فتى الأحزان
02-01-2005, 12:24 AM
كنت يالس في البيت قلت في خاطري ليش ماادش النت واشوف شو اخبار المنتدى
وانا حاط عالموقع ظهرلي هالمسج
ThisAccount Has Been Suspended Please contact the billing/support department as soon as possible.
قلت لاحوووول شو هالحظ العاثر اشبلاهم كل يوم والثاني طايحين في مشكله لا وهالمره مب دافعين الفاتوره المهم قلت خلني اسير السوق واخذ لي كم سمجه للغدا احسن من اليلسه.
وصلت السوق ووقفت الموتر في الباركينج ودخلت وشفت يمعه تقربت منهم والا واحد لابس كندوره بنيه وغتره حمرا وحاط على صدره رقم واحد وواقف في النص ويدلل على السمج كنت امشبه عليه ياربي هوه والا مب هوه! اشوي والا عاطني ظهره كان مكتوب مرسى الامارات وتحتها نجوم حمر تقربت منه وسلمت عليه
وقلت له : تسمح اشوي تدرون عن الفضايح : انته مرسى الامارات؟ صخ واحمر ويهه ورد : هيه نعم آنا مرسى شو تبغي؟وامنوه انته؟وليش تسألني؟
قلت: ابغي سلامتك بس حبيت اتأكد انك مرسىالامارات والا لاني كنت امشبه عليك وانا فتى الاحزان من قلت فتى الاحزان تبريد مكانه وياني وحبني على خشمي وجتفي
قلت له :توك نافش ريشك والحين ياي تحبني على خشمي!
قال :اخوي فتى دخيلك اليوم يومك لا تفشلني وانا طالبنك طلبه ورد وحبني على خشمي وجتفي مره ثانيه
قلت له : خير آمر شو في خاطرك إذا فيه شي اقدر عليه ولايهمك.
قال لي : ارجوك لا تخبر حد ولاتيب طاري بانك شفتني اهنيه رد مره ثالثه حبني على خشمي
الصراحه عيبتني السالفه بس تأذيت من ريحته
وسألته : ليش مادفعتوا فواتير المنتدى؟
نزل راسه وقال : ياخوي تدري انا كنت في اجازه وتوني مداوم ومااستلمت راتبي ويالس اترزق من الدلاله علشان اطلع جيمة الفواتير المتاخره وتدري هي ماتبغي الا واحد حرج ولسانه طويل.
قلت له : اكييييييد كل هذي الصفات متوفره فيك.
قال لي :تدري لزوم الرزه والكشخه.
قلت له:الحين مستعيل بودي السمج قبل الظهر وان شاء الله يصير خير ومشيت عنه خمس امتار والا ياي يركض
وقال : وانته ظاهر من السوق بتشوف صندوق على ايديك اليمين لاتنسى تحط فيه على دربك.
قلت له : طرار ويتشرط ان شاء الله يابويه وفالك طيب ورجعت البيت.
شفت باجي وقت قلت ليش ما امر الاتصالات واستغل الوقت،المهم بدلت وظهرت وعلى دربي مريت البنك ونزلت بسحب لي خرده وحطيت البطاقه في المكينه وييت بدق الرقم السري اشوي والا ولد صغيروني واقف عدالي
ويقول لي :عمووووووووه بدي العب ويلس يدق الارقام !الصراحه فولت عن تنسحب البطاقه واتورط بسبته
قلت له: صبر ياولد الناس هذي مكينه مب لعبه وتم واقف عدالي المهم سحبت وظهرلي الكشف ومد ايديه بسرعه وسحبه من المكينه
وقال لي : عموووووووه هذا مابدك اياه وظهر قبلي وامه كانت واقفه تترياه ويت صوبي ومدت ايديها وقالت : ايدك
استغربت منها لان عندنا عيب الوحده تسلم على واحد غريب وقلت لها عيب يااختي نحن مانسلم على الحريم بالايد
ردت علي بجراه : آنا اقصد حط ايدك في مخباك وطلع البوك !
