مشاهدة النسخة كاملة : ! @ ¤ مادريت بحبـــك ......... لين شفتك وانشغلت بحبك ¤ @ !
عويد الموز
11-04-2005, 02:00 AM
السلام عليكم والرحمه
شحالكم كلن بحاله !!! ربكم بخير ...
وبعد تفكير طويل قررت اني انزل قصه من تأليفي ... وطبعا هاي اول قصه
اتمنى انكم تقرونها وتقولون رايكم بكل صراحه ....
عنوان القصه
مادريت بحبـــك ......... لين شفتك وانشغلت بحبك
الشخصيات
عايلة حمد بن فاضل المزروعي
حمد ( بوسيف )
موزه بنت مبارك المنصوري ( ام سيف )
سيف 24 سنه يشتغل فالشرطه
مايد 22 سنه يدرس في لندن
شمه 18 سنه تدرس في الجامعه
زايد 17 سنه وله أخر سنه في المدرسه
هزاع آخر العنقود وعمره 9 سنوات
عايلة خلفان بن فاضل المزروعي
خلفان ( بومحمد )
ظبيه بنت محمد الشامسي ( ام محمد )
محمد 22 سنه يدرس في لندن
عوشه 21 سنه تدرس في الجامعه
شيخه 18 سنه تدرس في الجامعه
سعيد 10 سنوات
عايلة خليفه بن محمد الشامسي
خليفه ( بوحارب)
حصه بنت مبارك المنصوري ( ام حارب )
حارب 26 سنه متزوج
راشد 24 سنه يشتغل فالشرطه
غيث 21 سنه يدرس في الجامعه
مريم 18 سنه تدرس في الجامعه
شمه 9 سنوات
عايلة مهير بن مبارك المنصوري
مهير ( بو حمدان )
شيخه بنت فاضل المزروعي ( ام حمدان )
حمدان 30 سنه متزوج
المها 25 سنه مرت حارب الشامسي
منصور 23 سنه يشتغل فالشرطه
هند 19 سنه تدرس في الجامعه
ميره 18 سنه تدرس في الجامعه
روضه 8 سنوات
الجــــــزء الاول
( شهر 6 )
في بيت حمد المزروعي
العصر .. الساعه : 4:30
شمه: هزااااااااااااعي فديت خشششمك ... اااحبـك ااااااااحبـــــــــك ... يالله ماصدق اني افتكيت من المدرسه .........خبااال مادري شوه بسوي فهالاجازه الطويله ...
هزاع : شموووه يالدبه وخري عنيه افففففف بختنق ماشي اكسجين شفطتيه كله
عشان جيه دبه ....
مايد : هههههههههههه الحمدالله والشكر اتقول سيلانيه توها راده بلادها
شمامي : ميووود مالك خص فيه ... كيفي مستانسه
مايد: كيفي اماراتي هههههه ...
شمامي : اففف سخيف
مايد : هب اسخف عنج يالياهل
شمه : ميوووووووود يووز عنيه
مايد : أااناااا مااايد بن حمد اتقولين لي ميوود .... يالدبه
شمه : تراني بخبر عليك سيف
محمد : خبريه ..... هب متروع منج ولا منه ..... جانج حرمه خبريه الحينه
شمه : حرمه غصبن عنك ... الحينه بتصلبه
وتتصل شمه بأخوها سيف لكنه مايرد وتمت تتصلبه حوالي فوق 10 مرات....مايد و زايد وهزاع ميودين ضحكتهم وشمه واصل حدها وفخاطرها تفلعهم ع رووسهم ...
مايد : هااااا ماشوفج تكلمين سيف ..!!؟
زايد : اظنه يدري شعنه متصلتبه .. بتشكـّى وبتتحرطم نفس العيايز ... هههههه
هزاع ماقدر يتحمل اكثر وانفجر من الضحك عليها وشمه تطالعه بنص عين وهي معصبه ....
شمه : مسود الويه وانته شعنه تتضحك .. ليكوون داير اوياهم ..!
هزااع عيونه تدمع و ويهه إحمر من كثر الضحك ...
هزااع : شوفي شكلج فالمنظره ... وبتعرفين شعنه اضحك عليج ههههه
شمامي : ما يضحك ويا ويهك ... انته شفت شكلك قبل لا تضحك عليه يالطماااطه المحترقه
هزاع ( مغلظ صوته نفس الرياييل ) : اناااا هزااع بن حمد احترمي نفسج لا اييج كف عمرج ما بتنسينه ....
مايد : اووووه اووووه ريااااال ...
زايد : ونا اشهد ... ههههه عندك اياها
واحتشرت عليهم شمااامي .... من شافت ابوها حادر راحت عنده وسوت عمرها اتصيح
و مايد و زايد وهزاع مفججين اعيونهم ومستغربين منها ...
شمه : ابووويه فديتك شوف هالوحوش الثلاثه .. حشى هب اخوان كلهم ما يحبوني
ويعذبوني من وراااك
زايد : يالله يالجذب .. ابويه لا اتصدقها تدريبها دلووعه
بوسيف : مايخصكم في بنتيه هاي دلوعتي مارضى عليها
هزاع : ونحنا عيال البطه السووده ..!
مايد وزايد : ههههههههههههه
بوسيف : اشووه قلت ........ ماسمعتك زين ..!!
هزاع : هاااه .. لا لا ماشي
شمه : ابويه اهزبهم والله دووم يضحكون عليه وخصه ميود الغلس ...
مايد : ايييه يالدبه ريال بشواربي وليحتي اتقولين ميووود
بوسيف : مايد يوووز عن اختك
شمه وهي اطلع لسانها واتغايظ خوانها ........
مايد : مشكله اليهال
بوسيف : عيل وين امكم ..!!؟
شمه : امايه خاري ...ترمس الطباخ
بوسيف : انزين ... انا بروح اوطي راسي اشويه ماريد اسمع حشرتكم
الكل : حااااااااااضرٌ ياااا ابــي
ضحك عليهم بو سيف وراح عنهم ... شمه ما سوتلهم سالفه وراحت عنهم الصاله الثانيه تشووف تلفزيوون ... و هزاع راح عند سعيد ولد عمه خلفان ... مايد وزايد يلسوا يسولفون ..
زاايد : غريبه يالس فالبيت اليوم ... وين محمد عنك ..!!؟
مايد : مالي بارض اظهر اليوم ... ومحمد عمي مطرشنه الشركه عندهم شغل
وفهالوقت حدرت عليهم ام سيف وهي محتشره عالبشكار ....
ام سيف : تغربل من هندي الخااااااام مايستحي على ويهه
مايد : اشبلاج امايه ... امنوه هذا اللي ادعين عليه ..!!؟
ام سيف : هالهندي لي يايبنه ابوك اوين زراع يديد .... الهرم لا يعرف يسقي الزرع ولاشي بس يعرف يطول لسانه علينا
زايد : عشان جيه محتشره ههههه ولا يهمج عيووزي انا بهزبه الهرم
ام سيف : لا هب عشان جذه ... مسود الويـه مودر الزرع ويالس يرقم البشكاره
عنبووه لا خيال ولا مستحى ... وعاطنها ورده حمرا نفس الافلام الهنديه.. الهرم والله ما ييلس دقيقه وحده فالبيت .. عنلااااااته الخاام
زايد : فديييييت خشمج الغاااوي يالمنصوريه ... والله مابخليه فحاله
مايد : قم قم خلنا نأدبه الهرم ... مخلي عيووزنا تحتشر عشانه
ام سيف : ويييه يعلني افقده من زين شيفته
ويحدر عليهم بو سيف الصاله
بو سيف : السلام عليكم
ام سيف : وعليكم السلام والرحمه
بو سيف : اشبلاج مووزه ...امنو مزعلنج.....!؟
مايد : اقووول زيوود نش نش خل شوابنا يتغزلون فبعض
ام سيف : جب انته يالطفس
زايد : هههههههههه قويه
مايد : هااا يزاايه اني ماريد اخرب عليكم
بوسيف : يوووز عن امك خلها ترمس
ام سيف: الصراحه يا حمد هالهندي لي يبته ماريده يقعد فالبيت
بوسيف : شعنه عاد ... شوو امسوي
ام سيف : مسود الويه هب نافعني .. مودر الزرع ويغازل البشكارات
بوسيف : خلاص انا برمسه وبتفاهم وياه
ام سيف : لالالا رده العزبه ماريده ..ياني شور اصلخه بالعصا ع ظهره لكنه ماريد استاثم من وراه الهرم
بوسيف : خلاص يا موزه برده العزبه ولا تتضايجين ...
شمه من سمعت صوت ابوها وامها بندت النلفزيون وراحت لهم الصاله الثانيه
ويلست حذال ابوها ولوت عليه وحبته على خده و مايد يطالعها ويضحك
مايد : يالله يالمصلحه اكيد تبا شي
شمامي متجاهلتنه : فديتك ابويه وين بنسافر السنه ..!
مايد : ههههههههههههه ماقلتلكم
بوسيف : والله يا شمه مادري .. انتو وين تريدون اتروحون ..!؟؟؟
مايد : لبنـــــــان .. لاعت جبودنا من الانجليزيات
ام سيف : مسود الويه وشلك بهالمفاصيخ
مايد : هههه امايه هب لازم مفاصيخ ترا شي انجليزيات يلبسن براقع
ام سيف : يخسن الا هن ما بجن الا هالشقر يلبسن براقع
مايد : ههههههههههه فديت خشمج الغاوي لا تعصبين
نش مايد يحب خشم امه ...
شمه : ابووووويه ماريد اروح لبنان ... اريد اروح جنيف
مايد : ابويه كل سنه انروح جنيف ... ملينا
شمه : العام مارحنا جنيف .. الله يخليك ابويه
محمد راح عند شمه وقرصها ..
شمه : آاااااااااااااي ابويه شوف ميوود
مايد :ههههه دبه .. قولي لبنان ما بقرصج
شمه : مااااريد ........ ( ومطت شعر اخوها بالقو )
مايد : آاااااخ وخري عني بيطيح شعري
ام سيف : شمــه عيب هذا اخوج العود وخري عنه
شمه : من زين شعره عاد
مايد : انتي تتمنين شعرج يكون نفس شعري ..
شمه : الحمدالله شعري احلى عن شعرك
بوسيف : بس لا تتضاربوون
شمامي : ابويه فديتك اريد اروح جنيف
مايد ( يغايظ شمه ) : لا لبناااان
بوسيف : خلاص .... اول شي بنروح لبنان وعقب جنيف .. انزين
ام سيف : هيه جذه احسن
شمه : خلاص موافقه
مايد : هههه محد طلب رايج .... ابويه انا موافق .. احم احم
ام سيف : الا ما قلتلي يابوسيف اخوك خلفان وين بيودي عياله السنه ..!؟
بوسيف : احيده قالي انهم بيروحون لبنان ..
شمه : يا سلاااااام يعني شواخي بتروح .... بروح اتصلبها وبتأكد منها
مايد يزااعج : قوليلها مااايد ما يحبج ههههههههههههه
شمه (وهي تركب الدري) : جنه هي اللي عاشقتنك ويا ويهك
مايد : هههههههههه (وبصوت واطي ) صح اني ماحبها لكن اموت عليها
×××××××××××××××××
هاا شوه رايكم !!
اتمنى انكم تردون عليه ..
وان شاءالله عيبكم هالجزء ...
وتصبحون على خير :)
فراشة النور
11-04-2005, 04:02 PM
اهلا
عويد الموز
كيف حالك ؟
ماشاء الله قصة روعة واول قصة لك وينك عن القصص من زماااااااان
القصة روعة وحبوبة
واحسن مقطع الي خلاني اضحك هذا الهندي فلته يغازل ويعطي ورود
بس لاحظت انك شبهتيه بالافلام الهنديه هو هندي يبي يسوي ليه فلم هندي مو بس الممثلين
ومشكور اختي على الجزء وفي انتظار البقية
اختك : انجل
عويد الموز
14-04-2005, 12:28 AM
مرحبا السااع
يسرج الحال اختيه وانتي جيف حالج !
تسلمين اختيه والحمدالله عيبتج بداية القصه :)
اطياف الذكريات
14-04-2005, 02:17 AM
هلا بالإبداع هلا بالغالية عويد الموز فديتج و الله
قصة من بدايتها تثبت انها كشخخخخخخخخخخخة وايد
مقدمة حلوة و شكل القصة ما بتخلص من المواقف الطريفة و العاطفية و النفسية و الخ
مشكوووووووورة اختي
بعطيش تقرير عن الشخصيات و القصة بشكل عام بعد نهاية القصة لأن امكن اقول لبعض الشخصيات انهم زينين يطلعون شينين
يعني مو تفهميني غلط
بس اني احب في النهاية كتقرير مفصل
و مشكورة على المقدمة و نتريا الباجي
و عساج على القوة
عويد الموز
15-04-2005, 12:56 AM
السلام عليهم
..
.
اطياف العذاري
تسلمين يالغاليه عالكلام الطيب
والتشجيع :marsa90:
ومسموحه اختيه ابدن ماغلطتي :marsa119:
..
.
وبغيت اخبركم ان هالقصه واقعيه
لكن بعض الاحداث والمواقف خياليه
..
.
اختكــــــــــــم :)
عويد الموز
15-04-2005, 02:38 AM
الجزء الثاني
راحت شمه فوق واتصلت بشيخه بنت عمها خلفان ... شمه وشيخه نفس الخوات
ما يفارجن بعض من هن صغاار ... درسن ويا بعض في نفس المدرسه وفي نفس الصف...وكل وحده فيهن تخبر الثانيه عن اسرارها ...
شمه : مرحبا الساااع
شيخه : بو عيون سوود ووساااع ...... حي هالصوووت
شمه : فديتج شواااخي تولهت عليج , من بدت اجازة الصيف لا شفتج ولا رمستج ..!
شيخه : ماعليه جريب بنشوفكم .. وعقب اسبوعين بعد ....
شمه : واااالعثره ..!! ........ وشعنه اسبوعين وهب اليووم ..!!؟
شيخه : هههه اتغلا علييييج ..
شمه : يالهرمه ماعنديه هالحركات انا .. اوين تتغلا ... ان ماشفتج اليوم صدقيني بييج وبسحبج من كشتج ...
شيخه : خييبه صدق انج عيووز محد يروم يتمصخر ويااج ... اقوول شمووه حد فالعنج على راسج ..!
شمه : هب هبااج الله ... ماعاش لي يفلعني انا شمه بنت حمد ..
شيخه : هههههههه اشبلاج ترمسين جذه .. جنج هزاااعوه
شمه : هههههه والله لو سمعج اتقولين هزااعو بيدفنج وانتي حيه
شيخه : ههههه هذا خليه فصووب ... خرب ولدنا سعيد قام يقلده ...يقوللنا اوين انا ريال البيت
شمه : هههههههههههه حليله .. انزين شواخي بغيت اتخبرعن شي ..!
شيخه : قولي فديتج
شمه : وين بتسافرون السنه ..!!
شيخه : لبنان .. وانتوا ..!؟
شمه : فديييييييتج والله حتى نحن بنروح لبنان وعقب بنروح جنيف
شيخه : يا سلاااااام عيل بنستانس السنه ...
شمه : انزين شوااخي لازم نزهب قشارنا ماشي وقت .. و نروح السوق ناخذلنا لبسات محترمه
الكبت امتزر من المخاوير والجلابيات
شيخه : ههههههه وانا بعد اقول جيه
شمه : بس امنووه بيودينا .. امايه تعرفينها ماتحب سيرت السناتر
شيخه : خلاص انا برمس امايه ... لاتبندين بروح ارمسها وبييج
شمه : اوكيه
راحت شيخه عند امها وشافت محمد اخوها فدربها
محمد : شواخي انتي سرقتي موبايلي
شيخه : لا ما سرقته ..خذته .. كنت اريد مسجات حلوه
محمد : وين حطيتيه
شيخه : حاطتنه حذال تيلفون الصاله
راح محمد الصاله ولقى موبايله محطوط حذال التيلفون .. شاف السماعه مرفوعه كان بيبند
بس سمع حد يرمس عالتيلفون ... جان يحط السماعه على اذنه ....
شمامي كانت تطالع التلفزيون كانوا حاطين اغنية ميحد حمد ( طال ليلي ) وحاطه السماعه على اذنها .........
شمه( يالسه تغني ) : طااال ليلي من تعليييلي من تجاااافي خلي الغاااالي .. باااتوا اربووعي مذاااهييييلي والخلي من ليعتي خاااااالي ... يييييت عالعوووق يا بوحمد
محمد ماقدر يمنع نفسه ومن هالصوت ...: صدق انه صوتها عذااااااااااب
وتم يسمع شمه شووه تقول...
شمه :يا ويييييل حاااالي ... اموووت عاليوالــــه ... يالله محلا هالولد فديته ... يشبهك هزاااع
هزاع : اااااخ انا احلى عنه .. هزاع بن حمد والنعم فيه .. محد يشبهه احم احم ... شوفي هاي الدبه اللي تنعش بالقوو تشبهج ههههههههه اشوي وبيطيح راسها
شمه : ااااخ هاي الخسفه ما تشبهني ... انا شمه بنت حمد المزروعي احم احم والنعم فيّـه ... ولا وحده تشبهني
محمد من سمع اسمها لا اراديا رمسها
محمد : مرحبا الساااااااع
شمه تروعت ... بس تحرت شيخه مغيره صوتها عشان تروعها ...
شمه : بسم الله عليج شوااخي شووه استوابج .. سمعيني هاك الصووت الغااوي
محمد : ههههههههههه الشيخه .. انا هب شوااخي
شمه ( مستغربه وقافطه ) : عيل امنووه ..!
محمد : وياج محمد بن خلفان المزروعي
شمه وعقب ما استوعبت : محمــــــــــــــــــــــد ....!
محمد : شووه ماعرفتيني ههههه ولد عمج انا
شمه : هااااه .. لا لا اعرفك ......
محمد : شحالج شمه ..!
شمه : يسرك الحال ... وانته شحالك ..!
محمد : مانشكي بااس ..ونحمدالله
شمه مابغت اطول وياه لانها مفتضحه منه
شمه : عيل وين شيخه ..!؟ ... اذا بتتحيربتصلبها خلاف
محمد : لالا مايحتاي تتصليبها خلاف انا بزقرها
توه بيزقر شيخه بس شافها يايه عنده ...ومن شافته ميود السماعه وحاطنها على اذنه احتشرت عليه ...
شيخه : لاااااااااااا حمووود شعنه بندت عن شماامي كانت تترياني عالخط .... اففففففففف يالحمااار .... الحينه بتحتشر عليه العيووز
محمد : ههههههه يالمينونه انا ما بندت وشمه بعدها تترياج عالخط
شيخه : وخر وخر خلني ارمسها
محمد : اول شي تأسفي مني وبوسي راسي
شيخه : ماااريد عطني السمااعه
محمد : هب عاطنج
شيخه : حمووووود عن الغلاسه عطني السماعه
محمد : مااريد بوسي راسي اول ...
شيخه تزاعج : اففففففففف شمامي بتصلبج عالموبايل اوكيييييه
طبعا شمه سمعتهم وضحكت عليهم .....
شمه : ان شاءالله غنااتي .. وخبري اخوج ان رزت الفيس من طبايع التيس
محمد : هههههههههههه تراني سمعت
شمه : وييييييه يالقفطه .... وبندت عنه
محمد بدون ما يحس : يا ويلي كم بعيش
شيخه : الله الله شوهالرمسه بعد ....!
