المساعد الرقمي الشخصي

مشاهدة النسخة كاملة : حوارنا مع الكاتبه حمران النواظر..

بنت البلاد
07-02-2005, 12:23 AM
http://www.marsauae.com/upload/uploading/7ewar_naeader.jpg

في البدايه...
http://www.marsauae.com/upload/uploading/7o6o-nawader_1.jpg



حكاية حنين

says:

السلام عليكم .. طبعا اليوم ويانا ضيفه الكل يحبها ويتابع كتاباتها.. ضيفه ذات قلم ذهبي متميز.. برزت في كتاباتها .. ولد العم.. قمر خالد.. واخر كتاباتها نظرة حب.. وهي غنيه عن التعريف طبعا .. حمران النواظر..

ღ♥ღ حمران النواظر ღ♥ღ says:

اهلا وسهلا فيج ومشكورين على هاللقاء..

ღ♥ღ حمران النواظر ღ♥ღ says:

وهذا من دواعي سروري اني اتواجد معاكم

حكاية حنين says:

العفو عزيزتي.. اول شي طبعا القراء يبون يعرفون بطاقتج الشخصيه اذا ممكن؟

ღ♥ღ حمران النواظر ღ♥ღ says:

اممم

ღ♥ღ حمران النواظر ღ♥ღ says:

انا اسمي .... عمري 19 سنة من مواليد برج الحمل.. غني عن التعريف.. جامعية في السنة الثانية .. مجال دراستي اهو الادب الانجليزي والتخصص اهو الترجمة

ღ♥ღ حمران النواظر ღ♥ღ says:

بحرينية واصلي ايراني

حكاية حنين says:

ماشاء الله .. شي جميل.. بالتوفيق ان شاء الله..

ღ♥ღ حمران النواظر ღ♥ღ says:

اجمعين يا رب

حكاية حنين says:

كم كان عمرج يوم بديتي الكتابه؟

ღ♥ღ حمران النواظر ღ♥ღ says:

والله انا بديت الكتابة بتخرجي من الثانوية.. كان عمري بهذاك الوقت.. 17 سنة على وشك اني ادخل ال18

ღ♥ღ حمران النواظر ღ♥ღ says:

بس ميولي الكتابية كانت من مرحلة الاعدادية في امتحانات اللغة العربية كنت امرن نفسي على الكتابة والوصف من خلال التعبيرات اللي كانت مطلوبة علينا

حكاية حنين says:

شي جميل الصراحه.. ماشاء الله عليج صاحبة موهبه من الصغر.. وحسب علمي أول كتاباتج كانت ولد العم..

ღ♥ღ حمران النواظر ღ♥ღ says:

اي نعم

ღ♥ღ حمران النواظر ღ♥ღ says:

اول قصصي كانت ولد العم

حكاية حنين says:

كم الفترة الزمنيه الي خذتيها لكتابه هالقصه؟؟ ومن وين استوحيتي الفكره؟

ღ♥ღ حمران النواظر ღ♥ღ says:

والله الفترة اللي اخذتها كانت قصيرة جدا بالمقارنة مع القصتين اللي تلوها.. يمكن الصيف او فترة شهرين... والفكرة استوحيتها من خلال احد القصص اللي قريتها او كنت نهمه في قرائتهم..

ღ♥ღ حمران النواظر ღ♥ღ says:

ما كانت يعني اعادة كتابة لها ولكن افكار معينة او مقاطع معينه خلت الخيال يجمح عندي وتتبلور الافكار

حكاية حنين says:

هي أكيد..طبعا كانت اول كتابه لج .. كيف كان الإقبال عليها؟؟

ღ♥ღ حمران النواظر ღ♥ღ says:

والله ما اقدر اقول انها كانت من افضل القصص في البداية بس بعدين يوم قربت النهاية اسلوبي القصصي حسيته تحسن وصار الاقبال كبير عليها والانتظار لكل الاجزاء اللي كنت انزلها

حكاية حنين says:

هذا طبعا بالنسبه للأعضاء المتابعين لقصتج في المنتدى الي كنتي تنشرين فيه.. لكن خل انقول من حيث الأهل .. كيف كان موقفهم؟؟

ღ♥ღ حمران النواظر ღ♥ღ says:

والله الاهل كان موقفهم عادي.. يعني انا اهلي طبيتعهم تختلف عن طبيعتي..

حكاية حنين says:

يعني في حد من الأهل بعد له ذات الموهبه؟؟

ღ♥ღ حمران النواظر ღ♥ღ says:

بس من المتابعين لهالقصة كانت اختي اللي اصغر مني

ღ♥ღ حمران النواظر ღ♥ღ says:

والله... ما ادري حاولت اختي اللي اصفر مني انها تكتب بس سرعان ما تخلت عن هالشي ..تقول الشي متعب للذهن

حكاية حنين says:

وين كانت نقطه بدايتج؟؟ أي منتدى أقصد؟

ღ♥ღ حمران النواظر ღ♥ღ says:

والله منتدى الم الامارات اهو نقطة البداية وان شاء الله الدائمة

حكاية حنين says:

ماشاء الله منتدى ألم الإمارات يحمل عدد هائل من الكتاب وكلهم ماشاء الله لهم إسلوبهم وتميزهم.. وانتي ماشاء الله ألاقي قصصج لها إقبال لا يقل عن البقيه.. ربي يوفقج



ღ♥ღ حمران النواظر ღ♥ღ says:

اجمعين يا رب العالمين ونتمنى التوفيق مع كل الكتاب اللي بصراحة شخصيا اشهد لهم بالتميز والـتألق

Says:حكاية حنين



خل ننتقل لقمر خالد.. هالقصه الي اتعبت الكثير .. والتأخير الي كان يطري على أجزائها.. ممكن تحكي لنا عنها



ღ♥ღ حمران النواظر ღ♥ღ says:

هههههههههههههههههههههههههه

ღ♥ღ حمران النواظر ღ♥ღ says:

اكيد ليش لا

ღ♥ღ حمران النواظر ღ♥ღ says:

قمر خالد من القصص اللي اتعبتني صراحة ويمكن ذبحتني شوي

ღ♥ღ حمران النواظر ღ♥ღ says:

والله قمر خالد قصة مستواحه من فكري. افكارها كلها يات من خيالي وكانت يمكن الانطلاقة الحقيقية للكاتبة حمران النواظر





ღ♥ღ حمران النواظر ღ♥ღ says:

القصة تتكلم عن البيئة البدوية او يمكن العائلية البحتة اللي ينتشر فيها الزواج المرتب من قبل الاقارب او ان الولد والبنت ينحكم على مصيرهم بالزواج من احد الافراد نظرا لان الدم لازم ما يطلع بره العايلة

ღ♥ღ حمران النواظر ღ♥ღ says:

وقصة قمر خالد تتكلم عن الاصالة والجذور العائلية وكيف ان الانسان اهو اللي ينشئ العائلة وهو اللي يخليها تستمر تحت جناح الأمان



ღ♥ღ حمران النواظر ღ♥ღ says:

وهذي مواضيع لربما في وقتنا الحالي تعتبر رجعية وغير واردة الا عند مجتمع معين من العائلات الخليجية اما الكل فظل يعتبرها شي من سالف الزمان وان زواج العلاقات اهو الرائج في الوقت الحالي..