استغربت اكثر كيف الولد زلمه والام رمستها تقول انها مواطنه!تخيلت انها مثل بعض الناس لكن رمستها عدله،المهم عطيتها المجسوم وييت بركب الموتر!جان تقول لي : وقف زيدهم اشوي
قلت لها : هاااه توني عاطنج
ردت علي :اللي عطيتني اياهن لي انا اما الزياده فلربيعتي
الصراحه حسيت انها تجذب وقلت لها وين ربيعتج دليني بيتهم انا بسير وياج، اهنيه شفتها قامت اتلعثم وتخربط ،قلت في خاطري هذي فرصتي ولازم اظرب ظربتي
المهم قلت:شوفي يابنت الناس يااما تردين بيزاتي علي او اوديج المركز والا تخبريني شو قصتج ،شفتها نوخت
وقالت : انزين بخبرك بس اوعدني انك ماتوديني المركز واشترلي عصير لانك نشفت ريجي.
مااطولها عليكم سكتها بقوطي راني.
قالت : آنا بنت المزروعي ومتزوجه واحد لبناني وتدري بشبابنا هالايام مايحبون البنت لي طافت الثلاثين وريلي مايشتغل ويالس في البيت يربي اليهال وانا اسعى ادور رزقي لان المعاش مايكفي.
قاطعتها : بس انتي قلتي عطني زياده لربيعتي!
ردت : انا مراقبه في منتدى مرسى الامارات والشركه وقفت الخدمه لان صاحب المنتدى ماعنده بيزات وهو وصانا نساعده وتدري انا فقيره وعلى قد حالي ويلست تتبجبج تبى تساحلني .
قلت لها بصراحه كسرتي خاطري بساعدج بس اول شي قوليلي فيه حد ثاني غيرج في هذي المنطقه ؟
قالت :لا بس يمكن تلقاهم عند الاشارات او المسايد او المراكز.
قلت :والخييييبه انتوا عصابه خذي وتوكلي على الله،شلت ولدها ومشت وانا ركبت موتري وسيده على الاتصالات.واول مادخلت سالتهم عن الارقام الكشخه قالولي عند المدير في الدور الخامس،المهم ركبت اللفت وصعدت ووقف في الخامس سألت الفراش عن غرفة المدير ماقصر وصلني وتوني ياي بدق الباب والا واحد داعمني بجتفه ومدرعم!
تميت واقف والباب كان طلق ويا الريال وحب المدير على خشمه
وقال لي :تعال سلم على عمك وحبه على خشمه!
استغربت من تصرفه ! لا اعرفه ولا يعرفني كيف يكلمني بهذي الطريقه؟المهم قلت له : ماتعودت احب الا خشم الشيبه.
سلمت على المدير ويلسنا ويا الهندي وتقهوينا
وقال له : نعم شو في خاطرك؟ كان يرمس صاحبنا وشفته حط ايديه في مخباه وظهر ورقه وعطى المدير،المسكين ماكمل دقيقتين
المدير : قووووم وبصوت عالي انته لين الحين يالس! تعرف الباب اللي دخلت منه يلا عطني مقفاك ولا تراويني رقعة ويهك..
الصراحه قفطه قويه لله دره كيف تحمل ،واشوف المدير يتحلطم
اهنيه تذكرت درب الزلق ....
وقلت له :خير عسى ماشر ؟
قال :الحبيب ياي يبغيني اتبرع علشان منتداهم مسكر ومادافعين الفاتوره.
سألته :شو اسم المنتدى؟قال : على مااظن كان مكتوب مرسى الامارات،واعتدل على كرسيه وقال انته تعرفه؟
قلت : انا!؟لا اول مره اسمع عنه لاني ابغي الريال يمشيني ماتكفي الاعطال والمشاكل مالهم عالنت بعد على الواقع!وسألته امنوه الريال اللي عطاك الورقه؟
قال :كان مكتوب مقدم الطلب زعيم المرسى ،قلت حسبي الله على ابليسهم عيال لبلاد جذيه يسوون عيل الاجانب ماينلامون ،
خلصت من عنده ورجعت البيت منهد حيلي صليت وتغديت ورقدت.
