على الكورنيش ويسولفون...

راشد: هاه شو قررت عن دراستك شو ناوي تسوي الحين عقب الطرده المعتبره من التقنيه؟

عبد الرحمن: شو تباني اسوي يعني بسجل في الجامعه الامريكيه و بتخرج و بقهرهم بعد.... عيل انا ( وياشر على نفسه بفخر) عبد الرحمن المزروعي انطرد من التقنيه؟

راشد: هههههه و الله انك نكته متحركه..... بالله احيد تقنيه الطلاب تترجانا نسجل و نتخرج و تقنيه البنات هيه اللي تشرشحهن و تنخلهن نخال.... يدخلن فوق الالفين واللي يتخرجن على قد صبوع ايدينك ..... بس انته يا فالح محد يروم على سواد ويهك في التقنيه ههههههه

عبد الرحمن: بس الحين بنفترق..... شرايك تيي تسجل و ياي في الامريكيه على الاقل نقز النا كمن غرشوب نتسلى فيهن على مصاعب الجامعه

راشد: استغفر الله..... انته و يا سواد ويهك ساير تدرس ولا تغازل........ وبعدين متى ناوي تصطلب انته ولا ترى ماشي تيي تخطب خولوووه انا اللي برفض هاييج الساعه

عبدالرحمن من سمع طاري خوله اخت راشد صارت حالته حاله ..... هو يحبها من هم صغار يوم يشوفها تذاكر.... الحبيبه عكسه.. هو يشرد من الدراسه و هي تدورها ....حتى من هم صغار تيود كتبها و يا نظارتها و تيلس تقرا.. ما كد شافها بدون كتاب و نظاره.. ااااااااااه يا خوله... هو بس يتريا لين يخلص الدراسه و يشتغل و على طول بيتقدم الها .... بس عاد ما يعرف هي شو رايها فيه .... اظن هيه اصلا ما تعترف بوجوده ......

عبدالرحمن سرحان في ذكرياته و راشد يزاجره: حوووووووووه وين رحت..هههههه مالووومك يبنا طاري الحبيبه اللي مب مسويتلك ويه... حشى شو فيك اختبصت مره وحده ههههه عيني على الحب اللي من طرف وااااحد..ههههه

عبد الرحمن يتنهد من قلبه: لا تقوول جذيه الله يخليك.. روحي تطلع و تحلق بس يوم اسمع اسمها... انته انزين ليش ما تفتح وياها موضوع عني و تجيس النبض لعل و عسى تهتز مشاعرها المتجمده

راشد: احلف انته بس......... ويييييين تبى روح بيتكم احسلك.... البنت و راها تخرج و راها جامعه تتحراها فاضتلك انته يالصايع...ههههه روووح لاه دورلك على وحده مثلك... جاهله ما تحب الدراسه... فديتها اختيه طالعه عليه مصريه هههههه

عبد الرحمن: انته من صجك ترمس ..... اصلا ويييييين تلقون واحد مثلي حلييييييو الا اعق الطير من السما و كاشخ لا و انكت و انطرد من تقنيه طلاب..... بالله عليك اصلا مافي مثلي اثنين ههههه

راشد: زين يا المطروووود خلصنا من هالسالفه..... انا ما اروم الحقك على الامريكيه اصلا ما باقلي غير هالسنه و اتخرج و خلك انته و يا الدراسه و الكراف..... خلاص يا اخي ابا اشتغل و اتزوج و اشوف حياتي

عبد الرحمن: ياسلام على اللي ينقعون في خويانهم خيانه... ما عليه لا تقولي تعال بنسير البحر نصيد.... خلاص بقطع علاقتي وياك.. اصلا انا شو ميلسني الحين ويالك خل اروح ابركلي... على قولتك اشوف حياتي تشاااااو تشااااو يا عيني

راشد يتلاحق على خوييه: تعال لاه من صجك انته وين رايح..... حراااام عليك تفر سنين عمرنا في هالبحر الحلو و انا اسف و هذا خشمك احبه بعد

وباس خشمه (طبعا هذا الحوار كله مصخره و خريييط في بعض) : حشه مب خشم عليك يقول سيف بيقص براطمي الحلوين هههههه

عبد الرحمن: تف تف تف من عينك قول ما شاء الله كله ولا خشمي تراه راس مالي ههههه

راشد: هههه صدقت هو راس مالك هههههه

و كملوا سوالف لين العشا صلوا و كل واحد راح بيته

..........

في هذا الوقت امل كانت يالسه برويحاتها في غرفتها اللي في الطابق الثاني و يالسه تسمع اناشيد توها نازله السوق و تنشد وياهم بصوت شوي عالي الاناشيد كانت عن الأم و كانت رووووووووعه في نفس الوقت كانت يالسه تخيط قطعه قماش عليها دزاين وورود و فراشات و ناسيه انه عندها امتحان باجر..... فجاة يدش عليها اخوها يوسف شوي مغيض...... من الزيغه امل نثرت سله الخيوط اللي كانت في حظنها و شلت السماعات من اذونها و اعتدلت في يلستها

امل مخترعه: بسم الله الرحمن الرحيم..... شو فيك داش جذيه طيرت حمامه يوفيه الله يهداك

يوسف : انتي اللي شو فيج..... يالس ادق الباب من ساعه حشى داش على وزير انا و لا عليج.....

امل بعدها تتنفس بسرعه: شو فيك عسى ما شر

يوسف يتميصلح: ييت علشان اشوف اختيه الحبيبه اللي من كم يوم ما شفتها و اسولف وياج(ومشى بسرعة عشان يلقط الخيوط اللي كانوا منثرين تحت وطبعا هذا كلة حق المصلحة)

امل رافعه واحد من حواجبها: مع اني ما اعرف ليش بس احس انه ييتك مب حق سواد عيوني..... بس ما عليه تعال ايلس عدالي وخل عنك الخيوط بلقطهن روحيه ......آمرني اخوي العزيز ... شو تبى من اختك حبيبتك

يوسف يضحك و يلس على الشبريه يلعب في دحروي (لفه الخيط) كان في ايده: ههههههه و الله انج ذكيه و تفهمينها على الطاير ..... الحلوه طالعه لخوها..... المهم بغيتج تكلمين الوالد علشان سالفه زواجي من روضه .... صج ما اباها... ابا اختار على كيفي مب كل شي تخططونه في حياتي

امل: من صجك انته اللي يالس تقوله... الحين انا شو دخلني في هالسوالف بعدني صغيره يحليلي .... و بعدين انته كلمت الوالد.....

يوسف: كلمت الوالد بس و لا كني كلمته ..... اظن يوم اطري السالفه ابوي يستوي عنده بلوووك في مخه و اذنه و ما يسمع شو يالس اقوله انا

امل:هههههه بلوووك مره وحده ..... ماعلينا انزين كيف تباني انا اكلمه اذا هو يستويله بلووك على هالسالفه على قولتك؟

يوسف: انتي البزى كله و ابوي يسمع كل كلامج و لا يرفضلج طلب

امل: اي بزى الله يهداك بس.... انزين شو اقوله انته حتى ما شفتها في حياتك.... شو سبب رفضك الها؟

يوسف : انا صح ما شفتها بس انا مابا اخذ حد منيه و الطريج

امل بدت تعصب: شو منيه و الطريج لاقطينها من الشارع هيه؟....... تراها بنت عمك و منك و فيك وانته احق فيها من غيرك

يوسف: هدي هدي ........ انا قصدي اني ما اعرف طبايعها ولا شو تحب ولا ما تحب...... كيف اتزوج وحده بس علشان ابوي مختارنها لي...... ما يصير

امل: انته مب صاحي و لا شو بلاك .... عيب الواحد يتعرف على وحده و يتكلم و ياها قبل ما يعرسون.... و بعدين ياخوي يا حبيبي تراكم بتملجون قبل العرس........و هذيج الساعه ارمس وياها لين ما تحفظها محد بيقولك شي

يوسف يتمصخر عليها: هذيج الساعه بيطيح الفاس في الراس........ و اذا ما عيبتني شو اسوي بالله؟.... اطلقها؟؟؟؟

امل: خلاص كلم خالوه ام حمد عنها و شوف شو يعيبها ولا ما يعيبها و انا بكلم بنات عمي ندى و حنان بعد علشان ادرس طبايعها و بخبرك كل شيء عنها يعني بالملخص هذا مب عذر علشان ما تتزوجون.

يوسف وقف بيطلع من الحجره: تعرفين خلااااص انا مليت منج و من هذربانج اللي ما ييب و لا يودي .... بروح بروحي اقنع ابوي و ترى اذا ما عيبتني روضه عقب الملجه انا مالي شغل و انتوا بكيفكم بعد

ظهر من الحجره محرج و هو يفكر كيف انه امل اخته الصغيره طلعت احكم عنه و اعقل في تفكيرها منه.... كلامها كله صح ... هو ليش ما يتريا لين ما يملجون و بعدين ترى اكيد بيتعرف عليها...... واذا على الجمال ما شاء الله اخوها حمد الكل يشهد انه جميل و وسيم فاكيد اخته ما بتطلع قبيحه.... بس اذا تصرفاتها و مبادئها غير عنه شو بيسوي؟ بيطلقها يعني و لا بيروم يغيرها عقب الزواج؟؟؟..... اي يروم يغير.... الحين هو حياته كلها مخططه و مزهبه و لا رايم يغيرها بيغير بنت الناس؟..... انا شو يالس اخربط روحي اخرتها بصير مينون و بعدين يمكن يفكوني من مخططاتهم ..... لا حول و لا قوه الا بالله خل اروح عند ربعي في القهوه احسلي لا استخف الحينه.... اااااااااه

امل ردت حق اناشيدها بس سمعت تلفون الصاله اللي فوق يرن و راحت شلته

خوله: السلام عليكم

امل: و عليكم السلااااام و رحمة الله و بركاته, اشحالج خولووووه؟

خوله: والله حالتي حاله يالسه اذاكر الامتحان شو بيكون حالي؟

امل: اي امتحان بعد؟؟؟؟؟

خوله: شو اي امتحان؟ انا شو قايلتلج اليوم على الغدى؟........... امتحان الاحياء الله يخس بليسج لا تقولين انج ما ذاكرتي ترى طوييل الامتحان

امل: هااااااه لا تقولين .........حرام و الله نسيته........ الله يخس بليس ...... الحين شو اسوي .......ما شي وقت اذاكر...... و بدت شوي و بتصيح

خوله: استهدي بالله.... ما عليه فيه وقت ان شاء الله........ بس انتي الحين هدي و ببند عنج... ابدي ذاكري و عقب ساعه برد اسويلج و بنشوف شو يصير بعدين

امل: لا اله الا الله............. خلاص غناتي ببدا اذاكر بس دخيلج لا ترقدين عني اعرفج ديايه

خوله:ههههه لا خلاص و عد ما برقد الين تخلصين حبيبتي مع السلامه الحين

امل : وداعة الرحمن

امل من النوع اللي ينسى وايد وخاصه اشياء المدرسه لانها اصلا بس تتريا متى تخلص هذي السنه و تتزوج ولد عمها عمر و تفتك من عوار الراس اللي يسمونه دراسه..... يعني عكس خوله

.....

حمد و هو في الدرب لين كليته الحربيه...... يالس يفكر في حبيبة قلبه و طاير في عالم اخر و ربيعه عبدالله يالس يسوق و يصفر على لحن الاغنيه اللي يسمعها في المسجل..... حمد طول حياته ما فكر في الزواج خاصه من الاهل يبا وحده غير (سبيشل على قولته) يباها شقرا و مب طويله ولا قصيره و عيونها ملونه و إذا خضر بعد احسن .......... و ما يباها مواطنه لانه ما يبى عوار الراس ويا متطلبات الاعراس في بلادنا اللي ما تخلص.... الا مره المهر و الشبكه و الا الزهاب و الا العرس و مصاريفه و شهر العسل و وووو ....... حشى لو يشتريله سياره من احسن الماركات و اخر الموديلات بعد بتي ارخص من الزواج و افيد ولا تييب عوار الراس ههههه ضحك على تفكيره و انتبه له ربيعه

عبد الله: ان شاء الله دوم اسمع هذي الضحكه ....... ضحكني وياك

حمد: ههههه شو تتوقع يالس افكر فيه؟

عبد الله: اكيد حبيبه القلب الشقرا ههههه في حد غيرها و انا مادري

حمد غمض عيونه بس تراواله هذيج الدقيقه خيال من بعيد على شكل شعراسود يتطاير و ويه ابيض و عيون عسليه بس مب بشكل واضح .. شو و منو هذي السمرا.. لا غلط انا اباها شقرا.. بسم الله عليه شو هذا انا شو صابني اليوم .. لالالالا.ز شل الخيال من تفكيره هذي اول مره يمر على خاطره خيال اسمر كل مره تكون الشقرا منو هذي السمرا اللي يت الحين..

رمش بعيونه الكحيله كم مره و صد على ربيعه..: اكيد ما في غيرها انا ما بغير رايي.. ابى شقرا

عبد الله: شو فيك توه سرحت.. لا تتحرى اني ما اعرفك انا اعرفك اكثر عن عمرك.. شو فيك.. عسى بس ما شر؟

حمد: لا شر و لا شي ... افكر في التخرج... خلاص لاعت جبدي ابا اشتغل و بس.... صار عمري 25 سنه و بعدني ما شتغلت... متى بتزوج غيري عيالهم حوالينهم و انا بعدني ما تزوجت اففففف.

عبدالله: بسم الله شو فيك اليوم شو شايف اول مره اسمعك ترمس عن الزواج بها الحرارة لايكون بس لقيتها
حمد: لقيت من؟

عبدالله: الشقرا اللي تباها ههههههه

حمد: حرام عليك انا مب يالس اتمصخر وياك... بس الشر مب عليك الشر على الاهبل اللي ما لقى غيرك يفضفضله...

عبدالله: هههه سوري سوري حبيبي ...... خلاص قول فضفض على قولتك ههههه
حمد: سير لاه ما عندك سالفه

عبد الله: هههههه خلاص حمووود ارقد و خلني اسوق براحه عن هذربانك اللي لا ييب ولا يودي

حمد سكت عن ربيعه و سكر عيونه بس ما رام يرتاح كل اللي ملا تفكيره هذيج الساعه هن الشعر الاسود و البياض و العيون العسليه منو هاي يا ترى؟؟؟ و ليش الحينه يوم خلاص قررت اني اتزوج و ادور لي على وحده شقرا على قولته و ابني حياتي تظهر لي هذي السمرا ..... اكيد انا مسخن او اني بديت اخرف .... غمض عيونه و بدى يسمع كلمات الاغنيه اللي في المسجل و يحاول يسترخي.....

.....

[بنت البلاد]

الجزء الثاني من الفصل الاول

يوم السبت الصبح كلهم دوامات الا المسكينه ندى ناشه من الصبح و يالسه تطالع السقف و هي منسدحه على شبريتها و تتريا اختها حنان تخلص زهابها حق كليتها.....

ندى: حنون كم مره قايلتلج خفي على عيونج من الجحال .... حشى شنج حد عاطنج بكس.

حنان: ندوه هذي الموظه ... و انتي خبيره الموظه.... يعني تبيني اروح الجامعه بعيوني اللي توه ناشه من الرقاد.... حشى ربيعاتي بيخافون مني....

ندى: و الحين هم ما بيخافون يعني ... بالله شنج حد مكفخنج على صباح الله خير... و بعدين مب زين عن حد يحسدج على عيونج ...

حنان : ندوه اشوفج صايره عيوز شو يحسدوني بعد.... كل خلق الله في الكليه يسوون شرواي و زياده... اللي تحط فول ميك اب جنها رايحه عرس هب كليه .... و انا يحليلي مستخسره فيني هذا الجحال

ندى: انفخ في قربه مقطوعه انا .....المهم متى بتردين اليوم

حنان: على الساعه اربع ان شاء الله افففففففففففففففففففففففففففف مااطول الدوام اكرهه يوم السبت

ندى : على الاقل يالسه تسويين شي....... مب انا يالسه هوامه في البيت بروحي مثل الشبح لين تردون من دواماتكم..........

حنان: ليش ما تروحين ويا اميه و يدوه اليوم العزبه هي ناويات يسون تشييك على دبش و الهوش في العزبه اتقول يدوه في عنزه صايبتنها عين اونه ما تروم تمشي هههههههههههههههههه

ندى: ههههههههههه بالله منو اللي بيصيبها بعين خوياتها العنز ههههههههههههههه........ بس وين اروح انا هناك شو اسوي بالله؟

حنان : انزين روحي لساره تراها بروحها في بيتها ما تطلع و لا تسير ولا تيي يلسي عندها لين الظهرانيه و بعدين تعالي...............

ندى: بشوف بفكر بالموضوع مع اني ما احب اروح بيتها الصبح.......... تم طول الوقت تدور يا تخم يا تغسل ولا تطبخ ولا تكوي ولا يا سلوم الحشره....... تخبلبي ما اعرف ليش ما تيبلها خدامه

حنان: تعرفينها سويره ما تحب شي من الخدامه تبى تسوي كل شي على كيفها ......... و بعدين يالله مع السلامه انا الحين طالعه ولا تراني بتاخر على الكلاس

ندى: وداعة الله و مري على ناديوووه ترى هاي لين تخلص يبالها ساعه

تمت ندى منسدحه بعدها على شبريتها و تطالع السقف و زخارفه..... ندى تحب الهندسه و كانت اصلا امنيتها انها تدرس هندسه معماريه بس امها ما رضت و خلتها تدرس ادب انجليزي لانه استر حق الحرمه على قولت امها.....جنها لو صارت مهندسه معماريه مثل ما بغت كان تمت تراكض في التراب و تشل الطابوق ولا تحط السميت........ هي كانت الا بتصمم و ساعات بس تمر على اللوكيشن علشان تشوف كيف الشغل صاير......... يالله يا ماماه ضيعت حلمي علشان اتم بدون شغل و اتم اتريا دوري لين ما يفضون لي مكان في اي مدرسه علشان اشتغل........ بس لحظه.........

و نقزت ندى من على شبريتها....... انا كيف ما فكرت بها الشي من قبل......... لااااااااا هذا كله من ها الطبر يوم ما يشتغل ........صج اني ام طبر مثل ما تسميني حنووون....... بس اليوم بصراحه ما بسكت و اللي يصير يصير....... انا مليت من القعده بس جذيه بدون شغل........ لازم اكلم ابوي في اسرع وقت و خير البر عاجله...... بس خل يوصل من الدوام اليوم و عقب الغدا بكلمه و بشوف شو رايه....... بس يااااااااااااااااااااارييييييييييييييت لو يوافق ما عندي غير هالامل اذا كنت ابا اشتغل...... اوووووووووه لحظه شو اسوي بيدووه اكيد ما بتخليني افتح الموضوع ويا ابوي هذا اذا ما كفختني بعصاها قبل لا اكمل الجمله الاولى ......... خلاص لازم اكلم ابوي على انفراد مثل ما يقولون في المكتب او حجرتيه........ يالله يا رب تحقق اللي في بالي و يصير........... عاد هذيج الساعه محد بيكون مثلى في الوناسه........