محمد : جب جب مالج خص وقولي حق شمامي محمد يسلم عليج ههههههه
بنت البلاد
15-04-2005, 03:30 AM
من تأليفج وانا آخر من يعلم..
أفا والله أفا ما قلتي لي..
<<يعني يا هبله القصه يدامج اقريها ..
ماعلينا انا بقرا الجزء وخلاف برد عليج..
مبين عليها حلوه..
بنت البلاد
15-04-2005, 03:50 AM
الصراحه شي عجيييييييييب.. فن فن فن..
حلو واندمجت الصراحه عسوالف شمامي وشواخي.. فنانات هالثنتين..
وعاد هزاعووو فديت روحه خله عصوب هذا روحه قصه ..
اسلوبج وااااااايد حلو في القصه ومشوق..
يعني خاشه هالموهبه عنا .. يبالج امط شعرج شوي..
والأحداث حلوه فيها..
وعاد كله ولا العشاق مايد ومحمد..
بس بخبرج في الجزء الأول في شوي خربطه في كلامج.. يعني انتي تطرين مايد في الحوار كاتبه اسم محمد.. بس عادي اتصير ياما صارت وياي..
على العموم طولي أجزائج شوي.. ونتريا الجزء الياي على احر من الجمر.. <<تعلمت
في الإنتظار
عويد الموز
15-04-2005, 04:37 AM
وراحت شيخه عن محمد ....ودشت حجرتها شافت شمه تتصلبها جان اترد عليها ....
شمه :حسبي الله على ابليسج .. يالحماااااااااااااااااره والله افتضحت من اخوووج .. اكيد قال عني خبله ... كله منج مسودت الويه
شيخه : خييبه خييبه ...هيدي انزين ...حشى بالعه راادو ...خليني ارمس ...
شمه : يالله ارمسي
شيخه : اول شي شعنه حارقه التيلفون وثاني شي هذا محمد اخويه وهب اول مره انتي ترمسينه ... نسيتوا عماركم توم & جيري
شمه : قبل غير والحينه الوضع اختلف انا مارمسته ولا شفته من 4 سنوات... كيف تريديني ارمسه ... استحي
شيخه : ههههه اوين تستحي ... تحيدين يوم حمود يغلسبج وانتي ماتسكتين عنه ...ولازم عقب تزعلين وهو يراضيج هههههههه
شمه : جب جب وغيري السالفه احسن ...
شيخه : ان شاءالله طال عمرج ههه
شمه : رمستي خالو ظبيه
شيخه : هيه رمست امايه ... اوين هي بعد ماتحب تروح السناتر
شمه : هيييه عيايزنا هب متعودات عالسناتر الا عالعزب والهوش و البوش والعراجيب
شيخه : هههههههه .. انزين والحل
شمه : ماشي غير اني اخبر اخويه مايد
شيخه : وانا بخبر اخويه محمد
شمه : الله يعينا عليهم
شيخه : انزين شمااامي روحي خبريه وان بروح اخبره
شمه : اوكيه ... في وداعة الله
شيخه : مع السلامه
بندت شيخه عن شمامي وراحت عند اخوها محمد عشان اتقوله انهن يبن يروحن السوق...طبعا محمد مارفض دام انه شمه بتروح وياهم ...استانس من الخاطر لانه هالفرصه ما تتفوت ولانه من زمان ماشاف شمامي وفخاطره يشوفها ...
اتصل محمد بولد عمه مايد اخو شمه ...
محمد : مرحبا مرحبااا بشيخ الرياييل
مايد : لمرحب باااااجي
محمد : وين دارك ..!!؟
مايد :والله مارحت مكان ... علوومك .!؟
محمد : طيب طاب حالك ... ماايد تزهب باجر بنروح دبي ..!؟
مايد : يا رياااال ما لقيت غير باجر تروح دبي
محمد : ليش شووه عندك ..!؟
مايد : مافيني على حشرت شمه .. تريد تروح الموول
محمد : ههههههههه
مايد : شعنه تضحك مسود الويه ... لو الشوور شووري كنت بخليها تروح ويا زايد والدريول لكنه مافيني ع حشرتها الدلوعه
محمد : هههه وانا بعد حاشريني
مايد : امنوو ..!
محمد : اختيه شيخه ..
مايد من سمع اسمها فز قلبه
محمد : تراهن يبن يروحن ويا بعض قلت بوديهن دبي ... شووه رايك ؟
مايد : انا ويااك ويااك وين ماترووح
محمد : خلاص عيل خبر اختك
مايد : اوكيه .. يالله فمان الله
محمد : مع السلامه
وعب ما بند مايد عن محمد نزل تحت عشان ييلس ويا اهله لين ما يأذن العشاء ....وخبر شمه ان محمد وشيخه بيروحون وياهم ... طبعا ماقدرت اتقول شي لانها الفرصه الوحيده ...وابوها وامها مارفضوا لانه اخوها وياها ومحمد ولد عمها هب واحد غريب ...
وفي هالوقت دش عليهم سيف اخوهم العود ....سيف يشتغل فالشرطه ومايشوف اهله طول الاسبوع الا فالاجازات .. والحينه ماخذ اجازه عشان يسافر ويا اهله ...
سيف : السلام عليكم
الكل : وعليكم السلااام والرحمه
شمه ( راحت تسلم عليه ) : فدييييت سواافي والله تولهت عليك
سيف : فديتج شمااامي انا بعد
وعقب ماسلمت عليه راح يسلم على امه وابوه واخوانه مايد وزايد ويلس وياهم ...
سيف : شحالك ابويه ...!؟
بوسيف : بخير وسهاله
سيف : ان شاءالله دووم ... وانتي شحالج اميه وجيف صحتج ..!؟
ام سيف : مانشكي بااس ونحمدالله ...
سيف : ان شاءالله دوووم يالغاليه .....فديت هالخشم محلااااه.. الشيخه ممكن تاخذين الرقم
استحت ام سيف وضحكوا عليها .........
زايد : هيييه لو انا قايللها هالرمسه والله لا تمرغني بالعصا
ام سيف : جب انته مسود الويه
محمد : هههههههه مسكين حالك
زايد : ماعليييه يالمنصوريه شوفي امنو لي بيتغزل فيج من اليوم وساير
شمه : ههههههه وابويه وين راح عنها
بو سيف : ههههه مارحت مكان انا وراها وراها
زايد : عااااش الابو عااااش
سيف : هههههههه بس بس استحت البنيه
محمد نقع من الضحك يوم قال اخوه جيه
محمد : ههههههههههههههههههههههههههه اي وحده فيهن منصوريه العوده ولا منصوريه الصغيره
زايد : امنوه العوده والصغيره
محمد : اميه العوده وشمه الصغيره هههههه
شمه : ويييه بسم الله عليه انا مزروعيه هب منصوريه
شمه اكثر وحده تشبه امها ... وماشاءالله على امها خشمها كالسيف وعيونها سود ووساع لكنها سمره وشمه بيضه ...
ام سيف : اشبلاها المنصوريه هب عايبتنج
شمه : افاااا انا ماقلت جذه ... والله انه المنصوريات يعقن الطير من السما
ويدش عليهم هزااع اخوهم الصغير .. كان لابس كندوره عربيه لونها عنابي ومتعصم وفأيده عصا ...هزاع من النوع لي يحب ييلس ويا الرياييل والشواب صح انه ياهل لكن اسلوبه ورمسته نفس الرياييل ..........و من شاف اخوه سيف راح يسلم عليه
سيف : مرحب مرحب بشيييخ الرياييييل
هزاع تخاشم وياه : لمرحب باااجي ... شحالك وشحال هل بوظبي .!!!
سيف : يسركم حااالهم .. وانته شحاالك ..!!
هزاع : مانشكي بااس ونحمدالله
شمه : هزااااااعي فديت خشمك سمعنا شله من هالشلات الغاويه عشات تحلو اليلسه اكثر
محمد وزايد وسيف : يالله سمعنا
هزاع : حاااااضرين ..... ماطلبتوا الساااع
هزاع حلو صوته يوم يشل والكل ينبهر من يسمعه ...وبدا يشل
لا بااااس يالخلاني لا باااااس ...... صبري وصل ذا اليوم حده
ارحم وشوف وريح النااااس .......... شوف الذي صادق بوعده
قلبي ولييع ودومه حساااس ........ حساس لك يفضي بسده
وشوقي عليكم مااله قيااااس ....... اكبرمن احساس الموده
يابو عيووون سوووود ونعااااس ( ويأشر على امه وشمه ) ...
راااعي الهوا لازم اتلذه ....... شوق وغراااام وصاادق احسااااس
لاباااس يالخلاني لاباااس ..... صبري وصل ذا اليوم حده
ارحم وشوف وريح الناااس ...... شوف الذي صادق بوعده
وسوااالم.....
سيف : من قااال سالم
محمد وزايد : صح السااااااانك ملييييون
هزااع : الله يسلمكم
ام سيف : يعلنيه ماخلا من طاريك
شمه شاقه الحلج مستانسه لانه اشر عليها يوم قال بوعيون سود ونعاس ..
شمه : هزاااااااااعي والله احبك
الكل : ضحك عليها
واذن العشاء راحوا الشباب المسيد ..... وراحن شمامي وامها عشان يصلن.......وعقب ماخلصت صلاه ام شمه راحت المطبخ تقول للبشاكير يزهبون العشا ... وشمه كانت تصلي فحجرتها .. عقب ما خلصت نزلت تحت ويلس في الصاله ....وشافت من دريشة البلكونه موتر واقف فالحوي .... ومن شافت الموتر تخبلت ونست انها بليا شيله ...راحت تفتح الدريشه وظهرت عند البلكونه ....
شمه : يا ويييييل حااااالي موتر امنوو هذا ... اففف والله هالبورش عذاااب .. وعليها مخفي شامل و رقم ثلاثي بعد ... انا بتخبل اليووووم
طبعا شمه ما كانت تدري انه حد يالس فالموتر لانه امبند ف تحرت ان محد فالموتر ....وراعي الموتر هو محمد ولد عمها .... وقلتلكم انهم ماشافوا بعض من 4 سنوات ... لانه محمد كان يدرس في لندن ويا مايد اخو شمه.....وفي كل اجازه يردون يسلمون على اهلهم لكنه ولا مره قدر يشوفها ...
محمد فز قلبه من شاف شمه ....: يا ويل حااااااااااااالي ... انا اشهد انها غزاله... مسكين حالك يامحمد اسميها هالبنت عذاااااب
شمه , ماشاءالله عليها حلووه خشمها كالسيف وعيونها سوود و وساع وويها ابيض ومدور وشعرها اسود نفس سواد الليل وطويييل وهي ماشالله عليها اشويه دبدوبه لكن جسمها حلو ومتناسق .......
طبعا محمد عرف انها شمه لانها الوحيد اللي تشبه امها وماعندهم غير هالبنت ...
محمد : ماشاءالله عليج يا شمه كبرتي وحلويتي اكثر ... انا من سمعت صوتها هاك اليوم تعذبت ومن شفتها تعذبت زووووووود ....
وتوها بدش داخل...سمعت هرن السياره يوم صدت شافت ابوها وخوانها نازلين من الموتر...ويوم صدت صوب البورش شافت واحد نازل منها .... تيبست ريولها وماقدرت تتحرك ..
شمه : يعلج المووووت يا شموووه جان انه شافج ... لا لا اكيد شافني ... وانا الخبله جني بنت فقرماشفت بورش فحياتي ... ياويلي من اخواني
ودشت داخل وبندت البلكونه .... ومحمد راح يسلم على عمه وعياله
××××××××××
ان شاءالله عيبكم هالجزء
والسمووحه منكم
:)
عويد الموز
15-04-2005, 04:59 AM
الصراحه شي عجيييييييييب.. فن فن فن..
حلو واندمجت الصراحه عسوالف شمامي وشواخي.. فنانات هالثنتين..
وعاد هزاعووو فديت روحه خله عصوب هذا روحه قصه ..
اسلوبج وااااااايد حلو في القصه ومشوق..
يعني خاشه هالموهبه عنا .. يبالج امط شعرج شوي..
والأحداث حلوه فيها..
وعاد كله ولا العشاق مايد ومحمد..
بس بخبرج في الجزء الأول في شوي خربطه في كلامج.. يعني انتي تطرين مايد في الحوار كاتبه اسم محمد.. بس عادي اتصير ياما صارت وياي..
على العموم طولي أجزائج شوي.. ونتريا الجزء الياي على احر من الجمر.. <<تعلمت
في الإنتظار
مرحبا الساااااااااااااع
فديتج بنتوووه والله اني استانست من شفتج
هههههههه الله الله عالمدح ... عن اصدق عمري :marsa3:
الحمدالله يوم ان الجزء عيبج .... واسمحيلي عالغلطه البسيطه
وان شاءالله الاجزاء اليايه بتكون اطول ....
والسموحه منكم
فمان الله
@--------------
بنت البلاد
15-04-2005, 06:56 PM
ويديه عيني عليج بارده عيووووزي
الصراحه شي عجيييييييب اندمجت وايد خاصه سالفه البورش.. صدق خبيله هالبنت وعليها مواقف تحفه..
وافديته هزاعوو يشل بعد,..
خلاص انا حبيته حبيته خلاص..
يوزيني اياه.. <<<عيوز شو يبابج تربينه ؟؟
الصراحه الجزء حلو وماعليه كلام..
ننتظر الياي بفاااااارغ الصبر
اطياف الذكريات
18-04-2005, 05:02 PM
بشببش صدقيني بشببش
عن لا يحسدونش
القصة واجد فنان و الله عجيبة
انشوف تحفش في الإجزاء الياية
و لا تلوميني لأني ما علقت
اني احب اعلق على القصة و شخصياتها في نهاية القصة امكن اعلق على شخصية و الي يصير العكس
فعلى نهاية القصة احلى
و نترياج
و بعد ويش
اممم
خلاص
سلملم
فراشة النور
18-04-2005, 05:08 PM
هلا
شكر ممزوج بالورود ورائحته لاحلى كاتبة
مشكورة على الجزء الاكثر من رائع
ارجو ان لا تتاخري في الاجزاء
وفي الانتظار
لوسفير
عويد الموز
18-04-2005, 07:50 PM
ويديه عيني عليج بارده عيووووزي
الصراحه شي عجيييييييب اندمجت وايد خاصه سالفه البورش.. صدق خبيله هالبنت وعليها مواقف تحفه..
وافديته هزاعوو يشل بعد,..
خلاص انا حبيته حبيته خلاص..
يوزيني اياه.. <<<عيوز شو يبابج تربينه ؟؟
الصراحه الجزء حلو وماعليه كلام..
ننتظر الياي بفاااااارغ الصبر
سلامي عليها الخويه
;)
خلاص بنيوزج اياه .. هههههههههههه
والحمدالله عيبج هالجزء والحينه بحط الجزء الثالث:marsa195:
وتسلمين غناتي :marsa92:
عويد الموز
18-04-2005, 07:55 PM
بشببش صدقيني بشببش
عن لا يحسدونش
القصة واجد فنان و الله عجيبة
انشوف تحفش في الإجزاء الياية
و لا تلوميني لأني ما علقت
اني احب اعلق على القصة و شخصياتها في نهاية القصة امكن اعلق على شخصية و الي يصير العكس
فعلى نهاية القصة احلى
و نترياج
و بعد ويش
اممم
خلاص
سلملم
مرحبا الساااع
ما بلومج غناتي ... المهم انج مريتي وقريتي القصه
وانا اشكرج جزيل الشكر لمتابعة القصه
الصراحه تشجعت اكثر من شفت ردودكم
وتسلمين يالغااليه :marsa197:
عويد الموز
18-04-2005, 07:58 PM
هلا
شكر ممزوج بالورود ورائحته لاحلى كاتبة
مشكورة على الجزء الاكثر من رائع
ارجو ان لا تتاخري في الاجزاء
وفي الانتظار
لوسفير
:marsa181:
احرجتيني الصراحه
العفووو يالغاليه
وتسلمين الشيخه عالكلام الطيّب :marsa197:
والحينه بحطلكم الجزء الثالث
عويد الموز
18-04-2005, 11:28 PM
السلام عليكم
الجزء الثالث
وتوها بدش داخل...سمعت هرن السياره يوم صدت شافت ابوها وخوانها نازلين من الموتر...ويوم صدت صوب البورش شافت واحد نازل منها .... تيبست ريولها وماقدرت تتحرك ..
شمه : يعلج المووووت يا شموووه جان انه شافج ... لا لا اكيد شافني ... وانا الخبله جني بنت فقرماشفت بورش فحياتي ... ياويلي من اخواني
ودشت داخل وبندت البلكونه .... ومحمد راح يسلم على عمه وعياله
بو سيف : مرحبا مرحبا ... يا حيالله من يانا
محمد: الله يحيك عمي
مايد : هلا والله بالطش والرش .... اسفرت و انورت لبلالالاد ...
محمد : هههههالمهلي ما يولي .... هب جني الا راد وياك لبلاد قبل اسبوع ..
سيف : هههههههه .... شحالك بن عمي وشحال عربانك ..!؟
محمد : يسرك الحال .... ما نشكي باس ونحمدالله ...
زايد : افففف خسنا من الحر .... يالله ندش داخل
دشوا كلهم ويسلوا فالميلس .... زايد راح عند امه يخبرها ان محمد ولدعمهم اهنه ...
زايد : امايه فديت خشمج واحد يريد يسلم عليج ...
ام سيف : زيووود يالمستخف ترضاها علي ... اسلم على غريب ... مسود الويه
زايد : هههههههه انزين اسألي امنوه هذا اول .... وعقب اهزبيني
ام سيف : ادريبك طفس اكيد واحد من ربعك تريدني اسلم عليه ...
زايد : هههههه ...... واذا قلتلج محمد ولد عمي خلفان لي يريد يسلم عليج...
ام سيف وبفرحه : ويييييه .. يعلني افداااه .... وخر وخر عنيه ... بروح اسلم عليه
زايد : ههههههههه اسميها تخبلت العيووز
شمه كانت يالسه ....... انصدمت من سمعت خوها يقول انه محمد عندهم ..
شمه : حسبي الله على بليسج يا شموووه .. الحينه كيف بجابله انا ... والله مفتضحه
راحت ام سيف الميلس عشان تسلم على محمد ... هو من رد من السفر ما ياهم لانه كان مشغول اشويه ....... ودشت عليهم ام سيف ووراها زايد ....
ام سيف : مرحبا مليوووووووووون ولا يسدن ... حي هالشووووف
قام محمد يسلم على مرت عمه : مرحبتين كبااااااار
ام سيف رفعت البرقع وتخاشمت وياه .......
زايد : يا سلاااااااااام وجدامنا بعد ..... ثرج هب هينه يالمنصوريه
ام سيف : جب انته يالطفس ....
مايد : هههههههه اكيد محمد مستانس .... منصوريه عاطتنه ويه
ام سيف : مسود الويه محمد نفس ولدي ... انتو شعنه محتشرين ابوكم ما قال شي ...!!؟
بو سيف : تراه ولدنا وموزه نفس امه ما فيها شي ... يوزوو عن امكم
محمد : هههههههه قولوا انكم تغاروون
ام سيف اونها زعلت : هيه شكلهم جذه .. الطفوووس هب مخليني على راحتي
مايد : افاااا والله كله ولا زعلج يالمنصوريه ... فديت خشمج الغاااوي ( رفع برقع امه وباسها على خشمها)
زايد : امايه نحنا صدق عيالج ولا يايبينا من الشارع
ام سيف : ويديييه شو هالرمسه بعد ... اكيد عيالي
زايد : عيل شعنه ما ظهرنا عليج عالاقل جان عطيتينا هالخشم الغاوي ولا شمووه غير عنا ..