نشيت على صلاة العصر وبعد الصلاه قلت خلني اقرا الجريده لين موعد مباراة الهلال والمريخ في الدوري السوداني واول مافتحت الصفحه شفت اعلان عن جمع التبرعات لمنتدى مرسى الاماراتّ قلت لاحوووول اشكره عيني عينك وفي الجرايد بعد! ،كملت الجريده وصليت ا لمغرب ويلست اتابع المباراة وفي الدقيقه 25 من الشوط الثاني وقفوا البث وطلعت المذيعه السودانيه بالطاقه اللي لابستنها
وقالت: جاءنا النبأ التالي من الامم المتحده بجمع التبرعات لمنكوبي منتدى مرسى الامارات! انا اهنيه وقف شعري، والخيييييييييييبه وصلوا للامم المتحده والسودان حشا قبان مب ويوه!
يلست اجلب في هالمحطات وفجاه شفت اثنينه يتكافخون لكن لفت انتباهي المذيع وهو يتصدد وينزل راسه ويرفعه جنه نعامه
وقال :مشاهدينا الاعزاء جاءنا النبأ التالي من غرفة الاخبار ،اللي في الاستوديو كلهم استغربوا شو السالفه وانا يالس ادور والا واحد يواعد وحده ووحده توعي واحد من الرقاد وفجأه شفت اعلان تحت تبرعوا لصالح منتدى مرسى الامارات وكان مكتوب رقم الحساب واسم البنك سكرت التلفزيون ويلست في الصاله وياني ولد اخويه
وقال لي :عميه عميه قلت له :هااااه شو تبغي؟ قال :خذ هاذي الورقه من عند الابله قلت له ليش ماعطيت ابوك؟ قال لي : ابويه طرشني عندك،
قلت له :انزين عطني اياها واول ماقريتها زخيته من اذنيه وحستها وقلت له شو اسم الابله مالك آنا بشتكي عليها ؟قال لي : لو دريت ماعطيتك الورقه قلت له ليش ؟قال:هذي وايد طيبه وكل يوم تعطينا حلاوه وتعلمنا الرسم والفوتوشوب وماتستاهل الا كل خير وانته تبغي تشتكي عليها لا والف لا
قلت له : انزين خلاص سر حجرتي بتحصل 100 داخل السده شلها.
اليوم الثاني :
تريقت ومريت ابدل آيل السياره واتصل بي عبود جاكليت اخو حمود القطو وسرنا الحراج الحبيب يدور على سياره مستعمله ويوم وصلنا شفنا يمعه صفطنا الموتر وتقربنا منهم واكثرهم خوان وبينهم اثنينه اشكالهم تقول انهم من الجماعه وكانوا عارضين مواترهم للبيع واحد عنده نيسان موديل 97 وكاتب عليه مينون الصحاري والثاني عنده راف فور موديل 2002 وكاتب عليه عميييه فديتك خوز لادعمك سالناهم بكم ؟ الاولي قال: ب90 الف والثاني ب70 تبغون الصراحه استغربت منهم ليش كل هالغلا شو ذهب والا الماس رد علي راعي النيسان : ياخوي عندنا واحد من الربع طايح على بوزه ويبغيله مساعده وماعندنا غير هالموترين بنبيعهن وبنسدد عنه لين يفرجها ربك ،سالته شو مشكلة ربيعكم قال لي : مب دافع فاتورة الموقع ماله وعليه جيكات متاخره يا اما يدفع والا بيت ابلاش،
قلت له : اظن اني عرفت الريال ويسمونه مرسى
بقق عيونه ويلس يتطالعني جنه بقره شايفه حريجه! المهم خليته وكملت طريجي انا وعبود ويوم يينا بنعبر الشارع شفنا بيك اب محمل تواير وصفر وهوش وحمام وبط وغراش مشاوه ومالح وقفنا الدريول كنت ابغي اشتري حمام سوري حق سعود ولد اخويه وسالته بكم الحمام ؟
قال لي : بياه هازا مافي للبيع هازا مشان واحد صديك مال انا هو داخل مشكل ويسوي مساعده
قلت له: مالقيت الا التواير!ليش الحبيب بيحطهن دعاميات للدوبه ماله؟
الظاهر انك تعزه وايد
قال لي:
توم نيي معلووووم سدى دل مال كلووو نفر!