..........................................

حنان تدق على باب حجره ناديه: ناديووووووووووووووه قومي نشي حريجه في البيت

ناديه تربع برع الحجره: وييييييين ويييين الحريجه

حنان تضحك: في راسج ما تشوفين الكشه تقول ضرابه قطاو

ناديه معصبه : حنوووووووووون راسج اللي فيه ضرابه قطاو مب شعري

حنان: انزين لا تاكليني قومي نشي و تزهبي حق المدرسه ماشي وقت
ناديه ترقع الباب : انزين سيري وعي خولوووه وراها امتحان

حنان من ورى الباب: شو تشوفوني انا بشكارتكن كل حين اوعي حد سيري روحج وعيها

و نزلت الصاله تسلم على اهلها و تشوف خوله يالسه تذاكر

حنان: السلام عليكم......... و تبوس ابوها و امها و يدوتها وتطالع خوله

حنان : ما شاء الله عليج انتي هنيه يالسه تذاكرين و نحن فوق اندورج علشان نوعيج

خوله: اليوم امتحان عليه و اصلا انا ما رقدت و انا اراجع حق املوه

ام سعود: ليش غناتي بلاها املوه

خوله : ناسيه انه عندها امتحان فيلست وياها على التلفون اراجع و ياها و افهمها اللي مب فاهمتنه

ام سالم: و هاي املوه متى بتحط عقلها في الدراسه...... كله ناسيه واجباتها ولا امتحاناتها و تبتلشين فيها انتي

خوله: ما عليه يدوه ترانا اهل خل اساعدها
ام سالم: ما شاء الله عليج دومج تحاتينها

بو سعود: غناتي حنان منوه بيوديج الكليه

حنان بدلع: انته حبيبي ابويه اذا ما عليك كلافه يعني

بو سعود : يالله عيل سرينا

........................................

نش عمر يتكشخ حق الدوام و مثل عوايده ساعه لين ما يزهب و ابوه تحت يالس يزاجره لا يتاخرون على الدوام ....الكل في الشركه يعامل عمر على اساس انه موظف عادي مب ولد اصحاب الشركه حتى راتبه عادي و هو مستانس انهم مخلينه يعتمد على نفسه..... بس ساعات صدق يضيج و يتمنى يرقونه او يعبرون امكانياته علشان يصيرله شوية وقت فراغ يروح فيه و يا ربعه القنص او يسافر برع البلاد.......
عقب نص ساعه من التزجريت و العطور خذ بوكة ونظارته ....
طلع من الحجره و نزل حق ابوه وامه باسهم على راسهم و يلس على القنفه

ام حمد: هاه فديتك ما تبى تتريق مسوتلك ذاك البلاليط الزين

عمر: الله يخليج لي يا امايه بس مالي نفس اكل اليوم..... بس برد له على العصر خلوه لا تعقونه

بو حمد: وينها روضوه ما شوفها نزلت اليوم عادتها تنش من وقت

عمر: بطلع لها و بشوفها بس ليش تنش من الرقاد ما وراها شي؟

ام حمد: لااااااااا شو ما وراها شي خلها بعلمها اليوم كيف تسوي المجبوس وراها عرس

عمر: وعععععععععععععععععععععععع اذا من ادينها ترى ماباكل مافيه اتسمم ولا اكلي شعره من راسها

ام حمد: شووووووووو؟ شو شعرته بعد......... ما تدش المطبخ هيه اصلا الا مغطيه راسها
بس انته قوم وعها و شوف شو ماخرنها.....

بو حمد: لا تتاخر عاد ورانا دوام

عمرو هو ينش: ان شاء الله طال عمرك..... و طلع فوق مره ثانيه

دق الباب بس محد رد عليه...... دق مره ثانيه..... طلعتله روضه بكشتها و عيونها نعسانه: هاااااااااااااااااااه شو بغيت؟

عمر: سلامتج..... بسم الله الرحمن الرحيم..... شو بلاها الكشه اليوم تسريحه يديده؟

روضه تعدل شعرها بيدها: ما عليك من شعري احسن عن شعرك ..... شو تبى؟

عمر: الوالده تقولج سيري قطعي البصل و فرمي الثوم و زهبي الصبار و الطماط و قطعي الدياي و........

روضه كل ما يقول لها عمر شي فجت عينها زياده..... اخر شي: شوووووووووو؟ انا اقطع دياي؟ ليش ان شاء الله و ينها ميري سفروها و انا ما دري؟

عمر: ميري عندها اجازه اليوم وامي تقول بتعلمج كيف يسوون مجبوس

روضه ما تريته يكمل رمسته و تربع تحت

روضه تصارخ من قمت راسها: امااااااااااااااااااااااااااه ما بقطع دياي انا

ام حمد زاغت على بنتها : شو بلاج بسم الله عليج اي دياي؟.......... شو حلمانه غناتي؟

روضه شوي و بتصيح: هذا عموووورووووووه يقول انج بتخليني اقطع دياي

عمر يضحك بس بدون ما يبين الهم انه يضحك: يالله الوالد سرينا على الشغل

نش بو حمد يضحك على روضه: روضوه محد يطبخ بالبيجامه و لو سمحتي غسلي ويهج قبل الطباخ و لمي شعرج ما فينا ناكل شعر على الغدى................ و طلعوا

روضه منصدمه و توها مستوعبه: عموووووووووووور الجذااااااااااااااااااب ما عليه ارد لك اياها
و تشل مخده من على القنفه و تفرها عليه بس ما لحقته المخده لانه كان طالع

ندى تحلم و تخطط فهل يا ترى بتلقى اللي تباه ولا بيخيب رجاها؟

و حمد منو هذي السمرا اللي تيي على باله و ليش بدت تيي الحين؟

حنان شو بيصيرلها في الكليه اليوم؟

روضه و يوسف شو بيصير لهم و شو تخبيلهم الايام و حتى عبد الرحمن و خوله؟

راشد وين وصل و شوبيصيرله في الايام اليايه؟

ولا ننسى امل وسالفه زواجها من عمر ؟

و ناديه شو بيصير لها بعد؟

[شوق العيون]

يلا حبيبتي نتريا التكملة

[بنت البلاد]

الفصل الثاني:
الجزء الاول:

اول ما وصلت للكليه و لصفها بالتحديد شافت البنات كلهم متيمعين على حد و كل وحده ترمس و يحاولون يراضون حد, او هذا اللي فهمته حنان من الحشره.. حطت شنطة ايدها و الاب توب و كتبها على طاولتها و تجربت من التجمع تبى تفهم السالفه..

حنان: خير ان شاء الله شو صاير؟

منى رفيجتها في الصف: ريهام تصيح و مب عارفين شو فيها....

حنان حطت ايدها على قلبها .. ريهام رفيجتها من بدن الكليه يعني صار لهن اكثر من سنه ويا بعض بس وايد علاقتهن قويه.. تجدمت جنان بسرعه و سحبت ريهام من ايدها.. ريهام اول ما طاحت عينها على حنان بدت تشاهق من الصايح.. و ظمتها حنان لصدرها و سحبتها برع الصف...
مشن شويه في الممر لين ما وصلن مكان فسيح هو اصلا قسم الملاعب في الكليه بس مفتوح و كله زراعه .. المكان يبعث على الهدوء و معظم الوقت فاضي مثل هالحزه من اليوم.. و حنان دومها يوم تتضايج تيي تيلس روحها في هالمكان..

حنان عورها قلبها على ريهام و مب عارفه شو تقولها و كيف تراضيها.... و ريهام كله صياح و مب رايمه ترمس

تمت حنان تكلمها بهدوء وتراضيها و تذكرها بعظمت الله وانه لكل شي او مصيبه في الدنيا الله يحطها في درب المسلم علشان يختبره و يقربه من ربه... ريهام بدت تهدى و هي تسمع كلام رفيجتها لين ما بدت تتكلم روحها عن اللي فيها

ريهام: حنان ... صدق ...انا ما استاهل.... اللي ياني

حنان بكل رقه: شو فيج غناتي... شو ياج.... اكيد ما يستاهل دموعج الغاليه

ريهام: بس اللي ياني مب شويه....ااااااااااااااه ..... ولا هذا الاستاذ ليش حاط دوبه من دوبي انا شو سويتله؟؟؟؟

حنان: خلاص .... انتي قوليلي شو صاير فيج وانا ان شاء الله بحاول اساعدج

ريهام بدت تصيح و دموعها ينزلن مره ثانيه: حناااااااااااااااان .... الاستاذ يقول انهم حاطيني تحت المراقبه

حنان مستغربه: ليش يعني حاطينج تحت المراقبه.... شو مسويه انتي؟؟؟؟

ريهام: يقول اني غاشه في اخر بروجكت سويته

حنان: بروجكت الانجليزي قصدج؟

ريهام: هيه .... اونه انا مسويه كوبي بيست حق كلام في وحده من الكتب ومب حاطه المرجع

حنان بتفهم: انزين ... وانتي حاطتنه ولا لأ

ريهام: هيه اكييييييييييييد حاطتنه بس كان الكلام في صفحه و المرجع في صفحه ثانيه و شكلها ضاعت هذي الصفحه.... و الحين هم حاطيني تحت المراقبه

حنان بدت تعصب على هذا الاستاذ و هي تعرفه دوم يسوي مشاكل حق البنات و الشكاوي دومها من البنات عليه... ما تعرف ليش ما ينطرد ولا يحولونه كليه ثانيه: بصراحه معاج حق في زعلج.... بس ان شاء الله بحاول ويا البنات اننا نحول موضوع هذا الاستاذ للاداره و بنقولهم عن المشاكل اللي كل يوم و الثاني يحط البنات فيها.... وانتي لاتزعلين عمرج ترى هذا الاستاذ ما يستاهل دموعج الغاليه و خلج طبيعيه وياه .. علشان ما يحس بانه اثر عليج.. جذيه انتي بتقهرينه زياده

ريهام هدت اعصابها: بس اني اكون تحت المراقبه شي مب شويه... يعني الحين هم بيحاسبوني على كل شيء اسويه و بيدورون اي غلطه عسب انطرد

حنان: ما عليه استحملي المراقبه بتنتهي بنهايه هذا الكورس يعني عقب شهر... عاده استوي ملاك و اي حد يقولج شي ما عليج منه و لا تسوين مشاكل حتى لو كنتي مظلومه... و ان شاء الله بيظهر الحق و بينطرد هذا الاستاذ يعله ما رد....

ريهام تحضن حنان: الله يخليج لي يا احن حنان في هالدنيا...... و الله اني ارتحت الحين يوم رمستج

حنان: اكيد تراني اسم على مسمى حنااااااااااااااااااااااااااااان ههههههههههه

ريهام بدت تبتسم: ههههههههههه بديتي تخقين و يا اسمج بعد...... بس فديت الحنان كله

حنان: يالله انزين خل نروح الصف ما فينا ياخذونها عليج متاخره و تحت المراقبه بعد

و سارن الصف قبل لا يبدى الكلاس

في هالوقت كانن خوله و امل في الامتحان شكله كان شوي صعب لانه امل كل شوي كانت تتافف و تجلب الصفحه الثانيه و ترد تجلب على الصفحه الاولى.... خوله في الطرف الثاني كل شوي تطالع صوب امل و غامضتنها الحركات اللي تسويها... يالله تسهل عليها الامتحان... و ترد خوله تحل في ورقتها
عقب الامتحان طلعن البنات يشمن شويه هوا في الخمس دقايق بين الحصص

خوله ترمس ويا امل: هاه خير بشري ..... شو سويتي في الامتحان؟

امل : انا سويت اللي عليه... و التوفيق من رب العالمين

خوله: ان شاء الله بتنجحين ترى هو الا امتحان منتصف الفصل و ما عليه درجات وايده

امل: ان شاء الله خير ... بس قوليلي سمعتي المحاضره مالت عائض القرني

خوله: هههههههههه... كلتي فوادي بالمحاضره.... هيه يابوج سمعتها و حلوه واااااااااااااااااااايد

رن الجرس و ردن البنات داخل الصف مره ثانيه و هن يتاففن

دخل على ابوه المكتب و هو شال كم ملف و اوراق يبالها توقيع.. المكتب حلو و الوانه توحي بثقه اللي يالس ورى المكتب الفخم... كل اللي يدش ها المكتب يحس نفسه تحت المراقبه بسبب عيون السكرتير اللي برع و اللي ما يسمح لاي احد انه يدش بدون ما يساله ميه سؤال و سؤال و تحقيق عن سبب الحضور

دش على ابوه و هو يطالع السقف و يقول: حشى يابويه سكرتيرك طلع روحي باسئلته اللي ما تخلص جنه اول مره يشوفني

ابتسم ابو حمد: وهذا اللي انا اباه علشان مب كل حد يي يدش متى ما حلاله... المهم يبت اوراق البنايه اللي ناويين نبنيها بعد شهر

عمر رد لوجهه العملي و الجدي: نعم طال عمرك بس يبالهن موافقتك و كل شي بيكون جاهز للبدع بالمشروع
ابو حمد يطالع في وجه عمر كانه يدرسه: عمر ييلس على القنفه و بييك انا الحين

المكتب فيه مثل الركن فيه قنفات و يلسه مرتبه حق الضيوف المهمين و اللي لازم الهم قعده غير عن مكتب و كراسي عاديه. ... استغرب عمر من طلب ابوه... اول مره يطلب منه انه يقعد على القنفات.... خير ان شاء الله
بو حمد عقب ما طلب من سكرتيره ما يدخل عليه احد و لا يحوله اي اتصال... يى و قعد على القنفات جدا عمر و صد عليه

بو حمد: شو فيك يا عمر شكلك من البارحه مب على بعضك و خاصه من رديت من بيت عمك بو سعود .... خير ان شاء الله شو صار؟

عمر يحاول انه ما يرمس في الموضوع: ما صار شي يديد

بو حمد يقاطعه: عمر انت ولدي و انا اعرفك ما تحب تظهر مشاعرك و اي شي في خاطرك و هذا شي يعجبني فيك ... بس انا متاكد انه هالمره في شي صاير وانته مستهم منه... قولي يمكن اروم اساعدك

عمر بتردد: بس يا بويه الموضوع مب خطير لدرجه اني ارمس وياك فيه في وقت الدوام و اعطلك فيه عن شغلك

بو حمد حط ايده بحنيه على ركبه عمر و طالعه في عينه: ارمس و انا ابوك ... قولي شو اللي في خاطرك

عمر تنهد: ابويه... الموضوع ما يخصني.... الموضوع يخص روضه

بو حمد: شوفيها روضه؟

عمر: بغيت اعرف ليش هيه محيره حق يوسف ولد عمي...

بو حمد: ليش تسال.... شايف عليهم شي؟

عمر: لا بس يوم الجمعه كنت الاحظ انه يوسف مب متحمس انه ياخذ روضه مع انه ماقال هالشي بصراحه

بوحمد: ما عليه بيتعود على الفكره يوم بييون يخطبونها و تصير حلاله

عمر: بس ليش هيه محيره حقه ... لو انهم مخلينهم بدون هالضغط بمكن كانوا بياخذون بعض عن اقتناع اكبر

بو حمد: تبى تعرف ليش روضه محيره حق يوسف..... اسمع عيل.....

بدى بوحمد يسرد ماضي كان من عشرين سنه

بو حمد: انته ما تذكر يدك راشد الله يرحمه... كنتوا صغار يو هو توفي... بس قبل ما يتوفي يت روضه تنور دنياه .... كان يشوف فيها شكل امي روضه ...كانت تشبهها بشكل غريب و هو اللي سماها روضه.... من يوم ما طاحت روضه من بطن امها و هي في حضن يدها كان يحبها بشكل خاص و هذا اللي خلى امي من بعد و فاته تحبها بشكل خاص و تبديها على باقي احفادها... لانه روضه الصغيره تشل ريحه يدها الله يرحمه....
سكت بو حمد شوي... و عمر تم يطالع في ويه ابوه و يتلايى بقي القصه...

بو حمد ابتسم و هو يذكر اللي صار في هذيج الايام

بوحمد: كانت روضه مثل النور اللي فجاه ملا صدر ابوي... وكل من كان يشوفها يتعلق فيها... كانت تخلي الواحد يحبها من اول نظرة من حركاتها و نظراتها البريئه... و من اللي كانوا يحبونها بشكل عجيب ولد عمك...يوسف... كان دومه وياها و يدافع عنها و يحميها كان متعلق فيها ......و يصيح يوم تصيح و يضحك يوم تضحك... كان على صغر سنه يمكن ثلاث سنين يحبها اكثر عن بنات عمه الباقيات..... يدك الله يرحمه كان يلاحظ هذا التعلق و قبل لا يموت وصي امي انها تزوج يوسف من روضه ... ومن هذاك اليوم و يوسف اسمه مقرون باسم بنت عمه روضه

عمر كان شكله واااايد متاثر بالقصه و يفكر و شكله سرحان

بو حمد: اكيد انته تفكر ليش تغيرت علاقه يوسف بروضه و يمكن ما يبى ياخذها

عمر صد في ويه ابوه مستغرب: هيه نعم .....بالضبط..... شو صار عليهم؟

بو حمد: يوسف من صغره ما يحب حد يتحكم فيه و من كثر ما ابوه الله يهداه يقرر عنه في كل شي الا الدراسه خلى يوسف ينفجر من ناحيه روضه .... هو من داخله يحبها و هذا شيء مؤكد بس مايبى كل شي في حياته يتحدد من صوب اهله..... هم لو شوي يفجون عنه كان الحين هو بروحه يى و ترجانا علشان يخطبها و ياخذها ....بس الحين هو ايدور اي علثه علشان ما ياخذها بس عناد في ابوه و امه

عمر بدى يفهم نظرات يوسف صوب اخته و بدي يفهم سبب رفضه لها

بوحمد و هو يقوم من مكانه: يالله عمر اذا في شي ثاني قوله ولا روح على شغلك

عمر نش و يقول قبل لا يطلع من المكتب: لا خلاص هذا الموضوع اللي كان شاغللي بالي و الحين بديت افهم يوسف
تامرني بشي طال عمرك؟

بو حمد رد لمكتبه: لا.... تفضل على شغلك

السكرتير اول ما شاف عمر يظهر من المكتب دخل على مديره وهو شال دفتره وقلمه

بو حمد: نعم يا ياسر في حد اتصل ؟

ياسر: نعم استاز... بو سعيد عاوزك و يقول اول ما تخلص من اجتماعك تتصل فيه

بو حمد: ما قال ليش؟

ياسر: يقول عاوزك علشان موضوع يخص عمر ابنك

بو حمد فهم الموضوع: في حد غيره؟

ياسر: ايوه.... بو عبد الرزاق اتصل علشان موضوع البنايه الجديده

بو حمد: وغيره

ياسر: ما فيش حد غيره.... بس بفكر حضرتك بالاجتماع الساعه 12 الظهر مع مدير البنك

بو حمد: خلاص.... مشكور تفضل على مكتبك

....................................