من يابوا طاري شمه ..تذكرها محمد يوم شافها عند البلكونه
مايد : هييه شعنه شمامي غير ...
سيف : ههههههه اسميكم انتو .. خبااايل
ام سيف : اشدراني عنهم .. خبايل الا هم ... ترا السنه بنروح لبنان سووا لي تبونه هناك كل اللي يروحولهم خسف ويوم يردون ماشاءالله كل وحده احلى عن الثانيه...
بوسيف : ههههه ... زين ذكرتيني ... محمد ابوك خبرني انكم بتروحون لبنان ..!
محمد : هيه عمي عقب اسبوعين ان شاءالله ... وانتوا حجزتوا ولا بعدكم ..!؟
سيف : هيه حجزنا تاريخ 15/6
محمد : يعني ويانا ... نحنا بنروح 15 /6 وبنرد 30/6
سيف : ايواا... نحنا30 /6 بنروح جنيف وبنتم فيها شهرين
محمد : يقولون السنه اوروبا هب شي وحر ...!!
مايد : شوه انسوي هاي آوامر الشيخه شمه ...
زايد : انا عن نفسي اريد اروحلها .. بتلاقى ويا ربعي هناك اللي اشوفهم كل سنه ومن غير ربعي اللي ويايه فالمدرسه بيروحون السنه جنيف
محمد : ههههه ... المهم انكم تستانسون وتردون بالسلامه ......... عيل وين هزاع , ماشفته ..!
بو سيف : هزاع تلاقى ويا ربعه عند المسيد
ام سيف : الحينه بنحط العشا ولين الحينه مايا .. بروح اقول لشمامي تتصلبه ... وانته محمد لاتروح بتتعشا عندنا ..
محمد : ان شاءالله خالوه .. عشان خاطرج مابروح وبتعشا عندكم
راحت ام سيف تقولهم يحطون العشا وتقول لشمه تتصل بأخوها هزاع ..
شمه : السلام عليكم
هزاع : وعليكم السلام والرحمه
شمه : فديتك هالصووت يا ربي ... هزااعي غناتي انته وين ..!؟
هزاع : انا ياي فالدرب ...
شمه : اي درب ههههه من وين ياي انته
هزاع : ههههه خلاص وصلت .. قلت للدريول يسرع
شمه : هههههه ماشاءالله سوبرمان هب دريول هذا
هزاع : ههههه والله لو ابا .. بخليه بات مان
شمه : ههههههه انزين هزاع محمد ولد عمي خلفان عندنا
هزاع : انزين شمامي ببند عند الحينه بدش الميلس ... مع السلامه
شمه : فمان الله
راح هزاع ميلس الرياييل ودش عليهم ...
هزاع : مرحبا السااااع
الكل : مرحبتين كباااااار
وراح يسلم على ولد عمه محمد ....
هزاع : يا مرحبا مليووووون ... خششششمك
محمد : لمرحب بااااجي ... شحالك بن عمي ..!؟
هزاع : بخير وسهاله
محمد : ان شاءالله دوووم هب يووم
بو سيف : اقربوا يا عيال ... العشا زاهب
وراحوا كلهم يتعشون ... وعقب ما تعشوا راح عنهم محمد .... وطبعا خبروا بو سيف انهم بيروحون دبي باجر عشان البنيات يريدن يروحن السوق ... وبوسيف ما رفض ... شمه وشيخه ما يدرن انهن بيروحن دبي .... كانن مخططات انهم يودونهم العين موول وعقب مارينا موول لي في بوظبي ...
عويد الموز
18-04-2005, 11:30 PM
اليوم الثاني
في بيت خلفان فاضل المزروعي
( الخميس )
الساعه 8 الصبح
ام محمد وبومحمد كانوا يالسين يتريقون تحت ... شيخه وعوشه (اخت شيخه العوده) توهن نازلات من فوق وسلمن على ابوهم وامهم ويلسن يتريقن ...
عوشه : جيف اصبحتوا ..!؟
ام محمد وبو محمد : الحمدالله يا بنتي ...
شيخه : عوااشي ما بتروحين ويانا الموول ..!؟
عوشه : لا فديتج ... ماحب اروح المولات
شيخه : انزين ما تدريدين شي
عوشه : اذا شفتي شي حلو ويناسبني خذيلي ..
شيخه : من عيوووني ... اصلن مستحيل ارد البيت وما اكون ماخذتلج شي ..
عوشه : تسلم عيونج غناتي .. عيل وين سعيد ومحمد .. بعدهم راقدين .!؟
ام سيف : مادريبهم .. انتو لي نازلين من فوق ... اميه شيخه روحي شوفي اخوانج ...
بو محمد : هيا انقفضوا ... وراكم درب ..!؟
شيخه : هههههه فديتك ابويه اي درب الا رايحين العين مول و المارينا ..
ام سيف : وييه عيل ما خبروج ... اخوج يقول انه بيوديكن دبي
شيخه : دبـــــــــي دااار الحــــــي ..!!!!!
بو محمد : هههههه هيه دبي دار الحي
شيخه : والله ماكنت ادري انه بنروح دبي ..!!
عوشه : هههههه انزين روحي اسألي محمد اذا بعدج هب مصدقتنا
شيخه : بروحله الحينه ..
وراحت شيخه فوق عشان توعي اخوانها وتشوف محمد وتسأله ... راحت حجرت سعيد لقته واعي ... وعقب راحت عند اخوها محمد ....دشت حجرته ويلست عالكرسي تترياه لين ما يظهر من الحمام ... خذت موبايله ويلست اطرشلها مسجات حلوه ..
وفي هالوقت ظهر محمد من الحمام وما انتبه لشيخه ... وشيخه كانت تطالعه ... كان شكله خباااال ...شعره خرسااان وهو اصلن شعره حلوو وطويل شويه ورادنه على ورا و ماكان لابس فانيله ....... محمد جسمه حلو ... طويل وعريض شويه لكنه رشيق ... يعني جسمه متناسق .... و اسمر وخشمه طويل كالسيف المسلول .... كل البنات يتخبلن عليه لانه صدق جميــــــــــل ...
شيخه : يا ويل حااااااالي ... شوه هالجمااال حموود تشبه هرتك الممثل الهندي
محمد : ههههه شوه اول مره اتشوفيني ... وبعدين يخسي هالهندي انا احلى عنه
شيخه : لا لا بس اليوم محلو .. هذا ونحنا بعدنا ما رحنا لبنان ... لو رحنا كنت بقول انك مسوي شي هناك
محمد : جييه حرمه ... انا ريال وماعندي هالخرابيط .. الحمدالله راضي وماريد اغير خلقة ربي
شيخه : هههههه .. انزين محمد .. انته بتودينا دبي ..!؟
محم : هيه نعم .... امنوه خبرج ..!؟
شيخه : قووم اميه
محمد : اهااا .. انزين تريقتي
شيخه : هيه .. انته انزل اتريق
محمد : انزين وانتي روحي تزهبي ماريد اتأخر على مايد وشمه ..
شيخه : اوكيه ..انا بروح اتلبس
محمد : تعاالي تعاالي يالحراميه ماخذه موبايلي ومروحه بكل ثقه ..
شيخه : بسم الله الا هو تيلفون
محمد : يالله رديه مكانه .. واظهري برع
شيخه : اصلن انا بظهر قبل لا تطردني
محمد : هههههه خلاص طردناج وخلصت السالفه .. يالله برع
شيخه : اففف غلس ....... انزين ماعليه
وظهرت عنه شيخه وراحت تتزهب ... ومحمد تلبس وتكشخ .. كان مستانس من الخاطر لانه بيشوف شمه اليوم ...
لبس كندوره كركميه وسفره حمرا .. ولبس ساعته وتعطر وتدخن .. جنه يوم عرسه ...ونزل تحت يسلم على هله ... يوم نزل كلهم ابتسموا
ام محمد : بسم الله علييييك .......يعل ربي يحفظك
بو محمد : شو هالكشخه .. ماشاءالله ....طالع على ابوك
ام محمد : هههههه لازم ولدك العود هذا
عوشه : جنه معرس
ام محمد : الله يسمع منج وايي هاليوم اللي بشوفك فيه معرس
محمد : ههههه صباح الخير
الكل : صباح النوور
محمد : جيف اصبحتوا ..!؟
ام محمد وبو محمد : نحمدالله ونشكره
عوشه : محمد متى بتروحون بيت عمي ..!؟
محمد : الحينه يالغاليه ... اتريا شيخه تخلص وعقب بنروح سوا
ام محمد : وين بتروح وانته بعدك ما تريقت ولا كلتلك لقمه ..!؟
محمد : بشرب قهوه
وتوهم شيخه وسعيد نازلين .. راح سعيد يسلم على هله وشيخه تمت واقفه ..
سعيد : صباح الخير يا احلى ام واب فالدنيا
محمد : هههههه هاا علموكم اياه فالمدرسه
ام محمد وبومحمد : صبااح النوور والسروور
سعيد : لا انا شفتهم يقولون جذه فالرسوم
ام محمد : فديتك .. يعلني ماخلا منك
محمد : يالله عيل ... نترخص نحنا .. شي فالخاطر ..!؟
عوشه : سلامتكم
ام محمد : تحملوا على عماركم .. ولا تسرعون .. وسلموا على ام سيف
محمد : ان شاءالله اميه يبلغ
بو محمد : وانا بعد ما يحتاي اوصيك يا محمد ..عن السرعه الزايده ... انته رياال وتعرف
محمد : ههههه ان شاءالله ابويه خلاص ما بسرع ... هااا امايه خلصن الوصايا السبع ..!؟
ام محم : هههه مسود الويه تتمصخر عليه بعد
محمد : لا افااا ماعاش لي يتمصخر عليج ........يالله شواخي
شيخه : يالله مع السلامه
ام سيف : الرب حاااافظ
وراحوا محمد وشيخه بيت عمهم حمد ... ياخذون مايد وشمه ... وعقب 10 دقايق وصلوا ... بيت بو محمد قريب من بيت بو سيف اخوه ...عشان جذه ما تحيروا عليهم...ونزلت شيخه ومحمد بند الموتر ونزل وراها ... ودشوا بيت عمهم .. شيخه دشت الصاله ومحمد وقف عند المدخل .. يتريا شمه تزقره .. لانه يمكن عندهم حد ولا بنتهم يالسه بليا شيله ... كانت ام سيف يالسه فالصاله ..
شيخه : السلام عليج خالوه
ام سيف : وعليج اسلام .. يا حيالله من يانا نور البيت ...
شيخه راحت تسلم على ام سيف و يلست حذالها ....
ام سيف : جيف حالج اميه وجيف حال عربانج ..!؟
شيخه : يسرج حالهم خالوه .... وانتو شحالكم ..ربكم بخير ...
ام سيف : بخير وسهاله ... ما نشكي باس
محمد مل من كثر ما تريا ...: جنها شيخووه نستني ... ان بدش ها ي شكلها ما بتي
محمد : هووود هوووووود .... اقلط ولا ..!؟
شيخه من سمعت صوت اخوها تذكرت انه واقف ونست تزقره ...
شيخه : اوووه نسيت اخويه خليته واقف ولا زقرته ..
ام سيف : اهداا اهداا ... اقرب فديتك
ودش عليهن محمد وراح يسلم على مرت عمه ويلس ...
ام سيف : وشحالها امك ..!؟
محمد : يسرج حالها ... تسلم عليج
ام سيف : الله يسلمها من كل شر
وتوه نازل مايد من فوق ... وتشوفه شيخه ... مايد من شاف شيخه تطالعه تخبل ... وشيخه نفس الشي من شافت مايد فز قلبها .... طبعا مايد عمره ماقال لشيخه انه يحبها ونفس الشي شيخه ... لكن كل واحد فيهم يحس بالثاني ...
مايد : مرحبا الساااع .. حيهم الشيووووخ
محمد : لمرحب باااجي
مايد : شحالك بو الشباااب ..!؟
محمد : بخير وسهاله
مايد ( يصد صوب شيخه ) : شحاالج بنت عمي ..!؟
شيخه : بخير وسهاله ... انته شحالك ..!؟
مايد : بخير دامج في خير
شيخه كانت مستحيه لكنها ما بينتلهم شي ......
ام سيف : ما تقهويتوا ولا هبشتوا الفواله ...!.؟
محمد : افاا عليج خالووه الحينه بنتقهوا .. شواخي صبيلي قهوه
قامت شيخه صبت لاخوها وصبت لام سيف وسألت مايد اذا يريد ..
شيخه : مايد تريد قهوه ..!؟
مايد : ما بردج
ام سيف : عيل وين شمه ... عنبوه بتتأخرون متى بتوصلون دبي ..!
مايد : هكي دبي الا فرة حصى ....
توها ام سيف بترمس الا وسمعوا حشرت شمه و زايد ... طبعا كل شي ينسمع لانه بيتهم عووود ومفتووح .. يعني اللي تحت يسمعون اللي فووق ..
شمه (تزاعج): زيووووووود يالحمااااااااااار .. وخره عني ... حراااام عليك والله اتروع منه
زايد ( يضحك بصوت عالي ) : هههههههههههههههههههه والله ما يسوي شي .. تعاالي تعاالي
تقرب زايد من شمه ... شمه ماقدرت تتحمل جان تصيح ....
شمه : يالخااااااااااااام ... وخر عني ... بخبر عليك ابويه . والله ما بيخليك ادخله البيت ثاني مره
زايد : انزين انتي ليش خوافه والله ما يسوي شي .. زخيه
شمه : ماااااااااااااريد ......... اماااااااااااااااااااااايه
محمد وشيخه مستغربين وهب عارفين شمه شو فيها وزايد شوعنده ... لكن مايد بكل بروود كان يضحك عليهم جنه يالس وياهم ويشوفهم ...
ام سيف : وييييييه حسبي الله عليهم فضحونا جدام العرب ..!؟
مايد : هههههههههههههههههه خبايل
ام سيف : ابويه مايد قم شوفهم ... وشوف شمه شعنه يالسه تزاعج
مايد : يعني ما تعرفينهم .. نفس كل مره يتضاربون ... واكيد زايد يايب شي عشان يخوف شمه
ام سيف : حرام عليكم هاي اختكم الوحيده
محمد فخاطره يفلع مايد ويقوله يقوم يشوف شمه ... ولو كان عادي وهب عيب .. هو اللي كان بيروح يشوفها
مايد : خلاص خلاص .. بروح اشوفهم
وتوها شمه نازله من فوق وتمشى بسرعه والدموع اربع اربع ...والويه محمر ...هي ماشافت محمد ولا شيخه لانهم يالسين عالكراسي اللي عالطرف وام سيف ومايد كانوا مجابلين مخل الصاله ...يعني ماشافت غير امها واخوها
ام سيف : شماامي اشبلاج اتزاعجين وتتضاربين ويا اخوج ..!؟
شمه توها بدش الصاله وبتتحرطم ... لكنها سكتت من شافت محمد وشيخه ...كانت بتروح لكن ام سيف زقرتها .. وتمت واقفه
ام سيف : تعالي فديتج .. سلمي على عيال عمج ... هذي حبيبتج شيخه اهنه ..!؟
دشت شمه وسلمت على شيخه وعقب يلست حذال امها ولزقت فيها ومنزله راسها ...
محمد كان متخبل على شكلها .. صح انه شافها البارحه عند البلكونه .. لكن هالمره غير ...اقرب من بعض ... وشمه كانت مفتضحه منهم واكثر شي من محمد ...
شمه كانت تقول فخاطرها ...: افففف صدق بيقول كبرت وتخبلت ...مره عالتيلفون ومره يوم يلست اوايج على سيارته والحينه بعد اففف والله فضيحه ...
ام سيف : ويدييه شمه سلمي على محمد ... هذا ولد عمج .!؟
شمه بغت تموت : السموحه منك ولد عمي
محمد( مبتسم ) : بالحل ... مسموحه الشيخه
مايد كان ميت من الضحك عليها ...: اقول شمه .. اشبلاج محمره جذه .. هههههههههههه
شمه محرجه وواصل حدها ....رمست امها بصوت واطي
شمه : امايه سكتي ميوود الغلس
ام سيف تغمز حق مايد وقالتله يسكت .....
مايد : هههههههه والله ياميه خاطري اعرف السالفه
شمه ما قدرت تتحمل ... وايد انحرجت ...
شمه : حرااا معليكم انا شوه سويتبكم عشان تعاملوني جذه ومخليني مصخره جدام كل حد كافي زيوود الخااا م والحينه يا دوورك انته .. افففففففف
صاحت شمه وراحت بسرعه لحجرتها ولحقتها شيخه ... محمد كان وده يروح وياهم لكنه مايروم ...كانت واايد غامضتنه ... صح ان محمد غلس ودوم يلعوزها يوم كانوا يهال بس هب لدرجه انه يصيحها بهالطريقه ..
مايد : والله هالبنيه دلووعه
ام سيف : مسود الويه بدال ما تفازع اختك يالس تقول هالرمسه ... وزيوود الهرم دوااه عندي .. شو امسوي هو ..!
مايد : ههههههه ماشي ... بس يايب حنيش
محمد : حنيييييش مره وحده .. من وين يايبنه .. حرام عليكم ما لقيتوا غير شمه تروعونها ..
ام سيف ويييه حسبي الله عليه من صبي .. ويييينه الهرم .... ماكون موزه بنت مبارك ان ماهزبته اليوم
واحتشرت عليهم ام سيف وتوه كان نازل زايد وبكل فخر بعد ياي عندهم ويلس حذال امه ...
زايد : السلااااام عليـهم
محمد : وعليهم الســـلام ........ ياويلك من خالو ...
مايد : ههههههههههههه انصحك لا تيلس حذالها
زايد (بكل برود ): ليش ..!؟
ام سيف مره وحده تكلمت وفز زايد من مكانه ...
ام سيف : وامسوي عمرك ما تعرف .. يالهرم شعنه مخوف اختك ... وبعدين من وين يبته الحنيش .... عنبوه ما تتروع منه
زايد : امييه انا ريال ماخاف .. وبعدين شمامي دلوعه .. تخاف من كل شي حتى النمله اذا مرت من بعيد تخاف منها
ام سيف : مسود الويه ... قوم قووم عني ...روح شوف اختك وراضها .... هاي اختك الوحيده
زايد : اصلن شمامي ما تهون عليه الحينه براضيها
وراح عنهم زايد ودش حجرت شمامي ... من شافته ما سوتله سالفه وشيخه يالسه حذالها
زايد : اقووول شواخي اشبلاهم الحلويين زعلانين ..!؟
شيخه : والله مادري اسأل نفسك ..!؟
زايد : هههههه شمامي عاد لا تزعلين والله كنت اتمصخر وياج
شمه : ماااااريد ... اطلع برع
شيخه : خلاص شمامي لا تزعلين .. لو ما يحبج وماتهونين عليه جان مايج لين حجرتج ويراضيج ... انا لو امووت حمود ما بيراضيني وبيسوي نفس زيوود
زايد : ايييه شوه زيوود انا اسمي الشيـــــخ زايـد
وفجأه تصيح شمه ... كلهم استغربوا
زايد : بسم الله .. اشبلاج اتصيحين شمامي ..!؟
شمه : ماشي بس تذكرت الشيخ زايد الله يرحمه
شيخه : فديتج شمه لا تصيحين كلنا مفتقدين الشيخ زايد الله يرحمه ... لكن شوه نسوي هذا يومه...
