دعوة للنقاش ..

[نور القمر]

السلام عليكم ورحمه الله وبركاته ..

حبيت اطرح عليكم موضوع .. واتمنى انه ما يكون انطرح عليكم من قبل وانا ما ادري .. :marsa112:
دعوة للنقاش ... الفتاة وقيادة السيارة .. :marsa159:


في مجتمعنا .. الكثير من الاسر يعارضون رغبة الفتاة في قيادة السيارة .. :marsa10:

والاسباب تعددت واختلفت .. فمنهم من يقول .. العادات والتقاليد .. ما تسمح بهالشئ ..

ومنهم من يقول انه لو اختربت عليج السيارة " ومن اولها فال سيئ " في نص الدرب ..

شو بتسوين ؟؟ .. اكيد انتي بنية وما تعرفين تصرفين في السيارة ...

وما الى ذلك .. ما ابغي اكتب .. لاني ابغي اسمع رايكم الشخصي بكل صراحة ..

هل انتوا موافقين على قيادة الفتاة للسيارة .. ولا ... لأ ؟

واذا موفقين .. كيف اقتنعتوا ؟؟

واذا مب موافقين .. ليش ؟؟

اتمنى من الكل انه يشارك .. لو بكلمة وحدة .. :marsa141:

تحياتي لكم ..

اختكم في الله ..

نور القمر..

[الفارس المخضرم]

وعليكم السلام ورحمة الله وبركاته
اول شئ يسلموووووو عالموضوع بس انطرح


المهم .....
طبعا بيعارضون لان شو حاجت البنت لسياره :marsa7:
الى اذا كانت تشتغل وما عندها حد يوصلها فهذا شى ثاني

بعدين اصلا ما في اخوان ما في ريايل يعني
وصح اذا اختربت السياره في نص الدرب وفي وقت متأخر شو بيكون موقفها :marsa89:


والسمووووووحه عالقصور :marsa7:

[نور القمر]

مشكور اخوي الفارس المخضرم .. ع المداخلة الطيبة ..

والموضوع اصلا انا نزلته وانا ما ادري اذا انطرح ولا .. لأ ..

السموووووووووووحة منكم لاني يديده ع المنتدى ..

وما اعرف نوعية المواضيع اللي انطرحت ..

تحياتي ..

نور القمر ..

[روضة]

اشكرج اختي نور على طرحج للموضوع
انا مع وضد في نفس الوقت .. مثل ما قال اخوي الفارس اذا كانت تشتغل
ومحتاجه لسياره ما في مانع بس غير عن جه لا يعني انها تتعلم اتسوق سياره بس ما تكون اسياره لها... وما تستخدمها الى في وقت الحاجه ..

[نور القمر]

مشكورة عزيزتي روضة ع التواصل والرد .. :)

تحياتي ..

نورالقمر ....

[بنت_الطــــواش]

نور القمر

مرحباا ملاييين بج اختييه..ومرحباا زود بمواضيعج
تصدقين اني حاولت اكتب رد حق الموضوع اكثر من 3 مرات..وكل مره تنصك الصفحة:marsa180: .لووول ما يباني المحمل اكتب راايي:marsa46:
المهميشن

انا مع قياده الفتاه للموتر والسبب بسيط
انها تروم تخلص مشاويرها بدون ما تعتمد ع فلان وعلان وبدون ما تتريا اخوها ومتى يتفيج لها عسب تخلص اللي تباها..وطبعا مذله على ما يرضى ياخذها المشوار
بتقولين شي دريول؟؟
إذا بتطلع مع الدريول لازم يكون معاها مرافق..يعني وحده من خواتها او امها
ومب كل مره بيتفيجون لها عسب يرافقونها

ببساطه لازم تتعتمد ع عمرها..
وبس :marsa114:

طواشووة

[نور القمر]

مشكورة اختي بنت الطواش ع التواصل والرد .. :)

نور القمر ...

[بنت آل بني ياس]

براي اذا هي محتاجه للسياره فلازم تظهر الليسن
يعني على سبيل المثال اذا كانت طالبه جامعيه وتخصصها يحتاج لبحوث ومراكض فمن الطبيعي تحتاج سياره لان الاهل شكثر بيودونها طبيعي اي يوم يكون احد فيهم مشغول وهي محتاجه تقضي مشاويرها
ونفس الشي اذا كانت موظفه فبتحتاج للسياره
يمكن البعض يقول انها تقدر تروح مع السايق بس ما ننسى ان هالسايق يحتاج لمحرم يكون معاها عسب تركب وياه يعني السالفه شويه يبالها احد يكون فاضي من محارمها اذا حصلت فمالها داعي السياره تفك راسها من الصدعه
هذا راي ويحتمل الصواب والخطأ
جزاج الله خير اختي على طرحج للموضوع الحلو هذا
اختج في الله
بنت آل بني ياس

[نور القمر]

مشكورة اختي بنت ال بني ياس .. ع التواصل ..

اسعدتني ردودكم جميعا وتفاعلكم مع الموضوع..

تحياتي ..

نور القمر ...

[بنت الشارجة]

مشكورة عالموضوع اختي...
شوفي انا بتفلسف الحين :marsa118:

اذا ضروري مثل ما قالوا الاخوان يعني يمكن تشتغل او تدرس في الجامعة او شي
وما عندها حد يوصلها فهذا شي ثاني ... وهو ايضا طبعا يعتمد على اخلاق البنت وتربيتها
..

وبعد اصلا ايا الرسول صلى الله عليه وسلم يوم كانوا الخيول والجمال وسيلة المواصلات لديهم

كانوا النساء ييركبون هذي الدواب ... وحتى يشاكون بها في الحروب ...
فهذه الدواب وسيلة للمواصلات .... والسيارة وسيلة للمواصلات ... :marsa118:

بس ايام قبل خيول وجملا واحين سيارة :marsa66:

السموحة عالفلسفة :marsa118:

[بوأحمد]

اذا الفتاة محتاجه للسياره وفي حاجه ملحه على ها الشي يعني محد عنده يوصلها من اخوانها او اقاربها فلا باس ولكن اذا لا هي تشتغل ولا هي محتاجتنها فما لا داعي لها


وجهة نضر متواضعه



وشكرا على طرح الموضوع

[نور القمر]

بنت الشارجة .. بو احمد ..

مشكورين ع المرور والتواصل .. :)

تحياتي ..

نور القمر ..

[عجيد الريم]

تسلمين اختي العزيزه على طرحج لهذي المواضيع

انا برايي ان البنت طبيعي تكون محتاجه للسياره ولليسن
اغلب الشباب بيقولون لأ اوكي مادام قلتوا لأ تحملوا عيل مشاوير خواتكم او امهاتكم
يعني كونوا تحت الطلب 24 ساعه
صدقيني هذاك الوقت محد منهم بيسوي شي ولسبب بسيط انهم مايقدرون او انهم مايتفيجون ..
والسموحه الغاليه على التطويل

اختج:حوريه

[نور القمر]

مسموحة يالغالية ..

ومشكورة ع التواصل .. :)

تحياتي..

نور القمر ...