حكاية حنين says:

بس ماشاء الله عليج كان لج إسلوب مؤثر جدا فيه.. ياما صحت وياما عصبت فيه وياما.. بس الفكره ومضمونها كان الصراحه شي جميل جدا.. وأهنيج على النجاح الكبير الي حصدته قصة قمر خالد..

حكاية حنين says:

بس في عوائق كبيره كانت اتصيبج لتكمله ممكن تحدثينا عنها..

ღ♥ღ حمران النواظر ღ♥ღ says:

اشكر شعورج والحمد لله يوم اني قدرت اتغلغل في داخل القراء وتوصل كتاباتي لاكبر مدى في داخلهم



ღ♥ღ حمران النواظر ღ♥ღ says:

والله العوائق كانت كثيرة منها... كمبيوتري الرفيق الحبيب... اللي ما انسى اللي سواه فيني

ღ♥ღ حمران النواظر ღ♥ღ says:

الشيبة احب اسميه ههههههههههههههههههههه

حكاية حنين says:

ههههه

حكاية حنين says:

هالجهاز لا خرف عليه السلام.. ياما صارت فينا

ღ♥ღ حمران النواظر ღ♥ღ says:

ماشاء الله عليه تحمل الكثير وياي وعانى معاي اللي عانيته مثل مشكلة منطقة الفلوبي ديسك

ღ♥ღ حمران النواظر ღ♥ღ says:

اي ولله انا معاج



ღ♥ღ حمران النواظر ღ♥ღ says:

ومشاكل ثانية يعني روتينية مثل الفورمايشن الاسبوعي او يمكن الشهري..

ღ♥ღ حمران النواظر ღ♥ღ says:

انقطاع الانترنت



ღ♥ღ حمران النواظر ღ♥ღ says:

او ساعات انا نفسيا كنت عاجزة عن الكتابة.. فوقت اللي كنت احس ان خيالي ما يحملني للمكان اللي انا ابيه اتوقف عن الكتابة واغرق في الافلام الرومانسية عشان احس بها واقدر اكتب



ღ♥ღ حمران النواظر ღ♥ღ says:

او ساعات انا نفسيا كنت عاجزة عن الكتابة.. فوقت اللي كنت احس ان خيالي ما يحملني للمكان اللي انا ابيه اتوقف عن الكتابة واغرق في الافلام الرومانسية عشان احس بها واقدر اكتب

حكاية حنين says:

الله يعينج وربي لا يعود عليج هالمشاكل..

ღ♥ღ حمران النواظر ღ♥ღ says:

الله يسمع منج

ღ♥ღ حمران النواظر ღ♥ღ says:

لكن دام الشيبة موجود ما استبعد

ღ♥ღ حمران النواظر ღ♥ღ says:

هههههههههههههههههه

حكاية حنين says:

هههههههه.. عالجي دخيلج.. شوفي له صرفه..

ღ♥ღ حمران النواظر ღ♥ღ says:

هههههههههه ولا يهمج

ღ♥ღ حمران النواظر ღ♥ღ says:

I’m working on it
بنت البلاد
07-02-2005, 12:29 AM
حكاية حنين says:

ما فكرتي انج تنشرين قصه ولد العم.. أو قمر خالد في كتاب..

ღ♥ღ حمران النواظر ღ♥ღ says:

والله فكرت ووايد فكرت

ღ♥ღ حمران النواظر ღ♥ღ says:

بالواقع انا ودي هالشي

ღ♥ღ حمران النواظر ღ♥ღ says:

وكلمت بنت مرة كان عايلتهم تمتلك مطبعة وتحاورت معاها لكنها اختفت عني

ღ♥ღ حمران النواظر ღ♥ღ says:

ومهام الدراسة والجامعة شوي مظايقتني وما تخلي لي الوقت الكافي

حكاية حنين says:

ممكن انج تستغلين الصيف مثلا .. والبحث عن مطبعه ما للقيام بالنشر.. لأن هالشي الصراحه وايد حلو.. وانتي كتاباتج تستحق النشر بصراحه

ღ♥ღ حمران النواظر ღ♥ღ says:

اي والله انا بعد

ღ♥ღ حمران النواظر ღ♥ღ says:

طبعا من بعد تعديل الالفاظ اللغوية او الاغلاط المطبعية وان شاء الله هلاشي راح يكون شغلي الشاغل

حكاية حنين says:

ان شاء الله .. اتمنى لج التوفيق.. انتي قصه قمر خالد سميتيها على الشخصيات قمر.. وخالد.. ولا مجرد تسميه توحي بالقصه

ღ♥ღ حمران النواظر ღ♥ღ says:

والله من بعد سؤالج هذا اقدر اجاوبج لانه لاول مرة ينطرح علي

ღ♥ღ حمران النواظر ღ♥ღ says:

قمر التسمية كانت لبطلة القصة.. لكنها كانت بمثابة النور اللي ينور طريج الظلام اللي كان يعيش فيه البطل خالد

ღ♥ღ حمران النواظر ღ♥ღ says:

وخالد معناته التقاليد والعادات البدوية اللي يمكن تكون خالدة وما يغيرها الزمن لو غبر عليها الوقت



حكاية حنين says:

شي جميل الصراحه.. وإجابه مقنعه..

ღ♥ღ حمران النواظر ღ♥ღ says:

تسلمـــــــــــــــــين

حكاية حنين says:

يوم انتهيتي من قصه قمر خالد.. ما اشتقتي للأبطال والقصه





ღ♥ღ حمران النواظر ღ♥ღ says:

والله ما اقدر اوصف لج الوحشة اللي عانيت منها

ღ♥ღ حمران النواظر ღ♥ღ says:

كان شعور لا يتصور..

ღ♥ღ حمران النواظر ღ♥ღ says:

هذول الناس عاشو فيني فترة طويلة قرابة السنتين.. والله اجذب لو اقول لج اني مابجيت...

ღ♥ღ حمران النواظر ღ♥ღ says:

طريقة معيشتي معاهم وتفكيري الدؤوب على اني اخلق لهم يوميات واعمال خلتني احس بحياتهم وعيشتهم وكان لهم نبض ولهم قلب ولهم حياة

حكاية حنين says:

شي جميل.. وهالشي الي خلاج تبدعين في الكتابه انج تعايشتي مع القصه خطوه بخطوه..