ندى قررت انها لين ما يوصل ابوها من الدوام انها تروح مع امها و يدتها العزبه.... على الاقل يطوف الوقت و تغير جو بالمره.... عزبتهم تبعد تقريبا ساعه من بيتهم و هي اصلا شراكه من بين عيال راشد الضاحي ... علشان جذيه مجهزينها بوسائل الراحه و ساعات يسوون عزايمهم هناك يوم يكون الجو حلو.... العزبه كبيره و حاولوا الشباب انه يسكفونها بنخيل طوال علشان يخففون الحر و ظربات الشمس اللي ساعات ما ترحم في بلادنا... و الأرض المظلله كلها مزروعه بالعشب الاخضر و عاطي المكان ريحه حلوة و لون حلو يريح العين.... ندى بشكل عام تحب تيي العزبه بس اليوم مالها خاطر لانها بروحها يايه بدون خواتها و بنات عمها .... و حاسه شكلها غلط يم يدوتها اللي تصارخ على الشغال اللي يهتم في الحيوانات ولا المزارع ومحد سالم من عصاها.... وامها كلحين يت و راضتهم على بعض....
ندى تكلم يدوتها من بعيد: يدووووووووووووووه ما يسوى عليج تنازعينهم .... يحليلهم طول اليوم ورى هوشج و زراعتج .... مساكين كم بيسووون وانتي ما ترضين عليهم حتى بكلمه حلوة......

ندى تتكلم من بعيد لانها اذا قربت و هاي رمستها العصا بتكون من نصيبها و هي تبتسم من بعيد و تعرف الحين شو بيكون رد يدوتها: ندووووووووووووووووه مالج خص فيهم بوشي و هوشي و زراعتي ... وانتي اصلا لو بتحوزين عن هذيلا المخبل اللي مايعرفون الرمسه شان قربتي مب يالسه تبغمين من بعيد..... ادريبج انا تدرين لو عدالي شو بييج.... و ردت رمستها على راعي الهوش: انا كمن مره خابرتك لا تخلي الهوش يسرحون في الغبره و ياكلون من البر ثرهم ما يتحملون يظربهم مغص و قوموا فججوا عاد كل يوم وحدة طايحه علينا... مين بيداريهم ؟.... بلاك ما ترمس ... ليش ساكت وتهز راسك مثل الهنود (الراعي مسكين اصلا هندي فشي طبيعي يهز راسه....سواء كان فاهم و لا مب فاهم ههههههههههه)

الراعي: ماما انا مايفهم انتي شو يقول ..... كله جنجال

ام سعود تصلح الموقف: عموه مب جذيه ترمسينه هو مب فاهم عليج خليني ارمس وياه وانتي سيري داخل في البراد عن ادقج الشمس

دخلت ام سالم وهيه تتحرطم و ام سعود يلست تفهم الراعي و بعدين دشت داخل عند عمتها
و ندى تسمع رمست اليده حق الراعي و تضحك على الموقف...... بعدين يلست تتمشى بين الزراعه و حظاير الحيوانات وهي تفكر في خطتها و شو لازم تقول حق ابوها........ و كيف تقنعه واللي ناويه تسويه محد من حريم العائله فكرت انها تسويه .... بس ندى من صغرها مميزه باشياء عن باقي الحريم في العايله... هي الوحيده اللي دشت مدرسه خاصه... و الوحيده اللي تعلمت رياضه تحبها واللي هيه الكراتيه... وهي الاولى اللي تخرجت من كليتها... خواتها الكبار من تزوجن ودرن دراستهن و اتفرغن حق عيالهن و اولادهن... ليش ما تكون هيه الاولى في هالشيء الي هيه ناويه عليه .... مع انه شي كبير بس ما عليه ما بتعرف اللا اذا فتحت الموضوع... و اللي يسال ما يتهش (على قولت اخوانا المصريين)....
..........................................
فيصل كان يالس في مكتبه و يقرا ملف كان في ايده وهو نسخه عن عقد بناء بنايه عبد الرزاق و اللي بتبدى الشهر الياي... مع انه تخصصه برمجه حاسب الى و هو مدير هذا القسم في الشركه الا انه عنده خلفيه واسعه في مجال المقولات و الهندسه المعماريه بحكم عمله في الشركه من اكثر من عشر سنين... كان مركز في المشروع اللي بايده و يحاول يحط ايده على الخلل اللي فيه ... هو يحس انه فيه شيء غلط بس في النهايه ممكن انه ايكون مجرد احساس اكثر منه غلط في المشروع.....يالله شو هالحاله قلبه ناغزنه على هذا المشروع... هد الملف و حطه على صوب و هو يسمع دق خفيف على باب مكتبه: تفضل يا جاسم

جاسم سكرتير فيصل: استاذ فيصل.... الاستاذ ابو سعود طالبنك في المكتب الرئيسي

فيصل على طول زهب عمره علشان ما يتاخر على بو سعود: ما قالك ليش؟

جاسم: لا والله ... بس قال اذا ما عندك اجتماع انك تروح له

فيصل: مشكور يا جاسم في شي ثاني بعد؟

جاسم: بغيت اذكرك اني بطلع اجازه عقب اسبوعين و ما اشوفك يبت لك حد يحل محلي و يساعدك في الشغل

فيصل دق يبهته بايده: اوووووووووووووووه صدق انته بتعرس عقب اسبوعين و بتروح شهر العسل .... اسمحلي نسيت الله ياخذ ابليس... الف الف مبروك تستاهل يا جاسم كل خير

جاسم حاس باهتمام مديره فيه مثل عوايده مع كل الموظفين: مسموح بالحل .... و الله يبارك فيك ...و تراك معزوم على عرسي

فيصل: شي اكيد و ما راح افوته باذن الله... الله يوفجك و اذا ناقصك شي ترانا خوان قبل لانكون مدير و سكرتير... و ما يردك الا لسانك

جاسم يبتسم: مشكووووور و خيرك واصل طال عمرك....

فيصل وهو ظاهر من المكتب صوب بو سعود: يالله عيل انا رايح اذا صار اي شي تعرف شو لازم اتسوي

جاسم : اكيد استاذ... الله وياك

.............................

ناديه على نهايه الدوام يالسه و يا الشله اللي دوم معاها في المدرسه و تتريا اخوها سعود عسب ترد وياه البيت... سعود هو المتكفل يوميا انه يودي ناديه المدرسه و يردها لانه المدرسه على طريج دوامه و وقت دوامها مثل وقت دوامه ... و هو يحب يوصلها كل يوم علشان غلاها في قلبه و سوالفها اللي ماتخلص... سعود هو اللي كان يهتم في ناديه من اول ما طاحت من بطن امها... كان يحبها بشكل غير عن خواته و يعملها كانه ابوها.... و هي كانت دوم تتعلق فيه و تحبه لانه دوم وياها ويسويلها اللي تباه.. حتى بعد زواج سعيد و ولادة عياله تم على نفس الحب و الاهتمام في ناديه... و اذا كانت ناديه محتاجه لاي شي ما عليها غير انها تدق تلفون على سعود و تشوفه في بيتهم يترياها....

اول ما وصل سعود المدرسه نشت ناديه عن ربيعاتها و ركبت السياره و سلمت و تمت ساكته... كان شكلها مظايجه و هذا شي مب من عوايدها ...العاده ما تسكت عن شو استوى فى المدرسه.... سعود لاحظ هالشي و مشى بالسياره... عقب دقيقه مارام يتحمل ...لايكون صار شي عود في المدرسه... او مضاربه ويا حد من ربيعاتها؟؟؟

صد سعود عليها : شو فيج غناتي ؟؟ عسى ما شر؟؟؟

ناديه تتنهد: ما احبها هالمدرسه....

سعود رفع حياته و رد يطالعها: شو ؟ جيه شو بلاها المدرسه؟

ناديه: شو اقولك يا خويه... والله فيها سوالف غريبه و عجيبه... لو اخبرك ما راح تصدق انها تصير في مدرسه بنات...

سعود وقف سيارته على طرف الشارع ...ويلس يسمعها بتفهم كعادته معاها: قولي غناتي شو صاير... اسمعج حبيبي......

ناديه بدت تفضفض اللي في خاطرها... هي متعوده على محادثاتها مع اخوها سعود من صغرها و دومها تخبره اللي في خاطرها... و هو ما يبخل عليها بنصايحه القيمه....

ناديه: شو اقولك؟؟؟ تصدق انه في صفنا بس اكثر عن ربع البنات كلامهن كله عن الرياييل؟

سعود انصدم بس حب يفهم الموضوع اكثر: كيف يعني ؟

ناديه: كيف اقولك اياها؟؟؟؟ امممم .... يعني يكلمن رياييل من ورا ظهور اهاليهن... لا المصيبه واللي قاهرني.. انهن ما يستحن بالعكس فاضحات عمارهن في المدرسه و شكلهن يتفاخرن بمغامراتهن معاهم الله يخسهن مسودات الويه....

سعود مستغرب و فعلا مب مصدق انه ها كله يصير في صف اخته الغاليه: انزين و الابلوات ليش ما ينصحونهن؟

ناديه: يحليلهن هالابلوات نص شرح الحصص مخلينه عن الاحتشام و الاخلاق و الدين و العادات و التقاليد و وووو... لدرجة انه وايدات من الابلوات مايحبن يدشن صفنا علشان سواد الويه اللي فيه.. والله ما الومهن ...صفنا يسد النفس من هالشله الخربانه....

سعيد: خلاص خل يغيرون صفج..... انا باجر ان شاء الله بمر المدرسه و بخبرهم ينقلونج صف ثاني باسرع وقت ممكن

ناديه: السالفه هاي مب بس في صفنا ... بالعكس مستويه اخر صرعات الموضه في المدرسه بكبرها... قمت احس اني يوم ادش المدرسه كاني داخله مكان مدنس المفروض ما ادشه.... و احس عيون البنات و الابلوات كلها علي عسب يمسكون اي غلطه ممكن اني اسويها...

سعود مفتخر بتربيه اخته الغاليه: حبيبي خلاص من باجر ان شاء الله بشل اوراقج من هالمدرسه و بحولج مدرسه احسن عنها بس خلج دايما بها التفكير السنع... وهذا عشمي فيج يا بنت ابويه

ناديه مستانسه وبفخر: والله.............. مشكوووووووور و ما تقصر يالغالي ... يعلني افداك... و بعدين اعجبك انا .... تربيتك تراني

وبدت ناديه سوالفها اللي يستانس فيها سعود و كملوا دربهم للبيت

[بنت البلاد]

الفصل الثاني:
الجزء الثاني:

يسوق سيارته للدوام و هو سرحان وهب رايم يركز في السواقه ..... كل ما طلع عمره من سرحانه رد مره ثانيه تفكيره يوديه لنفس الموضوع .... يا رب شو هالحاله... بس هو لازم يكلم ابوه في هالموضوع... هو هب مرتاح للملجه اللي كل يوم تقرب اكثر و اكثر و ما يبى يظلم البنت معاه..... هالمره وداه تفكيره لاخر ايام كان يلعب فيها مع روضه... كان عمرها عشر سنين و تحب الزرع و الورود اللي كانت ماليه بيتهم... كان يوسف توه داش البيت و يطالعها بحنيه .... هو طول عمره يحبها و يداريها ويدافع عنها... هذاك اليوم كانت مسكينه تلعب بروحها و من وراها وعلى غفله منها ياها حمد وداس على الورد اللي كانت تجمعه حق حجرتها ... كان يغايضبها وااايد ويقهرها انه الورد مو حلو ... وهي تصارخ عليه وتصيح مقهوره منه.... يا يوسف من ورا حمد و لفه يصد صوبه ولمه ببكس عدل و بعدين تموا يتكافخون و المسكينه روضه مصدومه من اللي يصير جدامها... ربعت داخل البيت و زقرت امها علشان تشوفهم و توقفهم... بعد الضرابه.. روضه تمت تداري اخوها وولد عمها مع انهم كانوا ما يكلمون بعض الا انها كانت حاطتنهم بثنيناتهم في المطبخ.... و مره تداوي هذا و مره تحط ثلج على الثاني... دوخوها صح بس ما كانت تشتكي ... كانت تحبهم بنفس القدر.... وما خازت عنهم لين ما راضتهم على بعض....

تم يوسف يذكر ذيج الايام.... بس ما يدري شو اللي خلاه يقلب على روضه..... من بعد ما كان يموت فيها قام حتى ما يحب يقول اسمها على لسانه..... ياهي حاله....

يوسف من كثر ما هو سرحان ما انتبه الا على صوت بريييييييييييييييييييييييييك.... و طااااااااااااخ .... دعم في السياره اللي جدامه..... لااااااااااااااااااااااااااا كملت

نزل يوسف من سيارته يعاين اللي صار و يطمن على راعي السياره اللي دعمها... بعده ما قال شي الا يشوف واحد قد البعير و يصارخ في ويهه... اول شي وقف يوسف مصدووم .... شو فيه هذا مادامه يصارخ و يتحرك يعني ما صار فيه شي... مشى من جدامه يتاكد اذا حد في السياره الثانيه غير السواق... بس ما شاف حد... رد على السواق و بعده يصارخ... شو فيه هذا ؟؟؟ سيارته ما صابها شي الا خدش وبسييييييييييييييط بعد... بس سياره يوسف اللي تعورت شوي زياده ... اتصل يوسف على الشرطه علشان يخلص الموضوع بسرعه ... بس راعي السياره الثانيه مو راضي يسكت عن يوسف اللي حرج و صد صوبه عسب يتفاهم معاه

يوسف: شو سالفتك انته؟؟ ليش ما تسكت و تخليني اركز

راعي السياره كمل رمسته و يخربط بالملباري

يوسف: لا حول ولا قوه الا بالله كيف اتفهم معاه هذا

يت الشرطه.... الملباري اول ما شافهم بان الخوف .... يوسف استغرب الحين انا الغلطان و هذا الخايف....
يوسف شرح للشرطه كيف صار الحادث و اتحمل المسؤوليه... و يوم طلبت الشرطه لياسنهم و الملكيات زاد خوف الملباري بس عطاهم اللي يبونه...

الشرطي يكلم يوسف: اخوي ... صاحبنا (و ياشر على الملباري) مخلصه ملكيته و ليسنه من كم سنه ... و هذا بيساعد على انك ما تتحمل مسؤوليه الحادث بالكامل .... يعني انته بتصلح سيارتك و هو يدبر عمره

يوسف اخيييييييييرا فهم ليش الملباري المسكين يصارخ عليه.... بس يستاهل...في حد ما يجدد الملكيه و الليسن و يخليهم كم سنه؟؟؟ .... وين يبى هذا...

شكر يوسف الشرطي.... و عقب ما خلصوا كافه الاجراءات وسوالف التامين ركب سيارته على دوامه اللي تاخر عليه.... اتصل على دوامه و خبرهم بسالفه الحادث و انه بياخذ شفت المساء عشان يعوض الوقت اللي فات.... بعد ما سكر عنهم شغل الراديو على اذاعه القران و يلس يردد الايات مع القارىء.....الحمد لله على الاقل الحين بيركز في السواقه... بلا روضه بلا غيرها
................................

على الساعه 12 و نص ركبن ندى و امها و يدتها علشان يروحون البيت يادوب يطاعن شو سون الخدامات حق الغداء قبل لا يوصل بو سعود و العيال البيت من الدوامات.... كان المزارع يحط كمن كرتون داخل الدبه.. صدت ندى على يدتها

ندى: شو هذا يدوه ؟

ام سالم: لومي ... ناقص عندنا خل في البيت و اباكن اليوم تغسلنه و ترشن عليه ملح و تخلنه لين العصر و بعدين عصرنه

ندى: انزين يدوه الخل مكود في الجمعيات جيه بعد نعابل و نعصر؟؟؟

ام سالم: ندوه ... اللومي مكود في العزبه شو تبينا نسوي به ... و بعدين خل البيت غير عن خل الدكان.. هاك الا مغشوش

ندى: الله يهداج يدوه شومغشوش كل الناس تاخذ منه الا نحن اللي بعدنا في العصر الحجري نعصر ليمون

ام سالم بدت تعصب: ندوووووووووووه... لا تيلسين تعاشيني ...خل من الدكان ما با اشوفه في البيت.. و بعدين شو وراج انتي لا شغل و لامشغله اشتغلي شوي في البيت ..... غدي حرمه

ندى: انزين.... و(تساسر عمرها) بدى القمع.... و الضغط يولد الانفجار و انا شكلي اذا اليوم ما رضى ابويه بنفجر عليهم و خلي يصير اللي يصير..... ياخي مليت من هالعيشه.... مكتوب علينا الشقى او بل الاحرى الملل او اننا نتزوج و نتبهدل بالريل و العيال..... و(بصوت عالي.... نست عمرها ههههههههه) افففففففف

ام سالم: بلاج تنافخين و تكلمين عمرج (و تصد على ام سعود اللي يالسه عدالها) اقولكم زوجوها وافتكوا منها و من خبالها

ندى: لاااااااا دخيلج يدوه لا تفتحين هالسالفه ويا امي ما تصدقون انتوا ........ انا بعدني ما عشت حياتي

ام سعود: و جيه ان شاء الله شو ناويه تسوين في حياتج.. دراسه و خلصتيها شو تبين بعد؟

ندى تكلم عمرها : يالله لو فتحت الموضوع جدامهن شان الحينه بيوقفون السياره و بينزلوني وبيعبرون علي بها ساير راد ولا بيبرد فوادهم ........ وقالت بقهر : ما شي ...ما شي

و سكتت عنهن طول الدرب لين البيت

............................

على الغدا الكل متيمع من عايله سالم وطبعا اليده وياهم... ناديه كانت تخبر اهلها عن اللي استوى في المدرسه وانه سعود من باجر بيشل اوراقها و بيغير مدرستها... الكل كان مستغرب من هالسالفه ...

راشد: باااااااال شو هذا... نص المدرسه تغازل..... ياسلااااام كشخه بخبر ربعي نرقم عندكم

اليده: شو؟ رشوووود شو هالرمسه ما تحشم اهلك انته؟؟

راشد يضحك في خاطره: تراني اسوي كل شي جدامكم مب مثل البقيه اخش عن اهلي اللي اسويه.... علشان تعرفون اني ما اسوي شي بدون ما اخبركم...

ابو سعود: اميه قومي اريشيه بهالعصا اللي عندج ولا احسن اقوم انا الحين اشلخه بهالعقال..