زايد يلس حذالها ولوى عليها ...
زايد : خلاص لا تصيحين ... بسم الله شوفي شكلج كيف .... هل دبي بيتروعون منج ههههه قومي غسلي ويهج ..
شمه : وهل دبي وينهم عني ..!
شيخه : ههههه ترا خويه بيودينا دبي
شمه : قولي والله ..!
شيخه : يالله قومي لا تفوتين هالفرصه
نشت شمه تغسل ويهها ونزلوا تحت ويلسوا فالصاله ... زايد كان ميود ايد شمه ويضحك وياها
مايد : سبحاااااااان مغير الاحوااال .. توج كارهتنه
شمه : هذا اخويه لو شوه يسوي ما اكرهه ...
زايد : احم احم
محمد : يالله عيل بتروحن ويانا ولا نروح عنكن ...
شمه وشيخه : لا لا لا بنروووح
ونشوا كلهم وسلموا على ام سيف وراحوا عنهم
**************************
وهذا نهاية الجزء الثالث
ان شاءالله يعيبكم
وترقبوا الجزء الرابع
اختكم عويد الموز :)
اطياف الذكريات
19-04-2005, 12:53 AM
فديت عويد الموز انا
مشكووووووووووورة اختي و الله متشققة لأني اول وحدة رديت
قصتش تحفة و انقشيها بالجزء الياي
نترياج
و مشكورة مرة ثانية
و عساج على القوة
اختكم : اطياف العذارى
بنت البلاد
19-04-2005, 09:47 AM
رهييييييييييييب الجزء الصراحه
وهذا زيوود اشعنه يلعوز شموو فديتها..
ومحمد وحليلو خلاص غرقان في الحب شكله..
ننتظر الجزء الياي
فراشة النور
20-04-2005, 03:02 PM
مشكورة يا احلى عويد موز
تراني ناوية اكلك
الجزء ولا اروع مشكورة مليون الف مره
بس سؤال كلمة مافهمتها ويش الحنيش يمكن احنا اهل السعودية نسميه غير مادري بس اذا تقدري تقولي ليي اسمه بالفصحة او توصفي شكله
و على عمري شمة تخاف لو اني منها كسرت البيت على الي يخوفني بشي
ولا تتاخرين
في انتظار الجزء
باي
اطياف الذكريات
22-04-2005, 02:16 PM
وينج رحتي عويد الموز
مو جنج تأخرتي من آخر جزء نزلتينه
صدقيني قاعدة على أعصابي و كل يوم ادش ابي تكملة القصة و الجزء
لكن ما تنزلينه
ارجوج اوخيتو لا تمهلين
و سلملم
ام ادويس
22-04-2005, 05:09 PM
السلام عليكم ............
عويد الموز ترانا ننتظر الجزء الباقي .
شكرا
ام ادويس
22-04-2005, 05:10 PM
السلام عليكم ............
عويد الموز ترانا ننتظر الجزء الباقي .
شكرا
ام ادويس
22-04-2005, 05:43 PM
السلام عليكم ............
عويد الموز ترانا ننتظر الجزء الباقي .
شكراhttp://www.marsauae.com/vb/images/icons/icon1.gif
عويد الموز
23-04-2005, 01:10 AM
السلام عليكم والرحمه
السموحه منكم يا جماعة الخير
كنت مشغوله هالايام
ان شاءالله
اذا الله راد بحطلكم الجزء الرابع باجر :marsa57:
وبالنسبه لسؤال اختيه لوسيفر ... الحنيش يعني الحيّه :marsa139:
عويد الموز
24-04-2005, 12:19 AM
السلام عليكم
شحالكم ..!؟
---
--
الجزء الرابع-
-----------
وعقب ما سلموا على ام سيف .. راحوا ركبوا السياره .. طبعا محمد اللي بيسوق ... طلعوا من الفريج والحينه هم على درب دبي ..... شمه وشيخه كانن مستانسات من الخاطر ويسولفن ... ما يد يالس يسمعهن ويضحك عليهن ....
مايد : اسميكن ما بتعينن على خير اليووم ... عنبووه راادو من ركبنا وانتن تسولفن ... انا اللي ما رمست ثميه عورني ...
شيخه : يعني شوه نسوي .... الدرب طويل لازم بنسولف ... حشى تريدنا انتم ساكتات طول الدرب ... !!
مايد : هههه عاد هب جذه .. جنكن عيايز ما خليتن شي ما رمستن عنه .... علووم بوظبي كلها عندكن
شيخه : هههههه قول هالرمسه لأختك
شمه : يالهرمه ها يزايه يالسه اسولف وياج واسليج ... وانته ان ما خبرتــــ ................. ( ويقاطعها مايد)
مايد ( يقلدها ) : وانته ان ما خبرت عليك سيف ما كون شمه بنت حمد
شمه : والله لو فالبيت جان راويتك ...... اتم ساكته احسن لي
مايد : ههههه الله يخليك محد لا تردني بيتنا اليوم برقد عندكم ... اخاف يذبحوني وانا راقد
محمد كان يضحك على سوالفهم ... وكل دقيقه يشوف شمه من المنظره ....
شمه : اقوول محمد ممكن تشغل الرادو عشان افتك من حشرت بعض الناااس
شيخه : ولو يكون ميحد يكون احسن
مايد : هب راد عليكن
محمد ( مستانس ان شمه رمسته ) : حاضرين الشيخـــات
ويشغل محمد الرادو ويحطلهم غنيه ميحد ( غنى الحمام) .. وارتبشوا الجماعه ... خصه مايد كان مرتبش عالآخر ... ومحمد كان يغني ويا ميحد ومرتبش ويا مايد .... شمه وشيخه يلسن يضحكن عليهم وارتبشن وياهم ....
وعند هالمقطع مايد غنى ويا ميحد
وتوق بصواااتي ونا اقول ويلاااااه ... قلبي امتيم يا ملا والعقل خف
حراااام نومي يا ملا ما تهناه ... حالي عليلن وصفج الكف بالكف
على وليف ما رحمني بحسناااه ... خذ نهجتي وقفا ولا بي تلطف
مايد كان يقصد شيخه بهالمقطع
مايد : يااااااااابس ياااااابس ... حمود وين العصا بيوووووول
محمد : ههههههههه وين اتيول تخبلت انته
مايد : وقف وقــــف الموتر .... بنزل بيووووووول
محمد : ههههههه خله عنك هالخبال
مايد : فذمتك هب فخاطرك اتيووووول
ويوقف محمد الموتر ونزل مايد ايووول ... محمد ضحك عليه وهو الثاني شل العصاا وراح ايووول وياه ... شمه وشيخه هب مستوعبات .... لكن يوم بدوا ايولووون تخبلن على اشكالهم .....
وتوقف BMW X5 حذال موترهم وينزلون منها اثنينه بعصيهم .... وراحوا ايولووون ويا مايد ومحمد ... طلعوا ربعهم ....
محمد كان يغني عند هالمقطع و ايوول وايبّس ويحرك ايده ويحط ايده على قلبه وعينه ويأشر وفي هالوقت كان يتذكر شمه يوم كانت واقفه عند البلكونه ...
يذووب قلبي يوم بسمع بطرواه ... لنه فريد الحسن ما كاد يوصف
كالشمس في جلباب طلعت محيااه ... كالبدر ليمنه كمل عد ونصف
له جادل ظافي ايلي قام يسحااه ... طايح على امتونه ردوم ترظف
والعين سودا كنها حبر فدّواه ... وحياي مقرون كما النون وعطف
شيخه : شمااااامي شوفي محمد
شمه : يا ويل حااااالي .... ظنج لمنو كل ها
شيخه : هههههههههه اشدراني يمكن انتي
شمه : ههههههههههههه وانا شوه يخصني بأخوج
شيخه كانت تتمصخر وياها ... وشه حليلها ماكانت تدري انها المقصوده
وعقب ماخلصوا اليويله ... سلموا على بعض .. وكلن ركب موتره وراح ...
شمه : الحينه لو مرت سيارة الشرطه وشافوكم شوه بتسوون ..!
شيخه : عنبووه حد ايوول فالشوااارع
مايد : هههههه شو بيسوبنا يعني
محمد : بيضربولنا سلاااام وبيروحون
مايد : هههههه سمعتن
شيخه : جيه امنوه انتو .... الا محمد ومايد
مايد : هب عايبينج
شيخه : هههه لا لا عايبيني ... مافيه على لسانك
شمه : ههههه حشى روعت البنيه
محمد : هههههه انزين شوه رايكم فاليويله
شمه وشيخه : ابدعتووووا
وكملوا سوالفهم ... وما بقى لهم الا نص ساعه وبيوصلون دبي ....
في العين
بيت حمد المزروعي
الساعه 10 الصبح
ام سيف كانت يالسه فالصاله تتقهوى وهزاع كان يالس وياها ....
ام سيف : ابوويه هزاااع هب زين تشرب قهوه هالكثر ... عنبوه ما خليتلي شي ... شفطت الدله بكبرها
هزاع : امايه قولي ماشاءالله عن اغص ..... وشعنه هب زين تراج انتي وابويه تشربون ...
ام سيف : انا وابوك غير .. انته بعدك ياهل
هزاع ( يغلظ صوته نفس الرياييل ) : انا رياال هب ياهل
ام سيف : هيه فديت ولدي رياال والنعم فيه
هزاع : امايه ..
ام سيف : لبيه
هزاع : سمعت انه بنسافر السنه ..!؟
ام سيف : ويديه ترا كل سنه انسافر ... شو اليديد
هزاع : اففففف يعني بلبس بنطلون
ويدش عليهم زايد ... وسمع رمست هزاع .. ضحك عليه
زايد : ههههههه ها ولد البدو ناوي تلبس كنادير السنه
هزاع : هيه بلبس ... عيل تريدني البس بنطلون نفس عيال الانجليز
ام سيف : ويديييه ترا ابوك واخوانك يلبسون ...
هزاع : امايه عيل انتي يوم تسافرين ما تشلين البرقع و تلبسين مخوره
ام سيف : هب هباااك الله تريدني اشل البرقع عن ويهيي ...
هزاع : انزين الانجليز شعنه ما زخووج .. انتي تراج قلتيلي اذا ما لبست بنطلون بيزخونك الانجليز وما بيردونك لبلاد ...
زايد : هههههههههههه امك عندها واسطه هناك
ام سيف : جب انته ... مسود الويه
ويدش عليهم سيف .... وراح يسلم على امه ويلس حذالها
سيف : شحالج الغاليه ..!؟
ام سيف : بخير وسهاله ... فديتك محد غيرك الي مريحني
سيف : شووه سووبج هالاثنينه
هزاع : ما سوينا شي ... انا مااريد البس بنطلون يوم بنسافر
سيف : عينوا على خير ... بعده السفر ... عقب اسبوعين
ام سيف : ترا لازم يحنون ع راسي قبل الشي لا يستوي
سيف : الغاليه انا بروح الدوام
ام سيف : شعنه تروح الدوام بعد .... ما عندك اجازه ..!؟
سيف : لا اجلتها عالاسبوع الياي .. بعدنا عالسفر شوه ايلسني فالبيت لا شغل ولا مشغله .... قلت بداوم هالاسبوع
ام سيف : على راحتك امييه .. تحمل على عمرك
سيف : ان شاءالل الغاليه ... مع السلامه
سيف : فمان الله
سلم عليهم سيف وراح عنهم ....
زايد : اميه انا اليوم معزوم بروح ليوا
ام سيف : عند امنوه
زايد : عرب عيونهم سوووود
ام سيف : يالهرم ثرك رايح تغازل بنات الناس
زايد : لا لا ههههههه بروح عند ربيعي سيف المنصوري
ام سيف : ها اللي امه جتبيه >> ( الكتبي )
زايد : هيه نعـم
ام سيف : حليلها من زمان ما رمستها
زايد : امايه شوه رايج تعزمينهم هل ليوا
ام سيف : اترياك انا اكيد بعزمهم زبعزم خالك مهير قبل لا نسافر
زايد : وشوه رايج بالمره تعزمين هل دبي
ام سيف : فديتها اختييه حصه اكيد بعزمهم
هزااع : يا سلااام يعني عزيمه عووده ... شوه رايج تعزمين سعيد ولد عمي خلفان بعد
ام سيف : هكوا بيتهم الا فرة حصى .. ما يحتاي اعزمهم بعد البيت بيتهم ...
وراحت ام سيف عشان تتصل بأم محمد وتخبرها عن العزيمه وعقب ما يتفقن بترمس هل ليوا وهل دبي .... هل دبي هم قوم ( خليفه محمد الشامسي اخو ام محمد ومرته حصه المنصوري اخت ام سيف ...
وهل ليوا هم ( مهير بن راشد المنصوري اخو حصه وام سيف ومرته شيخه تستوي اخت بو سيف وبومحمد المزروعي )
-----------
عويد الموز
24-04-2005, 12:21 AM
في دبي
الساعه 10:30 الصبح
توهم قوم محمد والين دبي ... طبعا مايد عقب الحشره واليوله رقد .... شمه وشيخه تمن يسولفن ويا محمد ... واتفقوا وين بيروحو نفي دبي ...
شمه : انا اريد اروح وافي .... يقولون عندهم اشياء غاويه
شيخه : زانا بعد اريد اروح وافي
محمد : خلاص بوديكن وافي . ما تريدن تروحن مكان ثاني ..!؟
شيخه : ماندري ... نحنا ماندل شي فدبي
محمد : بوديكن برجمان ... فتحوا قسم يديد كله ماركات .. شوه رايكن ..!؟
شمه وشيخه : بنرووح
مايد كان راقد في سابع نومه ولا حاس بشي
شمه : ههههه وافديت اخويه تعبان
محمد : ههههههههههه مسطل الا ... اوين مارقد البارحه
شيخه : ههههههه حليله شفتوه كيف ينود قبل لا يرقد والله هلكت من الضحك هههههههههه
محمد : ههههههههههه شفته .. هب اول مره يرقد فالموتر
شمه يلست توعيه ... لكن مايد هب حاس بشي من التعب ...
محمد: ههههه خليه انا بوعيه على طريقتي
شيخه : شوه بتسوي ..!!!!
محمد : انتن تيودن عدل واربطن الحزام ...
شمه : ويه شوه بتسوي بأخويه
محمد : ههههههههه شوفن الحينه .... تيودن عدل
تيودن شمه وشيخه وهن مستغربات من محمد .... محمد زيد السرعه وفجأه وقف .... مايد عفد على جدام وهو مبطل عينه .. هب مستوعب شوه اللي استوى ... ومحمد وشيخه وشمه هلكوا من الضحك عليه ....
مايد : يالخااااااااااااااااااااام ... شووووووووه ما تعرف اتسووق .... عنبووووه فريتني .....ويهي لزق عالجاااامه
محمد : هههههههههههههههههههههههههههههه والله مارووم ههههههههههههههههههههههههههههههههه
شمه : ههههههههههههههههههههههه حراااام ما صورته هههههههههه
شيخه : والله بمووت هههههههههههههههه
مايد : ماعليه يالخااايس والله اروايك ... زين جذه خليتهن يضحكن عليه ...... (ويصد ورا على شمه وشيخه ) ... وانتن حضراتكن مستانسات طبعا ........ اضحكن اضحكن ...........مسودات الويه
وينزل مايد وهو معصب ... ومحمد بركن الموتر و نزلوا كلهم .. وهم بعدهم يضحكون عليه...... وقبل ما يدشون برجمان سكتوا .... مايد كان يمشي جدامهم ومحمد وشيخه وشمه وراه ....
شمه وشيخه ما كانن متغشيات .... محمد ما انتبه لهن .... جان يشوفنهم شلة شباب ... كانوا يطالعون شمه وشيخه ويضحكون لهم ويطالعونهم بنظرات غريبه ...
شمه كانت تتحرطم وشيخه كانت تسكتها ..... محمد سمعهن محتشرات ...جان يصد عليهن ... يوم شافهن تفاجأ...
محمد : ايييه انتن وين تبن تتمشن بليا غشوه .... يالله تغشن
شمه وشيخه : ان شاءالله
شمه ( بكل براءه ) : والله نسينا نتغشى ...
محمد : ما تنلامن من حشرت ميوود نسيتن تتغشن ...... لكن ثاني مره بذبحكن
شيخه : هههه حليله مايد .... شمامي رووحي راضيه
شمه : ماريد ههههههه ماسويتله شي انا ... قولي لأخوج يراضيه
محمد : هههه هاللي ناقص بعد
شيخه تقول فخاطرها : والله ما يهوون عليه ... انا براضيه
وهم يمشون شافت محل آيس كريم ...جان تقول لأخوها محمد ....وراحوا ياخذولهم ...
شمه : انته ماتريد
محمد : اممممممم انتي شوه بتاخذين ..!
شمه : انا باخذ فراوله
محمد : خلاص انا بعد باخذ فراوله .. وانتي شواخي ..!؟
شيخه : انا باخذلي فانييليا
وطلبلهن محمد ... ووقفوا يتريون الآيس كريم ... مايد كان واقف بعيد عنهم يرمس فالتيلفون ... شيخه كانت تطالعه وهو يسولف ويضحك ..
شيخه : فديت ضحكته ... مايهون عليه اخليه زعلان
وفي هالوقت رن موبايل محمد .... وشمه وشيخه كانن وقفات يترين الآيس كريم .... جان تطلب شيخه واحد ثاني ...
شمه : لمنوو هذا ....!؟
شيخه : مـــايد
شمه : ههههههههه غامضنج .!
شيخه : طبعا ... ولد عمي هذا ... مايهون عليه ... كلنا ناخذلنا وهو ما ناخذله
وعقب مابند محمد راح يدفع وخذوا الآيس كريم .. وراحوا عند مايد ...
محمد : والله حلو الفراوله .. اول مره اطعمه
شمه : اكيد حلو داام شمامي اللي اختارته
محمد فخاطره : كل شي منج حلوو
شيخه : احم احم وين وصلت
محمد : هااه ... ولا مكان هههه بس كنت افكر في شي
شمه وشيخه : اهااااااااااااا في شي ;)
محمد : هههههه يالله يالفضول
شمه وشيخه : هههههه كيفنا
محمد : بسم الله بلاكن ترمسن مع بعض جنكن توأم
شمه : هههههه تراها توأمي
شيخه : فديتها والله
محمد : مااايد في نا س بيراضونك وماخذين لك آيس كريم بعد
شيخه مدت ايدها وعطت الكيس مايد ... مايد خذ الكيس وابتسم .. شيخه بغت اتمووت من هالابتسامه وويها احترق من المستحى ... مايد ماقدر يشوفها لنها متغشيه ...
مايد : والله كل يوم بزعل عشان تاخذولي آيس كريم
شيخه : افاا عليك ولد عمي دوون شي بناخذلك
استانس مايد من رمست شيخه ... وشيخه ماهان عليها تخلي ولد عمها زعلان ... وراحوا كلهم يمشون .... شمه وشيخه كل مايدخلن محل يلسن فيه ساعه ... مايد تملل ومحمد يضحك عليه ...