ღ♥ღ حمران النواظر ღ♥ღ says:

اي والله

ღ♥ღ حمران النواظر ღ♥ღ says:

عايشتهم بكل لحظة وبكل موقف وبكل مناسبة

حكاية حنين says:

بعد ما انهيتي قصه قمر خالد .. بفتره وجيزه بديتي بنشر قصتج نظرة حب..



ღ♥ღ حمران النواظر ღ♥ღ says:

الواقع انا بديت انشر نظرة حب في منتصف قمر خالد .. كنت احس باني خارقة اقدر انشر روايتين في نس الوقت لكني ماقدرت واضطريت اني اوقف القصة بعد ما سمعت لاراء ناس عزيزين على قلبي

حكاية حنين says:

حلو الصراحه هالقدره الخارقه على قولتج.. ماشاء الله عليج.. وهذا معناته ان خيالج يستوعب لأكثر من عمل في ذات الوقت وهالشي جميل الصراحه..



ღ♥ღ حمران النواظر ღ♥ღ says:

لفترة وجيزة يمكن

ღ♥ღ حمران النواظر ღ♥ღ says:

انا فيني اتخيل الف شي في نفس الوقت.. واغوص فيهم ولكن هذا الشي راح يخليني اشبك الاشياء ببعض واضيف لنقاط عن الحروف وطبعا هذا شي ما ابيه يصير معاي

حكاية حنين says:

يوم انهيتي قمر خالد شفت حزن الكثير على انتهاء القصه من ردود افعالهم وهالشي كان واضح..

ღ♥ღ حمران النواظر ღ♥ღ says:

اضيع*

ღ♥ღ حمران النواظر ღ♥ღ says:

اي نعم

ღ♥ღ حمران النواظر ღ♥ღ says:

طبعا هذا الشي كان معروف ومتوقع نظرا للتعلق النفسي اللي كانو القراء يحسووونه بالقصة

ღ♥ღ حمران النواظر ღ♥ღ says:

ويمكن لان النهاية ما كانت عاجبتهم وظنوا ان فيني استمر لكتابة نهاية ثانية... او يمكن ما كانو يبوني اكتب شي لانهم بغوها يوميات

ღ♥ღ حمران النواظر ღ♥ღ says:

هههههههههههههههههههههه

حكاية حنين says:

هههههه.. في النهايه كانت قصه ولا أروع الصراحه من حيث المضمون والإسلوب.. ننتقل لنظرة حب.. الي لاحظ فيها الجميع التغير في الإسلوب والتطور فيه



ღ♥ღ حمران النواظر ღ♥ღ says:

تسلمين وما تقصرين..

ღ♥ღ حمران النواظر ღ♥ღ says:

اي نعم

حكاية حنين says:

الله يسلمج عيوني



ღ♥ღ حمران النواظر ღ♥ღ says:

بس يمكن في ناس يخالفونج الرأي لانهم يظنون قمر خالد مشابهه لنظرة حب
بنت البلاد
07-02-2005, 12:33 AM
حكاية حنين says:

ممكن تحدثينا عن قصه نظرة حب وفكرتها ..

ღ♥ღ حمران النواظر ღ♥ღ says:

والله بقول لج

ღ♥ღ حمران النواظر ღ♥ღ says:

نظرة حب قصة في الدرجة الاولى تتكلم عن الاخاء والحب العائلي والجو العائلي الداخلي نفسه في عائلة بمستوى مادي متوسط

ღ♥ღ حمران النواظر ღ♥ღ says:

فيها الاب الحنون اللي يفارق اولاده بحادثة تؤدي بحياته

ღ♥ღ حمران النواظر ღ♥ღ says:

وفيها الام الثكلى اللي تعاني من فراق زوجها لكن لها من الاولاد اللي يحميها ويشد ها العزم

ღ♥ღ حمران النواظر ღ♥ღ says:

مثل فاتن الام الصغيرة وجراح اللي انتبه لمسئولياته تجاه بيته واخوانه من بعد وفاة ابوه المفاجئة

حكاية حنين says:

انا الصراحه ما قدرت اتابعها لضيق الوقت .. ولكن مبين من الفكره انها حلوه.. وتحمل طابع الحزن شوي

ღ♥ღ حمران النواظر ღ♥ღ says:

وايد

ღ♥ღ حمران النواظر ღ♥ღ says:

تصدقين بسبب هالحزن القصة ما كان لها متابعينها في البداية الا بعض الاعضا المخلصين الي حبوو والقصة وتموا يتابعونها لانهم يعرفون ان ما بعد الغيووم اهي الشمس الساطعة

ღ♥ღ حمران النواظر ღ♥ღ says:

يعني تقريبا الاجزاء الاولى من القصة طابعها حزين ومؤلم ودائم الرجوع الى الماضي والحنين الى اصحاب الماضي



حكاية حنين says:

بس الحزن بعد له طابع جمالي.. وراح أراويج ردة فعل متابعه لقصصج الي هي العضوة (الجنيه).. تابعت كل كتاباتج وهي متابعه لنظره حب أيضا

ღ♥ღ حمران النواظر ღ♥ღ says:

لحظة

حكاية حنين says:

خذي راحتج

ღ♥ღ حمران النواظر ღ♥ღ says:

بــــــــــــــــــــــــــاكوووش

حكاية حنين says:

ويلكم بااااااك

حكاية حنين says:

نرجع لحديثنا وحوارنا

ღ♥ღ حمران النواظر ღ♥ღ says:

الجنية.. ما ادري احسي اني اعرفها

حكاية حنين says:

هذا طبعا رايها في الشخصيات .. نظرة حب:

فاتن...حزنتني بإلي سار معاها وصراحة طيبة وحنونة

جراح....أحس إنوا إنسان عندوا أولويات خصوصا بعد مات ابوه

مريم....لإنها الصديقة الصدوقة

ღ♥ღ حمران النواظر ღ♥ღ says:

بس مادري

حكاية حنين says:

بس هي تابعت لج كل قصصج.. ودايما لحوحه ماشاء الله عليها على الأجزاء

ღ♥ღ حمران النواظر ღ♥ღ says:

وبالفعل

ღ♥ღ حمران النواظر ღ♥ღ says:

هههههههههههههههههههههههههههههههههههههههه

ღ♥ღ حمران النواظر ღ♥ღ says:

الله يخليها ان شاء الله ترا عندي مناعة ماشاء الله من اللحوحييين



ღ♥ღ حمران النواظر ღ♥ღ says:

تعلمت من قمر خالد



حكاية حنين says:

أحسن لج.. لأن بصراحه ساعات انا بعد كنت اعاني من اللحوحين بحيث اني كنت اكتب الجزء عالسريع وكان يطلع أقل مستوى من الأجزاء الي سبقته بس عشانهم..



ღ♥ღ حمران النواظر ღ♥ღ says:

والله؟؟ انتي تكتبين؟؟؟ اي قصة؟

حكاية حنين says:

انا كتبت قصتين واحين في الثالثه..