قلت له هاااه شو قلت؟
رد : مرسى دل مال كلووو نفر
قلت لعبود : الجماعه مب احسن عنا وخلنا نرد
قال:عقب اشوي بياذن وين تبانا نسير؟
قلت له :انزين بنخليها للعصر بس بتصل في اخويه وبخليه يجهز الاغراض من الحين
ترررررن ترررررن يالس اتصل
رد : الوووووووووه وصمخ جلاب
رديت: بوسعيد صباح الخير ادريبه راقد والمزاج مايحتاي
من سمع كلمة بوسعيد قال : الله يهديك ليش موعني الحين شو تبغي؟
قلت له :ماعليك اماره ياخوي اباك في شغله ضروريه
قال : قول شو تبغي؟
قلت له:نش وتغسل ومر على دربك وزخ الديج الحمر وحطه في قفص صغيرون واربط التيس وحمله في الجيمس
سالني :شووو بتسوي عزيمه؟
قلت له : لا...بس واحد من ربعي في ازمه وابغي اساعده
رد علي : انته بت بت بتساااااعد ربيعك مااصدق قول شي غيره
قلت له : يهدي من يشاء وربك قادر على كل شي
قال لي : صبر اشوي بزقر سعووود اظن انه فوق السطح بخليه اييب الحمام ماله وعلى مااذكر ان الشيبه عنده كوت وشال من ايام ابرهه والعيوز عندها مكينه خياطه وكم خاتم ذهب ومرتعشه من ذهب الكويت مال اول بو مينه خلنا نستفيد منهن بدل يلستهن في السحاره.
سالته وانته؟
قال : انا بسوق الجيمس وبوديكم السوق.
مع تحيااتي لكم
م
وانا حاط عالموقع ظهرلي هالمسج
ThisAccount Has Been Suspended Please contact the billing/support department as soon as possible.
قلت لاحوووول شو هالحظ العاثر اشبلاهم كل يوم والثاني طايحين في مشكله لا وهالمره مب دافعين الفاتوره المهم قلت خلني اسير السوق واخذ لي كم سمجه للغدا احسن من اليلسه.
وصلت السوق ووقفت الموتر في الباركينج ودخلت وشفت يمعه تقربت منهم والا واحد لابس كندوره بنيه وغتره حمرا وحاط على صدره رقم واحد وواقف في النص ويدلل على السمج كنت امشبه عليه ياربي هوه والا مب هوه! اشوي والا عاطني ظهره كان مكتوب مرسى الامارات وتحتها نجوم حمر تقربت منه وسلمت عليه
وقلت له : تسمح اشوي تدرون عن الفضايح : انته مرسى الامارات؟ صخ واحمر ويهه ورد : هيه نعم آنا مرسى شو تبغي؟وامنوه انته؟وليش تسألني؟
قلت: ابغي سلامتك بس حبيت اتأكد انك مرسىالامارات والا لاني كنت امشبه عليك وانا فتى الاحزان من قلت فتى الاحزان تبريد مكانه وياني وحبني على خشمي وجتفي
قلت له :توك نافش ريشك والحين ياي تحبني على خشمي!
قال :اخوي فتى دخيلك اليوم يومك لا تفشلني وانا طالبنك طلبه ورد وحبني على خشمي وجتفي مره ثانيه
قلت له : خير آمر شو في خاطرك إذا فيه شي اقدر عليه ولايهمك.