راشد نش عشان يغسل ايده: هههههههههه.... لا لا لا لا سوري سوري اقصد اسف اسف اقص عليكم... عيل انا تربيه بو سعود اسوي هالمنكر... لاااا والف لااااااا..

بو سعود: اتحراك بعد

ام سالم: ندووووه سويتي اللي قلتلج عليه؟

ناديه: شو يدوه.... شو عندكم؟؟؟؟

اليده: انتي الحين منو رمسج... انا اكلم ندوه

ندى: هيه يدوه حطيت الملح على الومي.. و قلت حق البشكاره لا تجيسه لين العصر

ناديه: يالله انتوا بعدكم تعصرون لومي و تسوون خل...... اشتروا من الجمعيه و فكوا عماركم

اليده: انتن شو بلاكن متى بتغدن حريم.... خل من الدكان ما باه

ناديه: انزين انا ما بعصر خل ندووه و حنوون و خولووه يعصرن

ام سعود: ندوي عن المعاشى كلكن بتعصرن و يا بعض عسب تخلصن بسرعه....

ناديه بدلع: بس ماماه انا عندي امتحاان باجر

ندى: اي امتحان باجر بيحولونج مدرسه ثانيه عن المنكر

ناديه تطالع ندى بحقد: ليش تدخلين انتي... مالج خص

بو سعود: ندوي احترمي اختج العوده

ندى اتشججت من الفرحه: فديتك ابويه المدافع.... و استغلت الفرصه... ابويه بغيتك فسالفه بعد الغدا

ام سالم: وليش بعد ما ترمسين جدامنا؟

راشد و هو داش الصاله مره ثانيه: اكيد علشان اذا قالت شو تبى جدامكم انتوا بترفضون.... بس بروحها بتعرف تقنع ابوها

ندى: اسكت رشود احسنلك لا ايك بشي ما شفته في حياتك

رشود: اوه اوه خوفتيني.... انتي نسمه هوا تطيرج تبين تظربيني انا الطول و العرض

ندى: ما عليه منك الحين هب فايجتلك...( وصدت على ابوها) ... شو قلت ابويه؟

بو سعيد : زين خلصي غداج و تعالي المكتب اترياج... و نش

ناديه: شو عندج و يا ابويه... شو هالاسرار؟

ندى: يوم بظهر من عند ابويه بخبرج... و نشت تكلم ابوها

راشد: امايه انا برقد الحينه و على العصر وعيني ترى بروح البحر شويه... بصيد لكم كمن سمجه

ام سعود: و يا منوه بتسير؟

راشد: ويا عبد الرحمن المزروعي

ام سعود: هيه و النعم... بس سولي تلفون اول ما توصلون و طمنونا عليكم

راشد: ان شاء الله امايه
..............................

حنان تتريا تدش على الاخصائيه في خدمه الطالبات و ترمس و يا ربيعتها ريهام: الحين لازم نخبر مس ليلى عن سوايا استاذ الانجليزي بس خلج شجاعه و واثقه من عمرج....

ريهام: وععع ما بغيتي غير مواطنه تدافع عنا في الكليه اصلا بالعكس ما بتروم تسويلنا شي و في الاخير بيحطون الغلط علينا

حنان: لا حرام عليج تظلمينها

ريهام: بس هاي مب بس رمستيه انا ...كل بنات الكليه يقولون نفس الشي عنها

حنان: ما عليه نحن بندخل و يانا الحق ان شاء الله بتوقف و يانا و بتساعدنا

قطعت رمستهم وحده من المساعدات في خدمه الطالبات: تفضلن خواتي مس ليلى تترياكن

حنان: يالله بسم الله

مس ليلى كانت تترياهن و رحبت فيهن و شكلها طيب

حنان خبرتها بسوايا الاستاذ و قالتلها عن حركاته اللي مالها معنى و يا البنات
مس ليلي كانت تكتب كل شي و تسالها عن اشياء و اسماء البنات اللي كان الاستاذ يتحرش فيهن و خبرتها انه الموضوع بيتم بكل سريه علشان اذا في مجال يمسكون الاستاذ بالجرم المشهود

طلعن حنان و ريهام و هم مرتاحين من السلفه انها وصلت للاداره و هم بيتصرفون

حنان: شكلها ان شاء الله بتساعدنا

ريهام: صدقتي بصراحه ظلمناها يوم قلنا ما بتساعدنا

حنان يالله انزين ما شي وقت الحين بيوصل الدريول و بروّح خل نروح لغرفه الانتظار

في غرفه الانتظار
حنان: ما خبرتيني عن اللي يا يخطبج الاسبوع اللي طاف شو صار عليه؟ وافقتي ولا لأ

ريهام: بصراحه هم يوم سالوا عنه قالوا الولد ما ينعاب متخرج من الكليه و يشتغل و بيسكني بروحي بعد بس

حنان: بس شو؟

ريهام: حظرته يدخن وانا فيني حساسيه من الدخان

حنان: كلمي ابوج خل يخبره عن حالتج

ريهام: ابويه خبره و هو قال انه بيوقف بس بعدني مب واثقه

حنان: ان شاء الله بيوقف بس شو بترين عليهم

ريهام: قلت اوافق مبدئيا و الخطوبه بعد اسبوع و بنشوف بيوقف ولابيتم على التدخين

حنان: الله يعينج استخيري و شوفي شو بيصير

وصل الدريول وحنان سلمت على ريهام و طلعت.... بس قبل لا توصل السياره اللي شوي كانت بعيده سمعت صوت بررررررررررريك ... فصدت زايغه على السياره اللي كانت بتدعمها و ما حست بغشوتها اللي طاحت عن ويها
نزل راعي السياره ..... حنان كانت معصبه و خاطرها تسبه سب ولا ومجهزه اللسته بعد بس اول ما طاحت عينها عليه صنمت..... رمشت بعينها كم من مرة مو مصدقه اللي تشوفه.... ما شاء الله عليه طويل و وسيم بشكل ... كان لابس بنطلون شورت و قميص رياضه على جسمه و مبين عضلاته اللي كانت متناسقه واااايد ويا شكله... وعلى راسه كان لابس كاب.. شكله ياي من نادي رياضه ... انتبهت حنان على عمرها وتغشت و نزلت نظرها مستحيه....... يا ربي الحين شو بيقول عني ما جد شفت ريال من قبل ...... يا ويلي

الريال من الطرف الثاني كان زايغ لايكون صابها شي ... هو كل فتره والثانيه يسوي حادث والسبب سرعته ... ما يعرف ليش دومه مسرع مع انه الحين فاضي و بعده ما تاخر على اخته... ياهي حاله ... نزل من سيارته وصد يطالع اللي كان بيدعمها و انصدم.... ما شاء الله عليها و على عيونها الكحيله الله يخليها لاهلها نزل نظره و قال : اسف الشيخة عسى بس ما صابج شي؟

حنان انعقد لسانها: لا الشيخ مسوح انا اسفه ما شفتك ياي بسيارتك

و مشت حنان بسرعه من جدامه و لحقتها ريهام: خير حنوون ان شاء الله ما ياج شيء

ركبت حنان السياره: لا ما فيه شي الحمد لله

ريهام : خلاص مره ثانيه شوفي وين تمشين.. اخليج الحين.. دقيلي تلفون على العشا... وراحت عنها

حنان ما كانت منتبهه حق ريهام كانت تطالع صوب السياره و راعيها ومب مصدقه اللي صارلها... و قالت حق السواق يروح البيت بسرعه

احمد (راعي السياره) كان بعده يفكر في العيون الكحيله و سمع اسمها (حنان) من رفيجتها .... اسمها حنان و صوتها كله حنان ... ما شاء الله عليها ... كيف اعرف الحين هي بنت منوه؟ عقب شوي وصلت اخته ريم ...

ريم: سلامات احمد شو فيك زين ما دعمت البنيه

احمد: وعليكم السلام و رحمه الله و بركاته

ريم: سوري السلام عليكم... بس والله اختبصت و انا اشوف سيارتك زين ما شليت البنت ... كم مره اقولك خف شوي على البترول ؟

احمد: خلاص ما صار الا كل خير... يالله ابويه يتريانا على الغدى و لا تخبرينه عن السالفه ما فيه على محاضراتكم عن السرعه

....................................

ندى يالسه مجابل ابوها على المكتب و تلعب بصبوعها

بو سعود: هاه ندى... خير ان شاء الله قولي شو تبين اسمعج

ندى بلعت ريجها و تنحنحت: احم احم ...ابويه الخير بويهك الغالي بس بغيتك تسمعني للاخر و بعدين قولي رايك باللي بتسمعه

بو سعود يطالعها بنص عين:انزين يالله... قولي اسمعج

ندى: ابويه انا متخرجه من كم شهر الحينه اداب لغه انجليزيه ... يعني لغتي ما عليها كلام ... و انتوا من قبل ما اتخصص تعرفون عن ميولي للهندسه و شكثر انا احبها بس علشان امي دشيت اداب و للحين ما لقيت شغل مع انكم ما تبونا نشتغل... فانا قلت اني اذا اشتغلت في شركتك يا بويه بكون تحت نظرك حتى لو فتره بسيطه يعني كم شهر و اذا ماعيبك شغلي ترى عادي و ما عندي مانع انك تطردني من الشغل و ما برد اكلمك عن سالفه الشغل مره ثانيه
سكتت ندى وهي مب عارفه شو بيكون رد ابوها

بو سعيد لاحظ جديه ندى في الموضوع و هو يعرف انه شخصيتها قويه و غير عن شخصيه خواتها الكبار و من هي صغيره كان يبين عليها حب القياديه و تحمل المسؤوليه... بس ما بغى يبين رضاه على انها تشتغل بسهوله لازم يحط شروطه هو بعد

بو سعود:اذا وافقت يا ندى و انا اقول اذا وافقت بيكون تعاملي و ياج كأي موظف ثاني في الشركه.... يعني اذا غلطتي على طول بتتعاقبين..... و معاشج بيكون معاش متدرب يعني حوالي الفين و نص لين تثبتين قدراتج
ندى تتحرقص في مكانها: انزين انا موافقه على كل شروطك... بس انته وافق و بتشوف بنتك يوم تشتغل عن الف ريال

بوسعيد: خلاص انا بكلم عمومج و بشوف رايهم

ندى و خيبه امل واضحه على وييها بس حاولت انها تخفيها وقالت و هي تقوم من مكانها: ان شاء الله

بو سعود ابتسم و هو يطالع بنته و يحس بفخر يوم يشوفها وهي تطلع من المكتب... حتى جرأتها في انها تفتح الموضوع غير عن خواتها اللي كانن وايد مستسلمات لموضوع عدم الشغل في هالعايله... بس الواحد لين ما يجرب كم مره المفروض ما يفقد الامل... وهذي هي ندى ما تفقد الامل في اي شي تبى تسويه... نش بو سعود من المكتب و راح يحط راسه لين العصر
.............................................

[شوق العيون]

كملي بلييييييييز

[بنت البلاد]

الفصل الثالث
الجزء الاول

رجعت حنان البيت من الكليه على الساعه اربع العصر ... اول ما وصلت ودخلت الصاله شافت محد فيها ركبت على طول على غرفتها... مالها خاطر تكلم حد ... بعدها مصدومه من الحادث اللي كان بيصير لها ... و الريال بعده كانه يرمس جدامها ما فارق خيالها... شكله هب غريب.. وين شايفتنه قبل؟؟؟
استغفر الله خلني اصلي قبل لاتفوتني الصلاه و انا افكر... وراي دراسه و لازم اريح بعد....
نشت حنان و صلت و انسدحت على شبريتها ...غمضت عيونها بس ما في فايده .... تجلبت يمين و يسار بس بدون ما يدق النوم باب عيونها.... لا اله الا الله شكلي ما برقد... نشت و يلست على شبريتها و مدت ايدها لسدت الكوميدينو و فتحتها... من زمان ما شفتك... صار لي دهر من قلت لك اخر اسراري و همومي و افراحي...
شافت دفتر مذكراتها اللي اشترته من الهند من كمن سنه ... لونه بنفسجي فااتح و عليه نقوش بالذهبي واايد حلوه .... كانت دايما تكتب فيه اشعارها او خواطرها او حتى جمل تعيبها ... بس من حوالي كمن شهر ما فتحته حتى... هالكليه ماخذه كل تفكيرها ... بس اليوم صار شي جديد... جدد خلجات نفسها للكتابه.... مسكت قلمها و بخطها الناعم خطت:

اتيتني في ليله قمريه
مع سحابه خريف ماطره
بعثت في مع قطراتها
و فلت مني
مع طلوع النهار

لم أن أدري أنه كان
اللقاء الأول و الوحيد
و إلا توسلت الظلام
أن لا ينجلي
و توسلت السحابه
أن لا تسير
و توسلت المطر
أن لا ينضب

لم اكن ادري
و الا منعت عيني من الرمش
حتى لا تغفل
عن النظر إلى عينيك
و حبست أنفاسي
حتى لا أشغل بها عنك
حتى قلبي لأوقفت دقاته
حتى لا ألهى به عنك
(د. أسماء الكتبي)

سمعت دق خفيف على الباب شلها من افكارها و رجعها الى الواقع .... صكت دفترها و حطته مكانه في درج الكوميدينو...

حنان: ادخل الباب مفتوح

ام سعيد دخلت و ابتسامه قلق على ويها: حبيبتي حنان شوفيج؟ اول ما ييتي ما مريتي تسلمين عليه مثل عوايدج...

حنان مستغربه:امايه فديتج ما فيه شي ... شو بيكون فيني؟؟.. توني يايه من الكليه قلت خل ارقد شوي بس ما ياني نوم..

ام سعود: هييه ... زين ما دام ما فيج رقاد قومي نشي عصري لومي و يا ندووه بتسوون خل...

حنان: خل؟؟؟ اشتروا من الدكان ليش بعد نسوي في البيت...

ام سعود: انتن كلكن حافظات نفس الاسطوانه... قومي قومي لاتيج الحين يدتج بعصاها...

حنان ضايعه في السالفه: ليش شو قلت انا؟

دخلت ندى هذيج اللحظه: امااه ما عليج انا بفهمها انتي روحي عند يدوه ...حرام يالسه بروحها في الحوش..

طلعت ام سعود و هي تقول: خلصن هذربانكن و انتن تسون الخل..

ندى صدت على حنان اللي رافعه حاجب: بلاج صايره غبيه افهميها على الطاير..

حنان: بالله شو هو اللي افهمه على الطاير ؟؟.... فهميني يا فهيمه..

يلست ندى تخبرها بالل استوا الصبح في المزرعه و كلام ناديه اللي يشبه كلام حنان و ندى عن الخل

حنان: ههه ... والله و طلعنا خوات بالدم و الرمسه... سبحان الله

ندى: ليش نحن عندنا خيارات علشان نختار منها كيف تكون رمستنا؟؟ مادامنا مجابلين بعض اربع و عشرين ساعه لازم رمستنا بتكون نفسها

نشت ندى من مكانها: يالله الحين خلينا نخلص الخل و بعدين يلسي كتبي في دفترج

حنان : بسم الله كيف عرفتي اني كنت يالسه اكتب؟

ندى: اختي و اعرفج مادامج لا يالسه تذاكرين و لا راقده يعني يالسه تكتبين... و انا بصراحه فيني فضول ابا اعرف شو اللي مشعلل حواسج هالمره

وطلعت ندى مخليه حنان فاجه حلجها و تطالعها... صدج محد فاهم عليّه في هالبيت كثرج يا ندى... و نشت حنان من الشبريه و راحت المطبخ تساعد اختها
..................

على المغرب ياخليفه بيت ابوه ووياه سعاد اللي كانت منوره بشكل غير طبيعي....
خليفه اول ما دش كان ابوه وامه و يدته بس في الصاله فسار سلم عليهم و باسهم على روسهم و يلس حذال يدته... و نفس الشي سعاد اللي يلست حذال عمتها...
دشت ندى و حنان الصاله و توهن مخلصات الخل ... و شافن اخوهن و حرمته و استانسن.... هن وااايد يحبن سعاد و عادينها مثل اختهن و اكثر لطيبتها و اهم شي من كثر ما هي و خليفه متعلقين في بعض و ما يرومون على فراق بعض فحابينها لمحبتها لاخوهن... ندى سلمت على اخوها على الطاير و يلست حذال سعاد و حنان عندالها

ندى: هاه سعوده؟ اشوفج منوره على غير العاده

سعاد: ليه هو انا مش منوره كل مره بتشوفيني فيها

ندى: حاشاج... بس اليوم غير... اكيد في شي... يالله قولي.. في شي؟؟؟

سعاد ابتسمت بحيا: ايوه في..

حنان نطت والابتسامه شاقه الحلج: عرفت..... سعووده حااااامل

اليده صدت على خليفه: بالمبارك يا وليدي ... بس شو بلاك ما رمست و لا خبرتنا؟؟

خليفه يضحك: انا كنت بقول بس بناتج ساحرات عرفن بدون لا اخبرهن

بو سعود و ام سعود: مبرووك عليكم خليفه

خليفه الله يبارك في حياتكم

ندى: قوليلنا في اي شهر؟؟

سعاد: الشهر الثالث

ندى: شوووو؟؟؟ نعم نعم؟؟؟؟ يالظالمه حظرتج حامل من ثلاث شهور و الحين تخبرينا؟

سعاد: اصلا انا ما كنتش بعرف و مبارح كنت تعبانه علشان كده ما جيتش عندكم و اليوم رحنا الدكتوره و بشرتني

ندى: الله يعني بيكون عندنا نونو عن جريب و برووك بتكون عنده اخت... يارب تكون بنوته

سعاد: اللي يجي من الله حياه الله

تموا ندى و حنان و سعاد يرمسون عن الحمال و شو تحس سعاد و الاسماء و وووو

خليفه صد على يدته

خليفه: ها يدوه؟ شو امسيتي ؟

اليده: بخير يا وليدي بس ركبي ملعوزيني هاليومين ما روم اوقف عليهن

ندى تخاطر بحياتها و ترمس بصوت عالي: عيل شو مودنج العزبه اليوم ؟؟.... لا و تراكظين ورا عنزاتج بعد

اليده: بعد حلالي و لازم اجابله

خليفه: ما عليه حلالج بس بعد لا تعبين عمرج ... و صد بنظره مكر على ندى: و هذي ندووه متى ما بغيتيها بتروح العزبه و بتعابلبهن

ندى فجت عيونها على الاخير: تتكلم من صجك انته؟؟

خليفه: اميه بسم الله لايطيحن عيونج ... تراج دوم تقولين انج ملانه سيري العزبه و تعابلي بها

ندى: الله يخليك لا تفتح هالسالفه جدامهم لا يصدقون و يسونها

خليفه وقف و شكله بيشرد: هههه اتخيل شكلج ترابعين ورى العنز

ندى نشت وراه: براويك انا كيف براكض ورى العنز يالعنز ....
و تربع ورى اخوها بين القنفات و اخوها كل ساعه ينخش ورى يدته ولا امه ولا ابوه و ندى عيزت و مب رايمه تقبظه

خليفه:ههههههههه يالعيوووز ما ترومين تيوديني يالدبه هههههه

ندى بعدها تحاول تيوده و هي تتنفس بسرعه: الدبه.. حرمتك

سعاد: ماليش دعوه انا ما تحشرونيش بينكم

وتم الكل يضحك على الاثنين اللي يراكظون ورى بعض

..................