ღ♥ღ حمران النواظر ღ♥ღ says:

ماشاء الله

حكاية حنين says:

حكم الأيام.. آه يا زمن.. والثالثه للحب عنوان

ღ♥ღ حمران النواظر ღ♥ღ says:

والله زين



ღ♥ღ حمران النواظر ღ♥ღ says:

في منتديات الم الامارات؟

حكاية حنين says:

اي في ألم ومنتداي العزيز مرسى الإمارات الي هي نقطه بدايتي



حكاية حنين says:

الصراحه القصه الي شجعتني اني احاول اكتب هي قصه قمر خالد..



ღ♥ღ حمران النواظر ღ♥ღ says:

والله

ღ♥ღ حمران النواظر ღ♥ღ says:

زين زين



ღ♥ღ حمران النواظر ღ♥ღ says:

والله هالشي يخليني افتخر صراحة

ღ♥ღ حمران النواظر ღ♥ღ says:

وشنو اسمج فيها لاني راح اقرى قصصج كل ما ياز لي الوقت

حكاية حنين says:

شكله الحوار انجلب صار معاي مش معاج..

ღ♥ღ حمران النواظر ღ♥ღ says:

هههههههههههههههههههههههههههههههههههههههههههههههه

ღ♥ღ حمران النواظر ღ♥ღ says:

السموحة منج



حكاية حنين says:

أفا عليج والله .,. يسعدني انج تقرين كتاباتي.. انا الي بيكون لي الشرف الأكبر.. اني اسمع راي مبدعه مثلج.. اسمي بنت البلاد



ღ♥ღ حمران النواظر ღ♥ღ says:

يا حيا الله بنت البلاااااد وعساج عالقوة حبيبتي وربي يوفقج وينور لج دربج وما ابي اوعدج بس ان شاء الله اول ما تسنح الفرصة راح ازووور قصصج واقرى منهم



حكاية حنين says:

تسلمين الغاليه من طيبج والله..

ღ♥ღ حمران النواظر ღ♥ღ says:

يخليج ربي
بنت البلاد
07-02-2005, 12:35 AM
حكاية حنين says:

نرجع لنظره حب.. قلتي ان طابع الحزن هو الغالب عليها من حيث فقدان العائل للأسره والمسؤوليه الي سقطت على الباقي.. كم ناويه اطولين عليها؟؟ لا يكون بعد سنتين مثل قمر خالد



ღ♥ღ حمران النواظر ღ♥ღ says:

والله اللي اللاحظه ان القصة بتطول تدرين ليش

حكاية حنين says:

ليش؟

ღ♥ღ حمران النواظر ღ♥ღ says:

لاني مستمتعة فيها..

حكاية حنين says:

حلو الإستمتاع في القصه.. وهالشي يكون الدافع للعطاء بشكل أكبر..

ღ♥ღ حمران النواظر ღ♥ღ says:

ومو ناوية اطولها اطولها من حيث المضمون ولا بنفس الافكار انااالاحظ ان الافكار تتعدد فيها وكل الشخصيات منتظرة مني اني اخلصها من مآزقها



ღ♥ღ حمران النواظر ღ♥ღ says:

والله يمكن هالقصة تكون اكثر القصص اللي تمتعني من خلال كتابتها.. واحبها يمكن اكثر من القصص الباقية حتى قمر خالد لانها تعني لي الكثير...



ღ♥ღ حمران النواظر ღ♥ღ says:

وبيني وبينج قصة البطلة فاتن مستوحاة من واقعي الشخصي

ღ♥ღ حمران النواظر ღ♥ღ says:

لكن من غير مساعد



حكاية حنين says:

هههههههههه

حكاية حنين says:

حلو الصراحه..

ღ♥ღ حمران النواظر ღ♥ღ says:

هههههههههههههههههههههه

ღ♥ღ حمران النواظر ღ♥ღ says:

احلى شي

حكاية حنين says:

انج تجسدين الشخصيه من واقعج الشخصي وهالشي يعطي جمال في الوصف والسرد أكثر



ღ♥ღ حمران النواظر ღ♥ღ says:

طبعا

ღ♥ღ حمران النواظر ღ♥ღ says:

بس فاتن تتغلب علي في اشياء كثيرة مثلا صبرها وتقبلها وخضوعها

ღ♥ღ حمران النواظر ღ♥ღ says:

اما بالنسبة لي فهذا الشي غير وارد

حكاية حنين says:

هههههه..

حكاية حنين says:

يعني نقول ان حمران النواظر شديده بعض الشي

ღ♥ღ حمران النواظر ღ♥ღ says:

في اي ناحية؟

ღ♥ღ حمران النواظر ღ♥ღ says:

شديدة في افكاري

ღ♥ღ حمران النواظر ღ♥ღ says:

وشديدة في رغباتي

ღ♥ღ حمران النواظر ღ♥ღ says:

وخصوصا اذا كانت تتعلق بقرار مصيري

حكاية حنين says:

بيني وبينج هالأيام الشده لازمه

حكاية حنين says:

في فتره من فترات قصه قمر خالد انتشر خبر انج كنتي على قبيل الزواج ولكن حصلت ظروف وتوفى زوجك قبل الزواج.. والله أعلم..

ღ♥ღ حمران النواظر ღ♥ღ says:

اي نعم

ღ♥ღ حمران النواظر ღ♥ღ says:

ههههههههههههههههههههههههه صح انا وياج

ღ♥ღ حمران النواظر ღ♥ღ says:

ياريت لو نقدر بس

ღ♥ღ حمران النواظر ღ♥ღ says:

خبر الزواج كان عبارة عن الكليشيهات اللي زادو فيها الاعضاء انا ما تزوجت ولا فيوم من الايام تزوجت ولا صار لي نصيب في الزواج



ღ♥ღ حمران النواظر ღ♥ღ says:

اللي صادني اني تعرضت لسخرية الاقدر اني حبيت شخص معين من عايلتي لكن ما صار نصيب وانا اعتبرت هالشي بمثابه الضربه القاضية



حكاية حنين says:

ياحب الناس للكلام الفاضي..

ღ♥ღ حمران النواظر ღ♥ღ says:

اي والله

حكاية حنين says:

يلا ربي يحميج من هالكلام



ღ♥ღ حمران النواظر ღ♥ღ says:

لكن انا تعافيت من هالشي ان شاء الله

ღ♥ღ حمران النواظر ღ♥ღ says:

اجحمعين يا رب
بنت البلاد
07-02-2005, 12:36 AM
حكاية حنين says:

من خلال قصصج .. ألم تجسدي فارس أحلامك من خلال شخصيات القصه؟

ღ♥ღحمران النواظرღ♥ღ says:

اااه من فارس الاحلام

ღ♥ღحمران النواظرღ♥ღ says:

صدقيني لو اكتب عنه ماكوو صفحات توفي عنه

حكاية حنين says:

هههههههه

ღ♥ღحمران النواظرღ♥ღ says:

بس انا الحمد لله رب العالمين مجسدة شخصيته في كل شخصياتي الرجولية في القصة

ღ♥ღحمران النواظرღ♥ღ says:

القصص اقصد

حكاية حنين says:

تراه فارس في الأحلام مب في الواقع المشكله

حكاية حنين says:

شي جميل الصراحه..