وعقب ما خلصن من هالمحل دخلن محل Fendi
شمه تتحرى انه شيخه حذالها ... ماكانت تدري ان محمد اللي حذالها ... جان تويده من ايده وتمطه وياها ...
شمه : اللــــــه شواااخي شوفي هالشنطه مغواها .... عيبتني .. خلاص باخذها
محمد : خلاص اعتبري انج خذتيها
شمه تروعت من سمعت صوته ... وشافته حذالها ... محمد كان مبتسم ... وشمه توها تحس انها ميوده ايده جان تبطل ايدها بسرعه ... وراحت عنه
محمد : هههههه فديتها والله
شمه : افففففففففف والله غبيه دووم انحط في مواقف بايخه ... افتشلت
مايد كان واقف ويا شيخه وملعوزنها هب مخلنها تختار على راحتها ... كل ما تشل شنطه مايد يردها ...
مايد : لا لا لا هب حلوه هاي ... خذي عاي البنفسجيه ... عجييييييييب لونها عيناااويه
شيخه : مااااريد شكلها هب حلو ... انا باخذ الحمرا
مايد : والله ماتاخذين الحمرا ... شووه اهلاويه انتي ولا عيناويه .. أااااخ يالخيانه من ورانا
شيخه : اففف الحينه هاي الا شنطه ... هب مباراه
مايد : بتاخذين العيناويه
شيخه : عناااد فيك ما باخذها
راحت عنه شيخه وشافت شمه واقفه الصوب الثاني راحت عندها .....
محمد : انته اشبلاك محتشر هههههههه فضحتنا ياخي
مايد : هههههههههه اسميها اختك بتكرهني ...
محمد : ليش .!
مايد : هههه لعوزتها كل ما تشل شنطه اردها واخر تضاربنا عالاهلاويه والعيناويه هههههه
محمد : هههههههه لو سمحت خلها فحالها
شيخه كانت ترمس شمه .........
شيخه : افففففففففف اخوج يرفع الضغط
شمه : هههههههه توج تعرفينه
شيخه : لا .... بس كان فخاطري آخذ الحمرا ... لكن ماطاع وحشرني الا آخذ العيناويه وماخذ الاهلاويه ... حشى يالسين فمباراه هب محل
شمه : ههههههههههههههههههههه والله اخوي عجيييييييب
---------------------------------
وهذا نهاية الجزء الرابع
ان شاءالله يكون عند حسن ظنكم
:marsa9:
بنت البلاد
24-04-2005, 01:48 AM
بقراااااه وخلاف برد عليج..
مشكووووره
اطياف الذكريات
24-04-2005, 06:01 PM
الللللاي
و اخيرا احلى عويد موز خلت الجزء حبيبتي والله
بالصراحة الجزء و لا اروع فناااااااااااان عجيب عجيب
حلوة مرة
اني كل حين اقرأ شوي و انقع من الضحك لأن حادثة السيارة و السرعة صار ليي مثل الموقف بالضبط
اوكي اوخيتي
مشكوورة على الجزء و عساج على القوة
فراشة النور
24-04-2005, 08:01 PM
هاي سكر وموز وعود وايش كل شي انتي
القصة تذوب ذبت انا صرت ايس كريم
اممممممممممممممم الجزء اكثر من رائع ماقدر اكتب عنه لانه ماينوصف تعبت وانا احاول ادور كلمات اشان اكتها بس الجزء اكثر من روعة
اممم ويش اقول ويش ابدي مادري مناعرف حبيبتي لان الجزء كله عجبني
بس تدري حسرتي على الايس كريم بفضح البيت يجيبوا ليي
باي
ام ادويس
25-04-2005, 04:47 PM
الجزء وااااااااايد حلو .
ويارب اتكملين كل الاجزاء عشان نقراها.
ما شاء الله عليج.
اتحدى العالم
27-04-2005, 05:12 AM
اهنيج اختي عويد الموز على ابداعج القصة رووووعة <<<<<<<<<<<انقلبت الاخت اماراتية:marsa194:
ويالله نترياج تكملين القصة لا تطولين علينا.
اتحدى العالم
ام ادويس
27-04-2005, 07:19 PM
السسسسلام عليكم .
يامطول الغيبات يابو الغنايم .
وين رحتي .
عويد الموز ترا أنا وايد معجبه في ادائج لكتابه القصه.
بللللللللليز كملي الاجزاء كلهالاني حبيتها وأريد أقراهااااااااا كلها.
بنت البلاد
28-04-2005, 10:20 AM
هلا والللللللله
شو هالبارت العجيب الصراحه
ادري تاخرت في الرد وايد.. بس غصبن عني فديتج
بس صراحه مواقف شمامي هاي عجييييييبه وحليلها
مايد غمضني يوم زعل جان زقرتيني براضيه
وهزاع اونه ما يبا يلبس بنطلون .. فديته بدوي ماعنده تفاهم
تسلمين يالغاليه
نتريا الخامس
اوتار
28-04-2005, 08:23 PM
يله كملي بلييييز ترا جايه الاختبارات خلصيها بلييز
عويد الموز
30-04-2005, 03:05 PM
سلامي عليهم
شحالهم عربان زايد !؟
×× اطياف العذاري ××
×× لوسفير ××
×× ام الدويس ××
×× اتحدى العالم ××
×× اوتار ××
×× ومشرفتنا الغاليه بنوووته ××
تسلمن يالغاليات ..
واسمحولي عالتأخير فديتكم ...
والحينه بكتب الجزء الخامس ...
:marsa197:
عويد الموز
30-04-2005, 05:14 PM
الجزء الخامــــس
شيخه : افففففففففف اخوج يرفع الضغط
شمه : هههههههه توج تعرفينه
شيخه : لا .... بس كان فخاطري آخذ الحمرا ... لكن ماطاع وحشرني الا آخذ العيناويه وماخذ الاهلاويه ... حشى يالسين فمباراه هب محل
شمه : ههههههههههههههههههههه والله اخوي عجيييييييب
وعقب ماخذن الشنط طلعوا من المحل ... راحوا يتمشون ويشوفون المحلات الباجيه ...
شيخه : شماامي شوفي هالنعال خباال
شمه : هييه واايد حلو بس انا جذبتني هالشنطه الورديه
مايد : اصلن من يينا ماجذبج شي غير الشنط حشى مغناطيس...
محمد : هههههههه خلها على راحتها
شيخه : انزين نحنا بندخل
مايد : ونحنا بنيلس عند هالكوفي اللي مجابلكن .. هب تروحن منه ولا منه ..يا ويلكن
شمه وشيخه : ان شاءالله
وعقب ما دخلن المحل ... مايد ومحمد راحوا عند الكوفي ... الكوفي شوب ماكان بعيد عن المحل .. يعني يرومون يشوفونهم ... وماكان فيه حد غير بنيه وحده ووياها حرمه...
شيخه : شمامي شوفي هالبنيه .. جني اعرفها ..!؟
شمه : ويدييه ماعرفتيها .. هاي حصه
شيخه : اي حصه.. ماعرفتها .!!؟
شمه : عنبووه مسرع الا نسيتيها .. هاي حصه السويدي اللي يقربولنا ..من جدا قوم اميه ... اللي درست ويانا لين صف تاسع وعقب راحوا دبي ..
شيخه : هييييييييه حصووصه .. تذكرتها .. تعالي بنروح انسلم عليها
وراحن شمه وشيخه يسلمن على ربيعتهم حصه ... هيه تقربلهم .. ام حصه تستوي بنت عم ام شمه .. يعني اهل ... كانوا في بوظبي .. وعقب راحوا دبي لانه شغل ابوهم كله في دبي ....والحينه هم في دبي من 3 سنين ..
شمه : احم احم شحااالهم عربان زايد .!؟
حصه : شمــــــــــــه ..!؟
شيخه : ههههههههههههه عرفتج يالدبه
حصه : شوااااخي ..!؟
شمه : هيه نعم شمه وشيخه
وتلوي حصه على شمه وشيخه وسلمت عليهم وسلمن على اخت حصه (موزه) اللي كانت وياها ...
موزه : ههههه اسميكن انتن .. مسويات فلم هندي
شمه : هههههه شوه نسوي فديتها حصوه من 3 سنين ما شفناها
شيخه : الهرمه ما تتصل بعد ولا جنه ربيعاتها
شمه : الله يخليج قولي ولا جنه نحن اهل
حصه : والله العظيم ما نسيتكن ... دوم ارمس اميه اقوللها اريد اروح العين عند الثنائي لكنه ماشي وقت ...و من بدت الاجازه .. نحنا اندور فالسناتر ...
شيخه : وشعنه ادورن فالسناتر ... انثبرن فالبيت .. منقوود
موزه : هههههههههههههه يالله عليج الحينه انا حرمه معرسه وحامل اتقولين جذه بعد
شمه : وييييه مبروووك ... ماخبروج شوه بتيبين
موزه : لا فديتج توه الناس
شيخه :: يالله .. الله يسهل عليج
موزه : ان شاءالله
شمه : انزين حصوه شعنه ادورين فالسناتر
شيخه : نحنا حدنا سنتر واحد
حصه : هههه حشى كلتنّي ... والله هب عشان سواد عيونهم ... يايه اخذلي لبسات واغراض للسفر ... وانتن شعنه يايات دبي ما يسدكن العين مول ..
شمه : ههههههه ونحنا بعد يايات ناخذلنا اغراض للسفر
موزه : وين بتسافرون .. !؟
شيخه : بنروح لبنان
حصه : احلفن
شمه : والله بنروح لبنان وعقب بنروح جنيف
حصه : يا سلاااااااااام يعني بنشوفكم السنه .. نحنا بعد بنروح جنيف
شمه : والله .. عيل انشوفكم عقب شهر
حصه : ليش متى بتسافرون ..!؟
شمه : عقب اسبوعين بنروح لبنان ويا قوم عمي خلفان .. وبنتم فيها اسبوعين وعقب بنروح جنيف يعني بداية شهر 7 بنكون هناك
حصه : ونحنا بعد اول سبعه بنسافر
موزه : يالله عيل انشوفكم هناك فديتكم .. عيل وين امهاتكن ..!؟
شيخه : ههههه امهاتنا ميلسات فوق العراجيب
موزه : هههههه تتمصخرين ... ماعليه جان ما خبرتهن
حصه : عيل امنوه يايبنكن
شمه : اخويه مايد ومحمد اخو شيخه
موزه : انزين عيل .. انشوفكم على خير فديتكم
وعقب ما سلمن على بعض ... ظهرن حصه وموزه ... وشمه وشيخه خذن اللي عيبهن وظهرن من المحل ... محمد ومايد كانوا يالسين يتريونهن ...
محمد : قم قم هكن ظهرن من المحل ..
مايد : يالله
محمد ما نتبه لشمه وشيخه بس شافهن يوم ظهرن من المحل وعقب راح يدفع الفاتوره .... مايد كان واقف ويأشرلهن انهن يدخلن المحل لنه الكوفي كله شباب ... شمه وشيخه مافهمن على مايد يتحرن انه قصده يوقفن عند المحل ماعرفن انه يقصد انهن يدخلن المحل ... وشافوهم شلة شباب وبسرعه راحوا عندهم ...
..... : سلاااااااامي عالغزلان
.... : الشيخات خذن الرقم **********
شمه وشيخه ماعرفن كيف يتصرفن ... ومايد من شاف هالموقف الشرار يظهر من عيوونه وراح عندهم بسرعه وزخ الريال من رقبته ... محمد من شاف مايد اميود الريال خل البوك والموبايل وراحلهم بسرعه ...
مايد : يالخااااااااااام .. شووه ما تستحي انته ...
.......: وخــر وخـــ ........
محمد ( كان اميود مايد يباه يهد الريال ) : مااايد هد الريااااااااال بتخنقه
مايد : يعله النفااااااد
شمه وشيخه كانن متروعات ... وتموا الشباب يمطون مايد والريال لين ما هداه...
مايد : عنلااااااااته الخايس ... ماكوون مايد ولد حمد ان ما جتلته اليوم
محمد : لاحول ولاقوة الا بالله .... استهدى بالله يارياال
....: يا ريال ... .. مانبا مشاكل ... انا بستسمح عنه
محمد : ماعلييه .. حصل خيير ...
وراحوا الشباب عنهم ... ومحمد ومايد خذوا شمه وشيخه وراحوا يركبون الموتر ...
مايد : مسود الويه .. قهرني
محمد : انزين شوه سبب هاليوله والحشره
مايد : وانا اقول شعنه انته بااارد وهب مهتم ...
محمد : شوه السالفه ...!؟؟؟؟
مايد : الخواات موقفات عند المحل .. من شافوهم الشباب يووا عندهم
محمد : احلــــــــــف ..!؟
مايد : والله ... الهرم قهرني واقف ورا شيخه وشمه ولا جنه حد واقف حذالها اشويه وبيحط ايده ع جتفها وبيتمشلى وياها ...
محمد : الخااااااام والله لو كنت ادري جان خليتك تذبحه
شمه(تصيح) : ونحنا شوه يخصنا ... ما عرفنا كيف نتصرف
شيخه : انا بكبري اتراقل ... مارمت اتحرك من مكاني
مايد : يالله يالله ردنا العين ...
محمد : خلاص ... استهدوا بالله ... وانسوا السالفه ... وانتن ثاني مره ما تظهرن من المحل لين ما نييكم
مايد : ليش وين ناوين اتروحون بعد ..
محمد : وافي
مايد : كملت ... عاد وافي متروس من هالاشكال
محمد : انا واعدنهن ... وبعدين نحنا بنكون وياهم ما بنودرهم
مايد : خلاص .. يالله نروح
تم الجو متكهرب عندهم وخصه عند مايد لانه يغار على شيخه واخته لكنه من شاف الريال واقف ورا شيخه ويهمسلها ماقدر يتحمل ... وشيخه كانت متروعه من مايد اكثر من اخوها ... ومحمد كان يفكر في شمه لو هو شاف هالموقف وسوا الريال مثل ماقال مايد شوه كان بيسويبه .... وشمه كانت تصيح لكن محد حس فيها غير محمد ... وعقب ما وصلوا وافي ... اذن الظهر ... محمد ومايد ودوا البنات مسيد الحريم اللي في وافي و عقب راحوا يصلون في مسيد الرياييل ... ووصوهم ما يظهرون لين ما يتصلوبهم ...
--------------------------
في بيت خليفه بن محمد الشامسي
( دبي - جميـرا )
--------------
ام شمه كانت ترمس اختها حصه (ام حارب) .. تخبرها عن العزيمه ... وعقب تمن يسولفن وياخذن لعلوووم من بعض ... مريم وشمه كانن يالسات فالصاله .. يطالعن التيلفزيون .... وتدخل عليهن المها مرت حارب اخوهم العود وشاله بنتها فاطمه ... المها تستوي بنت خالهم مهير المنصوري ...
المها : السلام عليكم
مريم : وعليكم الســلام ... هلا والله بالمها وبنت المها
المها : هههههه .... تعالي خذيها ...من نشت يلست تحن عليه ... اريد مريومه ومريوومه .. يالله فطامي هذي مريوومه
فطامي : مـليووووووومه دبــه
مريم :مسودة الويه انا الدبه ولا انتي .... وبعدين كمن مره قايلتلج انا عموووه عموه مريم ... هب مريومه
فطامي تطالع امها وتهز راسها : ماماتي ................ مليوومه دبه ..!؟
المها : ههههههههههههههههه انا ما يخصني ماقلتلها شي
مريم : عيل امنووه .... تعاالي تعاالي مسودة الويه ... امنوه علمج هالرمسه ..!؟
فطامي تطالع مريم بكل براءه : عمـي غـيــت ( قصدها غيث)
مريم : يا سلااام شوفوا الاحترام ... شعنه تزقرينه عمي غيث وانا مريومه دبه .. ما تنلامين دام غيثووه معلمنج هالرمسه ... اقولج المها لا تخلين بنتج عنده ولا بيخربها
المها : ههههههههههه هاتي بنتي بتصيحينها ...
شمه : مريومه هاي الا ياهل حليلها
مريم : فديتها اصلن انا اموت عليها لكنه غيث اللي مخربنها وكرهها فيني
فطامي : مليومه انا اليييد نوز
مريم : يالله عليج شو تبيبه النوز بعد ... شوفي خشمج محلاه ... بعد خشوم المناصير غير ...
شمه : ههههههههههههههههههههههههههه ماتريد nose
مريم : تراها تقول نوز ولا بعد هاي كلمه يديده في معجمها
المها : ههههههههههههههههه قصدها موز
مريم : ههههه يالله عليج الحينه الموز خليتيه نوز ... انا تحريتها تريد خشم هههههههه
المها : اسميييج انتي هههههههههههه
عويد الموز
30-04-2005, 06:45 PM
وعقب مابندت ام حارب عن اختها ام سيف .. راحت ويلست عند البنات .. طبعا ام حارب وام سيف يستون خوات مهير المنصوري ابو المها ...
المها : شحالج عموه حصه ..!؟
ام حارب : بخير وسهاله فديتج .. انتي جيف حالج ..!؟
المها : يسرج الحال عموه
ام حارب تطالع فطامي وتضحك : وشحالها فطاامي الحلوه ..
المها : فطامي روحي سلمي على امايه حصه ..
فطامي راحت عند يدتها : امااااايه نووووووووووز
مريم وشمه والمها : هههههههههههههههههههههههههههههههه
ام حارب : ههههه شوه بعد ها ... انا امج حصه هب امج نووز
مريم : هههههههه لا امايه قصـدهــــــ .....هههههههههههه ماروم
المها : ههههههه قصدها تريد مووز
ام حارب : هههههه فديتها هاذوا الموز مكود ولا حد يهبشه ... محد غير فطامي من تيينا هي لي تاكله ربي يحفظها ... عطوها عطووها
المها : فديتها فطامي ... تذكرني بشمه بنت عموه موزه
ام حارب : هييه زين ذكرتيني ... توني كنت ارمس عمتج موزه
المها : هييه ... شحالها ..!؟
ام حارب : بخير وسهاله ... تقول انهم بيسافرون عقب اسبوعين ..عاده اختيه عازمتنا الاسبوع الياي ..
مريم : يا سلاااام يعني بشوف شمامي وشواخي
المها : هييه ماشالله ... وين بيروحون ؟؟!.
ام حارب : بيروحون لبنان وعقب بيروحون جنيف... حتى قوم خالج خلفان بيروحون لبنان
المها : هييه قبل ما تبدأ الاجازه عوشه بنت خالي خلفان خبرتني انهم بيروحون لبنان....
ام حارب : حتى قوم امج عازمتنهم
مريم : يا سلاام يعني بنشوف ميروه بعد
شمه : وانا بشووف روضه
المها : ههههه كل وحده بتشوف ربيعتها
مريم : انا بروح ارمس شمامي وشواخي عقب برمس ميره
المها : سلمي عليهن
مريم : يبلغ
وراحت مريم تتصلبهن ....
خلونا نروح وافي الحينه ... عند محمد ومايد وشمه وشيخه ....
كانوا يالسين في مطعم قوديز يتغدون ...مايد كان ميت من اليووع ويالس يتحرقص يتريا الاكل ... وهم يضحكون عليه ...
محمد : هههههه فضحتنا ميووود
مايد : عنبووه من متى نحنا طالبين .. من ساعه يالس اتريا ....