حمد و عبد الله كانوا في غرفه فحص الطيارات اللي ناويين يطيرون فيهن بعد نص ساعه و المفروض يتاكدون انه كل شي جاهز... بس كل ما تاكدوا من شي طلع لهم عطل ثاني... حمد من البارحه مب راقد عدل ويحس بصداع فضييع ...
عبد الله حاس في ربيعه و كل حين يقوله ريّح و حمد هب راضي

عبد الله: ترى بتينني.. شو فيك انته ليش ما تريّح؟؟.... ايلس لين اخلص الشغل و بعدين بزقرك

حمد: لا لا ما اروم... اصلا ما شي وقت... نص ساعه و نطير لازم كل شي يكون زاهب

عبد الله بقلق : بصراحه شكلك ما تروم تطّير طياره

حمد: ما عليك من شكلي صداع خفيف و بيروح ... عندك بندول؟؟

عبد الله : هب زين تاكل بندول و انته هب ماكل شي

حمد: توني ماكل نص سندويشه جدامك... يالله عطني البندول

عبد الله يناوله بندول من مخباه: خذه بس ترى اذا ما خف صداعك بخبر الكابتن يغيرك و انته طيّر باجر

حمد: ما عليه شر انشاء الله الا طياره... كم طيرنا في السنتين اللي طافن ؟؟؟... اروم اطيّر و عيوني مغمضه

عبد الله: لااااااااا دخيلك ما فيه اموت بسبت عيونك المغمضه .... بعدني لا تزوجت و لا تهنيت بحياتي ههههه

حمد: يالله انزين خلنا نخلص من هالاعطال ونطيّر و نفتك اليوم ما فيه باجر اطيّر

عبد الله : يالله ان شاء ما يطلع الحين شي بعد

بعد ربع ساعه حمد و عبدالله طيّروا طياييرهم و رجعوا بعد حوالي نص ساعه للارض بسلامه و الحمد لله ماصار عليهم شي

........................

بعد كم يوم... ندى كانت في المطبخ تولع جمر.... من زمان ما دخنت الميلس بروحها دومها توكل على الخدامه... بس اليوم خاطرهي تدخنه ... و هي يالسه تتريا الفحم على النار دخلت عليها خوله ....

خوله: هاه ندى شو تطبخين؟؟؟

ندى: اي اطبخ الله يخليج يالسه اسوي دخون خاطري ادخن الميلس

يت خوله و يلست حذال اختها على طاوله المطبخ: و ليش ما تخلين الخدامه تدخنه؟

ندى: مادري اليوم خاطري ادخنه روحي

دخلت الخدامه ميري عليهم و صدت على ندى

ميري: ماما ندى.. ماما ام سعود يريد انته داخل

ندى قامت من مكانها: ما قالت ليش؟

ميري: انا ما في معلووم

ندى و هي تظهر من المطبخ: خوله بلييز دخني الميلس عني

خوله صدت على ميري: ميري دخني الميلس

ميري بنزعاج: ماما كولا انا فيه شغل داكل كومي (ماما خوله عندي شغل داخل اخم)

خوله: كولا ببطنج اسمي خوله وحشى محد يرمسج انتي كله تنافخين...

ميري اصلا ما تحب تتعامل ويا خوله و لا خوله تداني ميري

خوله: سيري طسي من ويهي

راحت ميري و هي تعطي خوله نظره كره

خوله تقرى على عمرها: بسم الله اعوذ بالله من شرج

بعد ما خلص الجمر على النار شلته خوله و راحت الميلس بدون ما تلبس شيله على راسها لانها متاكده انه محد داخل علشان الليتات كانت مبنده... و يلست تدخن و تتفنن في العود و كل ساعه تحط شي ....
بعد شوي سمعت صوت عند الباب.... بغت تطلع بس ما في باب للميلس الا اللي الصوت ياي منه ... يعني ما في مفر....

كان راشد توه داخل الميلس و وياه عبد الرحمن و يالسين يسولفون ... و ما انتبهوا على خوله اللي يوم لمحتهم هدت المدخن على طاوله الميلس و ربعت ورى قنفه كان بينها وبين اليدار مسافه ضيجه بس دشت فيها خوله و يلست... اوووه ياربي منو ويا رشووود الحين ياي ؟؟.... شو اسوي يا ربي؟؟... لو يدريبي رشوود اني ورى القنفه شو راح يسوييبي؟؟... بيجتلني.... الله يغربل بليسك يا رشود .. شيك على البيت اول و قول عندك رياييل.... و اتاكد انه مافي حد داخل الميلس قبل لا تطب جذيه مره وحده.... الله يغربل بليس.... شو اسوي؟؟؟؟

في هالوقت راشد و عبدالرحمن يلسوا على القنفه اللي مجابل القنفه اللي يالسه خوله وراها وشكلهم هب حاسين فيها ومندمجين بسوالفهم......

راشد يضحك : هههه والله انك سوالف يا عبوووود... الحين ليش يالس تكلم الهنديه ملباري؟؟؟..... بالله انته منوين تتعلم هاللغات؟

عبد الرحمن: ههههه من البحر.... ترى اللي وياي على الهوري كلهم مليباريه و انا اتعلم منهم... اقضّي الوقت يعني...

راشد: ههههه انزين تراك تعرف هندي ليش ترمس و يالهنديه ملباري؟؟

عبد الرحمن: علشانها مأذتني... كل ما مريت المحل اخذ عطر تمت تتحرطم عليه بالهندي هاحلو و هاك احلى و مادل شو بس ولا واحد حلو.... ذبحتني بذوقها الزفت... قلت خل اسكتها و اشتمها مره وحده بالملباري عن خاطري ...... ههههه بس المشكله اني ما كنت اعرف انه اللي و ياها في المحل يعرف ملباري.... لو تشوف شكله كيف لونه يتغير و انا يالس اشتمها.... ههههههههه.... نط عليه شكله يبى بيكفخني .... طلع الحبيب ريلها... ههههههههه

راشد ناقع من الضحك: هههه الله يغربل عدوينك.... زين ما ذبحك و شرب من دمك ... يا قوات عينك يالس تشتم حرمته جدامه .... هههههه

عبد الرحمن: هههه ....شو دراني انها حرمته... لو شفته بغى يشل المحل على راسي ... و تم يتحرطم عليه بالملباري وانا نص فاهم ونص مب رايم الحّق عليه .... اللي فهمته اخر شي اني صرت زبون غير مرحب فيه في المحل ....هههه

خوله اندمجت في الحوار تبتسم على سوالفهم وحاطه ايدها على حلجها و تحاول تيوده عمرها لا تنقع من الضحك على عبد الرحمن ....و سرحت... عبد الرحمن ... ما تذكر كيف شكله .... اخر مره شافته فيها كانت من 7 سنوات و كانت اصلا دووم بس تلمحه.... بس تعرف سوالفه و يا اخوها من كثر ما راشد يرمس عنه... و تعرف شكثر يعزون بعض... مثل التوام وين ما يروحون يكونون مع بعض....

انتبهت على راشد و هو يقول: حشى منو مخلي هالدخون هنيه؟؟... ماتم شي هب حاطينه... احس الدخان حاوطبنا ولا خلّص ... لاعبين بالدخون هاذيلا...

نش راشد و استاذن من عبد الرحمن علشان يطلع المدخن ويوديه المطبخ
طلع راشد بالمدخن... و طلعت روح خوله وياه وتمت ترتجف و عينها تدمع ..... يا ربي شو اسوي الحينه انا بروحي ويا عبد الرحمن ....ما روم اتنفس... احسبه بيحس اني هنيه... شو بيستوي لو درى اني انا هنيه ورى القنفه؟؟؟ يا ربي بموت من الزياغ... شو اسوي؟؟...

تحرك عبد الرحمن من مكانه ويلس على القنفه اللي خوله كانت منسدحه وراها و يود الريموت كنترول و يلس يجلب في قنوات التلفزيون.... خوله تم قلبها يدق بسرعه جنونيه .... خلاااااااااص بموووت انا اليوم... لو يصد بس شويه صوبي بيشوفني ... تمت خوله متيبسه في مكانها و تحمد ربها انه التلفزيون صوته شوي عالي و لا اكيد كان عبد الرحمن سمع صوت قلبها و تنفسها اللي كل حين يتزايد....

شويه و يدخل راشد و صوته معصب: عبووود قوم خل نروح القهوه

عبد الرحمن:رشوود شو بلاك ليش معصب ؟؟؟.... شو صار عليك توك تضحك؟؟

راشد بعصبيه زياده: بقولك في الدرب الحين خلنا نطلع من هنيه...

خوله حست انها خلاااااااااص طلعت روحها و هي يالسه فمكانها .... اكيد راشد عرف اني هنيه ولا شو بيزعله.... وين اودي ويهي منه يوم بيرجع ؟؟؟... انا شو الله بلشني ادخن الميلس اليوم.... كان ابرك لي ايلس في حجرتيه و اذاكر... الله ياخذ بليسج يا ندوووه ليش خليتيني ايي الميلس؟؟؟؟؟

اول ما طلعوا راشد و عبد الرحمن من الميلس و سمعت سارتهم تظهر من البيت .... نشت من مكانها و ربعت داخل البيت و على طول على حجرتها وقفلت الباب عليها و تمت تصيييح من خاطرها

[بنت البلاد]

الجزء الثاني:

ندى في جحرتها مع امها و يدتها اللي كانوا محتشرين على سالفه شغلها مع ابوها... ندى كانت يالسه على طرف شبريتها و ميوده راسها بين يديها و متكيه على ركبها خاطرها تصارخ على امها و يدتها الل يالسين مجابلينها على القنفه.... ليش يسوون جذيه... مدام ابويه و عمومي موافقين على شغلي معاهم ...ليش امي و يدوه معارضين.... تلراني بكون جدام اهلي اشتغل هب مكان غريب....

ام سعود: انتي بلاج متخبله ليش تبين تشتغلين؟؟؟

اليده: هذا كثر الدلع اللي ما ييب فايده

ندى شوي و بتصيح بس تحاول تيود اعصابها: انا هب دلوعه... انا ملانه من عيشتيه...

اليده بدت ندى تغمضها فقالت بحنان: بس يا بنتي البيت استر للبنت

ندى حست بلمحه الحنان فقررت تستغلها: يدووه فديتج ليش درست انا و تعبت نفسي علشان اييب الدرجات العاليه و ارفع روسكم؟؟.. ترى علشان يكون لي سلاح في هالدنيا... يدوه انا شو ضمني انه ريلي بيكون زين و يداريني... لازم اراويه اني مب سهله يطوف عليه....

ام سعود: هو خل يي اول و بعدين انشوف ؟؟

اليده بعد تفكير: لا ... صدقها ندى ... ما سمعتي عن بنت ام رامي جارت بنتج منال ... ريلها هدها و يا عيالها و اتزوج عليها و لا صرف عليها و هاكيه متبهدله الحين وا غمي عليها تدور على شغل هب لاقيه...

ام سعود: وابوبه على بنتيه بسم الله عليها من هالطاري

ندى ساكته و ما تبى ترمس علشان ما تخرب السالفه شكلهن بيقنعن بعض .... خلهن روحن يقتنعن...

اليده: بس ... خلاص عيل خل ندى تشتغل ... ترى صدجها ما بتسير بعيد ... بتشتغل عند ابوها ... ومادام ابوها و اعمامها وافقوا عيل خلاص ما بيضرونها راهم اهلها و بيحطونها في عيونهم...

ندى مستااانسه نشت و لوت على يدتها و تبوسها: فديتج يدوه .... يعلني ما اخلى منج يالغاليه....

اول ما طلعت اليده و ام سعود من الحجره تمت ندى تقافز من فرحتها.... خلااااص يا ناس بشتغل....ما اصدق ..ما اصدق... شوي و تسمع صوت باب ينصك بقو... زاغت و ربعت برع حجرتها... بسم الله شو صار؟؟ سارت على حجره حنان بس محد فيها... بعدها راحت على حجرت خوله و ناديه اللي مجابل حجرة حنانا و شافتها مقفوله... دقت الباب كم مره بس ما رد عليها حد غير صوت صياح... دقت مره ثانيه:
خوله افتحي الباب ... هذي انا ندى

... انفج الباب بالقو و شافت جدامها خوله في شكل اول مره تشوفه... عيونها متورمه من الصياح و حمر و ويها منتفخ... وفي ايدها كلينكس تمسح به دموعها

خوله محرجه: نعم شو تبين؟؟

ندى بهدوء : شو بلاج؟؟... خير شو صاربج؟

خوله: دشي بخبرج... مع اني ابا اكفخج

ندى دشت الحجره و يلست على الشبريه و تريت خوله لين تيلس عدالها

ندى: شو صار قوليلي

خوله تبدى تصيح مره ثانيه: راشد...راشد... بيكفخني... اعرف انه بيكفخني

ندى زاغت بس حاولت انها ما تبين و تكلمت بهدوء: ليش يكفخج؟؟ شو سويتي؟؟؟ فهميني اللي صار

خوله تصيح و تحاول ترمس .... و خبرتها باللي صار

ندى كانت راصه على شفايفها و عاضتنهن علشان لا تنفجر من الضحك على الموقف اللي طاحت فيه اختها... خاصه يوم قالت انها انخشت ورى القنفه...

خوله كانت منزله راسها وهي ترمس و اول ما رفعت راسها شافت اختها ميوده عمرها من الضحك... حرجت و شلت المخده من وراها و فرتها على ندى

خوله: مالت عليج الحين انا طايحه فورطه و بيكفخوني و انتي تضحكين

ندى انفجرت من الضحك و تمسح دموعها: ههههه والله انج خطيره ... عاد ورى القنفه... حد ينخش ورى قنفه؟؟ زين ما صد عليج عبد الرحمن شان شفتيه يربع برع الميلس يتحراج جنيه...هههههه

خوله و دموعها في عينها: خبريني شو اسوي اكيد راشد بيهزبني ... اكيد عرف عن اني كنت في الميلس...

ندى تنهدت: والله ما اعرف شو اقولج ... بس اذا يى بكون وياج و بنخبره عن اللي صار كله و انها مب غلطت حد ...انتي ما كان قصدج تكونين في الميلس يوم يى هو ويا ربيعه

خوله: ما دري انا اول مره اسمع راشد يتكلم بهالعصبيه كلها الله يستر

ندى : ان شاء الله ما بيصير الا كل خير

دشت عليهن ناديه و هي تير وياها تلفون الصاله و ترمس ويا ربيعتها

ناديه: هيه شفتها كيف فاله شعرها بالله حد ايي المدرسه فال شعره جنيه هاي

شافت خواتها يطالعنها بنظره مستغربات من كلامها

ناديه تكلم ربيعتها: عبوور بعدين برد اكلمج ... هييه... باي

ندى رافعه حاجب: بعدج عندج رمسه حشى من ساعتين تنرمسين فكج ما عورج

ناديه: بسم الله على فجيه ... و بعدين غريبه شو يايبنج غرفتنا ؟؟؟ دومنا نحن مطيحين في غرفتج من وين طالعه الشمس .... لا يكون من الغرب؟؟

ندى يودت راسها: افففففففف من رمستج ... يلسي و اسكتي شوي ... بنخبرج شو صار اليوم

ناديه و الفضول بيجتلها يت و يلست عند خواتها على كرفايتها: هااا شووو قولي بسرعه

خوله و ندى ضحكن على خبال اختهن و خبرنها شو صار في خوله
.....................

كانوا يالسين في الصاله و يسولفون عقب ما تعشوا... ام يوسف ترمس ولدها اللي كان يالس يطالع اخبار..

ام يوسف: فديتك يوسف يوم الخميس بغيت اسير بيت ربيعتيه في دبي من زمان ما مريت عليها..

يوسف صد على امه: بس امايه انا ماخذ اجازه من الدوام من باجر و بطلع و يا عيال عمي البر نقنص و بنرد يوم الجمعه ان شاء الله

ام يوسف: ومتى كنت ناوي تخبرنا بانك طالع باجر؟؟؟

يوسف: فديتج الغاليه .. و الله نسيت اخبرج

امل وهي تجلب في مجله: تراك وايد تنسى هالايام ... اللي ماخذ عقلك يتهنابه

يوسف يطالع اخته بنص عين: محد ماخذ عقلي

امل: طلع اللي فيخاطرك ... يالله

يوسف تنهد: اموووول خلي عنج

امل: شانك ما رمست انا برمس ترى حالك هب عايبني من كم يوم

يوسف هد التلفزيون وصد صوبهم: شو بلاه حالي هب عايبنج اختيه؟؟

امل هدت المجله و صدت صوبه: دوووم سرحان و اذا رمسك حد جاوبت باختصار .. ولا تراك ما ترمس...

يوسف: و طلعتي مدققه في حركاتي ... ما شاء الله عليج تنفعين في الاستخبارات

ام يوسف: بترمسون شو فيكم و لا شو ؟؟

يوسف : بخبرج امايه... انا مابا اخذ روضه.. واخاف اذا خذتها اظلمها

ام يوسف: شو تظلمها بعد... جيه ناوي تكفخها ولا تاخذ حلالها

يوسف يحك لحيته: لااا ... شو تقولين امايه؟؟ انا قصدي يعني ما اعرف اتفاهم معاها او هي ما تروم تفهمني

ام يوسف: اسمع ياولدي... ترى الحياه مشاركه ... يعني تعطي و تاخذ... و لا تتحرى كل زوجين عايشين طول حياتهم بليا ضرابه ... بس كل شي يستوي بالتفاهم و المعاشره بتخليكم تفهمون بعض... و روضه هب غريبه عسب ما تعرف طبايعك انت ولد عمها وهي بنت عاقل ولو حسيت انها ما راح تفهمك و لا ما تباك شان انا اللي كنت بعارض هالزواج... نحن يمكن اكبر عنكم بالسن بس اللي شفناه منكم انتوا الثنينه يوم كنتوا صغار ما يخفى ... انت اصلا طول عمرك تداريها ... بس يمكن من يوم ما تحجبت عنك و ما شفتها حسيت انها تغيرت... بس هيه لا تغيرت ولا شي هيه بعدها روضه اللي كانتها يوم صغيره

يوسف اول مره يسمع امه تحاول تقنعه بالعقل... اصلا هو من يفتح هالسالفه ما يعرف كيف ابوه يغير السالفه و لا يلقى جواب ... بس هالمره امه يالسه اتكلمه و تفتح عينه على امور هو ما كان يشوفها... كان يسمع كلام امه بكل حواسه و ما حس بدخلت ابوه اللي كان يسمع كلام حرمته و يلس عدال ولده...