ღ♥ღحمران النواظرღ♥ღ says:

اي والله

ღ♥ღحمران النواظرღ♥ღ says:

بس فارس الاحلام مو لازم يصير واقعي تدرين ليش.. لان ارض الواقع خشنه بالنسبة لشي ناعم وحريري مثل الحلم

حكاية حنين says:

أكيد

ღ♥ღحمران النواظرღ♥ღ says:

فيظل في مملكة الحلم حيث الازهار والجنه وعبق الحب اللي يسكر وينشي الانسان احسن من دخان وعادم سيارات الواقع

حكاية حنين says:

وانا معاج في هالشي

ღ♥ღحمران النواظرღ♥ღ says:

الحمد لله على كل حال

حكاية حنين says:

الله يسهل ويرزقج بالي في بالج ان شاء الله



ღ♥ღحمران النواظرღ♥ღ says:

الله يسمع منج يا ربي

حكاية حنين says:

في أي وقت من اليوم تحسين هو الأنسب لإلهام الأفكار بالنسبه لج.. وكم اطولين في كتابه الجزء



ღ♥ღحمران النواظرღ♥ღ says:

تبين الصراحة

ღ♥ღحمران النواظرღ♥ღ says:

قبل لا انزل الجزء بساعات

ღ♥ღحمران النواظرღ♥ღ says:

هههههههههههههههههههههههههههههههه



ღ♥ღحمران النواظرღ♥ღ says:

اطول؟؟ لا والله اللي اطول فيه اهي الخيابة عن الكتابة



ღ♥ღحمران النواظرღ♥ღ says:

لكن وقت الالهام الحقيقي اهو قبل لا انزل الجزء.. تتدافع الفكار بشكل غيريب

حكاية حنين says:

هههههههههه

حكاية حنين says:

انا الليل الصراحه احب ابدأ في الجزء.. وعقب اكمل قبل لا انزله..

ღ♥ღحمران النواظرღ♥ღ says:

اي واله انا مثلج

حكاية حنين says:

حلو الصراحه..

ღ♥ღحمران النواظرღ♥ღ says:

حلت دنياج

حكاية حنين says:

السموحه تأخرت عليج..

ღ♥ღحمران النواظرღ♥ღ says:

لا عادي فديتج خذي راحتج

حكاية حنين says:

نرجع لأسئلتنا الي ما تخلص..

ღ♥ღحمران النواظرღ♥ღ says:

ههههههههههههههههههههههه

ღ♥ღحمران النواظرღ♥ღ says:

عادي عندي كل الوقت

حكاية حنين says:

من خلال ردود أفعال القراء يكون هناك نقد إيجابي وهناك السلبي.. كيف يكون موقفج ؟؟

ღ♥ღحمران النواظرღ♥ღ says:

والله النقد الايجابي والنقد السلبي انا ضدهم

ღ♥ღحمران النواظرღ♥ღ says:

احب القراء لمن يتفاعلوون معاي

حكاية حنين says:

يعني انتي ما تحبين الإنتقادات وايد.. مجر

حكاية حنين says:

مجرد تكتفين بمعرفه الآراء

ღ♥ღحمران النواظرღ♥ღ says:

والله لاء

ღ♥ღحمران النواظرღ♥ღ says:

ماحب الانتقادات هاي اللاذعة اللي بصج تحسينها مثل الفلفل على اللسان

حكاية حنين says:

هههههه.. بس ساعات احس انها تكون مفيده.. ممكن ينبهوني على أشيا انا كنت غافله عنها



ღ♥ღحمران النواظرღ♥ღ says:

الانتقاد مطلوب يا اختي بس مو مثل اللي صار معاي في اخر الفترة على قصة نظرة حب

حكاية حنين says:

ممكن تحدثيني عن الي صار



ღ♥ღحمران النواظرღ♥ღ says:

والله اللي صار يا اختي ما اقدر اتكلم فيه لاني ما ابي اذكر ولا اقلب المواجع

ღ♥ღحمران النواظرღ♥ღ says:

اللي راح يندفن واللي جاي ينذكر وينتظر

ღ♥ღحمران النواظرღ♥ღ says:



حكاية حنين says:

لا ماعليج.. الله لا يعود عليج مثل ذاك الموقف



ღ♥ღحمران النواظرღ♥ღ says:

ههههههههههههههههههههههههههههههههههههه

ღ♥ღحمران النواظرღ♥ღ says:

شو انتهى اللقاء ولا للحينه؟



ღ♥ღحمران النواظرღ♥ღ says:

ههههههههههههههههههههههههههههههههههههه

ღ♥ღحمران النواظرღ♥ღ says:

شو انتهى اللقاء ولا للحينه؟

حكاية حنين says:

لا أحين بينتهي بعد ما تلقين علينا كلمه بسيطة لمتابعينج في منتدى مرسى الإمارات

ღ♥ღحمران النواظرღ♥ღ says:

اممممممممممممم



ღ♥ღحمران النواظرღ♥ღ says:

أنا عمري ما دخلت المنتدى.. ولكن أحب أقول لكم لكل القراء من ناحية العالم... لا تظنوا ان عالم الكتابة يقف عند حدود او حواجز.. ساعات لازم هالحواجز تخترق وإنما بالحسنى... وأتمنى لكم اسعد الأوقات في قراءاتكم.. ومثل ما يقول المثل.. أطلقوا العنان لخيالكم... واسبحوا في فضاء الأدب قد ما تقدروون.. وشكــــــــــــــرا



حكاية حنين says:

اشكرج أختي حمران على الوقت الثمين إلي منحتينا إياه لعمل هالحوار الشيق معاج الصراحة..

ღ♥ღحمران النواظرღ♥ღ says:

افا عليج حياج الله بأي وقت

حكاية حنين says:

استمتعت في وقتي معاج وفي حواري إلي ما كان ودي انه يخلص.. لولا إن اسألني خلصت

ღ♥ღحمران النواظرღ♥ღ says:

مسنجري مفتوووووووووح لكم كلكم



ღ♥ღحمران النواظرღ♥ღ says:

فديت عمرج وقت ما حسيتي انج تبين تسالين اسألي أنا حاظرة لج

حكاية حنين says:

تسلمين لي والله..

ღ♥ღحمران النواظرღ♥ღ says:

يسلمج ربي

حكاية حنين says:

اشكرج.. كل الشكر .. طبعا كانت وياكم الكاتبة حمران النواظر.. إلي نتمى لها كل التوفيق إن شاء الله في كتاباتها.. ربي يوفقج إن شاء الله .. للأمام..