قال لي : ارجوك لا تخبر حد ولاتيب طاري بانك شفتني اهنيه رد مره ثالثه حبني على خشمي
الصراحه عيبتني السالفه بس تأذيت من ريحته
وسألته : ليش مادفعتوا فواتير المنتدى؟
نزل راسه وقال : ياخوي تدري انا كنت في اجازه وتوني مداوم ومااستلمت راتبي ويالس اترزق من الدلاله علشان اطلع جيمة الفواتير المتاخره وتدري هي ماتبغي الا واحد حرج ولسانه طويل.
قلت له : اكييييييد كل هذي الصفات متوفره فيك.
قال لي :تدري لزوم الرزه والكشخه.
قلت له:الحين مستعيل بودي السمج قبل الظهر وان شاء الله يصير خير ومشيت عنه خمس امتار والا ياي يركض
وقال : وانته ظاهر من السوق بتشوف صندوق على ايديك اليمين لاتنسى تحط فيه على دربك.
قلت له : طرار ويتشرط ان شاء الله يابويه وفالك طيب ورجعت البيت.
شفت باجي وقت قلت ليش ما امر الاتصالات واستغل الوقت،المهم بدلت وظهرت وعلى دربي مريت البنك ونزلت بسحب لي خرده وحطيت البطاقه في المكينه وييت بدق الرقم السري اشوي والا ولد صغيروني واقف عدالي
ويقول لي :عمووووووووه بدي العب ويلس يدق الارقام !الصراحه فولت عن تنسحب البطاقه واتورط بسبته
قلت له: صبر ياولد الناس هذي مكينه مب لعبه وتم واقف عدالي المهم سحبت وظهرلي الكشف ومد ايديه بسرعه وسحبه من المكينه
وقال لي : عموووووووه هذا مابدك اياه وظهر قبلي وامه كانت واقفه تترياه ويت صوبي ومدت ايديها وقالت : ايدك
استغربت منها لان عندنا عيب الوحده تسلم على واحد غريب وقلت لها عيب يااختي نحن مانسلم على الحريم بالايد
ردت علي بجراه : آنا اقصد حط ايدك في مخباك وطلع البوك !
استغربت اكثر كيف الولد زلمه والام رمستها تقول انها مواطنه!تخيلت انها مثل بعض الناس لكن رمستها عدله،المهم عطيتها المجسوم وييت بركب الموتر!جان تقول لي : وقف زيدهم اشوي
قلت لها : هاااه توني عاطنج
ردت علي :اللي عطيتني اياهن لي انا اما الزياده فلربيعتي
الصراحه حسيت انها تجذب وقلت لها وين ربيعتج دليني بيتهم انا بسير وياج، اهنيه شفتها قامت اتلعثم وتخربط ،قلت في خاطري هذي فرصتي ولازم اظرب ظربتي
المهم قلت:شوفي يابنت الناس يااما تردين بيزاتي علي او اوديج المركز والا تخبريني شو قصتج ،شفتها نوخت
وقالت : انزين بخبرك بس اوعدني انك ماتوديني المركز واشترلي عصير لانك نشفت ريجي.
مااطولها عليكم سكتها بقوطي راني.
قالت : آنا بنت المزروعي ومتزوجه واحد لبناني وتدري بشبابنا هالايام مايحبون البنت لي طافت الثلاثين وريلي مايشتغل ويالس في البيت يربي اليهال وانا اسعى ادور رزقي لان المعاش مايكفي.
قاطعتها : بس انتي قلتي عطني زياده لربيعتي!
ردت : انا مراقبه في منتدى مرسى الامارات والشركه وقفت الخدمه لان صاحب المنتدى ماعنده بيزات وهو وصانا نساعده وتدري انا فقيره وعلى قد حالي ويلست تتبجبج تبى تساحلني .
قلت لها بصراحه كسرتي خاطري بساعدج بس اول شي قوليلي فيه حد ثاني غيرج في هذي المنطقه ؟
قالت :لا بس يمكن تلقاهم عند الاشارات او المسايد او المراكز.