بو يوسف حط ايده على كتف يوسف و قال: ترى يا ولدي كلام امك صح... وانته تراك تعرف روضه و تعرف اهلها اللي هم اهلك بعد و لا تنسى انها تربيه يدتك و يدك ... روضه لها طبايع ابوها عمك منصور... يعني فاهمه و عاقل تاخذ كل شي بطولت بال...

امل: هييه انا و لا مره شفتها محرجه او فاقده اعصابها على اي شي ... حتى مره يوم كنا في بيت عميه سالم ... كنا متيمعات و خلاص بنسير عرس وحده من ربيعاتنا و نتريا ندى تنزل ... يى سلطون و جب عليها الروب اللي كان في ايده عليها... تخيل على ثياب العرس ... تصدج كنا كلنا معصبين عليه الا هيه اللي دافعت عنه ... وسارت غسلت و ردت عادى ولا كانه صار شي... والله عجيبه هالبنت

بو يوسف: شوف يا يوسف.. البنت جوهره لا تضيعها من ايدك بدون سبب واضح... ترى حتى انا و امك اول ما تزوجنا كم ما صارت بينا مشاكل بس حليناها بالتفاهم و الحين شوفنا سمن على عسل... و صد على حرمته بنظره حب ...

امل و يوسف في نفس الوقت: ياعيني على الحب

وضحكوا كلهم .... يوسف كان يسمع راي اهله في اللي بتصير حرمته بعد كم شهر... هو ليش مكبر السالفه ... اذا هم كلهم يشوفونها بهالنظره ليش منو انا علشان احكم عليها ... اكيد البنت زينه بس انا مسوي مشكله من لا شي ...
.............................

الساعه 12 في الليل كان توه واصل من عند ربيعه عبد الرحمن ... هو طبعا ما قال له شو اللي مزعلنه .. بس عبد الرحمن و سوالفه اللي ما تنمل نساه الموضوع لفتره... بس اول ما دش الصاله و سمع صوتهن و هن يضحكن رد غضبه يشتعل في صدره .... من غصته فج باب الصاله بالقو و دش عليهن.....

خوله و ندى و ناديه يالسات في الصاله و يلعبن مونوبولي و مندمجات و يسولفن و يضحكن... بس اول ما سمعوا الباب ينفج بالقو خوله نشت من مكانها و حطت ايدها على حلجها... اول مره تشوف راشد معصب بهالطريقه ودمعت عينها وهي تعرف انه هالليله ما بتعدي على خير... ندى و ناديه كانوا نفس الشي خايفات من اللي ياي بس ندى حمدت ربها انه ابوها و امها و يدوتها نايمين فوق يعني ان شاء الله ما بيسمعون اللي بيصير...

راشد طار من مكانه و الشرر يطّاير قبله ...عطى اخته خوله طرااق و مسك ذراعها بالقو : انتي كيف اجرأتي و ييتي الميلس بدون شيله؟؟؟ شو عندج هناك هاااااه؟؟؟

خوله تصيح و ماسكه خدها المحمر : والله ما كنت اسوي شي بس كنت ادخن الميلس

ندى على طول وقفت جنب اختها : راشد استهدى بالله تراها ما كانت تعرف انك بتي و يا ربيعك...

راشد صد على ندى شوي و بيكفخها: انتي محد كلمج فاهمه؟؟؟

ندى ما سكتت: انا اللي طرشتها الميلس و قلتلها تدخنه

راشد عصب زياده: شوووووو نعم نعم ؟؟؟ و ليش ان شاء الله وين سارن الخدامات ما يدخنن الميلس؟؟..

ندى: الله يخليك راشد اهدى و بخبرك السالفه و قصر صوتك ترى الاهل نايمين

راشد: خير ان شاء الله خل ينشون و يشوفون بناتهم شو يسون... الحين بالله انا بقولكم شي ... لو شافها عبد الرحمن وين اودي ويهي منه... (سكتت شوي منقهر زياده) ...: لاا و انا بعد علشان اودي المدخن الميلس هديتهم بروحهم و يووم ييت شفت ربيعي يالس على نفس القنفه اللي خولووووه يالسه وراها ... لا تتحريني ما شفتج ... بس لو هب ربيعي موجود جان هاييج اللحظه جتلتج ود فنتج في مكانج

خوله تصييييح: والله ما كنت اعرف انكم بتييون ولا شو يوديني الميلس؟؟؟

راشد: سمعن.... كلامي يوصلكن ويتعداكن ... اذا شفت اي وحده في حوش البيت بدون شيلتها ما تلوم غير نفسها ... فاهمات ولا لأ؟؟؟

ما تريا جوابهن ...هدهن راشد و سار حجرته و هو بعده معصب.... خوله كانت بعدها تصيح و ندى تحاول تهديها .... الحمد لله محد نش من الاهل ولا شان استوت سالفه مالها اول و لا آخر... ناديه طول الوقت كانت ساكته ومبهته باللي صار... راشد الضحوك البشوش اللي عمره ما شافوه معصب اليوم زين ما جتل خوله ... ويدور في بالها شي واحد بس "احذر شر الحليم "راشد" اذا عصب" (متفيجه تطلع امثال و حكم)

حنان نزلت اول ما سمعت صوت باب حجره راشد ينصك بالقو ... هي كانت محطيه سماعات الاذن و تسمع شلات و تكتب اللي يعيبها.... وكانت تفكر في هذاك الريال و شكله هب راضي يفارقها... شكله هب غريب عليها... تحس انها شايفتنه في مكان بس هب مذكره ... كانت تتحرى الاصوات اللي يايه من تحت صوت التلفزيون ... بس صوت باب حجرة اخوها كان شوي و بيهد البيت... نزلت بسرعه تشوف شو صاير... شافت المونوبولي طايره اوراقه كل مكان في الصاله و شكل خواتها معتفس...خوله تصيح وندى حاضنتنها ......

حنان تسال ناديه: شو بلاكم ؟؟؟ بلاه رشود زين ما كسر باب حجرته؟؟

زختها نادبه على صوب: انتي كله آخر من يعلم في هالبيت ... تعالي بخبرج شو صار

....................................

في اليوم الثاني الكل نزل على الفطور الا خوله لانه البنات ما رامن يرقدن من اللي صار البارحه... حنان استعدت للكليه و ظهرت و يا ابوها ... و ناديه راحت المدرسه و يا اخوها سعود ... راشد شكله طلع من البيت من عقب صلاه الفير و راح للكليه ... فتمت ندى بروحها في الصاله ويا امها و يدتها...

اليده: فديتج ندووه وينها خوله ما شفتها نزلت اليوم ما وراها مدرسه؟؟..

ندى ارتبكت: اممممم يدوه.... خوله تعبانه على ما اظن عندها صداع...

ام سعود: وايه على بنيتي سيري و عيها بنوديها العياده...

ندى: لا لا لا امايه ما يحتاي ... هي خذت الها بندول يوم وعيتها على صلاة الفير و شكلها بتنام لين الظهر... البارحه كنا سهرانين و يمكن عسب جذيه هيه مصدعه...

اليده: انا كمن مره قلت إلكن ما في فايده من السهر ... ما ييب غير ويع الراس...

ندى وهي تتذكر البارحه: اظن عقب البارحه محد بيسهر ...

ام سعود: ليش شو صار البارحه؟؟

ندى: هاه؟؟ ما شي ... بس شكلنا زودناها... المهم ما بتروحون العزبه اليوم؟؟...

اليده والله في خاطريه اروح بس رويلاتي ما يشلني...

ندى : عيل انا بروح عند سويره بشوفها شو مسويه ..

اليده: يوم بتطلعين خبريني عسب اطرش شوي خل من اللي سويتنه من كم يوم..

ندى: اوكي

......................

طلعوا شله الشباب للبر في ثلاث سياير ... سعود و خليفه و فيصل في سياره سعود و معاهم جدور الاكل.... عمر و حمد و عبد الله في سياره عبد الله و معاهم الخيام و الفراشات ... و يوسف و ربيعه معاذ في سياره يوسف و معاهم الطيور... كانوا طالعين يوم الاربعاء العصر و لين ما يوصلون يبالهم ثلاث ساعات فبيبدا القنص ان شاء الله بالباجر الفير... الجو كان روعه ... براااااااد بس بدون هوا.... فاول ما وصلوا نصبوا الخيام قاموا في مجموعات يستكشفون المكان و بعضهم تموا في مكانهم ولّعوا النار و يلسوا حواليها يريحون من السواقه و الدرب... يوسف و معاذ و عمر كانوا ويا بعض يتمشون و يلقطون اغصان و حطب حق النار علشان يسخنون الاكل عليها و يدفون بها... يوسف كان اليوم مستانس غير عن العاده ويغني بصوت واطي فساله عمر...

عمر: ما شاء الله... الله يدوم السعاده عليك... يسوف خير خبرنا شو مونسنك؟؟

يوسف: شوف الجو ما احلاته و طالعين من البيت وياهالويوه الزينه و ما تباني استانس؟؟

عمر: خل عنك اونه ويوه زينه ... كلنا جلحين ملحين ... و شان على القنص ترانا دوم نظهر ... شو غير هالمره؟؟

يوسف ارتبك: مادري اخاف اذا قلت تاكلني..

عمر حس انه بيرمس عن اخته روضه بس شو سالفته انزين ؟؟: قول انا مب من اكله لحوم البشر... اصلا حتى لو كنت شان ما كلت لحمك مبين عليه عص و بيسويلي مغص... هههههه

معاذ يعرف كل سوالف يوسف فحب انه ما يدخل في موضوع زواج روضه من يوسف لانه يعرف باخر التطورات من يوسف...: عيل انا بخليكم بروحكم

عمر: لاا لاا وين ساير ييلس

معاذ: لا ما عليه انتوا خذوا راحتكم و انا ما بطول بروح شوي صوب الشرق بلقط حطب .... لو اتم وياكم بتمون ترمسون و ما بنتعشى اليوم...هههه... ونش و سار عنهم...

صد عمر على يوسف: هاه قول شو فيك؟؟

يوسف: انت تعرف اني ما كنت مرتاح وايد اني اخذ اختك ...

عمر: تصدق اني من كثر ما مستهم عليك و عليها سالت ابويه عنكم و طلع انكم من كنتوا صغار كنتوا دوم ويا بعض ... فشو اللي غيرك عليها ... ليش ما بغيتها؟؟

يوسف تنهد: يمكن لانه الاهل قرروا بنفسهم حياتنا ... و على كيفهم قالوا يوسف لروضه و روضه ليوسف... وانا بغيت اني انا اللي اخطبها ... ما اخبي عليك و اسمحلي اقول اني طول حياتي ما فكرت اخذ حد غير اختك ... بس تدري بعد بغيت اقرر هالشي بنفسي هب انجبر عليه او انحط تحت الامر الواقع... فاهم شو اقصد؟؟

عمربتفهم : الصراحه هيه ... انا يوم خطبت اختك خذتها بعد ما فكرت في الموضوع و جلبته يمين و يسار ... و بعدين طلبت ايدها من ابوك عن اقتناع مب مجبور ولا شياته... ويمكن هاذا اللي مريحني مع اني للحين ما كونت نفسي ... يا اخي انا حتى سياره للحين ما عندي ....هههههه

يوسف يضحك و ارتاح في نفس الوقت انه عمر فهم وجهة نظره: هههه... انزين ليش ما تاخذ ... انا ما اشوف عليك قصور و ابوك ما شاء الله يروم ييبلك بدال السياره عشر ...

عمر: لاااااااا وين تبى؟؟.... نحن فبيتنا مستحيل اني اطلب من ابوي اي شي... اذا بغيت شي روحي لازم ايمع و اشتريه ... جزء من تقنيه الاعتماد على النفس اللي متبعنها ابويه علينا في البيت.... بس يالله هانت ما تم شي... على الشهر الياي ان شاء الله باخذ سياره...

يوسف: والله انه عمي منصور تفكيره عجيب... زين يسوي فيكم جذيه عسب ما تختربون... هههههههه

عمر: هيييييه ترى اللي ايده في الماي غير عن اللي ايده في النار... انته تروم تتسلف من البنك و ابوك ما يرفض لكم طلب ... هب انا كل ما قلت ابى شي نطت حكمه ابويه" اذا عندك امش و اذا ما عندك ايلس"....هههههههههه

يوسف: ههههههه شكلك وايد بتيلس انته .... دومك ما عندك شي هههههههه

عمر: يحليلي بيي اليوم اللي بيقدرون فيه مواهبي و قدراتي الجباره في هالشركه و بشغل منصب كبير و الكل بيسويلي الف حساب .... سامع يالنسيب هههه

يوسف: لين ايي هاك اليوم بنكون شوبنا و لا شفنا منك شي هههه ....... كله عاد و لا ابويه و عمامي ما عندهم سوالف الواسطه... اثبت نفسك و اترقى ... هههه وانته لين الحين ما ترقيت من حطوك وياهم هههههه

عمر: هههه الا انا وراهم و الزمن طويل و غصب طيب بترقى...

رد عليهم معاذ وهم محمل حطب و كل شوي طاحت حطبه و ينزل مسكين يلقطها ... شكله مسكين يضحك ما يبين ويهه من الحطب... نشوا يوسف و عمر يعاونونه... و راحوا كلهم صوب البقيه اللي كانوا يسخنون العشى و يتريونهم

حمد: وين سرتوا ؟؟؟ تحريناكم ضعتوا قلنا خل نسوي فرقة تفتيش بس محد هاين عليه يهد الاكل ويدوركم ...هههه

عبدالله: ههههه عند البطون تعمى العيون .... وين ندوركم و نحن نحاتي بطونا؟؟...

معاذ: مادري منو طول الدرب الا وقفوا عند الشيشه تبون تملون هالبطون... حشى خيش عيش هب كروش عليكم

حمد بفخر ويمسح على بطنه المشدوده: خل عنك كله ولا بطني ... منكثر ما نا رياضي صاير طبقات بعد ... هب عبود اللي ما يدريبها الرياضه وين

عبدالله: سير لاه اونه رياضه... خلاص بويه انا بس اخلص هالكورس ولا عليه من الرياضه باكل كثر ما ابى... وجانها الكرشه للحين ما ظهرت بتظهرها ليه حرمتي ولا شو خانتها ماخذنها....ههههههه

فيصل: الله يعينها هالمقرووود حضها اللي بتاخذك انته شانك ماخذها بس علشان تطبخلك ههههه

عبدالله: الا تحمد ربها و تبوس ايدها ويه و ظهر شاني انا عبدالله تنازلت و خذتها

سعود: ههههههه جيه بتتنازل و بتاخذها؟؟..... ان شاء الله بتاخذلك بشكارتكم ؟ هههههه

عبدالله: هههههه لا تذكرني فيها ...كل ما تشوفني لخبطت الدنيا فوق تحت... مره كنت ساير اقولها تزهب الغدى و هي كانت تكوي ثيابي ... اول ما شافتني تمت مبحلقه فيه ونست الكوايه على كندورتي لين ما احترقت الله يخسها ... كندورتي كانت يديده لين الحين متغمظ عليها ما لبستها ولا مره....

معاذ: ههههههههههه والله انك سوالف ويا خدامتكم

فيصل صد على خليفه: ها خليفه اشوفك سرحان وين وصلت

سعود: عاد خل القيس خليفه فصوب اصلا ما اصدق اني رمت اقنعه يهد حرمته بيت الوالد علشان ايي ويانا القنص

خليفه: اااااااااه ما احلى الزواج والله الها وحشه حرمتي وولدي

فيصل: ياعيني على الحب هذا وانته ما كملت يوم بعيد عنهم هالقد مشتاق الهم

خليفه: انته ما تزوجت علشان تحس باللي احسه

فيصل: يالله زين اشرحلي

خليفه: اسمع عيل...

بعدك يزيد الشوق .. قربك يزيد الحب ## واصبحت انا المحتار ما بين بعد وقرب
حبي يبي يزداد وشوقي يبي يكبر ## تايه انا كلي مــــــا بين عين وقــــلـــب
في البعد لك اشتاق مهما تكون ابعيد ## في القرب انا اهواك يا غالي واتعذب
لا تقـترب مـني ولا تبتعد عـنــي ## ابقي لي لو تسمح يا عمري نص الدرب
شوقي اذا لك زاد ما اضمنه يبقى ## حتى ولو هو قل .. خوفي ترى ينضب
والحب لو كثر .. زادت بي الغيرة ## وان ذاب لك قلبي يمكن ترى ما حب
خلك مثل ما نته .. لا تغير اسلوبك ## راضي انا ابكل شي لو أشقى أو أتعب
ارتاح وريحني ولا تشترط أي شرط ## واحلامك ان ضاعت .. مالي انا أي ذنب**
وسلمتوا

حمد: صح لسانك ... مادريبك تقصد يا ولد العم

سعود: هههههههههه هذا الحب و ما يسوي
...................................

يوم الجمعه و عقب صلاه الظهر كانوا الشباب مستعدين انهم يروحون بيوتهم ومستانسين بهاليومين في البر.... وعقب ما دخلوا الاغراض و ركبوا السيايير كانوا يتريوون معاذ يتاكد انه النار طفت... ما سمعوا الا صرخه ... ترابعوا كلهم يشوفون شو صار... معاذ كان يالس يتلوى على الارض و ماسك ريله اليمين ... يوسف يلس عدال ربيعه خايف عليه: شو فيك ..؟؟

معاذ ماسك على ريله بالقو: ااااااااه.... حيه .. حيه لدغتني..

يوسف خوز ايد معاذ يعاين مكان اللدغه ... الحيه لدغت معاذ في ساقه... على طول طر يوسف شريط من وزاره و ربط فيه ريل ربيعه من فوق عسب يحبس الدم ... و تم يمص مكان اللدغه و يتفله بعيد و يعيد الكره كمن مره.. الشباب كانوا يحاولوون يخلون معاذ ناش لانه هب زين له انه ينام ... بعد فتره قصيره شلوا معاذ في سياره يوسف و عمر ركب وياهم عسب يتم يوعي معاذ... كانوا يسوقون بسرعه خطيره عسب يوصلون المستشفى قبل لا يفوت الفوت ... و السيايير الباقيه تتبعهم من وراهم ... بس صار اللي كانوا هب حاسبيله ... من سرعتهم سيارة يوسف انجلبت و هي تنزل من عرقوب و تجلبت مرتين قبل لا تهدى آخر شي مجلوبه تحت العرقوب....

....................................