.

ღ♥ღحمران النواظرღ♥ღ says:

أجمعين يا رب.. وأشكركم على هالمجهود وهالأساله اللي صراحة ما حسيت أنها ترهق الأعصاب . مباشرة وسلسة



http://www.marsauae.com/upload/uploading/7ewar_naeader.jpg
في النهايه كل الشكر للكاتبه على هذا الحوار الشيق .. والوقت الذي أعطته لنا لإجراء هذا الحوار..
ولا أنسى أيضا حبوبتنا سويتي .. كل الشكر لج على التصاميم عزيزتي..
حكاية حنين
حقوق الطبع والنشر محفوظه لمنتدى مرسى الإمارات 2005م...
بنت البلاد
07-02-2005, 12:55 AM
طبعا إذا حد فيكم عنده سؤال معين وده يسأله الكاتبة عنه.. يتفضل يكتب السؤال وراح أسألها بالنيابه عنكم وأكتب إجابتها..
وسلامتكم..
بدرةالبحرين
07-02-2005, 01:50 AM
ماقصرتي اختي وانا من اكثر المتابعين لها ولقصصها وتربطني بها معرفه شخصيه .. وان شاء الله يا رب يوفقها وتكون دايما بهالمستوى واحسن
الجنية
08-02-2005, 05:20 PM
يسلمو حكايه حنين على المجهود والحوار الحلو بس حرام عليكي فضحتينا مع البنت هههههههههههههه

أستمتعت فيه الصراحة وعرفت اشياء أنا كنت أبغى أعرفها

شكرا
بنت البلاد
09-02-2005, 04:17 AM
بدرة البحرين.. تسلمين الغاليه على الرد والمشاركه في الصفحه.. وشي حلو يوم تكون لج معرفه بهالإنسانه حسيتها فنانه فعلا..

الجنيه.. الله يسلمج عنوني.. مافضحتج بالعكس واجبي اقولها عن متابعيها..
والعفو
عويد الموز
10-02-2005, 03:03 AM
يا حافظ عليج


يا حنيين ..

حلو الحوار اللي دار بينج وبين حمران النواظر ...

وانا تابعت قصة قمر وخالد ... صدق انها واااايد طويله بس حلوه .. وكانت حزينه ولحظات الفرح قليله ...

ماشاءالله عليها ...

والله يوفجها يارب ...

تسلمين غناتي مافيج حيله... :marsa197:

واسمحيلي ماعندي اي سؤال ... بس سلمي عليها :marsa197:
<(((><
10-02-2005, 03:40 AM
السلام عليكم ورحمة اله وبركاته
مشكورة اختي حكاية حنين على هالمقابلة والحوار الشيق مع المبدعة والكاتبة حمران نواظر

انا اولا ابيج اتبلغينها سلامي وفي عندي كم من سؤال:

اولا \ ماشالله عليها توها عمرها 19 وهي تقول انها بدت من الأعدادي في الكتابة ,
والكتابة تحتاج الى ثقافة قوية وقراءة , نبي نعرف ايش الكتب اللي تقراها الكاتبة , والكتاب الذين تتابع كتاباتهم ..

وثانيا \ نبي نعرف عدد القصص اللي كتبتها , وهل انتشارها في الأنترنت فقط ؟؟

ثالثا \ كيف تبدأ الكاتبة قصتها , هل تبدأها وهي تعرف النهاية ام تكتب ولا تعرف النهاية الا في وقتها؟؟ وهل ندمت على نص كتبته ؟؟

رابعا \ هل لدى الكاتبة هوايات اخرى غير الكتابة ؟؟؟

شاكر ومقدر
بنت البلاد
12-02-2005, 12:04 AM
أخوي عريشي.. هاي إجابه الإخت حمران على تساؤلاتك..
=================================


نبي نعرف ايش الكتب اللي تقراها الكاتبة , والكتاب الذين تتابع كتاباتهم


ما ابي اجذب واقول اني اقرى لكتاب وايد بس احب اقرى اشعار روبرت اي فروست..وغازي القصيبي وبس..


نبي نعرف عدد القصص اللي كتبتها , وهل انتشارها في الأنترنت فقط ؟؟


والله انا كتبت ثلاث قصص وانا في الثالثة حاليا وان شاء الله اول ما تنتهي ببدى بالرابعة..


كيف تبدأ الكاتبة قصتها , هل تبدأها وهي تعرف النهاية ام تكتب ولا تعرف النهاية الا في وقتها؟؟

بمنتى الصراحة انا عمري ما بديت قصة وانا ادري بالاحداث الي بتصير في الجزء الياي.. تكون الاحداث حاضرة وياي في نفس الوقت.. مثال .. قصة نظرة حب بطل القصة في بداية القصة كان مشعل لكن غيرت رايي وخليته مساعد.. يعني انا ما اثبت على شي .. وحب التغيير وعنصر المفاجاة مهم لاني ما احب الروتين.. ولا احب الثبات على شي واااحد..

وهل ندمت على نص كتبته

اي.. نهاية قمر خالد.. كنت اتمنى لو اني انهيتها بشكل ثاني

هل لدى الكاتبة هوايات اخرى غير الكتابة

والله من اكبر هواياتي اهي المشي.. والتسوق.. والتلفزيون.. يعني اتيني ايام ما فارجه فلم ورى فلم فلم ورى فلم.. يعنيي امتتااااع لنفسي.. ومتابعة افلام السينما مع اني ما اروحها..

حـــمـــــران النــــواظـــر
اي هايبارا
11-03-2005, 06:51 PM
انا عندي سؤال

قصه نظره حب ...

كانت في البدايه بالفصحى وبعدين انقلبت عامي ... ليش مابدتها بالعامي .. بدل ماتلغبط الدنيا ؟؟؟؟
وليش تتعايش مع القصه في الكويت وهي مو كويتيه ؟؟؟؟
وشالي خلاها تختار اسم فاتن ؟؟؟؟

وشكرا اختي على الحوار

سلام
بنت البلاد
12-03-2005, 12:02 AM
إن شاء الله إختي راح أرسل لها أسئلتج..
طيوف الغلا
23-06-2005, 04:07 PM
مرحبااااااااااا...

مشكورة أختي على هاللقاء الحلووووو :marsa70: ... اللي قدرنا من خلاله نتعرف عليها أكثر..

وابصراحة أنا من أشد المعجبين لكتابات المبدعه حمران النواظر... قصصها روعه.. وأسلوبها أروع...

ونتريا يديدها المميز...