قلت :والخييييبه انتوا عصابه خذي وتوكلي على الله،شلت ولدها ومشت وانا ركبت موتري وسيده على الاتصالات.واول مادخلت سالتهم عن الارقام الكشخه قالولي عند المدير في الدور الخامس،المهم ركبت اللفت وصعدت ووقف في الخامس سألت الفراش عن غرفة المدير ماقصر وصلني وتوني ياي بدق الباب والا واحد داعمني بجتفه ومدرعم!
تميت واقف والباب كان طلق ويا الريال وحب المدير على خشمه
وقال لي :تعال سلم على عمك وحبه على خشمه!
استغربت من تصرفه ! لا اعرفه ولا يعرفني كيف يكلمني بهذي الطريقه؟المهم قلت له : ماتعودت احب الا خشم الشيبه.
سلمت على المدير ويلسنا ويا الهندي وتقهوينا
وقال له : نعم شو في خاطرك؟ كان يرمس صاحبنا وشفته حط ايديه في مخباه وظهر ورقه وعطى المدير،المسكين ماكمل دقيقتين
المدير : قووووم وبصوت عالي انته لين الحين يالس! تعرف الباب اللي دخلت منه يلا عطني مقفاك ولا تراويني رقعة ويهك..
الصراحه قفطه قويه لله دره كيف تحمل ،واشوف المدير يتحلطم
اهنيه تذكرت درب الزلق ....
وقلت له :خير عسى ماشر ؟
قال :الحبيب ياي يبغيني اتبرع علشان منتداهم مسكر ومادافعين الفاتوره.
سألته :شو اسم المنتدى؟قال : على مااظن كان مكتوب مرسى الامارات،واعتدل على كرسيه وقال انته تعرفه؟
قلت : انا!؟لا اول مره اسمع عنه لاني ابغي الريال يمشيني ماتكفي الاعطال والمشاكل مالهم عالنت بعد على الواقع!وسألته امنوه الريال اللي عطاك الورقه؟
قال :كان مكتوب مقدم الطلب زعيم المرسى ،قلت حسبي الله على ابليسهم عيال لبلاد جذيه يسوون عيل الاجانب ماينلامون ،
خلصت من عنده ورجعت البيت منهد حيلي صليت وتغديت ورقدت.
نشيت على صلاة العصر وبعد الصلاه قلت خلني اقرا الجريده لين موعد مباراة الهلال والمريخ في الدوري السوداني واول مافتحت الصفحه شفت اعلان عن جمع التبرعات لمنتدى مرسى الاماراتّ قلت لاحوووول اشكره عيني عينك وفي الجرايد بعد! ،كملت الجريده وصليت ا لمغرب ويلست اتابع المباراة وفي الدقيقه 25 من الشوط الثاني وقفوا البث وطلعت المذيعه السودانيه بالطاقه اللي لابستنها
وقالت: جاءنا النبأ التالي من الامم المتحده بجمع التبرعات لمنكوبي منتدى مرسى الامارات! انا اهنيه وقف شعري، والخيييييييييييبه وصلوا للامم المتحده والسودان حشا قبان مب ويوه!
يلست اجلب في هالمحطات وفجاه شفت اثنينه يتكافخون لكن لفت انتباهي المذيع وهو يتصدد وينزل راسه ويرفعه جنه نعامه
وقال :مشاهدينا الاعزاء جاءنا النبأ التالي من غرفة الاخبار ،اللي في الاستوديو كلهم استغربوا شو السالفه وانا يالس ادور والا واحد يواعد وحده ووحده توعي واحد من الرقاد وفجأه شفت اعلان تحت تبرعوا لصالح منتدى مرسى الامارات وكان مكتوب رقم الحساب واسم البنك سكرت التلفزيون ويلست في الصاله وياني ولد اخويه
وقال لي :عميه عميه قلت له :هااااه شو تبغي؟ قال :خذ هاذي الورقه من عند الابله قلت له ليش ماعطيت ابوك؟ قال لي : ابويه طرشني عندك،
قلت له :انزين عطني اياها واول ماقريتها زخيته من اذنيه وحستها وقلت له شو اسم الابله مالك آنا بشتكي عليها ؟قال لي : لو دريت ماعطيتك الورقه قلت له ليش ؟قال:هذي وايد طيبه وكل يوم تعطينا حلاوه وتعلمنا الرسم والفوتوشوب وماتستاهل الا كل خير وانته تبغي تشتكي عليها لا والف لا
قلت له : انزين خلاص سر حجرتي بتحصل 100 داخل السده شلها.