شمه : ههههههههه انزين كلنا يوعانين ما سوينا نفسك
شيخه : هههه محد قالكم لا تتريقون
محمد : هاذوا الاكل وصل
مايد : واخيرااااا ... ما بغوا
الفلبينيه : hi ...
مايد : هايين وثلاث هاياات بعد وينج انتي من الصبح نترياج
الفلبينيه مافهمت هذا شوه يقول تمت امبهته ...
شمه : هههههه مافهمت حليلها
مايد : oh sorry miss i .... i .... you know ....am very ANGRY my stomic is crying like baby
محمد شيخه وشمه : هههههههههههههههههههههههههههههههههههههههههه
شيخه : هههههههههههههه اي بطني ... اي مس هاي يالسين فالمدرسه نحنا
محمد : ههههههههههههههه الحينه انته angry ولا hungry اريد افهم
شمه : ههههههههههههههههههههههههه اوين my stomic crying like a baby
محمد : ههههههه والاخ دارس في لندن بعد
مايد : هههههه ... شووه انسوي من ردينا لبلاد نسينا رمستهم لا انجليزي ولا ابو الانجليزي ... يالله كلوا وانتو ساكتين
وفي هالوقت يرن موبايل شمه .... طبعا ماعرفت رقم امنو هذا لنه مريم مغيره رقم حجرتها ...
شمه : ألــو ......
مريم : يا وييل حاالي .. حي هالصووووت
شمه : مرحبا الساااع .. فديتج مريومه شحالج
مريم : بخير وسهاله .. شحالج انتي وشحال هالدبه لي حذالج ..!؟
شمه : هههه يسرج الحااال
شيخه : محد غيرج الدبــه ...!!
مريم : بسم الله .... من وين طلعتي انتي ....!!!
شمه : هههههه حاطه سماعه وحده فذنيه والسماعه الثانيه فذنيها ....
مريم : يا سلااام عليكن ... ههههه والله تولهت عليج شموه وتولهت على سوالفج شيخوه
شيخه : يعني ما تولهتي عليه يالحماره ...
مريم : مشكله المتان ما يفهمون بسرعه ... يعني تولهت على سوالفج اكيد تولهت عليج...
شمه : ههههههههه اسميكن انتن من تتلاقن ولا ترمسن بعض ما تصخن جنكن عيايز يدورن غداهن ..
مريم : هههه هيه صدقج .... شمااامي خالووه موزه عازمتنا
شمه :والله .!! ......مادري انه امايه عازمتنكم ولا ادري عن شي
مريم : عفان الله فبيت واحد ولاتدرين ...
شمه : ترانا هب فالعين ... نحنا عندكم
مريم : قولي والله ... يالهرمه شعنه ما تقولين لي
شيخه : والله ياين نتسوق هب ياين عندج
مريم : يالدبه انتي اسكتي .. وامنوه وداكم
شمه : محمد اخو شمه
شيخه : وميوود ويانا
محمد ومايد كانوا ياكلون ...ويسمعون سوالف شيخه وشمه ... ومايعرفون انهم يرمسون مريم ... مريم تستوي بنت خالت شمه ومايد .. و بنت خال محمد وشيخه ...مايد من سمع شيخه تقول ميوود عصب عليها ..
مايد : اصغر عيالج انا ..تقولين لي ميود
شيخه : مايد اشرب عصيري واايد حلو ...
مايد : هههه لا تغيرين السالفه شيخووووووه
شيخه : لو سمحت اسمي شيـــخه بنت خلفان
محمد : والنعـــــــم
مايد : شيخوه ..كيفي
مريم : ههههههههههه قفطوج
شيخه : جــــب
مايد : انا جــــب ...!!! ....... ماعلييه يا شيخوه براويج يوم بنرد العين
شيخه متروعه : ولا هب حقك .... انا كنت ارمسها
مايد : شايفتني دريولكم جدامج ..يالسه تجذبين عليه
شمه ومريم : هههههههههههه
محمد : شيخوه عيب هذا ولد عمج تقولين له جب
مريم : ههههههههههه تتأدبين عشان ثاني مره ما تقولين لي جب
شيخه : هب مصدقني .. رمسها ....( وتعطيه السماعه)
مايد : امنوه هاااي ..!؟
شمه : مريووومه
مايد : امنو هاي بعد
شمه : مريم بنت خالوه حصه
مايد : هههههههههههههههههه ...( وياخذ السماعه )
مريم : اظن اسمي ما يضحك وبعدين كمن مره قايلتلكم لا تزقروني مريم ..جني عيووز
مايد : هههههه عيل شوه انسميج
مريم : الـريـــــــــــم
مايد : شيــخة الـحـــريــــــــــــم ولا تزعلين ههههههه
مريم : ماعليه تون عندنا ولا تخبروني
مايد : كيفنا شوه حارنج انتي .. لازم ترز بعمرها
مريم : ماعليه يا ميوود والله براويك يوم بني بيتكم
مايد : هههههه امنو قالج تعالي
مريم : ترا خالوه موزه عازمتنا
مايد : والله ماعندي خبر
محمد كان يرمس شمه وشيخه ....
محمد : هاا ما خبرتوني .. عيبكم وافي
شمه : وااايد ...
شيخه : خساره مريوم وميروه محد
مريم من سمعت محمد يقول وافي تخبلت ...
مريم (تزاعج) : حرااااااااااام عليكم انتو في وافي ولا تخبروني
مايد : يلسي فالبيت احسن لج
مريم : انزيين ماعليه براويكم يوم الاربعا يوم بني عندكم
محمد : هههههه اشبلاها مريومه محتشره
مايد : دوووك رمسها اوين تريد تروح وافي
محمد : سلااامي عليهم
مريم : وعليهم
محمد : شحالهم
مريم : بخيرهم ههههههههه
محمد : هههه والله انج عجيبه ... جان خبرتيني انج تريدين تروحين وافي .. كنا بنمر عليج
مريم : ماعليه ثاني مره بتصل وبحشركم
محمد : ههههه انزين مريوم ببند عنج الحينه بنروح
مريم : سلم على قوم شمامي ........ شمامي وشيخه بس لكن الدرام لا
محمد يطالع مايد ويضحك : ههههههههههههههههههههههههههههه يبلــــغ
مايد : ادريبها الدبه اتحش فيني
مريم : ساااحر حشى ببند قبل لا يهزبني
محمد : ههههه مع السلامه
مريم : هههه فمان الله
مايد : شوه قالت العيوز
محمد : ههههههههه درام
شمه وشيخه : هههههههههههههه
محمد : اوين بتبند قبل لا يهزبها
شيخه : والله عجيبه هالبنت
مايد : انا براويها الدبه
وعقب ما تغدوا وخلصوا راحوا يتمشون في دبي على بحر الممزر ...
----------------------------
وهاي نهاية الجزء الخامس
:marsa78:
بنت البلاد
30-04-2005, 09:43 PM
راح اقرا الجزء ولي عوده بعد القرايه..
فراشة النور
01-05-2005, 09:03 PM
هلا
الجزء رووووووووووووووووووووووووووووووووووووووووووووووووو وووووووووعة حبيبتي واحلى شي موقف ميوووووووووووووود حلو وظريف (اخاف ياكلني قلت ميود)
ومشكورة
تحياتي
عويد الموز
02-05-2005, 01:30 AM
×× بنت البلاد ××
خذي راحتج غنااتي :marsa195:
××××
×× لوسفير ××
هههههه تسلمين يالغاليه
ومواقف مايد ما بتخلص :marsa107:
وسلامي عليكم
اطياف الذكريات
03-05-2005, 12:18 AM
شحالكن كلكن بحاله
مشكوورة اختي عويد الموز احلى موز عودة انتين هههههههههه
الجزء عجيب و مشكوورة مرة ثانية و نتريا الجزء الياي بفارغ الصبر
و سامحيني على ردي المتأخر تعرفين الإمتحانات قريبة و نبي نخلص بسررعة
ريم البحرين
03-05-2005, 07:05 PM
اختي عويد الموووز القصه حلوه يا الحلوه
والاجزاء تجنن اسلوبج حلو والمقدمه اعجبتني يعني
شكلها القصه روعه وانا بكون من متابعين للقصه:marsa82:
بس لا تبطين وانشاء الله مع الاجزاء بتشوفين ردودي على القصه
وانشاء الله يعجبج ردي بس اليوم مابقدر اعلق لج على الاجزاء
لان للحين ماعرفت الشخصيات وترانا نترياج على احر من الجمر
عويد الموز
04-05-2005, 07:15 PM
شحالكن كلكن بحاله
مشكوورة اختي عويد الموز احلى موز عودة انتين هههههههههه
الجزء عجيب و مشكوورة مرة ثانية و نتريا الجزء الياي بفارغ الصبر
و سامحيني على ردي المتأخر تعرفين الإمتحانات قريبة و نبي نخلص بسررعة
بخير وسهاله .. انتي شحالج ..!؟
العفووو يالغاليه (^_^)
ومسموووحه الشيخه ...
الله يوفقج :marsa132:
عويد الموز
04-05-2005, 07:19 PM
اختي عويد الموووز القصه حلوه يا الحلوه
والاجزاء تجنن اسلوبج حلو والمقدمه اعجبتني يعني
شكلها القصه روعه وانا بكون من متابعين للقصه:marsa82:
بس لا تبطين وانشاء الله مع الاجزاء بتشوفين ردودي على القصه
وانشاء الله يعجبج ردي بس اليوم مابقدر اعلق لج على الاجزاء
لان للحين ماعرفت الشخصيات وترانا نترياج على احر من الجمر
مرحبا الساااع
تسلميين يالشيخه ...ردج الاروع ...
وسلامي عليييج .....
:marsa197:
عويد الموز
05-05-2005, 04:27 PM
السلام عليكم والرحمه
شحالكم كلن ابحالــه ..!؟
...................
الجزء الســـــادس
.
.
.
وعقب ما تمشوا على بحر الممزر ... وداهم محمد جميرا عند برج العرب ... وبعدين راحوا يتعشون في ( Chilis ) لي في جميرا ... وعقب ما تعشوا ... ردوا العين .. اول شي نزلوا مايد واخته شمه وبعدين راحوا محمد وشيخه بيتهم ... ومن التعب كلن دخل حجرته ورقد ............. ومر هذا الاسبوع على خير ....ويا يوم الاربعاء ....الكل مرتبش في بيت حمد المزروعي(بو سيف ) ... لانهم مسويين عزيمه عووده تشمل العايله كلها ... واللي هم هل ليوا ( مهير بن راشد المنصوري اخو ام سيف ) ... وهل دبي ( خليفه بن محمد الشامسي اخو ام محمد) ... وطبعا هل العين ( خلفان بن فاضل المزروعي ) ..... ام سيف من الصبح واعيه تعابل ويا البشاكير ... وسيف رد من بوظبي يوم السبت ... مايد وزايد كالعاده رقوووود ... وشمه من صباح الله خير واعيه ... تعدل حجرتها وترتبها وتفكر شوه تلبس وشوه تسوي ويا البنات اليوم ... وهزاع يالس ويا ابوه ( يتقهوى ) وطبعا سيف اخوهم العود يالس وياهم .... وهذا احلى شي فالصيف الكل يالس فالبيت ويا هله .....
بو سيف : هاا سيف كل شي زاهب للسفر ..!؟
سيف : هيه ابوي اليوم الفليل بنودي الشنط المطار ...
بوسيف : امنوه لي بيوديهن ...!.
سيف : انا ومايد بنروح و شنط قوم عمي خلفان ... محمد لي بيوديهن وبنظهر رباعه ...
بوسيف : هييه زين اتسوون ... ربي يعطيكم الصحه العافيه
سيف : هزاااع ... بسك من القهوه .. هات الدله اهنه
هزاع يالس يتقهوى وحاط دلة القهوه حذاله ... وكل ما يخلص يصبله في الفنيال ..
بو سيف : شعنه حاطنها حذالك .. ابوي هب زين عليك تشرب قهوه هالكثر
هزااع : ابوي انا احب اشرب القهوه ... وبعدين انا يالس اخزن من الحينه عشان عقب ما بروم اشرب
سيف : هههههههههه مستغل الفرصه عشان امايه محد
هزاع( اوين يغمزله عشان يسكت عن تحدر عليهم الام وتسمعه ): ههههههه بس الله يخليك اسكت ... تراني ما بسمعكم شله يديده
بو سيف : هههه ياللوتي انته
سيف : عيل وين شمامي ما شفتها من البارحه
بو سيف : فديتها بنتي ... هزاع روح ازقر اختك ..
هزاع : ان شاءالله ابوي
وتحدر عليهم ام سيف وشاله وياها دله ....
بو سيف : حي هالشووووف توه نور المكان يا ام عيالي..
ام سيف ( تحط الشيله على ويهها اونها تستحي ) : الله يحييك يا بو عيالي المكان منور بوجودك
سيف : ههههههههههه عااشوا الشواب ... وين زايد ومايد عنهم
زايد كان توه نازل ودخل عليهم ... وسمع رمست اخوه سيف ....
زايد : هاااااه زخيتكم ... شووه اتسوون ... تتغزلون من ورايه ... استغليتوا الفرصه يعني
ام سيف : مسود الويه ... هذا اللي فالح فيه
الكل : ههههههههههههههه
زايد : اول شي صبحكم الله بالخير وثاني شي امايه شووه ها من الصبح تهزبيني ...
بو سيف : زااايد يووز عن امك
زايد : ههههههه ان شاءالله
سيف : اميه شعنه يايبه وياج دلة اقهوه ... هكن الدلال .!
ام سيف ( وهي تطالع هزاع بنص عين ) : يعني ما تدرون .....!... يايبتنها ويايه ...قلت اكيد هزاع خلص القهوه .. مافيني ايلس وانش مره ثانيه ..
زايد : ههههههههه حليلك يا هزاع
بو سيف : هههههه هزاع انته لين الحينه يالس ... قم الغالي ازقر اختك وقوّم خوك مايد
هزاع : ان شاءالله ابوي ..
ام سيف : فديت ولدي هزااع يعلني ماخلا منه ...
هزاع : باس راس امه وراح فوق يزقر اخته ..
زايد : يالله يالله الغالي ويتفدونه بعد مانرومله .... أاااااه حليلنا نحن ما نلقى غير الهزاب
سيف : ههههههههههههههههههه مسكين حالك ... ثرك متعذب
زايد : لازم بتعذب دام المنصوريه هب عاطتني ويه
ام سيف : فديتكم كلكم عيالي واحبكم .. يعل ربي لا يحرمني منكم
زايد : هههههههه فديت عيوزنا ... خشششششمج
وعقب ماراح عنهم هزاع فوق ... دق باب حجرت اخته شمه .... شمه كانت تتصل بشيخه بنت عمها خلفان ......
شمه : تفضل هزاااعي ..... افففف شواخي شعنه ماترد اكيد راقده الدبه
هزاع فتح الباب ودخل ....: صباح الخير
شمه : صباح النوور والسروور والفل والياسمين...فديت هالويه كل يوم تعال عشان اصبح بهالويه الغاوي
هزاع : احم احم .... عن يكبر راسي .. وبعدين كيف عرفتي اني انا اللي ورا الباب
شمه : هههههه اعرفك من دقة الباب ... هب مثل زايد ومايد عفان الله كل الدفاشه فيهم يدقون الباب جنه طبوول
هزاع : هههههههههه انزين شمامي ...كلنا يالسين تحت ... وابوي قالي ازقرج
شمه : فديت ابويه ... اوكي الحينه بنزل
وراح عنها هزاع .. وشمه ردت تتصل بشيخه لكنها ماترد كانت بتبند بس سمعت حد يرمس ....
محمد: ألووو
شمه : مرحبا الساع
محمد : يامن رحب لا هان .... شحالج بنت عمي ..!؟
شمه : بخير وسهاله .. انته شحالك ..!
محمد : يسرج الحال .. كيف اصبحتي
شمه : نحمدالله ونشكره
محمد : تريدين شمه صح ..!؟
شمه : ههههه هيه
محمد فخاطره ( فديت هالضحكه الله يحرمني منها ) ...: ههههه شواخي راقده ...بروح اوعيها
شمه : لا لالا خلاص ... انا بتصلبها خلاف
محمد : على راحتج يا شمه
شمه : عيل اخليك ... فمان الله
محمد : مع السلامه
وعقب ما بندت راحت تحت عند اهلها ويلست وياهم .......
-----------------------
في بيت خلفان بن فاضل المزروعي
(العين)
------------------------
طبعا شيخه راقده .... ومحمد عقب ما بند عن شمه نزل تحت .... ام محمد وبومحمد وعوشه و سعيد كانوا يالسين فالصاله ....ويدش عليهم محمد ويسلم عليهم ...
محمد : زهبتوا الشنط والاغراض ..
عوشه : هيه فديتك زهبنا كل شي ...
محمد : هب بعض الناس يقولون نسينا نحط بلاي ستيشن وخرابيط .. ويبهدلونا فالمطار
سعيد : ادري هالرمسه حقي
محمد : هههههههههه زين يوم انك تدري ...
سعيد : تطمن ما نسيت شي ههههه
بو محمد : وامنوه بيروح وياك
محمد : سيف ومايد
عوشه من سمعت اسم سيف فز قلبها ...فديته يا ربي من متى ما شفته .. والله اني تولهت عليه .. الله يسامحه مايقول عنده عم يروح يسلم عليه .... وتمت عوشه سرحانه وتفكر في سيف .... سيف يحب عوشه اكثر من حياته هي روحه وقلبه ... من يوم كانوا صغار .... ما يرضى اي حد يزعلها ولا يضايقها .... سيف يدري انه عوشه تحبه وتبادله نفس الشعور وعوشه نفس الشي تدري بحبه وتدري انه مستعد يضحي بأي شي عشانها .... والحينه هم تقريبا من شهرين ما شافوا بعض ...
ام محمد : امييه عوشه روحي وعي اختج شيخه ..
عوشه كانت سرحانه وما سمعت امها ......كلهم استغربوا ليش ماترد ... راح محمد حذالها وزاعج فذنيها ...
محمد : عووووووووووووووووووووشه
عوشه فزت من مكانها وحطت ايدها ع قلبها ..: بسم الله الرحمن الرحيم ..... شوه فيك انته والله روعتني
محمد : هههههههههههههههه اللي ماخذ عقلج يتهنا به
عوشه (استحت) : والله اراويك
ام محمد : ههههه فديتج روحي وعي اختج شواخي
عوشه : ان شاءالله
راحت عوشه فوق وهي بعدها تفكر في سيف .... لكنها كانت معصبه على اخوها وويها غادي احمر نفس الطماطه من المستحى....
عويد الموز
05-05-2005, 04:28 PM
-----------------------
في بيت مهير بن راشد المنصوري
( في ليوا )
-----------------------
ميره كبر قوم شمه وشيخه ومريم ... وكانت مستانسه من الخاطر انها بتشوفهن .... لانه من فتره ما شافتهم وتولهت عليهن و على سوالفهن ....
بوحمدان وام حمدان كانوا يالسين برع فالحوي يتقهويون ويالسين وياهم هند و منصور عيالهم ....
للتذكير : ام حمدان ( شيخه) تستوي اخت حمد وخلفان المزروعي ....