تحياتي لكم... طيوفه
دانة المملكة
06-02-2006, 09:16 PM
مشكورة اختي بنت البلاد على هالحوار الرائع
وانا متابعة جميع كتابات حمران وقصصها رووووووووووووووووعة
بي ابغة اطلب منك طلب اني ابغى اتواصل معها بالايميل ياريت ترسلين لي ايميلها اواي شئ يوصلني لها

تحياتي:
دانة المملكة
الصمت الدائم
09-02-2006, 02:42 AM
مشكوره اختي بنت البلاد على هالحوار الممتع 00
منهو فينا ماحب كاتبة (قمر خالد)؟!
انا احب اقولها يسلمووووو ياحمران على قصصك الرائعه وبالتوفيق انشاءالله00
وياليت لو تسمح لي بسؤال واحد :سبب تسميتهاحمران النواظر؟
المعذره كان سؤالي فيه تطفل،بس انا سألت لأنه عندناقبيله معينه لقبهم(حمران النواظر)
وهي قالت انها من اصل ايراني00ومن البحرين،،عشان كذا سألت0
على كل حال لهاحرية الإجابه او الأمتناع000


مشكوره بنت البلاد مره ثانيه0
ميرو
10-02-2006, 09:18 AM
سلااااااااااااام
مشكورة اختي على الحوار الي خلانا نتعرف عليها على شخصيتها
اني عندي سوال
ابي اعرف في اي قسم في منتديات الم امارات قصتها نظرة حب؟ الصراحة شوقتيني اني اقراها
وقصة قمر خالد الصراحة النهاية كانت من حلوة واني حزنت وايد على انها انتهت بعدين قريت ولد العم وخلصت وخزنت مرة ثانية
دانة المملكة
10-02-2006, 07:57 PM
اختي ميري تشوفين قصة نضرة حب في منتدى الم الامارات في قسم القصص المكتملة بس هي القصة موجودة عندنا في المنتدى هنا ولاتعبين نفسك وتروحين منتدى ثاني وبصراحة هي قصة روووووووووووووووووووعة

تحياتي:
دانة المملكة
سجينه الحب
19-02-2006, 09:42 PM
مشكورة أختي (( حنيين )) على الحوار والله يعطيج العاافية وبصراحة انا حبيت الحوار اللي دار بين حنين والكاتبة والله يعطيهم الصحة والعاافية ..
غاده
21-02-2006, 01:57 AM
مرحبا

اول شي حابه اشكرك على اسلوبك بالحوار
وثانيا" اقول لكاتبتنا حمران انه ماقصرتي وردودك كفت ووفت
وعرفنا اشياء كنا نبي نعرفها
بس في سؤال وياريت تردين علينا باسرع وقت
هــل فــي قــصص مــن كتابــات حمـران النواظــر ؟؟؟ واذا فـــيه هــل بتكـون قريبــه ؟؟؟
سارونة الحلوة
27-02-2006, 06:57 PM
اناا بعد من اشد المعجباات بالكااتبة حمراان النوااظر
وماافوت اي قصة مااقريتهاا والسمووحة
بنت البلاد
12-06-2006, 07:49 PM
العفووووووو والحمد لله يوم ان اللقاء عيبكم ونال رضاكم.. وهذا يسعدني بالفعل..

وبالنسبه للأسئلة انا ارسلت لها وانتظر ردها :)
بنت البلاد
12-06-2006, 07:51 PM
مرحبا

اول شي حابه اشكرك على اسلوبك بالحوار
وثانيا" اقول لكاتبتنا حمران انه ماقصرتي وردودك كفت ووفت
وعرفنا اشياء كنا نبي نعرفها
بس في سؤال وياريت تردين علينا باسرع وقت
هــل فــي قــصص مــن كتابــات حمـران النواظــر ؟؟؟ واذا فـــيه هــل بتكـون قريبــه ؟؟؟


بالنسبة لسؤالج الغاليه هيه في..

قصة ولد العم و قمر خالد.. ونظرة حب.. وقصتها الأخيره .. مذكرات أم اعتقد اذا ماخانتني الذاكرة
الدلوووعه
21-06-2006, 04:58 AM
تسلمين يبنت البلاد على الحوار الي سويته مع الكاتبه المبدعه دائما" ودوما"
بكل قصه تكتبها نحس احساس ثاني ونعيش بعالم اخر
وبعد انتي يبنت البلاد قصصك نتابعه بس للحب عنوان كانت شي حلو منك ومن ابدعاتك المستمره

اول شي كنت ابيك توصلين سلام لحمران النواظر وان قصصه الكل يتابعه بالسعوديه
وانا بصراحه حبيت نظرة حب !!!

بس حبيت اسأل كاتبتنا سؤال واحد

هل تتوقع حمران ان شخصيات احد قصصه( مساعد_ او خالد) موجودين على ارض الواقع؟

بنسه لقب حمران النواظر (هولقب لاحدى القبائل) هل هي من هذي القبيله؟؟


شكر"
بنوته اخر شقاوه
25-06-2006, 02:04 AM
تسلمي حبوبه على الحوار الجميل ويريت تقولي لكاتبتنا الجميله والمبدعه إني من المتابعين لجميع قصصها وبستمرار وأتمنى أن أتعرف عليها شخصيا لأنها مبدعه في جميع الكتابات وأنا من عشاق القصص


تحياتي لكي حبوبه

أختك: بنوته اخر شقاوه
رفا
18-08-2006, 02:07 PM
بصراحه الكاتبه حمران النواظر كاتبه معروفه انا حبيت رواياتها

بس بغيت اسأل روايتها مذكرات ام كملتها ولا لسى

وإذا كملتها يليت تقول لنا بئيت منتداى


وشاكرين لك أختي
الهندية
20-08-2006, 04:57 AM
الصراحة انا قريت كل روايات الأخت حمران وهي الصراحة ابدعت فيهم لكن لاحظت ان في قصة قمر خالد تتكلم عن اهل الكويت وفي قصة ولد العم هم الأبطال من الكويت لكن امهم بحرينية وفي قصة نظرة حب بداية القصة كانت عن اهل الكويت وان الأبطال عايشين في الكويت وعرفت البطلة فاتن كل الطلاب اللي كانو معاها انها من الكويت ولكن فجأه بنص القصة تتحول الي انها تكون بحرينية الصراحة تخربط هل هم من الكويت ولا من البحرين ولا الأخت اخطأت وشكل الكاتبة اتعرف مناطق الكويت لأنها تكلمت في قمر خالد عن منطقة الجهراء انا احس ان الكاتبة روحها موجودة في الكويت يمكن هذا مجرد راي باس هذا اللي كنت ابي اعرفه من الأخت حمران وشكرا
صفاء الروح
24-02-2007, 08:05 PM
صرااااااااااااااحه مادري كيف اشكرك على الموضوع
حياتي بس ابغى منك خدمه بسيطه تقولينها لحمران
اني احبــــــــــــــــــــــــــــــــــــــــ اكثر من اي احد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــها
وثانيا :وصلي لها سلامي
وقوليلها احسن الله عزاك في ابوها انا سمعت وماادري ادا كان صح ولا لاء
وثالثا:قوليلها تعطيني الايميل حقها او الموقع الرسمي ان وجد