اليوم الثاني :
تريقت ومريت ابدل آيل السياره واتصل بي عبود جاكليت اخو حمود القطو وسرنا الحراج الحبيب يدور على سياره مستعمله ويوم وصلنا شفنا يمعه صفطنا الموتر وتقربنا منهم واكثرهم خوان وبينهم اثنينه اشكالهم تقول انهم من الجماعه وكانوا عارضين مواترهم للبيع واحد عنده نيسان موديل 97 وكاتب عليه مينون الصحاري والثاني عنده راف فور موديل 2002 وكاتب عليه عميييه فديتك خوز لادعمك سالناهم بكم ؟ الاولي قال: ب90 الف والثاني ب70 تبغون الصراحه استغربت منهم ليش كل هالغلا شو ذهب والا الماس رد علي راعي النيسان : ياخوي عندنا واحد من الربع طايح على بوزه ويبغيله مساعده وماعندنا غير هالموترين بنبيعهن وبنسدد عنه لين يفرجها ربك ،سالته شو مشكلة ربيعكم قال لي : مب دافع فاتورة الموقع ماله وعليه جيكات متاخره يا اما يدفع والا بيت ابلاش،
قلت له : اظن اني عرفت الريال ويسمونه مرسى
بقق عيونه ويلس يتطالعني جنه بقره شايفه حريجه! المهم خليته وكملت طريجي انا وعبود ويوم يينا بنعبر الشارع شفنا بيك اب محمل تواير وصفر وهوش وحمام وبط وغراش مشاوه ومالح وقفنا الدريول كنت ابغي اشتري حمام سوري حق سعود ولد اخويه وسالته بكم الحمام ؟
قال لي : بياه هازا مافي للبيع هازا مشان واحد صديك مال انا هو داخل مشكل ويسوي مساعده
قلت له: مالقيت الا التواير!ليش الحبيب بيحطهن دعاميات للدوبه ماله؟
الظاهر انك تعزه وايد
قال لي:
توم نيي معلووووم سدى دل مال كلووو نفر!
قلت له هاااه شو قلت؟
رد : مرسى دل مال كلووو نفر
قلت لعبود : الجماعه مب احسن عنا وخلنا نرد
قال:عقب اشوي بياذن وين تبانا نسير؟
قلت له :انزين بنخليها للعصر بس بتصل في اخويه وبخليه يجهز الاغراض من الحين
ترررررن ترررررن يالس اتصل
رد : الوووووووووه وصمخ جلاب
رديت: بوسعيد صباح الخير ادريبه راقد والمزاج مايحتاي
من سمع كلمة بوسعيد قال : الله يهديك ليش موعني الحين شو تبغي؟
قلت له :ماعليك اماره ياخوي اباك في شغله ضروريه
قال : قول شو تبغي؟
قلت له:نش وتغسل ومر على دربك وزخ الديج الحمر وحطه في قفص صغيرون واربط التيس وحمله في الجيمس
سالني :شووو بتسوي عزيمه؟
قلت له : لا...بس واحد من ربعي في ازمه وابغي اساعده
رد علي : انته بت بت بتساااااعد ربيعك مااصدق قول شي غيره
قلت له : يهدي من يشاء وربك قادر على كل شي
قال لي : صبر اشوي بزقر سعووود اظن انه فوق السطح بخليه اييب الحمام ماله وعلى مااذكر ان الشيبه عنده كوت وشال من ايام ابرهه والعيوز عندها مكينه خياطه وكم خاتم ذهب ومرتعشه من ذهب الكويت مال اول بو مينه خلنا نستفيد منهن بدل يلستهن في السحاره.
سالته وانته؟
قال : انا بسوق الجيمس وبوديكم السوق.
مع تحيااتي لكم
م