ام حمدان : ابويه منصور رمس الدريول قوله لا يروح منه ولامنه ترا اليوم بنروح بيت اخويه حمد ..عازمينا
منصور : افاا عليج ... تروحين وانا موجود ما يستوي
ام حمدان : هههههه يعني انته بتتحمل يلست الحريم وحشرتهن فالموتر
منصور : هههههه الحينه انا ماقلت كلهن ... قلتلج انتي وبس
هند : ونحنا ما بنروح دون امايه
ام حمدان : هههههه فديتكم
ويدخلون عليهم حمدان ولدهم العود وحرمته العنود ويا عيالهم... عليا (عمرها سنتين) و مهير(عمره 5 سنين) ...... هم كل بيوتهم في ارض وحده لكن يفصل من بينهم اليدار ... عليا من دخلت حوي بيت يدها ركضت صوبهم ....هي واايد تحب يدها مهير(بوحمدان)
عليا تركض بكشتها وتزاعج ..: مهييييييييييييييل
الكل : هههههههههههههههههه
منصور : ههههههههههه اندوكم الكشه يت
العنود امها تمشي وراها : ههههههه علاااايه تعالي بعدل شعرج
حمدان ابوها : هههههههههههه خلوها عايبتني الكشه فديتها
بو حمدان : هههه فديتها بنتي
وصلت عليا عند يدها ويلست فثبانه ... ولوت عليه
عليا : مهيييل عنووني
هند : ههههههههههههههه ترا امايه تغاار
ام حمدان : وييه فديتها انا ما اغار من بنتي
العنود : علايه عيب ... قولي يديه مهير
بوحمدان : ههه ابرايها صغيرونه ما تعرف
العنود : هههه ماعليه عمي ماريدها تتعود تزقرك جذه
حمدان : اصلن هاي موول شاله الكلفه انا ابوها تزقرني حمود
منصور : ههههههههههههههههههه مهيير وحموود و منصور ربعها نحن هب جنه واحد منا يدها و عمها وابوها
وظهرن ميره وروضه الحوي وراحوا يلسوا عند اليلسه ....
ميره : اشههههههههههد هههههههههههه الكشه ميلسه عندنا
روضه كانت متروعه من مهير ولد اخوها حمدان .. لانه من يشوفها يروح يمط شعرها ...كانت بعدها واقفه من شافت مهير ياي صوبها ركضت وتمت تزاعج ...
روضه : اماااااااااااااااااايه الحقيني
مهير كان يضحك ويركض وراها : هههههههههههههه
وروضه حليلها متروعه شويه وبتصيح ... راح حمدان وشل ولده مهير وروضه راحت واندست عند امها ....مهير من زخاه ابوه تم يزاعج ويعاند ويصيح ...
حمدان : ايلس يا صبي .. خل روضه فحالها
منصور : ههههههههه حليلها روضه بتقرع وهي بعدها ياهل
مهير(يصيح) : ماليييييييد ... هدوووني .. اليييد امط شعر لووده(يعني روضه)
العنود : مهير خلاص اسكت عن هالصياح اللي ماله معنى ...
ميره : ولدكم شيطان ... مهووور شوه تبا بأختيه روضه خلها ... شووف علووش اختك كيف تطالعك ... هييه اضحكي اضحكي علييه هههههه
مهير : علوووس حماااله ماحبها
طبعا عليا ما تفهم صغيره ....
العنوود : عيب ابويه فضحتنا
منصور : هههههه والله ولدكم عجييب
ام حمدان : عييب ابويه ... مهير تعال بعطيك حلاوه ...
سكت مهيرمن سمع يدته تقول جذه .. وراح وقف جدامها ويطالعها ..
مهير ماد ايده : أتيني حوااوه
ام حمدان : اول حب روضه وتـأسف من امك وابوك عقب بعطيك
منصور : ههههه هذا ما يباله غير امي تعرف تتفاهم وياه
ام حمدان : هههههه عورني قلبي عليه ماداني اشوف حد من عيالي يصيحون
راح مهير وباس روضه وراح عند امه وابوه مثل ماقالتله يدته ووقف جدامهم...
مهير يطالع امه وابوه : سووولي
ام حمدان : امنوه بعد سووولي انا قلت امك وابوك
العنود : هههههههه فديته يقولي سوري يعني آسف
هند : ههههههه مانروم عليه مثقف ولدكم
العنود تطالع ريلها حمدان : ههههههه شوه نسوي ياختيه انتي نسيتي منوه ابوه
هند : ههههههه يقولون اخويه حمدان
حمدان : هههههه انا مالي خص وبعدين انا هب مسؤول عن شطانته هالولد مادري من وين متعلم
ميره : ههههههههههههههههههه محد غيره غيث ولد عموه حصه
منصور : هذا مخرب عيالنا ههههه حتى فطامي بنت المها اختيه عاد هاي يالسه عندهم فدبي ومجابلتنه كل يوم اظن يعطيها درووس فالشطانه
هند : هههههه بخبر عليكم
وتموا يسولفون لين ما اذن الظهر وراحوا الريايل يصلون فالمسيد والحريم دخلن البيت يصلن .......
مر الوقت بسرعه .... هل دبي ظهروا من البيت الساعه 5 العصر رايحين صوب العين وطبعا مريم لازم تأخرهم ربع ساعه ولا نص ساعه وهم ما يوحيلهم وراهم درب العين .... وهل ليوا ظهروا الساعه 6 قبل آذان المغرب ورايحين صوب بيت حمد المزروعي ...
----------------
هاي نهاية الجزء السادس
ادري الجزء صغير ... لكن اوعدكم اني اكمله اليوم
لاني بظهر الحينه ...
والسموحه منكم
اشوفكم على خير (^_^)
بنت البلاد
05-05-2005, 05:05 PM
ردي على الجزء الخامس..
رهيييييييب الصراحه..
كله ولا ميود يوم عصب..
دمه حار مب بيده..
وراح اقرا السادس وارد عليج..
اطياف الذكريات
05-05-2005, 07:39 PM
عجييييييييييييييييييييييييييييييب
بس قصير اتكملينه تراني اترياج و انشاء الله اني اول وحدة ترد عليه
اوكي مشكوورة الغالية و نتريا القادم
سلملم
عويد الموز
06-05-2005, 04:25 AM
الجزء السابع
---------------
في بيت خلفان بن فاضل المزروعي
الساعه 6:30 المغرب
-----------------
ام محمد وعوشه كانن تحت يترين شيخه تنزل .....ام محمد كانت تزقر شيخه وشيخه كانت كل شوي تقول انها بتنزل ولا تنزل ...
ام محمد : شيـــخه يالله عاده .. انقفضي
شيخه تزاعج من فوق : انزييييين امايه الحينه بنزل
عوشه : هههه من ساعه اتقول انها بتنزل
ونزلت شيخه وهي تتحرطم وتعدل وقايتها ....
ام محمد : يالله يا شيخه ... روحنا متأخرين ... فضحتينا جدام العرب
شيخه : اميه بيت عمي حمد الا اهنه ... حذالنا ما بنتأخر عليهم
ام محمد : ادري انه حذالنا .. يالله اركبن الموتر وانا يايه وراكم
راحن ركبن الموتر .. وعقب خمس دقايق وصلن بيتهم ...ودخلن داخل وسلمن على ام سيف وشمه ويلسوا في ميلس الحريم ...
ام محمد : شحالج شمامي ..ربج بخير
شمه : بخير وسهاله خالوه
ام سيف : العااش وينج ما تنشافين هالايام ... مانشوف غير اختج شيخه واخوانج محمد وسعيد ... ليكون ما تريدين تيينا
عوشه : افا عليج خالوه انا ودي اييكم كل يوم .. لكن اتغلا عليكم هههه
ام سيف : ههههه فديتج .. امبونه نحن نتوله علييج دوم بعد مايحتاي تتغلين
وفي هالوقت وصولوا هل ليوا وهل دبي .. وتلاقوا ويا بعض وسلموا على بعض ودخلو البيت ... وسلموا على ام سيف وبنتها شمه وام محمد وبناتها شيخه وعوشه....وعقب يلسن فالميلس يسولفن...
ام سيف كانت يالسه حذال اخته حصه (ام حارب) ....
ام سيف : شحالج اختيه وجيف صحتج ..!؟
ام حارب : بخير وسهاله فديتج وانتي شحالج ..!؟
ام سيف : بخير ربي يسلمج
ام حمدان : ماشاءالله عليكم يا ام سيف غيرتوا ميلسكم
ام سيف : هييه فدييته سيف ماقصر هو لي غير الميلس حتى ميلس الرياييل غيرناه
ام حمدان : هييه ماشاءالله غاااوي ... بعد التغيير زين
المها كانت تسولف ويا العنود مرت اخوها حمدان ... وماتدري ان فطامي بنتها ظهرت من الميلس .. والبنيات (ميره ومريم وشيخه وشمامي وعوشه وهند ) روحهن يسولفن ويضحكن ....وشمه وروضه راحن الصاله ويلسن يطالعن رسووم ويلعبن وعيال العنود عليا ومهير يالسين وياهم يطالعون رسوم و البشكاره وياهم تطالع الصغاريه ...
ام حمدان : المهاا اميه وين بنتج فطامي
طبعا ام حمدان ام المها ....
المها : توها كانت حذالي ..!!!! وين راحت ..!؟
عوشه : اكيد راحت عن الصغاريه فالصاله .. بروح اشوفها
وراحت عوشه تشوف فطامي وينها ... ما لقتها عند الصغاريه راحت تدورها فالحجر والمطبخ وراحت فوق تدورها لكن ما لقتها ... خافت عوشه على فطامي ... وفي هالوقت الرياييل كانوا توهم يايين ... طبعا حمد المزروعي وعياله سيف و مايد و زايد وهزاع كانوا فالبيت يالسين في ميلس الرياييل مدخله من برع وميلس الحريم داخل البيت ...ودخلوا خلفان المزروعي وعياله محمد وسعيد ووراهم هل دبي خليفه الشامسي وعياله حارب وراشد وغيث ... وهل ليوا مهير المنصوري وعياله حمدان ومنصور ... وتخاشموا الرياييل وتوايهوا ويلسوا يتقهويون ويسولفون وياخذون علوم البزنز والبورصه وسوالف الرياييل من بعض ... وظهر عنهم سيف بيروح يرمس امه بيقولها لا يحطون عشا الرياييل لين ما يردون من صلاة العشا لانه ما باقي الا شويه وبيأذن ...
وعوشه لين الحينه ما لقت فطامي ...راحت تدور فالمطبخ مره ثانيه لكنها ما لقتها وشافت باب المطبخ اللي يودي على برع مفتوح .............يمكن فطامي ظهرت من هالباب بروح اشوف ..... وطلعت عوشه برع تدور عليها ......لقتها يالسه عالارض وعاطتنها ظهرها و موخيه تلعب بشي جدامها... عوشه من شافتها ركضت صوبها وفي هالوقت سيف كان يمشي فالحوي رايح صوب المطبخ وشاف وحده ويا بنت صغيرونه .....
عوشه لوت على فطامي : فديييتج فطيم شوه تسوين اهنه بغيت اموت من الزياغ روعتيني ...
طبعا فطامي هب فاهمه شي و كانت تلعب بالقطوه .. القطوه كانت صغيييييييره وماتروم تمشي ...
فطامي تأشر عالقطوه وتحاول ترمس عوشه : عوااسي...... cat ...?!
عووشه : حلييلها القطوه اظن اريولها متكسره ماتروم تمشي
ونشت عوشه بدون ما تحس شيلتها طاحت على جتفها ومن شافت سيف وراها تروعت واستحت من الخاااطر ... سيف شافها لكنه نزل عيونه عقب ... وعوشه بسرعه لبست شيلتها وفطامي كانت ميوده عوشه من كندورتها .. من شافها سيف شلها وحبها على خده وحط عينه في عين عوشه ... عوشه من شافت سيف يطالعها نزلت راسها
سيف : شحالج بنت عمي ..!؟
عوشه : بخير وسهاله ......................... و انته شحالك .!؟
سيف : بخير دامج في خير
فطامي : ماماااااتي
عوشه : تعالي حبيبتي بوديج عند ماماتج
سيف : ههههه روحي عند مامااتج
عوشه ميته على عمرها ومن كثر ماهي مستحيه خذت فطامي وراحت بسرع دون ماتقول شي .....
سيف ما وخر عينه عن عوشه تم يطالعها لين ما دخلت داخل ... أاااه فديتها والله ادري انها زعلانه لنّي ما زرتهم من شهرين لكن شوه اسوي .......... ربي يخلينا لبعض وما يفرقنا ... ودخل سيف يرمس امه وراح عند الرياييل .... وعقب ما أذن العشا راحوا المسيد يصلوون ....نرووح عند البنيات الحينه .... مريم وشمه وشيخه واختها عوشه وهند واختها ميره..........
عوشه كانت في عالم ثاني .. مول هب منتبه لهن .....
مريم : شفتوا اغنية دبي الحربيه ( غرشووب )
ميره : هيييييه شفتها ... وااايد تعيبني هالاغنيه
شمه : عاد انا امووت عاليواله ...
شيخه : ههههه انا من اسمعها ايلس انعش شرات الخبله
شمه : هههههه عيل ما خبرتج من يحطونها انا وهزاااع انيوول
هند : ههههههه اسمييكن انتن .. عاد يوالت هزاااع غييير ...فن فن
مريم : عااااد كله ولا هزاااع محد ييب طاريه غيري .. هذا خطيبي
ميره : ههههههههههههه هاي روحها تخطب لعمرها
شيخه : ههههه اصلن هزاع حاط عينه على وحده
هند : من الحينه حاط عينه على وحده الله يعين يوم بيكبر شوه بيسوي
شمه : ويييه بسم الله على اخويه ... تتفاولون على خويه ... فالكم ما قبلناه
مريم : وييييه فجت ثمها العيوووز
هند : هههههه حليلكن والله انه سوالفكن ما تنمل
شمه : بعض الناس مووول هب ويانا
مريم : شوااخي شبلاها اختج عوشه ساكته اليوم
هند : خلووها ربيعتي هاي مالكن خص فيها انتن بعدكن يهال
شيخه : الحينه انتي الا اكبر عنا بسنه ويين يهال بعد
هند : خلاص يامييه انتو كبار وتفهمون ..بس خلوني اشوف عوشه
عوشه : يا ذكيات تراني اسمعكن ...
شمه : ههههه وين كنتي
مريم : اللي ماخذ عقلج يتهنا به
هند : انا اعرف امنوه لي ماخذ عقلها .....وتغمزلها
عوشه : والله انكن فايجات ههههه...
ودخلت عليهم البشكاره تقولهم ان العشا زاهب ... ونزلن تحت يتعشن .... وعقب ماتعشوا الحريم والرياييل .. راحن ام سيف واختها حصه (ام حارب) يسلمن على اخوهن مهير المنصوري ....وشمه ومريم وميره كانن واقفات وياهم طبعا مهيريستوي خال شمه ومريم وميره بنته ......... كانوا واقفين عند الممر لي بين ميلس الرياييل و ميلس الحريم .... منصور اخو ميره وغيث اخو مريم كانوا واقفين جدام المناظر لي عند المغاسل يعدلون سفرتهم و هم ظاهرين بالصدفه شافوهم واقفين ... طبعا ام سيف وام حارب يستون عمات منصور .... وام حارب ولدها غيث وخالته ام سيف .... راحوا يسلمون عليهن ... غيث من شاف ميره استانس ونفس الشي ميره استانست من الخاطر لانها شافت غيث ... ومنصور شاف مريم وعرفها وشاف شمه لكنه نساها ما يتذكر امنوه هاي لانه ما شاف شمه من 3 سنين تقريبا ..... ماقدر يوخر عينه عن شمه ........ جمالها طفولي واحلى شي فيها خشمها ..... ونظرات عينها اللي تذبح ............ طبعا البنيات ما طولن وراحن عنهم .... ومنصور كان باله ويا شمه .... هو نفسه ماعرف شو هالشعوور الغريب لي ياه من شاف شمه .. وليش هالبنت بالذات لي لفتت نظره ... طبعا شمه كانت ملاحظه نظرات منصور لها .. لكنها ما اهتمت واعتبرت ان هالشي عادي .... لكنها هي الثانيه حست بشعور غريب من شافته ................
************************
ظنكن منصور بيحب شمه او بينعجب فيها ..!؟
او شمه لي بتحب منصور ..!؟
واذا درى محمد شوه بيستوي به ..!؟
عوشه وسيف شوه مصيرهم .. ظنكم بيظل هالحب مستمر ولا لا ..!؟
***********
والسموحه منكم
ادري ان هالجزء بعد قصير عالاقل احسن من لا شي وتراني وعدتكم
وكتبت اللي قدرت عليه اليوم .... ;)
لو ماكان فيه رقاد كنت بكمل ... لكنه ذبحنا :marsa65: :marsa65:
تصبحون على خير :)
اطياف الذكريات
06-05-2005, 01:52 PM
مشكووورة الغلا
الجزء فله بس اقول مايد و زايد ما ظهروا في الجزء مساااااااااكين خاطري اضحك و الله
اوكي مشكورة اوخيتي عالجزء مرة ثانية و عساج على القوة
بس تعالي
هالمرة نزلي الجزء كل ويك اند
عشان وقت ما انأجز نقرا
و لا خلينا منش الغلا
و سلملم
فراشة النور
06-05-2005, 11:39 PM
هلا
كيفك
جزئين ولا ادري المهم يالله الجزين روعة اتعب وانا اوصفهم
قبل مادخل في التوقعات بقول شي كيف تكتبي وانتين بتنامي اني اشوف الشاشة خط اذا كنت بنام فكيف كتبتي
ظنكن منصور بيحب شمه او بينعجب فيها ..!؟
يمكن منصوروه يحبها مادري بس حسي صحيح انه بحبها وبيتركها يعني بفكر انه بحبها
او شمه لي بتحب منصور ..!؟
شمة بتحب منصور
واذا درى محمد شوه بيستوي به ..!؟
اكيد بينصدم صدمة وبتجيه حالة نفسية كبيرة
عوشه وسيف شوه مصيرهم .. ظنكم بيظل هالحب مستمر ولا لا ..!؟
شكلة بصير شي وبفرقهم عن بعض بس ويش دا الشي مادري
ومشكورة على الجزء
تحياتي
عويد الموز
10-05-2005, 05:26 PM
السلام عليكم
اطياف العذاري
العفووو يالغاليه
ولا تستعيلين هههه مايد وزايد بيظهرون فالاجزاء اليايه
وبتملين منهم :marsa117:
.
.
.
لوسفير
تسلمين حبوووبه
وبنشوف مع الاجزاء اليايه شوه بيستوي ;)
ريم البحرين
10-05-2005, 06:48 PM
اختي عويد الموز
ترانا نترياج على احر من الجمر
دلوعة الإمارات
10-05-2005, 07:58 PM
مرحبا أدري اني جاية متأخرة ... بس يا ويلج اذا ماكملتيه بسرعة....
يالله أنا راح اقرا تمكلة القصة اللي بقتلي على بال ما تخلصين الأجزاء
تحياتي لج
عويد الموز
10-05-2005, 09:35 PM
السلام عليكم
شحالكم .!؟
.
.
الجزء الثامن
وعقب ما راحن شمه ومريم و ميره عنهم ... راحن فوق عند هند و عوشه وشيخه ... وفي دربهن كانن يسولفن ...