شو بيصير في الشباب ؟؟
و البنات شو بيصير فيهم بعد؟

[شوق العيون]

كملي كملي بليز
أوه سوري مشكورة على الجزء اليديد

[بنت البلاد]

الفصل الرابع:

الجزء الأول:



كالعادة في هاليوم الكل مجتمع في البيت العود.... الرياييلفي صوب رمستهم عن الشغل و الشركه ... و الحريم الكبار عل صوب و طبعا رمستهن عنالبيت و الطباخ و البشاكير... و راشد كان يالس وياهن و يتفلسف عليهن... لانه اذايلس مع الرياييل باذونه على سالفة انه يشتغل في الشركه.... واخيرا البنات يالساتعلى جهه رواحهن والصوت كالعاده عالي و هزاب يدتهن كل شوي يوصلهن...



ساره: انا خلاص ققرت اييب خدامه في بيتي



نادية: لااااااااااااااا ما أصدج.......... اخيراااا بتيبينخدامة؟؟... امبح صوتي و انا اقولج هاتي وحدة تريحج



ندى ترمس سارة: بس ليش غيرتي رايج؟؟؟



سارة احمر ويها بشكل حلو



حنان اتشججت: عرفت.... سوير حااااااااامل



كل البنات عيونهن على ساره و يتريون الرد على احر منالجمر....



ساره ابتسمت و هزت راسها على الخفيف: يوم الاربعاء رحتالعياده عسب اتاكد ... و قالولي اني في الشهر الثاني



ندى: اللللللللللله... يعني سلوم بيستوي عنده اخو ولا اختنونو.... خبرتي حد و لا نحن اول من يعرف؟؟



ساره: انتوا اول من يعرف عقب ريلي طبعا



ندى بعد تفكير: اها... علشان جذي البارحه كنتوا شويبتطردوني من بيتكم ... اكيد كان عازمنج على عشا رواحكم... ههههه



روضه: هههه ياعيني على الحب...مبرووووكه .... لحظه خل نسوياعلان حملج...



نطت ناديه واقفه و صفقت بايدها ثلاث مرات بصوت عالي علشانتجذب انظار اللي في الصاله: احم احم ... عندي لكم خبر بمليون..... يالله منوبيعطيني؟؟؟



ام سعود: ندوي رمسي و خلصيني... و عن الهذربان اللي ما ييبو لا يودي



ناديه بوزت: امايه مفسدت اللذات... خلهم يعطوني اي شي وبخبركم الخبر الحلو



اليدة: ندوي اتحيدينها العصا وين بتيج ان ما رمستيالحينه



ناديه: خلاص خلاص انتوا ما يتسوالكم تشويق



اليدة: شو شقيق هذا بعد



ناديه: تشويق هب شقيق يدووه ... بس ما علينا ......



وصرخت بصوت عالي... سوير حاااااااااااااااااامل



ام سعود: ندوي... خفي صوتج حشى وين يالسين صميتينا



الكل قام و بارك لساره على حملها ... و تحولت رمسه الحريمعن اليهال و منو تعبهم يوم كان صغير و منو الهادي فيهم... و راشد بعده يالس وياهنمستمتع بسولفهن و كل شوي يدش عرض عليهن



راشد متفاخر بعمره: اصلا محد اهدى عني يوم كنت صغريون .... ما كان ينسمعلي حس



اليده: محد طفربنا غيرك... مسود الويه ما خليت شيره فيهالبيت ما عفدت عليها و كسرتها... وا غمي على اللوزه... عشر سنين تمت عندي ناكلمنها و رشود الدقمه كسرلي اياها في يومين..



راشد مسوي عمره زعلان: يحليلي كل الخراب في هالبيت بيحطونهعلي ... ولا انا ما سويت شي... صح امايه؟؟



ام سعود تطالعه بنص عين: لا حاشاك ولد سالم ... مادري منوكان راكب على الجاراج و طاح و كسر ايده و جبسوها له و تم فيها اسبوعين



راشد: انا ؟؟؟ متى ؟؟... لا كسرت ايدي و لا ركبت علىجاراج



اليده: اقول رشود قوم من جدامي لاييك بالعصا و اكسرلك ايدهو ريولك بعد



راشد فز من جدامها: هههههه خلاص خلاص يدوه ... مستويهبهالعصا فيلم رعب ما نقول شي الا بتشلخينا بعصاج



اليده: تراكم ما تييون الا بها



راشد ما تم عنده حد يغلس عليه غير البنات فسار عندهن... خوله يوم شافته ياي قامت من مكانها و راحت غرفتها خافت ينفتح موضوع الميلس و ربيعهمره ثانيه فاعتذرت انه عندها مذاكره .... و لحقتها ناديه و امل اللي خبروها السالفهالبارحه بالتلفون....



ندى شافت راشد ياي صوبهم.... بعدها متغصصه من سالفته و ياخوله: نعم خير انشاء الله شو يايبنك؟



راشد: بسم الله ... من عيونج لا تطالعيني جذيه ...محد يايعندج... انا ياي عند سوير حبيبتي ابارجلهاعلى حمالها



ساره قالت بحنان ( طبعا ماخبروها بالسالفه... و حتى لوخبروها بتوقف في صف اخوها الحبيب راشد)...: تعال حبيبي ايلس عندالي ... و قوليشاخبارك و اخبار الكليه و البحر



راشد يلس عندال اخته: فديتج محد يعبرني غيرج في هالبيت ... و لا هاي ندوووه كله مكافخ عندها... مادري ليش هب طالعه رقيقه مثلج؟؟؟



ندى: مالك خص فيني جان ما تبى كفخه تييك الحين



راشد: ما عليه منج انتي... انا بكلم سويَر الرقيقه... شوسالتيني؟؟... هيه الكليه زينه والله و تراني اعجبج... شاطر و دحاح بعد.... ترانيتربيتج



ساره: هييييييييه يا رشود صرت ريال و النعم... احيدك يومصغير ... طلعت لي الشعر الابيض وانا ادرسك



ندى: ويييييييييييييييو احسن عندج اياه ... قطعيه



راشد: انا ؟؟؟؟ اصلا انا من طحت في هالدنيا و انا عبقري ماشاء الله عليه ما يبالي حد يذاكرلي ...



دق في هاذيج اللحظه موبايله... يوم شاف المتصل فز قلبه مايعرف ليش... المتصل فيصل ولد يرانهم ... بس ليش يتصل؟؟ هو رايح القنص و يااخوانه وعيال عمه ؟؟؟ شل تلفونه و استاذن من خواته علشان يرمسه في الحوش...



راشد: هلاااااااااااا بالقناصين شخباركم؟



فيصل بجديه: راشد انت وين؟؟



راشد : في البيت العود... خير انشاء الله شو صار؟



فيصل: اخوانك بخير بس عيال عمك يوسف و عمر في المستشفى



راشد بلهفه: في المستشفى؟؟ بسم الله ...خير شو فيهم.. روعتني؟؟



فيصل: بخبرك يوم بتوصل



راشد: في اي مستشفى؟



خبره فيصل عن اسم المستشفى ووين مكانهم بالضبط



بعد خمس دقايق رجع راشد الصاله متغير شكله وراح عند ابوه وخبره في اذنه عن اللي قاله فيصل ... و راح غرفته و سحب سويج سيارته و بوكه ورد نزلمره ثانيه .... الحريم و البنات حسوا انه شي صار ... بس الرياييل ما عطوهن فرصهيسالونهم ... الرياييل كلهم ظهروا مره وحده من الصاله...



اليده تزجر ولدها اللي كان طالع من الصاله : سالم ... بوسعود يا وليدي خير شو فيكم ؟؟



بو سعود بتوتر : بعدين امايه بخبرج... بعدين

............................................

[بنت البلاد]

فوق و هب حاسات باللي يصير تحت .... خوله مكتئبه و عيونهاتدمع و يالسه على شبريتها و ناديه و امل يالسين حذاها....



امل: انتي لين متى بتمين تشردين من اخوج؟؟ تراكم في بيتواحد مصيركم تتلاقون



ناديه: يالله عاد خولووه.. طوفيها له ... الا طراق واحد ... ترى ما صار شي ... انا اول ما شفته داش الصاله بهذيج الحاله قلت اليوم اكيد حدبيموت ... بس ما صار شي



خوله و عيونها منتفخات ... من كم يوم تصيح على هالسالفه: هالطراق على قولتج ياني انا و ياني بظلم هب حق... انا مالي دخل في اللي صار ... شوذنبي انه ياب ربيعه و انا في الميلس ... ترى ربيعه ماشافني



امل وااااااااايد غامظتنها بنت عمها و ربيعتها: حبيبتيخوالي ... خلاص انسي السالفه ... و ترى مثل ما قالت ندوي ما صار شي كبير و محد يدريمن الهيئه العليا في العايله



خوله: انتن ما تحسن بنظراته لي يوم يشوفني... كلها اتهام ... هذا وربيعه ما شافني و لا صار من بينا شي وجذيه نظراته شو بيستوي لو صار شي؟ماادري احسن رشود ما بيرد يثق فيني مره ثانيه



ناديه: ما عليج من رشود... رشود طيب و مصيره بيقتنع انه ماصار شي و انه هو مكبر موضوع ما يستاهل ...



في هاللحظه دشت حنان و ندى و روضه غرفه خوله... وشكلهن كانمهموم يلست ندى و حنان و روضه على شبريه ناديه ...

ناديه يوم شافتهن دشن بهالشكل غرفتها و خوله استغربت... مشمن عادتهم يجتمعن هني ... بالعكس كله يجتمعون في غرفه ندى ...



ناديه: خير بلاكن؟؟؟

حنان: راشد ياه تلفون مادري من منو... طلع رمسه في الحوي ويوم رد كان شكله متغير ... متضايج ... ما ادري شو قال حق ابويه و عمامي بس ثواني وكل الرياييل ظهروا و ما خبرونا شو صاير...



روضه ميوده على قلبها: قلبي ناغزني على الشباب احس صايرفيهم شي



ندى: لا ان شاء الله ما فيهم الا العافيه



ناديه : انا بتصل في سعود و بتاكد انه ما عليهم شر



سارت ناديه صاله الطابق اللي فوق و سحبت التلفون لين الجحرهو دقت على اخوها... رن التلفون و رن و رن لين انقطع الخط و محد شله... زاغت ناديهكله ولا اخوها الحبيب سعود شو فيه ما شل التلفون؟؟ ردت دقت مره ثانيه ومحد شله... ناديه بدت عيونها تدمع و ايدها ترتجف ...اكيد صاير شي و لا ليش ما يرد علىتلفونه...



ندى يوم شافت شكل ناديه بتصيح سحبت السماعه و دقت على خليفهو كل البنات عيونهن عليها ... رن التلفون مرتين و بعدين سمعت صوت واحد تعبان يردعليها



ندى ارتاحت و زاغت نفس الوقت هذا خليفه بس ليش صوته هالكثرتعبان؟؟: خلووووووف حبيبي ؟؟



خليفه: ندى؟؟



ندى:الحمد لله رديت علي... شو فيكم؟؟؟ ليش سعود ما يشلتلفونه؟؟ و راشد توه ظهر مع الشواب و شكلهم كان مستعيل ؟ قولي صاير فيكم شي؟؟



خليفه: ندى منو عدالج؟؟ لحظه لا تجاوبين انا بقولج الاسماءو انتي جاوبي هيه و لا لأ و لا تحسسينهم بشي... و لا اقولج احسن طلعي بروحج بعيدعنهن..



ندى طالعت البنات و طلعت برع في الصاله و صكت باب الحجره: قولي شو فيكم؟؟ روعتني



خليفه: يوسف و عمر و واحد من الربع سووا حادث و الحين يوسفويا معاذ ربيعه في العمليات



ندى: و عمر؟؟



خليفه: لا عمر ما ياه غير كسر في ايده و الحمد لله ما عليهشر ... بس يوسف الظربه يته قويه ... ندوه لا تخبرين الاهل بس اول ما يصولون الشوابيصير خير بنشوف شو بيصير على يوسف و ربيعه



ندى: خليفه الله يخليك اذا صار شي خبرني و يوم بيطلع يوسفاتصلبي لا تخليني على اعصابي



خليفه: خير ان شاء الله... وينها سعاد عنّج؟؟



ندى: يالسه و يا يدوه و الحريم تحت



خليفه: ديري بالج عليها ... ترى بعدها ضعيفه و الحمالمتعبنها بس ما تشتكي



ندى: ما عليه انا بحط عيني عليها لا تخاف انت بس خبرني شوبيصير عندكم



ندى صكت التلفون و ردت داخل الغرفه و حاولت تبتسم خاصه انهبنات عمها وياهن..



حنان: هاه بشري شو صار عليهم؟؟



ندى: ما صار عليهم شي



حنان: عيل ليش طلعتي بالتلفون برع ؟؟



ندى: هب لشي... بس ان بديت ارمس ما بتخلوني اسمع شي منحشرتكن



حنان ما اقتنعت بالجواب بس سكتت



ندى صدت على اختها خوله اللي من دشت الغرفه ما قالت شي



ندى: بلاج خوله حبيبتي ؟؟



امل: سالفه الميلس و راشد



روضه: اي سالفه؟؟



يلسن البنات يخبرنها شو صار ... و كل وحده تفكر في خاطرهاشو قال خليفه حق ندى

.....................................



وصلوا الشواب و يا راشد اللي كان طاير بهم لين المستشفى... و سألوا الاستقبال عن مكان العمليات و قالولهم اسماء يوسف و عمر و معاذ... و دقايقو كاوا جدام غرفه العمليات اللي و رى بيبانها كان يوسف على شبريه ما يدري بالليحواليه... شافوا رياييل ما عرفوهم .. اكيد اهل معاذ ... ساروا و سلموا عليهموواسوهم في محنتهم المشتركه...



راشد عقب ما سلم على الرياييل سار صوب سعود و فيصل و خليفهو عمر اللي ايده مجبسه...

راشد: سلامات عمر ما تشوف شر ... شو صار عليكم و كيف صارهالحادث؟؟



سعود خبره باللي صار لمعاذ و كيف انه يوسف كان يسوق بسرعه وما انتبه على العرقوب اللي صار عليه الحادث...


راشد: الله يعين... شو قالوا عن يوسف...



سعود: فيه نزيف داخلي و يته ظربه قويه على راسه وهم الحينيحاولون ويا النزيف في العمليات



راشد: و معاذ؟



فيصل: معاذ يته ظربه صوب راسه بعد بس ما فيه نزيف و الحينهم يحاولوون ويالسم اللي في ريوله ما يبونه ينتشر



راشد: لا حول و لا قوه الا بالله..... الله يصبر اهله ويصبرنا على هالمصايب



و هم يرمسون طلع الدكتور من غرفه العمليات... و ساروا كلهمعنده



بو سعود: هاه بشر يا دكتور شخبار يوسف و معاذ؟؟



الدكتور: و الله كل ده حنعرفه بعد اربعه و عشرين ساعه... معاز رجله صارت بخير و نحنا حنعطيه مضادات حيويه كم يوم بس الضربه اللي جت في مخههي اللي حتخليه في غيبوبه و ان شاء الله حيخرج منها خلال يومين



بو يوسف: و يوسف؟



الدكتور: و الله يوسف حالته عند ربنا.. مش عاوز افزعكم بسالظربه جت اويه على مخه من جهة مركز البصر ... واللي خايفين منه انه يجيله عمى



الكل انصدم... يوسف يعتمي ؟؟؟ بو يوسف مسك على قلبه و يلسبتهالك على كرسي قريب... الدكتور اول ما شاف حالته نادى على الممرضين اللي في القسمو دخلوا بو يوسف وحده من الغرف علشان يكشفون عليه

[بنت البلاد]

الفصل الرابع

الجزءالثاني:



مرن اليومين اللي طافنمثل الدهر على العايله كلها ... ام يوسف ما خازت من المستشفى و مره مع ريلها و رفيقعمرها و مره مع ولدها الوحيد ... كانت تبين متماسكه و من سمعت الخبر لين هاليوم ومحد شاف دمعه في عينها غير ام سعود اللي كانت طول الوقت تواسيها و تساعدها علىالمحنه ... كانت كل العايله موجوده في المستشفى اول يوم و بعدين تموا يتناوبون علىالحظور بسبب دواماتهم و مدارس العيال .... بس الكل كان مع ام يوسف و بنتها امل الليمن كثر ما اهي متعلقه باخوها الوحيد عيونها ما رامت توقف من الدموع....



يوسف نش من غيبوبته خلالالاربع و عشرين ساعه الاولى بس الدكاتره ما خلوه ناش فتره طويله لانه ما كان بيتحملالالم اللي في راسه ... فكان دايما نايم و ما يحس باللي حواليه... امل و امها كانوادوم يوم يزورونه ييلسون على راسه و يقرون عليه من القران الكريم و يدعونله انه مايصيبه العمى مثل ما قال الدكتور و انها كانت ظربه و ما منهاخطر...



كانت امل يالسه عنداخوها يوسف و في ايدها المصحف و هي تقرى منه و دموعها في عينها... دخلت خوله عليهمبعد ما دقت الباب... امل اول ما شافتها ما رامت تيود عمرها و بدت تصيح مره ثانيه... لمتها خوله في حضنها و هي شوي و بتصيح على حاله ربيعتها اكثر من حاله ولدعمها..



خوله و صوتها مبحوح: شوفيج غناتي... ليش هالصياح كله؟؟؟



امل و هي تصيح بحرقه: مااروم يا خوله.. ما اروم اشوفه على هالحاله.. لين متى بيمت جذيه ما يتكلم ما يقوليشي؟؟..



خوله: اصبري شوي عليهلين يخوز تاثير المنوم اللي يحطونه له الدكاتره... و هو بخير ان شاء الله ما عليهشر



امل رفعت راسها و تطالعخوله: بس ليش يصير له جذيه؟؟ ليش يوسف اللي يصيبه العمى؟؟



خوله: امل استغفري ربجهذي حكمته ... و بعدين انتي اكثر وحده تسمع المحاظرات ما اظن انج بس تسمعينهم بدونما تستفيدين... خلي ايمانج بالله قوي ... و ادعي لخوج بدل هالصياح اللي لا يودي ولا ييب ... و ان شاء الله الله بيهون عليه ... و ان شاء الله ما بيصيبه العمى... وبعدين انتي ما تبين يوسف يوم ينش يشوفج تصيحين ولا زعلانه و لا بيزعل هو بعدعليج



امل مسحت دموعها :صحكلامج .... استغفر الله... ان شاء الله بدعيله و ما بصيح مره ثانيه... مشكوره ياخوله على كلامج ترى الانسان المسلم دايما يحتاج من يذكره بربه ... و انتي ذكرتينيباللذي بيده كل شي



خوله: هيه خلج جذيه املاللي دايما الله في بالها و ذكره على لسانها و لا تنسينه في لحظه خاصه في المصايبلانه مالنا الا ربنا في هالوقت نشكيله و ندعيه

.................................