وارسليه على الايميل حقي اللي هو
يمنع وضع الايميلات في المشاركات يمكنك مناقشة الموضع عبر ايميل القسم
ماسجلت فيه لان بنت خالتي الدبه مسجله فيه في ذا الموقع

وابغاك تعرفين حاجه وحده بس اني ماسجلت الاعشان موضوعك اللي زي السكر ويمكن احلى


تحياااااااتي
عاشقة المستحيل
02-03-2007, 03:42 AM
السلام عليكم و الرحمه
مشكوره اختي الحنين على هاذا الحوار اللي دار بينج و بين حمران النواظر لاني وحده من عشاق قصصها واتمنى منج انج تقوليلها تنزل لنا قصص ثانيه وسلمي عليها وااااااااااااااااااااااااااااااااااااااااااااااااا ااااااااااااااااااااايد...
عاشقة المستـــــــــــحيل
الوردة الحمراء
05-03-2007, 11:47 PM
مرحبااااااااااااااااا

الصراحة الحووار وايد حلوو
وانا احب حمران واااااااايد واحب قصصها
وكم أثرت فيني قمر خالد انا وربيعاتي لدرجة انا كنا نعيشهااا
وانا أقرأ قصصهاا واتابعهاا عدا القصة اليديدة قريت منها بس قليل

المهم افضل شي انها طلعت بنت بلاادي

غاليتي بنووته

إذا ممكن تخبرين حمران انا ابا اتواصل معاها بالإيميل



تحياتي

الوردة الحمراء
بنت البلاد
07-03-2007, 10:26 AM
بالنسبة للي يطلبون مني التواصل على إيميل حمران النواظر وأرسل لها بعض اسئلتكم

المشكلة يا جماعه حمران النواظر اختفت .. وارسلت لها كذا ايميل لكن مافي هناك أي رد..

وما اشوفها تدخل أون لاين..

واسمحوا لي ماقدر اعطيكم إيميلها لأن اعتقد مب حلوة في حقها بدون علمها أعطيكم إيميلها

تقدرون تتواصلون معاها بالرسائل الخاصه في المنتدى اللي تتواجد فيه
¤©§هـــدى§©¤
26-03-2007, 09:25 AM
بارك الله فيك بنت البلاد على هذا الحوار الممتع جدًا

وإللي أتعرفنا خلاله على شخصية رائعة

وكاتبة متميزة .

لك مني خالص التقدير .

السلام عليكم ورحمة الله وبركاته
fa6o6a
29-05-2007, 06:39 PM
بصراحه الكاتبه حمران النواظر كاتبه معروفه انا حبيت رواياتها

بس بغيت اسأل روايتها مذكرات ام كملتها ولا لسى

وإذا كملتها يليت تقول لنا بئيت منتداى


وشاكرين لك أختي
mulsoonah
14-07-2007, 01:30 AM
يعطيج الف عافيه اختي بنت البلاد

بس ماعليج امر

اقدر اعرف حمران النواظر تكتب في اي منتدى
Farh
20-07-2007, 12:54 PM
السلام عليكم ورحمة الله وبركاته
يعطيكالعافيه اختي على هذا الموضوع الشيق.. وبصراحه انا كنت ابحت عن كذا معلومات عن اختي حمران النواظر لمدى اعجابي بمواضيعها ...
بس بصراحه يؤسفي اني احمل لكم خبر مزعج الا وهو وفاه والد حمران النواظر الله يرحمه من سنه تقريبا من هذا التاريخ
وهذا السبب الي خلاها توقف قصه انتي وانا و ما تقدرون تحصلونها اون لاين
هذا الخبر اكيييييد ومن مصادر موثوقه ...
عظم الله اجرك اختي حمران وجعل الله مثواه الجنه
وشكرا
بنت البلاد
22-07-2007, 10:21 AM
تسلمون جميعاً على الرد..

اختي ملسونه والله ماعندي خبر هيه وين حالياً تكتب القصه لأنها وقفت.. وشرات ماقالت الإخت فرح انها ماكملت القصه وذلك لسبب وفاة والدها الله يرحمه ويصبرها يارب على مابلاها..

والشي الثاني فعلاً ماقمنا نحصلها اون لاين بالمره .. ماتدخل النت..
Farh
23-07-2007, 06:55 AM
اختي بنت البلد ولا عليك امر ممكن اذا حصلتي حمران النواظر اون لاين تعطينها ايميلي اذا قبلت لانو مره عندي كلام كثير ابي اقوله لها
ملاك الريم ؟!
23-07-2007, 09:08 PM
السلام عليكم

اللهم صلي على محمد واله

بصراحة
كاتبة ولا اروع

الله يوفقها في المستقبل

تسلمين اختى على المجهود

دمتِ بكل ود

ملاك الريم
الطموحة
19-08-2007, 11:56 PM
يعطيج العافية بنت ابلاد ع هالحوار الشائق ..
استمتعت الصراحة وأنا أقرا الحوار ..
وأستمتع أكثر وأنا أقرا قصص حمران ما أحلااااها ما شاء الله ..
وأصلا أنا ما أقرا إلا لها وقريت مرة وحدة قصة وهي لج بصراحة انت شجعتيني اني اسجل هني في هالمنتدى من خلال متابعة قصتج روحن عشقته وقلبن فقدته .

تسلم يمناج ع هالموضوع ..

وأتمنى يكون عندنا خبر في حال نزلت حمران أي قصة جديدة لأني بالفعل أستمتع وأنا أقرا لها

يعطيج ويعطيها العافية ..

.. دمت بود ..
بنت الحسائي
20-08-2007, 07:57 PM
مشكورة بينت البلاد ع الحوار الحلو
وانا من متابعي قصص حمران

اللي عن جد حلوة


(( بنت الحسائي))
صقر العروبة
21-08-2007, 12:33 AM
مشكوره بن البلاد..........
لميس0
12-08-2008, 10:36 AM
بنت البلااااد

مشكووره ياخيتووو على الحوووار

امتعتينا


تكفيـــــــــــــــن لي طلب عندك او اي احد يعرف اي خبر عن حمران النواظر او ايميلها

ابيك ترسليه لي عن طريق الرسائل الخاصة ضرووري لاني تعبت وانا ادوور تكمله مذكرات ام بلييييييز
عنفوصة
09-09-2008, 07:30 PM
السلاااااااااااااااااااااااام كيفك يابنت البلاد ؟ بصرااااااااااااااحه حابه اتواصل معك وقريت قصتك للحب عنوان مررررررررررررررررررررررررره حلوه,,وعندي طلب ممكن تعطيني ايميلك؟ حااااااااااابه اتواصل معاااااااااااااااك,,تحياااااااااااااتي بنت السعوديه ""عنفوصه""..