شمه : فديته خالي مهير من زمان ماشفته
ميره : هههه ابويه دوم يتفداج .. اوين كل ما يشوف بنيه صغيرونه ودبدوبه يتذكرج
شمه : ههههههه حرام عليكم عقدتوني كلكم تقولون لي دبه
مريم : ههههه بالعكس انتي جسمج متناسق .. عيل تريدين تستوين نفس هند
ميره : اييه عن الغلط تراها اختيه
مريم : وخير ان شاءالله ... تراها بنت خالي بعد
شمه : ويييه بدن ... بس الله يخليكن ... يالله دخلن الحجره
في ميلس الرياييل
الشواب والشباب يالسين ويسولفون ويضحكون الا منصور ... من شاف شمه وهو حالته حاله وصورتها ما غابت عنه يشوفها فكل مكان ... حمدان اخو منصور العود كان ملاحظ عليه .... ساكت وهب وياهم ...والشباب لي كانوا يالسين هم محمد و مايد وسيف وزايد ... وحارب و راشد اخوان غيث .... و حمدان و منصور ...
حمدان : منصور بتروح ويا قوم محمد وسيف المطار ..!؟
منصور : .................
راشد : بو الشبااااب ..!!
غيث : لا لا شكله متعذب الريال
زايد : ههههههههههههههههه مسكين حاله
وانتبه منصور لهم من ضحكت زايد ... شافهم كلهم يطالعونه بنظرات غريبه ...
حارب : من ساعه خوك يزقرك وانته ولا عالبال ..!
منصور : هااه ... لا بس اشويه سرحت
مايد : اللي ماخذه عقلك هههههههه
منصور : ههههه محد ماخذ عقلي
حارب : اقوول حمدان تذكر قبل لا نتزوج كيف كانت حالتنا هههه
حمدان : ههههههههههههه والله اخس عن خويه منصور
زايد : ههههه حظكم انتو متزوجين
سيف : ليش ع شو ناوي انت بعد .. ليكون تريد تعرس ..؟!
مايد : هههههههههههههههههههههههه اي بطني
زايد : يمكن .. انتو شوه حارنكم
سيف : خلص الثانويه اول ... هاي اخر سنه وشد حيلك .. واذا نجحت.. بقول لأميه تخطبلك وحده ..................... (ويغمزله)
زايد وبفرح : احلففففففف .... والله بييب 99 % ان قلت لأميه
غيث : هههههههههه هاااا زيووود حاط عينك على وحده
زايد : هههههه ما يخصكم فيه ...سيف لاتقولهم اي شي
راشد : ماشاءالله سيف بعد يعرف ههههه
سيف : هيه نعم ... اعرف
منصور : ههههههه حليلك
وكملوا سوالفهم الشباب ... وعقب ساعه نشوا الرياييل بيروحون .... والحريم بعد نشن وشلن عيالهن .... وعقب ما روحوا ..... سيف ومحمد ومايد وزايد دخلوا الصاله ....
ام محمد : هاا ابويه بتروحون المطار ..!؟
محمد : هيه الحينه بنروح ... وين الشنط .!؟
ام محمد : انا خبرت البشكار يظهرن برع البيت انته بس روح البيت وبتلقاهن ...
ونشت ام محمد بتروح ويا بو محمد البيت ...
ام محمد : يالله يا بنيات
شيخه ماكانت تريد تروح تريد تيلس ويا شمه ... كانت تقرص شمه عشان تتكلم ... شمامي ما تحملت القرصه ...
شمه : آااااي ... وحطت شمه ايدها على ثمها وتمت تطالعهم وهي مفتضحه
محمد وسيف ... خافوا تحروا شمه شي فيها بس شافوا شيخه تضحك وتطالع شمه ...
مايد : ههههههههههههه اقول شيخه شوه سويتي
شيخه فيها ضحكه : والله ما سويت شي
شمه : حمااااره ما اكلمج
ام سيف : شمامي عيب شو هالرمسه
شمه نزلت راسها حليلها افتضحت ..: اماايه شواخي قرصتني
زايد : ههههههههههههههه احلى شوااخي ...
محمد : شيخه شوه هالحركات بعد شعنه تقرصينها
ام سيف : هالثنتين عندهن شي
شمه : لا امايه ..بس شواخي تريد تيلس ويايه
ام محمد : ويديه شيخه ... باجر وراكن نشه من الفجر ...
شمه : الله يخليج خالوه خليها تيلس ويايه اليوم
مايد ويطالع شيخه بخبث : هيه خالوه خلاص خليها عندنا
ام سيف : هيه خليها .. بعد ما يحتاي تروح البيت باجر انتو روحوا المطار وشيخه بتروح ويانا ..
ام محمد : خلاص ابرايج .. عاده بطرش الدريول ييب ثيابج واغراضج
زايد : عووشه ما بتيلسين ويانا
عوشه كانت مستحيه من الخاطر لانه سيف يطالعها ......: لا انا بروح البيت
وراحن ام محمد وعوشه البيت .... وسيف راح برع بيشغل الموتر وزايد وياه ...محمد كان واقف ويا مايد ....
مايد : انا بروح انزل الشنطه ما نزلتها
شمه : مايد فديتك نزل شنطتي وياك
مايد : بشكارج انا ... روحي انتي نزليها ..
وراح مايد فوووق ....
شمه : ماعلييه يا ميوود
هزاع : شماامي انا بروح
سعيد : لا انا برووح انزل شنطة شمامي
شمه : فديتكم ماترومون
سعيد : عادي انا وهزاع بنشلها
محمد : محد منكم بشلها .... انا بشلها ...
شيخه : ههههههههه مادري شنطة امنو الاميره شمه
شمه : لا محمد ماريد اتعبك ..بروح اقول للبشكار
هزاع : البشكار في سابع نومه
محمد وهويطالع شمه ..: شمه وين حجرتج .؟!
شمه استحت منه وماقدرت تقول شي وراحوا كلهم فوق ...ونزلوا الشنط محمد ومايد وعقب سيف وزايد دخلوا يساعدونهم وعقب راحوا بيت بو محمد وشلوا الشنط وراحوا المطار ......وتأخر الوقت رقدن شمه وشيخه وردوا قوم سيف ومحمد واخوه سعيد راحوا البيت ......
.
.
في بيت مهير بن راشد المنصوري
الساعه 4:30 الفجر
.
.
منصور ماقدر يرقد ... كان يفكر في شمه طول الوقت .............
اااه والله هالبنت عذبتني ... انا ليش افكر فيها واايد ... ليكون هاي شيخه ولا عوشه.........!!!!
...... لا لا لا ماظن هاي شكلها غير .... تشبه عمو موزه ....... وفجأه ينطق بأسمها ... شــــمــــــــه ...!
اكيد شمه محد غيرها .... يا ويل حاااالي ... هاي شمه لي دوم تطريها ميرووه ... والله تغيرتي يا شمه ... ...... باجر برمس ميره وباخذ لعلووم منها ..... وسمع أذان الفجر قام يتلبس ويتوضا بييروح المسيد .....
وفي هالوقت نشوا قوم سيف ومايد وزايد وهزاع وبوسيف بيروحون يصلون وعقب بيروحون المطار ..... ونشن شيخه وشمه .... يصلن و يتلبسن ويتزهبن للسفر ....
وعقب ماردوا قوم بوسيف من المسيد ... نزلن ام سيف وشمه وشيخه وركبن الموتر ...رايحين بيت بو محمد ...... وعقب 10 دقايق وصلوا بيتهم ... ظهرلهم بومحمد ومحمد ....
بومحمد : محمد ..سيف انا وبوسيف بنركب ويا بعض وهزاع وسعيد ويانا..انتوا ركبوا الحريم والبنيات وياكم .. لانه عوشه شكلها بتتحير ونحن لازم نروح المطار قبل
سيف : ان شاءالله عمي انتو توكلوا
وطلعوا قوم بومحمد رايحين صوب المطار ....
شمه : مايد انا وشواخي بنركب وياك
محمد : يالله عيل اركبن
مايد : خالوه ظبيه ما بتركبين ويانا
ام محمد : لا فديتك انتوا روحوا ابرايكم انا بتريا عوشه مادري شوفيها
ام سيف : فديتها شو فيها لابده ميهوده ..!
ام محمد : مادريبها تقول انها هب تعبانه وايد بس لايعه جبدها
ام سيف : مررره عطيها عسل وبطيب
سيف كان يحاتي على غناته عوشه ... ويسمعهم وهو ساكت ... وظهرت لهم عوشه وشاله وياها كيس عود اشويه .... ركبن ام سيف و ام محمد وزايد وياهم وعوشه كانت بتحط الكيس فالدبه لكن سيف ياها بسرعه وكان بياخذ الكيس لكن حط ايد بالغلط على ايد عوشه و خوزها بسرعه وعوشه تمت واقفه ومستحيه ....
سيف : خلي عنج انا بشله عنج وبحطه
عوشه : ابرايه انا بحطه هب ثجيل
سيف : خلي عنج انتي روحج تعبانه
عوشه افتضحت وماقالت شي عطت الكيس سيف وحطاه فالدبه ........الله يهديج يامايه لازم تخبرينهم وجدام سيف بعد ....
وتوكلوا على الله .... قوم بو محمد وبوسيف وصلوا المطار قبلهم ... وعقب وصلوا قوم محمد ووراهم قوم سيف .... وعقب ما دخلوا وخلصوا راحوا يركبون الطياره .... بوسيف وام سيف و بو محمد وام محمد وهزاع وسعيد كانوا يمشون جدامهم ... ومحمد ومايد كانوا يمشون وراهم .. ووراهم شمه وشيخه و عوشه وسيف كان وراهم ...
ودخلوا الممر اللي يودي لين الطياره .... كلهم كانوا يمشون جدام وعوشه كانت تمشي وراهم شوي شوي لانها كانت تدور شي في شنطتها اللي ع جتفها وما انتبهت للدجه اللي عند الطياره وفي هالوقت سيف كان يدور عوشه جدامه ما لقاها صد ورا شافها تمشي وبغت تتخرطف لكنه سيف بسرعه راحلها و يودها .... عوشه من شافت سيف استحت ...
سيف : ثاني مره انتبهي ولا تمشين روحج
عوشه : ان شاءالله
وركبوا الطياره ... بوسيف وام سيف وام محمد وبومحمد وهزاع وسعيد حاجزيلهم في درجه اولى وعيالهم في الدرجه الثانيه (business) لان ما لقو مكان فدرجه اولى ..... شمه وشيخه وعوشه يلسن ويا بعض وسيف و مايد ومحمد و زايد يلسوا ورا البنيات ... طبعا هم رايحين لبنان الحينه ....
عوشه : اعععع ماحب ريحة الطياره
شمه : هيه تلوع بالجبد
شيخه : وين المدخن .............. وبعدها ما كملت رمستها الا وينطلها مايد
مايد : خيييبه شوه ناويه تحرقين الطياره ... ارهابيه
شيخه وهي ترمس شمه : بسم الله .. انا ماروم اقول شي الا واخوج ينطلي
زايد : هههههه بيشلونج وبيفرونج من الطياره
سيف : هههه حليلها خليتوها ارهابيه مره وحده
شيخه وقفت وحطت ايدها على خصرها وتطالعهم واحد واحد ....
محمد اخوها تروع ههههه .. هاي شكلها ناويه ع شي ........ : انتوا ايييه تتمصخرون على اختيه وانا موجود ههههه
شيخه : لا لا توالناس ... من الصبح يتمصخرون عليه وانته ساكت ...
مايد : هههههههه يلسي عن تطيحين الطياره بتتحرك
سيف: مايد خلاص خلو البنيه فحالها
شيخه : مشكوور يا سيف والله انك سناافي ... ويلست
و عقب ما طارت الطياره ..... يوهم سعيد وهزاع ....
سعيد راح عند اخته عوشه .. عوشه كانت يالسه عالطرف وسيف كان وراها .....
سعيد : عووشه
عوشه : هلا فديتك
سعيد : عوشه انا وهزاع نريد نيلس هنيه
عوشه : انا عن نفسي عادي عندي بروح جدام لكن هزاع وين بييلس .!؟
هزاع : شماامي عادي ايلس مكانج
شيخه : لا هب عادي فديتك شمامي ما بتشبر مكان دوني
سعيد : شيخووه الله يخليج
شيخه : لو سمحت اسمي شيخه
سعيد : انزين مدام شيخه ممكن ..!؟
شيخه : شوه مدام جنك فلبينيه قول آنسه لو سمحت
سعيد : محد غيرج الفلبينيه
شيخه : سعووود رد مكانك ولا بشتكي عليك
مايد ومحمد وسيف وزايد كانوا يسمعونهم وهلكوا من الضحك عليهم
مايد : هههههههههههههههههههههه اي بطني
شيخه تصد ورا ..: نعم اخ مايد في شي يضحك
مايد : هههههه اوين بشتكي عليك
شمه وعوشه كانن يضحكن عليها ....
شيخه : وانتن مسودات الويه تضحكن عليه ماعليه ... خلاص انا بروح جدام ولا براده
شمه تمط شيخه من تنورتها ..: فدييييت شواااخي انا ... ليش الحلوه زعلت يلسي يلسي ... انا مالي غناه عنج
محمد كان يتمنى شمه تقوله هالرمسه ... ومايد مابغى شيخه تزعل عليه ...
مايد : شيخه يلسي ... خلاص مالكم خص في شيخه شيخة الحريم لحد يرمسها
شيخه استاااانست من الخااطر يوم سمعت مايد يقول عنها جذه ... بس سوت عمرها زعلانه ومارمست حد ...
زايد : خلاص هزاع وسعيد ردوا مكانكم الناس بيمرون ...
هزاع : ماريد جدام ملل انا اريد ايلس وياكم
سعيد : تعال هزااع عندي خطه
مايد : ههههههههه مال الرسوم اوين خطه ههه هذا ماعرف شو اسمه .... هذا الفار الاصفر الدب
عوشه ماقدرت تيود عمرها جان تضحك عليه ..: ههههههههه قصدك بوكيمون
سيف : ههههه اتابعينه بعد
عوشه : لا حشى عليه ما اتابعه لكن الصغاريه يوم ايون بيتنا اشوفهم يطالعونه
مايد : انزين اللي هو ..يالله هزاع روحوا
هزاع وسعيد راحوا صوب شمه كانت حرمه انجليزيه يالسه حذالها
سعيد وهزاع وقفوا جدام الحرمه ... وقوم مايد يطالعونهم ومستغربين ...
هزاع يرمس الحرمه : اقووولج يالشقرا ممكن ايلس مكانج
كلهم ضحكوا عليه ... والحرمه هب فاهمه عليه وتطالعه باستغراب
سيف : عيب عليكم الحرمه يالسه تريد تاخذ راحتها .. يالله ردوا مكانكم
هزاع وسعيد : ان شاءالله سيف
وعقب ساعه وصلوا لبنان .... الجو كان بااارد بس حلو ....
كان بو سيف حاجز سيارتين ... وكلهم ركبوا السيايير رايحين صوب الفندق ...كانوا حاجزين في فندق الماريوت اللي في بيروت ....او ما وصلوا الفندق كلهم نزلوا ودخلوا يتيريون في اللوبي .... محمد وسيف وبوسيف ومحمد كانوا واقفين عند الريسبشن يتريون مفاتيح الغرف .... كانوا حاجزين 5 غرف ....ام سيف وبوسيف في حجره .. وبومحمد وام محمد في حجره ....شمه وشيخه وعوشه ويا بعض ... وسيف و زايد و هزاع في حجره ومايد ومحمد وسعيد في حجره ....وعقب ما حطوا اغراضهم وشنطهم رقدوا من التعب ....
.
.
في دبي
بيت محمد السويدي
.
.
حصه كانت يالسه ويا اخوها العود خليفه .... وتدخل عليهم ام خليفه وبنتها موزه ...
ام خليفه : السلام عليكم
خليفه و حصه : وعليكم السلام
موزه : شحالكم ..!؟
خليفه : بخير انتي شحالج يالغاليه ..!
موزه : بخير وسهاله
حصه : هاا موازي شوه البيبي
موزه : هههههه يسلم عليج
حصه : متى عطوج الموعد
موزه : قالولي شهر 9
ام خليفه : الله يسهل عليج فديتج
خليفه : انتو من وين يايين .. ماشاءالله كاشخات
ام خليفه : مرينا صوب بيت عمتك كانت مسويه عزيمه
حصه : امااايه زين تذكرت
ام خليفه : هااه قولي
حصه : قوم شمامي البارحه سافروا
ام خليفه : شمه بنت موزه ..!؟
حصه : هيه
موزه : هييه صح ..تسلم عليكم عوشه
ام خليفه : الله يسلمها وين راحوا ..!
حصه : لبنان
موزه : وعقب بيروحون سويسرا نفس اليوم اللي بتروحوله
خليفه : ههههههه عيل سيف ما خبرني ولا مايد
حصه : انا بعد مادريت الا يوم شفناهم في برجمان الاسبوع اللي طاف
ام خليفه : زين خبرتوني خلاف بتصل بموزه ....
في لبنان
اليوم الثاني
.
.
نشن شمه وعوشه وشيخه يتزهبن .... وسعيد وهزاع عقب ما تلبسوا راحوا حجرت البنات وخبروهن اذا يبن يتريقن فوق ولا تحت ... قالن انهن بينزلن تحت ..... طبعا اهاليهم نزلوا قبلهم ..... محمد و زايد وقفوا فالممر اللي بين الحجر يتريونهم وتوه ظهر مايد من الحجره وهو يلبس ساعته ويعدل شعره و ظهر وراه سيف وبند الباب .... وفي هالوقت ظهرن البنات وشافوهم .... سعيد وهزاع راحوا عند اللفتات ... يتريونهم .... وركبوا كلهم اللفت ونزلو تحت يتريقوون ...
سيف : ترا اللي عقب ما نتريق على طول بنظهر ما بنرد فوق
عوشه : لااا انا ما يبت شنطتي
شيخه : روحي ييبيها الحينه
عوشه : انزين ....... وتمت تدور محمد ولا سعيد عشان واحد منهم يروح وياها قالت لسعيد اخوها لكن ما طاع يروح يالس ياكل وصدت تشوف محمد .. كان يتكلم فالموبايل بعيد عنهم ... شافها سيف مضيعه ومحتاره جان يرمسها ...
سيف : شوه ادورين ..!؟
عوشه : ماشي .. بس بتريا محمد عشان اروح وياه فوق
سيف : ما يحتاي تترينيه .. انا بروح وياج
عوشه : لا ماعليه بترياه انته روح تريق
سيف يطالع عوشه كيف مستحيه ويبتسم ....: فخااااطري بس مره يا عوشه اتقولين لي ان شاءالله
عوشه ميته على عمرها ونزلت راسها .... : ان شاءالله سيف
سيف استانس ... وراحت وياه فوق .. عوشه واايد تستحي ... واااااايد ... وقفوا يتريون اللفت عشان يروحون فوق .... ودخلوا اللفت .... عوشه وقفت عدال سيف لان في ناس في اللفت .... عوشه كانت منزله راسها وترص على اصابع ايدها من المستحى وسيف واقف يطالعها ويبتسم ....
سيف قرب منها وهمسلها ... : اشوي شوي على اصبوعج
عوشه احمرت زياده وتمت ساكته ... وفي حرمه لبنانيه كانت فاللفت تطالع عوشه وسيف ...
الحرمه تكلم سيف : هاي مرتك ..!؟
سيف يطالع عوشه ويصد يطالع الحرمه ويبتسم ..: هيه حرمتي
الحرمه : ماشاءالله عليها كتييير مهضومه وحلوه ... الله لا يبعدكووون عن بعض
سيف يطالع عوشه ويرمس الح