اليوم اول ايام دوام ندىفي الشركه و يا ابوها و كانت يالسه تتلبس و تتجهز و يبين عليها الارتباك لو انهاتحاول انها تخفيه بس حنان حافظه اختها مثل راحة ايدها و تحس فيها كانت كاشفتنها وتضحك في سرها عليها



حنان: ندى شيلتج عندالبشكاره يالسه تكويها و عباتج اكيه ها معلقه على الكبت



ندى سارت تسحب العباهعلشان تلبسها: ادري انها معلقه... انا يالسه ادور على نعالي



حنان: نعالج الاسود ابوالسير من ورى؟؟ تراه هاكوه في مكانه وين حطيتيه امس



ندى ترور و تحوس فيالحجره: وينه ما اشوفه... لا اله الا الله

حنان: ههههههههه شوفيجندى؟؟ هدي هدي تقول رايحه يشنقونها من كثر الزياغ



ندى: انا هب زايغه و لاشياته



حنان: لا واضح... انزينوين ساعتج ما اشوفج لبستيها؟؟؟



ندى تطالع ايدهامستغربه... صح شوفيها من الربكه ما لبست ساعتها و لا تعرف اصلا وينها علشانتلبسها... تنهدت و يلست على الشبريه تاخذ نفس



حنان تقربت من اختها: شوفيج؟؟... ريلاكس .. تراج بتروحين مع الوالد و ما بيخليج مكان ما ترتاحين فيه ميهبالميه ... ليش الزياغ؟؟؟



ندى حاطه راسها بينايدينها و متكيه على ركبها: انا هب زايغه بس مرتبكه ... كيف بتعامل مع الموظفين ؟؟و كيف بيعاملوني؟؟ ما ابى اكون متميزه باني بنت راعي الشركه... ابغيهم يعاملونيعادي حالي حالهم



حنان: انتي تتحرينالوالد بيخليهم يعاملونج بتميز... هاهاهاااااا ما عرفتيه عيل... هو اول واحد بيعاملحالج حال اي موظف ... و الموظفين يوم بيشوفونه كيف يتعامل معاج بيعاملونج مثلهم.... فلا تخافين بتثبتين وجودج بينهم بشغلج هب بنسبج هههههههه



ندى ارتاحت شوي: زين عيلخل اخلص و ازهب و الا اخاف ابويه يهدني و يروح و ابتلش انا منو يوديني؟؟ههه



حنان: يالله عيل اناطالعه الكليه و يا الدريول و بعد الكليه بمر المستشفى اشوفاخبارهم



ندى: بحفظ الرحمن... وادعيلي الله يوفجني



طلعت حنان من الغرفه وراحت الكليه... ندى عقب ما لبست ساعتها اللي كانت على الكوميدينو و عباتها نزلتتشوف الشيله و تفطر ويا اهلها قبل لا تروح الشركه ...



اول ما وصلت الشركه راحتمع ابوها مكتبه .. بو سعود سلم على السكرتير و طلب يدش عليه عقب دقيقتين و ييب معاهدفتر المواعيد...ندى اول مره تدش المكتب بعد ما تغير ديكوره ... تمت منبهره شويبالفخامه و الذوق اللي كان يبين في اقل تفصيل... يلس بو سعود ورا مكتبه و يلست ندىعلى الكرسي اللي مجابلنها..



بو سعود: شوفي يا ندىانتي بتشتغلين في الشركه مثل ما قلت لج حالج حال اي موظف موجود بالشركه ... يعنيالصح بنثني لج عليه و الغلط بتانبين عليه ... و اذا واجهتج مشكله حاولي تحلينهابروحج او اسالي الاستاذ جاسم سكرتير الاستاذ فيصل ...



ندى اول ما سمعت اسمفيصل انتبهت... يعني هي بتشتغل قريب من فيصل ولد يرانهم؟؟ هي اتعرف انه يشتغل فيالشركه بس ما تعرف اي قسم ... بس يمكن هذا يكون فيصل ثاني؟؟؟



سمعوا دق خفيف على الباب .. و دخل داوود السكرتير شال دفتر المواعيد



داوود: نعم استاذ بوسعود؟؟؟



بو سعود:شو المواعيداليوم؟؟



داوود: استاذ عندك موعدمع شركه اليوسف للمقاولات على الساعه 10 و موعد مع البنك الساعه 12



بو سعود: خلاص عيل... بسانا بطلع على الساعه وحده و نص و بروح المستشفى فاي موعد ثاني اجله لين يومثاني..



صد بو سعود على ندى وقال: داوود هذي ندى و هي يايه تشتغل مع جاسم سكرتير الاستاذ فيصل في قسم الحاسبالالي... ابغيك تطلب من جاسم ايي و يعرفها على القسم و مكان شغلها و في ساعهالاستراحه ابغي حد يعرفها على الشركه و اقسامها... شوفلي منو يروم يسوي هذا الشي ... و هي بتروح معاي الساعه وحده و نص ...خبر جاسم



داوود: خلاص استاذ بوسعود الحين بزجر جاسم ... اي شي ثاني؟؟



بو سعود: لا خلاص اذابغيت شي بزجرك



طلع داوود من المكتب .... و عقب خمس دقايق سمعوا الباب يندق و يدش جاسم



جاسم: صباح الخير استاذبو سعود



بو سعود: صباح الخيرجاسم ... بغيتك تاخذ ندى و تعرفها على شغلك لانها بتحل محلك لين ترجع بالسلامه واذا عندها اي سؤال ساعدها و فهمها الشغل عدل



جاسم: ما توصي حريص يابو سعود و ان شاء الله بساعدها قد ما اقدر



بو سعود: على خير عيل ...( و صد على ندى) ... يالله يا ندى شوفي شغلج و يا جاسم و اذا عندج اي مشكلهقوليله و هو بيساعدج



طلعت ندى و يا جاسم بدونما تقول اي شي... و عيونها في الارض ... الله يعيني كيف بيكون شغلي مع رياييل؟؟؟ شواسوي يا رب هي هب متعوده انها تتعامل روحها مع رياييل ... كيف بتشتغل وياهم طولالدوام ؟؟؟ بس هي شو كانت تتوقع انها تشتغل عيل ؟؟؟ تتوقع انها تشتغل بروحها في مكتو مح وياها؟؟؟ يالله الله يعين و يسهل الشغل...



وصلوا المكتب و عرفهاعلى اماكن الملفات و ادوات المكتب و مكان مكتبها... كانوا حاطين لها مكتب صغير مؤقتعلى طرف في الغرفه و عليه كمبيوتر و اوراق و اقلام ... بعد ما عرفها على المكتب دقجاسم باب غرفه ثانيه و دش و دخلها وياه....



ندى اول ما دشت المكتبتمنت انه الارض تنشق و تبلعها .... على طول عرفته .... هذا فيصل ولد يرانهم ... افففففففف شو يايبني انا هنيه ؟؟؟ يا ربي كيف بشتغل و انا اعرف انه جريييييب هالقدو ما يفصلنا غير باب؟؟؟



فيصل اول ما شافها وقف ورحب بها

فيصل: الاخت ندى؟؟ اهلابج في الشركه ... ان شاء الله ما يكون الشغل ثجيل عليج



ندى رفعت عيونهامستغربه... يعني هو يعرف اني انا اللي بيي مكان سكرتيره؟؟؟ اااااااااااااه يا ربيشو اسوي؟؟؟.. يالله عاد ندوه عن السخافه الريال ما بياكلج و شكله عادي عنده انيبشغل عنده فليش انا مسوتنها سالفه؟؟؟ عن السخافه ...



طلعت من المكتب و سارت ويا جاسم مكتبهم و بدوا شغلهم ... و علمها جاسم اساسيات شغلها و كيف ممكن تتعرف علىالاشياء اللي ممكن يحتاجونها...



.......................................



...

[بنت البلاد]

حنان كانت توها واصلهالصف و زين لحقت على الاستاذ قبل لايحطها متاخره ... خاصه هذا الاستاذ هو نفسه الليمسوي مشكله حق ريهام ربيعتها... فلازم تسايسه لين يفنجشونه من الكليهكلها...



بعد ما خلصت الحصه طلعتحنان و ريهام من الكلاس و راحوا الكافتريا يتريقون ...



ريهام: شو فيج حنان شكلكطول الحصه سرحاااااااانه و لا تسمعين الاستاذ شو يقول... عسى ماشر



حنان: شو اقولج ياريهام؟؟ ولد عمي مستويله حادث و يمكن يفقد بصره اتخيلي حالتنا من يومينكيف...



ريهام: الله يساعدكم ياحنان ان شاء الله خير



وصلن الكافتريا و عقب ماطلبن و يلسن ياكلن مرت عليهن بنت و سلمت عليهن..



ريم: السلامعليكم



حنان و ريهام مستغرباتبس ردوا السلام: و عليكم السلام و رحمه الله و بركاته



ريم: انتن ما تعرفني ... بس انا اعرفج حنان من ايام المدرسه ... انتي اكبر عني بسنتين



حنان: حياج الله اختيتفضلي ويانا



يلست ريم حذال حنان: انااسمي ريم و ادرس بعدني فاونديشن (تاسيس) بس ناويه اتخصص تقنيهمعلومات



حنان: عاشت الاسامي ياريم هذي رفيجتي ريهام



ريم: عاشت الاسامي ياريهام تدرسون و يا بعض نفس الكلاس صح؟؟



ريهام: هيهصح



ريم : زين و الله ... عيل تعرفن في عندنا استا عجييب ... تصرفاته ما تعييب حد ... هو يدرسانجليزي



حنان و ريهام طالعن بعضو ضحكن...



حنان: هيه نعرفه هذاالاستاذ ... خسه الله ما خلى حد في حاله و هاليومين محطي ريهام في ورطه زين ماطردوها من الكليه



ريم: و انا اقول هذاالاستاذ عليه نظرات تخوف الواحد حشى لازم يدورولنا صرفه وياه



حنان: ما عليه نحن رمسناالاخصائيه وهم الحين حاطينه تحت المراقبه و ان شاء الله جريب بيشلونه منالكليه



تمن البنات يسولفن و ياريم و ريم تدرس تصرفات حنان و في خاطرها شي صوبها لانها تعرف انع اخوها احمد من يومالحادث اللي كان بيصير جدام الكليه و هو مختبص حاله فاكيد السالفه فيهاان....



..........................................



روضه من يومين ما ياهارقاد... كله تفكر في يوسف... ولو انها مغصوبه تاخذه لانه اليده و اليد قرروا هذا منسنين الا انها يوم عرفت بالحادث حست قلبها بيطلع من صدرها من الخوف عليه اكثر منانه بس ولد عمها... تحس انه خلاص مثل ريلها من كثر ما انه اسمه مرتبط باسمها في كل حوارات العايله ... للحين هي ما زارته في المستشفى و ما تعرف اذا زارته شو لازمتسوي... تحس مكانها غلط بس بعد لازم تزوره... كل ما تروح المستشفى تشرد لحجره عمهاو لا كانه موجود بس عقلها دايما وياه و سرحااااانه و خاطرها تنشد عنه بس تستحي... شو بيقولون عنها؟؟؟ اااه يا ربي شو لازم اسوي؟؟؟



سمعت دق على الباب... فاعتدلت في يلستها و مسحت على شعرها ترتبه شوي...



روضه: تفضل الباب مفتوح



عمر اللي ما داوم اليومعلشان ايده المكسوره دش الغرفه و صك الباب... شكله تعبااااااااان على الاخر بس هوبعد ماياه نوم من يومين بسبت ايده ... تقرب عمر من اخته و يلس عل الشبريه حذالها...



عمر: شوفيج غناتي شكلجتعبان... شي يعورج؟؟



روضه: لا ماشي يعورني... بس ليش انته ما ترتاح في غرفتك انت اللي شكلك تعبان حيييييييل ...



عمر: وين انام و ايديمجبسه...



روضه: تعورك لاه؟؟ ليشما تاخذ المسكن اللي عاطينك اياه ؟؟



عمر: ما احب الدوا ... بس خلج مني ... شو فيج انتي؟؟ اكيد تفكرين في يوسف



روضه احمر ويها.. كيفعرف ؟؟؟ هالكثر انا شفافه؟؟: احممم.. ما ادري شو اقولك



عمر: ليش ما زرتيهانتي؟؟؟



روضه: لا وين ازوره ... شو اسوي عنده؟؟؟



عمر: كفايه عليه انجتمرينه لانج بتصيرين حرمته عقب كم شهر



روضه استغربت: ليش مابيغيرون الموعد لين يشفى؟؟



عمر: ما اضن ... بس يعتمد على ما اعتقد على يوسف... اذا الله شافاه و ما صار له شي في عيونه اكيد بتتزوجون مثل ما مخطط لكم



روضه تنهدت: ما ادري ياعمر... انت رايك يعني اني لازم امره المستشفى؟



عمر: لا مش لازم بس بعدمش حلوه انج ما تمرينه و انتي اللي بتصيرين زوجته فلازم تكونين معاه في مثله الاوقات



روضه: عيل شورك وهدايه الرحمن ... بزوره باسرع فرصه ممكنه



عمر نش من السبريه وانحنى يبوس يبهة اخته: لا تفكرين وايد بيضهرلج الشعر الابيض و انتي بعدج ماتزوجتي



روضه استغربت من الحركهو استغربت اكثر من الكلام... عمر ينكت معاها؟؟؟ عمرها ما صارت... شكل المصايب صدج تطلع النفوس على حقيقتها... انتسمت روضه في ويه اخوها : و انت روح نام و ارتاح و لاانت روح و انا بيي بسويلج مساج علشان ترتاح عضلاتك



عمر مستغرب : و انتي تعرفين تسويين مساج بعد؟؟



روضه : عيل.. و اعجبك بعد بس الساعه بعشرين هههه



عمر : بعد بببيزات .. الله يعيني بس ان ضربتني عصبه يا روضوه بالجبس على راسج هههههه



راح عمر حجرته و لحقتهروضه عقب ما بدلت ثيابها

[ريم البحرين]

اختي بنت البلاد مشكوووووووووورة

على الاجزاء والله يعطيج الصحه والعافيه..

بصراحه انا بديت اقرا في الاجزاء وانشاء الله

مع الايام بتشوفين ردودي واانتي تعرفين شلون تكون

ردودي خيووو اتمنى انها تكون احلى واسلوبج يتغير في هذي

القصه خيوووووووو ترانا نترياج مع اجزاء يديده...

[بنت البلاد]

التكمله

=-=-=-=-=

تلاقوا قبل نص ساعه عقب ما كل واحد فيهم خلص دوامه... وعلى طول راحوا الكورنيش مكانهم المفضل...



عبد الرحمن: شو فيك رشود؟ صارلي ساعه اتحرطم روحي و انت ما ترد... شو صاير؟؟ ....



راشد: ماشي بس كنت يالس افكر بيوسف...



عبد الرحمن: ليش هو نش من المخدر؟؟؟



راشد: لا بس الدكاتره يقولون اليوم و لا باجر بينش



عبد الرحمن اتكى على السور مال الكورنيش و عطى البحر ظهره...: انزين عيل اذا بعده ما نش انت مستهم على شو؟؟؟ ان شاء الله ما راح يصيبه شي....



راشد تنهد: كنت يالس افكر شجا يوسف الحين بيتزوج... تعرف؟؟.. حسيتبه الفتره الاخيره خلاص ما بيعاند زياده و بياخذ بنت عمه ... بس الحين شو بيصير ؟؟؟ اذا انعمى بترضى بنت عمي تاخذه؟؟؟ اخافها ترفضه ؟؟؟



عبد الرحمن: شوف يا راشد انا اعتقد انه من حق البنت ترفض و لا توافق لانه هذا زواج هب لعبه... بس انا ما اعرف انت ليش هالقد مستهم عليهم؟؟؟ الحين يوسف و ما نش بعده يعني يمكن ما ينعمي ... بعدين تفكيرك هذا كله يروح وطي ....



راشد: ههههههههه... وطي عاد ... يا اخي عندك كلمات عجيبه... هههههههه



عبد الرحمن: هههههه ... عيل شو تتحرى اعجبك انا...



راشد يبتسم: انزين يا بو الاعجاب انته... شرايك تمر عليه اليوم البيت و نلعب بلاي ستيشن ؟؟؟ عندي شريط يديد و ابغي اتحداك مع انه اعرف مقدما منو اللي بيفوز... هههههه



عبد الرحمن: ههههههه ما شاء الله يعجبني اللي يعترف بخسارته من البدايه ههههههههههه



راشد: خل عنك انزين اعترف بالخساره اونه الا قول انا اللي بفوز وانته اللي بتجر اذناب الخيبه وراك ههههههههه



عبد الرحمن: ههههه ... اذناب عاده مره وحده ؟؟.... و تقول انا اللي عندي كلمات عجيبه هههههههه



راشد: هههه يالله عيل ... نتقابل الليله و الموعد الساعه عشره مساءا بتوقيت دوار الساعه و المكان في منزل سالم بن ضاحي هههههههههه



عبد الرحمن: هههههه ... يا حلاتك جنك راعي الاخبار ... بس تعال وين رايح الحين؟؟؟



راشد: بمر المستشفى اشوف يوسف و عمي... قالوا بيرخصون عمي اليوم ... شو رايك تيي وياي؟؟؟



عبد الرحمن: يالله سرينا...



..............................



في المستشفى ... و في غرفه يوسف بالتحديد عقب ما نقلوه من العنايه لغرفه عاديه ... كانت روضه توها يايه عسب تشوف يوسف ... كانت بعدها واقفه على الباب و امها سبقتها و دشت داخل الغرفه... الغرفه كانت بيضاء بالكامل و تسد النفس.. الله يعينك يا يوسف .... سمت بسم الله و تجدمت داخل الغرفه... الغرفه ما كانت فاضيه ... ام يوسف كانت موجوده في الغرفه و يالسه تقرى على ولدها

ام حمد: هاه يا ام يوسف... شو اخباره يوسف؟؟



ام يوسف: و الله يا ام حمد شوفت عينج... من يوم ما نقلوه هالغرفه و هو على هالحال ... ما اعرف متى بينش



ام حمد: ان شاء الله بينش جريب .... روضه فديتج روحي غسلي الفناييل و رتبي الفواله ما نعرف منو بيينا الحين...



روضه: ان شاء الله امايه



و نشت روضه تغسل الفناييل في الحمام



ام يوسف قامت ناشه: اسمحيلي يا ام حمد بروح عند بو يوسف يقولون الدخاتره انهم بيظهرونه اليوم ...



ام حمد: صبري عيل بسير وياج ... بسلم على بو يوسف



طلعن الحريم و خلن روضه بروحها... شوفيهن راحن و لا قالولي شي ... توهن هنيه... ما عليه شكلهن بيروحن عند عمي و بيردن بسرعه ... تمت